الجمعة، 31 يوليو، 2009

مبرووووووووك يا دودو



لو الدهب غالى بيكى الدهب مشغول


لف الهوا بالى بالى صبح مشغول


لقدرت اقول مالى وان قولت والله ما اقول


غيـــــــــــــــــــــــــــــــــــــــــــــر


ملقتش فى جمالك حد ولا حد فى جمالك جاى


ياضى فى طريقى اتمد الضى فى عيونك بان


لو القمر عالى والله القمر ما يطول


غنى فى موالى قلبى انشبك على طول


قربك بيحلالى خلى الشبك موصول


مبــــــــــــــــــــــــــــــــــــــــــــــــــــــــــــــــــــــــــــــــــــــــروك


يا دودو
نبضات قلب ولهان


يارب يتمم ليكى على خير


وعقبال الفرح عشان نخلص منك ومن دوشتك


كان نفسى ابقا معاكى عشان اعضك من ركبتك


قصدى اقرصك


واعقد العب فى الفستان وفى شعرك وابهدلك


هههههههههههه


عقبالى بقه يارب


الأربعاء، 29 يوليو، 2009

ازاى نسامح بعض


رمضان جاى

كلنا زعلانين من بعض يلا نسامح بعض


روح للى مزعلو وسلم عليه

يمكن تبقا اخر مرة تشوفو فيها وواهى تبقا عملت حاجة حلوة قبل ماتتكل على الله

ههههههههه

لاء بجد لو صحبك زعلان منك اتصل بيه وقولو ازيك رمضان جاى

عايزين نروح نصلى سوا

ومتزعلش منى

شوف اد ايه هتاخد ثواب بكدة

انا مش عايزة اطول فى البوست عشان انا عارفه انكو اتحاولتو من المدونين اللى كاتبين عن نفس الموضوع

ياريت كلنا نسامح بعض

بابا وماما انا مسمحاكو مش زعلانة منكو مؤقتا لحد رممضان مايخلص

بطوطة اختى الصغيرة سمحينى عشان كنت باكلك بلقلم على وشك وكعبلك وانتى ماشية وارخم عليكى بس انتى اساسا كنتى رخمة

اصحابى محدش يزعل سعات ببقا رخمة وعنيدة وغبية كمان

بس متزعلوش ولو زعلتو اتفلقو

هننزل نصلى سوا التراويح

ربنا انا مهما قولت مش هقدر اقول اد ايه نا ا بعصاك

سامحنى يارب

كدبت كتير زعلتك كتير بسيب الصلاة بردو كتير

بعمل حاجات غلط كتير بس عارفه ان رحمتك اكبر من كل ده

سامحنى بقه

كل المدونين اللى خضتيهم امبارح متسمحونيش لانى لازم اكمل مسيرة الرخامة عليكو

سلام وكل سنة وانتو طيبين

وبجد شكرا لكل الى شارك معانا

الثلاثاء، 28 يوليو، 2009

حملة التسامح

بكرة ان شاء الله

ان شاء الله هننزل بوست بعنوان

ازاى نسامح بعض

قبل رمضان

ياريت كلو يشارك معانا

وينزل البوست معانا بكرة

بنفس العنوان المشترك دة ازاى نسامح بعض

ونفس الصورة

عايزين نعمل حاجة قبل رمضان

لو حد مش فاهم حاجة يكلمنى علىا لميل

الأحد، 26 يوليو، 2009

اتقبض عليا ليه انا معملتش حاجة


كنت فى فلسطين وبلأخص فى المسجد الاقصى

وكان معايا ناس كتير اوى جوة

كان فيه قدام المسجد حتة كبيرةواسعة

وكلها زرع وكان فيه 3 جنود اسرائلين فى الناحية التانية الى قدامى واحنا باصين عليهم

قولت للراجل اللى معاه بندقيه فى ايدو

البندقيه دى كانت لما تشاور على الهدف بتدى ضؤ احمر

قولتلو اقتلهم قبل مايجو عندنا

انا بصراحة كنت خايفه اوى

كل لما اشوف جنود اسرائلين

اجرى استخبا تحت اى حاجة

وهبقا هموت فى جلدى خايفه اموت

وبعد كدة لما طلبت منو انو يقتلهم فعلا قتلهم واحد ورا التانى

كان بينشن عليهم بلضؤ الاحمر اللى فى المسدس وكانو بيموتو

فرحنا كلنا

عملنا كلنا فرح جوة المسجد

وكنت فرحانة بلراجل ده اوى ولما جه يحط مسدسه ظهرلى الكاب بتاع الظباط المصريين

الابيض ده اللى عليه نسر

قولتلو اايه ده انتا مصرى

قالى اة قولتلو وانا كمان هو مهتمش اوى

بس انا فرحت

واقعدت اصقف وانط

وبعد كدة قولتلو ممكن البندقيه

امسكها

قالى خوديها

ومسككتها رقصت بيها والناس كلها

عمالة ترقص معايا وبعد شوية كان فيه حارة ضيقه جمب المسجد شوفت فيها جندى اسرائيلى بردو

