الاثنين، 16 فبراير 2009

اول القصيدة كفر

انا مش هكلم كتير بس هسيبكو انتو اللى تكلمو
عشان انا ماليش نفس بصراحة
وبطنى بتوجعنى وعايزة اكل حوواشى
هسيب الصور تكلم
اة ياموكوس يا ابن الموكوسه شى متوقع منك
اللى كنا فاكرينو موسى طلع ابن تيييييييييييييت
عقبال مانحط الزلط والطوب على قبرك
فرحان اوى بلطاقيه بتاعه بكار اللى انتا لابسها دى
هو ده اللى فاكرينو هيعمل عمايل ويسوى الهوايل
خايفه لظنى يطلع فى محلو وحلو يا حلو
انتا واقف تاخد عزا مين
انتا عايز تعمل زى الناس ولا ايه خدلك جمب لو سمحت
من بوش لباراك اوباما يا قلبى لاتحزن
مش عايز حد بقه يطول لسانو عليا احسن اقطعهولو
ولمو الدور معايا عشان انا من ساعه الصور دة وانا مدايقة
يلا بقه عشان انا هقوم اكل فسيخ ورنجة
ووسعو بقه عشان الريحة واللى يجى يعلق يجيب معاه
بلصتين
ولبان كلورتس من ابو ربع جنيه الحلو ده واللى هيقو
كلمة متعجبنيش هطلع ريحة الفيسخ فى وشو وهقول حاحا سلاموووووز بلبلن عشان
طعمو حلو

هناك 32 تعليقًا:

*البت المشمشية *حلوة بس شقية * يقول...

Mohamed Hamdy يقول...
ماهو بصراحه الغلط من البدايه على الى توقع ان اوباما هيغير اى حاجه فى العالم العربى او الشرق الاوسط لمجرد انه اسود من اصول مسلمه !! اى رئيس امريكى يتولى السلطه فى امريكا لازم ينافق كويس اوى للوبى الصهيونى المتحكم فى الانتخابات .. هذه هى الحقيقه

02 ديسمبر, 2008 09:02 ص

*البت المشمشية *حلوة بس شقية * يقول...

البت المشمشية حلوة بس شقية يقول...
Mohamed Hamdy
قولت المفيد يا محمود

02 ديسمبر, 2008 09:12 ص

*البت المشمشية *حلوة بس شقية * يقول...

جعلوني مريض نفسيا يقول...
انا مشفتش حد كان فاكره موسي وطلع فرعون كلنا كنا عارفين ان هو فرعون من الأول تقريبا الفكرة دي كانت عندك انتي بس


انتي عايزة تاكلي حواوشي وفسيخ ورنجة مع بعض ده المودونة هتتقلب مفاعل نووي انا ههرب بسرعة بقي سلام

02 ديسمبر, 2008 09:13

*البت المشمشية *حلوة بس شقية * يقول...

mohamed ghalia يقول...
الكفر كله ملة واحده من بوش لأوباما ياقلبى لا تحزن
تحياتى
دمتى بكل الود

02 ديسمبر, 2008 09:16 ص

*البت المشمشية *حلوة بس شقية * يقول...

رئيس التحرير يقول...
المشمشيه ...
الي مش عايزين نفهمه
او فاهمينه ومكبرين دماغنا ...
انهم بيلعبوا علينا ...
وحكمانا يقلدوهم ويلعبوا علينا..
واحنا نقلدهم ونلعب علي بعض
وبعض بيلعب علي كله ...

02 ديسمبر, 2008 09:31 ص

*البت المشمشية *حلوة بس شقية * يقول...

Eng. Ahmed Abo El-Ella يقول...
قولت المفيد يامشمشيه
من بوش لأوباما ياقلبي لا تحزن
هما كده كلهم اشكال ضاله

المهم
كلي انت فسيخ والبصل علينا

02 ديسمبر, 2008 11:08 ص

*البت المشمشية *حلوة بس شقية * يقول...

البت المشمشية حلوة بس شقية يقول...
جعلوني مريض نفسيا
لا طبعا كل الناس كانت فاكرة عشان اوباما اصولو مسلمة هيعمل بقه حاجات كويسه بس طلع العكس واول القصيدة كفر

02 ديسمبر, 2008 11:56 ص

*البت المشمشية *حلوة بس شقية * يقول...