خوفت تانى

ليجى بلبندقيه علينا

قولت للظابط الحق اقتلو وفعلا قتلو بلبندقيه ام ضؤ احمر اللى معاه

وسبناه مرمى مكانو على الطريق فى الحارة الضيقه

وقعدت ارقص تانى زى الهبلة

بعد شوية المصيبة اللى حصلت ان فى عربيات شكلها غاليه اوى وفيه طبعا اسرائلين بس مدنين شكلهم رايحين حفلة

مشيو فى نفس االحارة اللى فيها الجندى اللى قتلناه اخر واحد والعربية وقفت قدامو

كلهم اتجننو

نزلت ست شعرها اصفر وبيضا وعنيها زرقا الله يحرقها كانت مزة

وقعت تزعق وتقول واحنا طبعا واقفين جوة الجامع

مين اللى عمل كدة حرام عليكو احنا كدة هنخلص

ليه تعملو كدة وكان معاها راجل تانى بكرش وشعرو اسود وشنب كبير اسرائيلى بردو

وواحد تانى بكميرة فديو

قال مين اللى عمل كدة

وبعد الست ام شعر اصفر راحت عربيتها

انا خفت من الراجل ده كنت حاسة انو هيطلع مسدس ويضربنا

فا من خوفى مسكت البندقيه اللى معانا ام ضؤ احمر ونشتها عليه

بس انا والله مش بعرف استخدمها انا خوفت منو بس قولت اهوشو

قام اول مامسكت البندقية قال للراجل اللى معاه ابو فديو صورها عايزة تقتلنا

المسلمة الارهابية وشتمنى ابن الكلب ده واول ما قال كدة رميت البندقيه من ايدى اكنها تهمة

قولتلو

لاء والله

انا مش بعرف اقتل مش انا اللى قتلتو والله العظيم صدقنى انا مش بعرف اقتل اقتلو ليه

بعد دقيقه جه واد مز بردو وطويل

وابيض اوى ولاد الكلب دول مش بيقفو فى الشمس ولا ايه

جبنى من افايا وبقيت انا المتهمة بقتل الجندى الاسرائيلى

قالى تعالى عشان هيحاكموكى

قولتلو والله انا مقتلتوش

المهم قلت للناس اللىمعايا هما كدة هيعدمونى قلولى لاء مش هيعملولك حاجة متخفيش

طلعت كل حاجة فى جيبى ادتهلهم

كان معايا بطاقتى وكروت بتاعه محلات كدة بس مش عارفه هيا ايه

قولتلهم خليها معاكو ومشيت مع الواد المز

قولتلو هو انا ممكن اكلمك بصراحة قالى ايه

قولتلو والله العظيم وكتاب الله ماقتلتو صدقنى بلله عليك

عارف البنت الحلوة اللى جت من شوية انا قولتلها كدة وصدقتنى

قالى ليه عملتوكدة احناكدة هنخلص

قلتلو منتو بتقتلو فينا كل يوم كتير وعادى

قالى انتو بتخلفو كتير

لاكن احنا هنخلص حرام عليكو

قلتلو والله العظيم انا مش بعرف اقتل انا مقدرش اقتلو

انتا فعلا عندكو حق انتو كدة هتخلصو قالى على فكرة المزة ام شعر اصفر دى خطبتى

قولتلو والله

دى امورة اوى عرفت تنقى

هو انتو هتعملو فياايه بقه

اقف جمبى

انا مش بعرف اقتل

قولهم كدة فى المحكمة

انا عايزة ارجع مصر والله

وهفهمهم هناك انكو ملكوش ذنب فى اى حاجة ومش هنقتلكو عشان متخلصوش

ورحنا المحكمة وفضلت اقول انا مقتلتوش

وكان جوايا خوف كبير منهم

بس لسة متحكمش عليا

**************************************

اللى بقولو ده حلم لسه حلماه انهاردة

واقول ماصحيت من النوم قولت اجى احكيه ليكم

انا مش عارفه انا كنت جبانة كدة ليه فى الحلم

انا كنت خايفه اموت اوى

انا كنت خايفه منهم اوى

مش مشاعرى لما كنت فى مصر معاهم وانى ممكن اروح افجر نفسى واقلب الدنيا

هوانا جبانة اوى كدة انا مش مصدقة نفسى

ومستغربة

انا جبانة

انا جبـــــــــــــــــــــــــــــــــــــــــــانة

بجد محدش يتريق عليا

الخميس، 16 يوليو، 2009

السبت، 11 يوليو، 2009

صبايا والشذوذ الجنس

تحديث
***************
http://arabic.cnn.com/2009/middle_east/7/12/blog.12july/index.html
السى ان ان الشرق الاوسط كتبت عن البوست بتاعى
شكرا لمحمد مدونة دماغى لولاه مكنتش هعرف ان حد كتب عنى فى التاريخ ها ها ها


ازيكو



عاملين ايه اناكويسةالحمد لله اطمنو



وشكرا لكل الناس اللى بتسال عليا دايما



***************************



انهاردة هكلم عن الحلقه اللى استضافت فيه ريهام سعيد مذيعه برنامج صبايا على قناة المحور


بنات شواذ جنسيا


اولا هكلم عن مضمون الحلقه


ان ريهام اتكلمت مع البنات


اللى طبعا شكلهم متاجرين من شارع الهرم ب200 جنيه عشان يقولو الكلام ده


لان مفيش بنت مهما كانت منحرفة


انها تطلع ع التلفزيون


وتقول انا بعمل سيكو سيكو مع بنت خالتى


ليه يعنى


اهلهم مش هيعرفو صوتهم


شكلهم للدرجادى مش واضح


طبعا كل ده تخاريف


انا مقتنعتش بلحلقة


وكنت مكسوفة جدا


وهيا شغالة


عشان ماما كانت موجودة وطلبت منها انها تغير القناة


بس بعد كدة شوفتها لوحدى




ههههههههههههههه


بس عشان اعرف والله ازاى بنتين بنات خالة يطلعو يقولو احنا شواذ جنسيا


وبنسمتع بكدة مع بعض


ازاى يعنى


ازاى قناة زى المحور


ومذيعه مصرية مسلمة زى دى


تعمل حلقة عن الشواذ


مفيش مانع انك تعملى حلقه عشان توعى الناس


مش حلقة تجيبى بنات يقولو احنا كنا بنعمل ايه مع بعض


وعلاقاتهم بلرجالة وبلتفاصيل


لاء وايه


ريهام تقول البنات كانو محجبات


وقلعتهم الطرح عشان كدة بيسئو للاسلام


لاء يا هانم


الاسلام عمرو مكان طرحة


اة طبعا


الحجاب امر من ربنا بس مش معنا كدة تقلعيهم الطرحة


وبعدين اللى ربنا سترو انتى متفضحوش


وبعدين كنتى ممكن تكلمى بـأسلوب كويس عن الموضوع


عن الاضرار وتجيبى شيخ يكلم فى الدين


يعنى ايه الكلام ده


زى مابتلاقى فيلم


من اولو بوس واحضان وقلة ادب وكلام اباحى


وفى اخر خمس دقايق من الفيلم قال ايه بقه يقولك ان كدة غلطوالبطل بقه ربنا هداه فى اخر خمس دقايق


ما المشكلة ان الشباب والاطفال مش بيتعلمو من ده


بلعكس


دول بيقلدو


اة والله


وبيتعلمو كلام اباحى جديد


وقلة ادب على اللى عندهم


وبيثيرهم ويكتر من شهوتهم


ايه القرف اللى بقينا فيه دده


كنا بنقول ان البرامج بقت الحاجاة والوحيدة اللى بعيد عن الاباحية وقلة الادب


وكان الواحد مش بيتكسف وهو بيتفرج لاكن دلوقتى


بقت البرامج بيكتبو عليها للكبار فقط


يا دى الهباب والزوفت والاطران


نلغى التلفزيونات


بقيت اخاف اتفرج ع التلفزيون وحد معايا


لكلمة تتقال ولا مشهد نشوفو


يسبب احراج للى موجودين معايا


انا مش بقتنع بلبرنامج


اللى قال ايه بيعرض المشكلة عشان الناس تاخد بالها


بكلام يتقال يجرح المشاهد ممكن تعرضى موضوعك


لان لحد دلوقتى فيه ناس كتير اوى متعرفش ان فيه شذوذ جنسى ولا تعرف يعنى ايه معناه


لما تجيبى بنات


تقول احنا بنام مع بعض


وبنعمل سيكو سيكو


وبنشوف كذا عن النت وبنعمل ونسوى


لو واحد مش فاهم هيجرب ويعمل


وتبقى انتى بوظتى الدنيا اكتر من انك تصلحى


اسلوبك رخيص بصراحة للحصول ع الشهرة


او انك تعملى فيها مذيعه جامدة


وبتعمل مواضيع جريئة


كنتى بتعجبينى فى الاؤل


بس كلمة حق تتقال الحالات الانسانية الى بتعرضيها بجد


عشان تلمى للناس دى فلوس عشان مرضهم


يغفرلك كل الحاجات دى


*************************


ههههه


انا جد اوى فى البوست ده محدش يتعود منى على كدة اة انا بقولكو اهو


انا مش كدة خالص


حد معاه جنيه