البت المشمشية حلوة بس شقية يقول...
mohamed ghalia
نورتنى






رئيس التحرير
هكذا هيا السياسة
بجد يعنى حضرتك نورتنى وياريت متكونش اخر زيارة

02 ديسمبر, 2008 11:58 ص

*البت المشمشية *حلوة بس شقية * يقول...

البت المشمشية حلوة بس شقية يقول...
Eng. Ahmed Abo El-Ella
متنساش الكلورتس وازازة بيبسى بقه عشان نهضم

02 ديسمبر, 2008 11:59 ص

*البت المشمشية *حلوة بس شقية * يقول...

A.SAMIR يقول...
اناشخصيا مش متفاءل على الاطلاق بالراجل دة
ومن اول لحظة والله قلت للي تفاءلوا قوي انهم سذج جدا
الناس دي كلها شبه بعض...وجورج زي بيل زي باراك
واحنا بالنسبة لهم اضعف واتفه من ان يهتموا بنا
تحياتي واحتراماتي

02 ديسمبر, 2008 02:41 م

*البت المشمشية *حلوة بس شقية * يقول...

قلم رصاص يقول...
انتي مش واخده بالك من حاجة

أمريكا كدولة عظمى تقوم على الفكر المؤسسي ..بحيث انه هناك خطط استارتيجية للمصالح العليا للدولة ..تنفذ نفسها عن طريق أي أشخصاص مهما كانت اتجاهاتم او ظروفهم او شكلهم اوحتى دينهم ان وصل الحال لكده يعني

بدليل انهم سمحوا بوصول أول رئيس أسود في التاريخ الأمريكي .. وكمان من أصول أفريقية .. والأدهى انه له خلفيه مسلمة باعتبار ان جده أبوه مسلمين .

ففمروض منستغربش ابدا ابدا ، لأنه المفروض والصح بجد مره واحده في حياتنا .. نفكر في نفسنا احنا..احنا كمصريين او كعرب أو كمسلمين نقدر نعمل ايه وايه..مش ننتظر أمريكا او غيرها في العالم يعمل لنا

ان الله لا يغير مابقوم حتى يغيروا ما بأنفسهم

يعني مننظرش حاجة..مفروض التحرك يكون من عندنا

ومش هكرر تاني.. أمريكا دوله عظمى تحكمها مؤسساتها وليس أشخاصها ..

وشكرا جزيلا

تقبلي مروري وابقى سبيلي فسيخه واحده بس .. لأني مليش تقل عليه .. والبصل علي انا
ههههههههههههههههههه

كل سنة وانتي طيبة يامشمشيه
وعيد سعيد عليكي

مع التحية

02 ديسمبر, 2008 04:04 م

*البت المشمشية *حلوة بس شقية * يقول...

قلم رصاص يقول...
انتي مش واخده بالك من حاجة

أمريكا كدولة عظمى تقوم على الفكر المؤسسي ..بحيث انه هناك خطط استارتيجية للمصالح العليا للدولة ..تنفذ نفسها عن طريق أي أشخصاص مهما كانت اتجاهاتم او ظروفهم او شكلهم اوحتى دينهم ان وصل الحال لكده يعني

بدليل انهم سمحوا بوصول أول رئيس أسود في التاريخ الأمريكي .. وكمان من أصول أفريقية .. والأدهى انه له خلفيه مسلمة باعتبار ان جده أبوه مسلمين .

ففمروض منستغربش ابدا ابدا ، لأنه المفروض والصح بجد مره واحده في حياتنا .. نفكر في نفسنا احنا..احنا كمصريين او كعرب أو كمسلمين نقدر نعمل ايه وايه..مش ننتظر أمريكا او غيرها في العالم يعمل لنا

ان الله لا يغير مابقوم حتى يغيروا ما بأنفسهم

يعني مننظرش حاجة..مفروض التحرك يكون من عندنا

ومش هكرر تاني.. أمريكا دوله عظمى تحكمها مؤسساتها وليس أشخاصها ..

وشكرا جزيلا

تقبلي مروري وابقى سبيلي فسيخه واحده بس .. لأني مليش تقل عليه .. والبصل علي انا
ههههههههههههههههههه

كل سنة وانتي طيبة يامشمشيه
وعيد سعيد عليكي

مع التحية

02 ديسمبر, 2008 04:04 م

*البت المشمشية *حلوة بس شقية * يقول...

انسانةعادية فى عالم مش عادى يقول...
يابنتى الحداية مش بتحدف كتاكيت كلهم ولاد تييييييييت على رايك ههههههههههه
المهم انتى بخير كل سنة وانتى طيبة

02 ديسمبر, 2008 04:26 م

*البت المشمشية *حلوة بس شقية * يقول...

البت المشمشية حلوة بس شقية يقول...
A.SAMIR
فعلا طالما فى امريكا يبقى كلو زى بعض هيعمللونا ايه يعنى




قلم رصاص
كلامك عجبنى وفهمتو شكرا ليك
وهسيبلك فسيخة واحدة كفايه عليك




انسانة عادية فى عالم مش عادى
وانتى طيبة يا قمر

02 ديسمبر, 2008 10:58 م

*البت المشمشية *حلوة بس شقية * يقول...

sy يقول...
حاجه تفرس
ريحه الفسيخ وصلت
انا همشى دلوقتى
وابقى رشى معطر جو

03 ديسمبر, 2008 03:24 ص

*البت المشمشية *حلوة بس شقية * يقول...

بنوتة يقول...
على فكرة هو لو معملش كده عمره ما كان هيمسك الحكم
أمريكا هى اسرائيل واسرائيل هى أمريكا هما وجهان لعملة واحدة
أنا شخصيا معنديش امل غير فى ربنا

03 ديسمبر, 2008 03:58 ص

*البت المشمشية *حلوة بس شقية * يقول...

kh يقول...
السلام عليكم ورحمه الله وبركاته

فى البدايه انا راجل بفهم فى الرسومات على الكمبيوتر والصور دى متركبه مش حقيقيه حتى لو فرض انها حقيقيه اكيد طبعا ده شغل السياسيين ولو جيه مصر اوباما اكيد هايروح يزور السيده زينب

ها ها اصل انا ما بحبش ازعل وكمان ما بحبش التشائم ومن الآخر كده انا ما بحبش الفسيخ ولا الرنجه

وسلااااااااااااااااام

*البت المشمشية *حلوة بس شقية * يقول...

مشمشة يقول...
romansy
اخس عليك هيا المدونة ريحتها اتقلبت اوى كدة







بنوتة
انا كمان يا حبيبتى معنديش امل غير فى ربنا
ونعمه بلله





بس انا بحب الفسيخ والرنجة

03 ديسمبر, 2008 06:12 ص

*البت المشمشية *حلوة بس شقية * يقول...

hager يقول...
اوبس
وانا اللي كنت فكراه ...
والله انا قايله من الاول اصبروا لما نشوف هيعمل ايه
خلااص بقي معدتش تفرق سينا من سونيا

03 ديسمبر, 2008 08

*البت المشمشية *حلوة بس شقية * يقول...

البت المشمشية حلوة بس شقية يقول...
hager
اة فعلا مفيش فرق سينا من سونيا نورتى يا قمر تعالى تانى

03 ديسمبر, 2008 09:28 ص

*البت المشمشية *حلوة بس شقية * يقول...

حمادة زيدان يقول...
ازيك يا قطة يا مشمشية

والله أحمد ربنا أني كنت عارف أنه أوباما مش منقذ العرب يعني وده لشوية أسباب

1/ أنه أمريكاني ويعني مش عشان اسمراني شوية هيحس بينا احنا بني العرب

2/ لأن اليهود متحكمين في كل شيء في أمريكا
3/ لو محصلش إنصاف لنفسنا مننا إحنا يبقي حتى لو أمريكا مسكها جيفارا نفسه مش هتخدمنا في حاجة

03 ديسمبر, 2008 09:39 ص

*البت المشمشية *حلوة بس شقية * يقول...

EmY يقول...
مافيش اي ايد هاتيجي من برا بعصايا سحيه ترجع القدس و تدينا الديموقراطيه و العلم و التحضر

اي تغيير لازم يكون من جوا الشعوب العربيه

اوباما مايفرقش عن بوش عن كلنتون عن كارتر عن اي حد حكم اميركا كلهم مشتركين في العمل للصالح الاسرائيلي

تحياتي

03 ديسمبر, 2008 09:39 ص

*البت المشمشية *حلوة بس شقية * يقول...

البت المشمشية حلوة بس شقية يقول...
حمادة زيدان
صح الكلام يا عم حمادة وابقى تعالى تانى تعديل بسيط بس انا مش بحب القطط عشان كدة اسمها البت
المشمشية




ايمى
والله عندك حق يبنتى لتغير لازم يبقى من جوانا

03 ديسمبر, 2008 09:45 ص

*البت المشمشية *حلوة بس شقية * يقول...

DR.HAMAS يقول...
المفروض ألا نعول كثيرا على أوباما

فمعلوم أن السياسة لن تتغير كثيرا عن سابقتها

هدفهم واحد

لكنهم يختلفون فى طريقة الأداء







د.حماس

03 ديسمبر, 2008 11:19 ص

*البت المشمشية *حلوة بس شقية * يقول...

msafa يقول...
عمنا الكبير قال:
وخلف كل قيصر يموت
قيصر جديد
...............
امل دنقل

03 ديسمبر, 2008 04:05 م

*البت المشمشية *حلوة بس شقية * يقول...

البت المشمشية حلوة بس شقية يقول...
DR.HAMAS
فعلا طريقه الاداء واحدة وهيا مصلحة اسرائيل وامريكا




msafa
الله على كلام امل دنقل

04 ديسمبر, 2008 09:04 ص

*البت المشمشية *حلوة بس شقية * يقول...

طالب ثانوى يقول...
بوست جميل جدا وانا براهن على اوباما لان كل اللى بيعملة دة مجرد استرضاء للوبى الصهيونى وجى قبلية بوش وقال القدس عاصمة اسرائيل وهينقل سفارة امريكا هنا ومحصلش حاجة طول فترتة وكذلك اوباما عموما
الايام بيننا

04 ديسمبر, 2008 12:38 م


بنت مصريه يقول...

*البت المشمشية *حلوة بس شقية * يقول...

بنت مصريه يقول...
من شابه بوس فما ظلم
لازم يعمل كده دا رئيس امريكا يا بنتى
عايزاه يعمل ايه يعنى يرجع حقوق الغلابه
يفرج على اخوه المسلم كربه من كربات الزمن الاخبر ده
دا كده ميبقاش رئيس امريكا يبقى
عمده بلدنا ههههههههههههه
مدونتك لذيذه يا بنوته

انا هقوم امشى بقى احسن ريحه الفسيخ قلبت الدنيا ههههههه
سلام يا قمر

04 ديسمبر, 2008 04:47 م

*البت المشمشية *حلوة بس شقية * يقول...

البت المشمشية حلوة بس شقية يقول...
طالب ثانوى
الايام بيننا نورت المدونة وياريت متكونش اخر مرة



بنوتة مصريه
بقه كدة للدرجدى الفسخ قلب الدنيا

05 ديسمبر, 2008 06:26 ص


Zika يقول...
انا زيك تمام مش شايف اي

*البت المشمشية *حلوة بس شقية * يقول...

Zika يقول...
انا زيك تمام مش شايف اي داعي للتفاؤل في فوز اوباما ده
مش حاسس ان هيبقي فيه فرق بينه وبين اللي قبله
مدونتك جميله
وان شاء الله تستمري وتبقي مدونه زي الفل
تحياتي
زيكا

09 ديسمبر, 2008 05:46 ص

*البت المشمشية *حلوة بس شقية * يقول...

البت المشمشية حلوة بس شقية يقول...
zika
شكرالمرورك يا زيكا انتا كمان مدونتك جميلة

10 ديسمبر, 2008 12:21 م

*البت المشمشية *حلوة بس شقية * يقول...

adel يقول...
ههههههه

يا بنتي اسمه باراك ..... ايهود من اوباما مفيش فرق كبير

و انا متوقع ان الناس اللي فاكرينه صلاح الدين القليوبي هياخده مقلب محترم فيه

يلا في 60 داهية

اول مرة اجي هنا يعني عاوز واجب تمام معايا ... اديني بقول
و بالذات لانك جديدة في التدوين زي حالاتي كده :):):)

عادل
http://elbald-dy.blogspot.com/

11 ديسمبر, 2008 03:23 ص