السبت، 11 يوليو، 2009

صبايا والشذوذ الجنس

تحديث
***************
http://arabic.cnn.com/2009/middle_east/7/12/blog.12july/index.html
السى ان ان الشرق الاوسط كتبت عن البوست بتاعى
شكرا لمحمد مدونة دماغى لولاه مكنتش هعرف ان حد كتب عنى فى التاريخ ها ها ها


ازيكو



عاملين ايه اناكويسةالحمد لله اطمنو



وشكرا لكل الناس اللى بتسال عليا دايما



***************************



انهاردة هكلم عن الحلقه اللى استضافت فيه ريهام سعيد مذيعه برنامج صبايا على قناة المحور


بنات شواذ جنسيا


اولا هكلم عن مضمون الحلقه


ان ريهام اتكلمت مع البنات


اللى طبعا شكلهم متاجرين من شارع الهرم ب200 جنيه عشان يقولو الكلام ده


لان مفيش بنت مهما كانت منحرفة


انها تطلع ع التلفزيون


وتقول انا بعمل سيكو سيكو مع بنت خالتى


ليه يعنى


اهلهم مش هيعرفو صوتهم


شكلهم للدرجادى مش واضح


طبعا كل ده تخاريف


انا مقتنعتش بلحلقة


وكنت مكسوفة جدا


وهيا شغالة


عشان ماما كانت موجودة وطلبت منها انها تغير القناة


بس بعد كدة شوفتها لوحدى




ههههههههههههههه


بس عشان اعرف والله ازاى بنتين بنات خالة يطلعو يقولو احنا شواذ جنسيا


وبنسمتع بكدة مع بعض


ازاى يعنى


ازاى قناة زى المحور


ومذيعه مصرية مسلمة زى دى


تعمل حلقة عن الشواذ


مفيش مانع انك تعملى حلقه عشان توعى الناس


مش حلقة تجيبى بنات يقولو احنا كنا بنعمل ايه مع بعض


وعلاقاتهم بلرجالة وبلتفاصيل


لاء وايه


ريهام تقول البنات كانو محجبات


وقلعتهم الطرح عشان كدة بيسئو للاسلام


لاء يا هانم


الاسلام عمرو مكان طرحة


اة طبعا


الحجاب امر من ربنا بس مش معنا كدة تقلعيهم الطرحة


وبعدين اللى ربنا سترو انتى متفضحوش


وبعدين كنتى ممكن تكلمى بـأسلوب كويس عن الموضوع


عن الاضرار وتجيبى شيخ يكلم فى الدين


يعنى ايه الكلام ده


زى مابتلاقى فيلم


من اولو بوس واحضان وقلة ادب وكلام اباحى


وفى اخر خمس دقايق من الفيلم قال ايه بقه يقولك ان كدة غلطوالبطل بقه ربنا هداه فى اخر خمس دقايق


ما المشكلة ان الشباب والاطفال مش بيتعلمو من ده


بلعكس


دول بيقلدو


اة والله


وبيتعلمو كلام اباحى جديد


وقلة ادب على اللى عندهم


وبيثيرهم ويكتر من شهوتهم


ايه القرف اللى بقينا فيه دده


كنا بنقول ان البرامج بقت الحاجاة والوحيدة اللى بعيد عن الاباحية وقلة الادب


وكان الواحد مش بيتكسف وهو بيتفرج لاكن دلوقتى


بقت البرامج بيكتبو عليها للكبار فقط


يا دى الهباب والزوفت والاطران


نلغى التلفزيونات


بقيت اخاف اتفرج ع التلفزيون وحد معايا


لكلمة تتقال ولا مشهد نشوفو


يسبب احراج للى موجودين معايا


انا مش بقتنع بلبرنامج


اللى قال ايه بيعرض المشكلة عشان الناس تاخد بالها


بكلام يتقال يجرح المشاهد ممكن تعرضى موضوعك


لان لحد دلوقتى فيه ناس كتير اوى متعرفش ان فيه شذوذ جنسى ولا تعرف يعنى ايه معناه


لما تجيبى بنات


تقول احنا بنام مع بعض


وبنعمل سيكو سيكو


وبنشوف كذا عن النت وبنعمل ونسوى


لو واحد مش فاهم هيجرب ويعمل


وتبقى انتى بوظتى الدنيا اكتر من انك تصلحى


اسلوبك رخيص بصراحة للحصول ع الشهرة


او انك تعملى فيها مذيعه جامدة


وبتعمل مواضيع جريئة


كنتى بتعجبينى فى الاؤل


بس كلمة حق تتقال الحالات الانسانية الى بتعرضيها بجد


عشان تلمى للناس دى فلوس عشان مرضهم


يغفرلك كل الحاجات دى


*************************


ههههه


انا جد اوى فى البوست ده محدش يتعود منى على كدة اة انا بقولكو اهو


انا مش كدة خالص


حد معاه جنيه

هناك 73 تعليقًا:

akeed يقول...

اول تعليق

akeed يقول...

انا مش لاقى كلام اوصف بيه حقارة القناة جية ولا حقارة المذيعة ديه ولاكن هاقول انها من لامات القيامه المذيعة بتتكلم عن الشذوذ بكل بساطه وطبعا عدد كبير من البنات حاولو يجربو الله سمعوه ده برنامج هادف لدمار البنات وليس لتوعيه .

تحياتى وتقديرى

الشاعر الحزين يقول...

يااااااااااااااااه
وأخيرا رجعت وهعق على مدونة مشمشه الشقيه

شفتى بقى أنا كنت غايب من زمان قوى وأنتى مسألتيش
بس هسامحك عشان اموضوع الجامد اللى انتى منزلاه ده

أنا طبعا بتفق معاكى أولا وأخرا
بالرغم من انى بصراحه رفضت أصلا انى أشوف الحلقه دى

عموما حمدا لله على سلامتى

والله يسمك

ومنتظرك بقى تنورينى ماشى ؟؟؟؟؟

سلام بقى

شلاطة يقول...

انا مشفتش الحلقة
ومش بتفرج على البرنامج دا اساسا
بس البت دي فكرتني بهالة سرحان
نفس القصة

واصلا المشكلة مش في القضيه
لأ
فعلا في طريقة طرح القضية
عندك دكتورة زي هبة قطب مثلا
عملت حلقات قبل كده عن الموضوع دا
عند الذكور والاناث
بس بصراحة الحلقة كانت مفيدة جدا
وكانت كويسه
والواحد طلع منها بفايدة فعلا
اولا لانها دكتورة ودا تخصصها
وثانيا لانها بتجيب دكتور معاها يتكلم
وبتعرض رأي الدين

تقبلي مروري

مامة مازن يقول...

ماشى ابعتلك الجنيه بس دا انتى قنوعة قوى جنيه واحد دا يدوبك تمن واحد دوريتوس طب والحلو بقى هههههههههههه
انا لا احترم ابدا البرامج اللى من النوعية دى ابدا ابدا ابدا

Hesham يقول...

وايه الغريب فى كده ياصديقتى هو دا حاجة غريبه ماهى فيه مذيعه بتاعه روتانا مش فاكر اسمها سامحينى عملت برنامج عن العاهرات واخرى عملت برنامج عن الأفلام الأباحيه ( مش اباحة افلامنا بس ) لا افلام البورنوا ايضا شوفى ياصدقتى الصغيره ( اللى اختشوا ماتوا ) من زماااااااااان اوى قالوا هذا المثل
اسف فعلا على الأخلاق ولكن صدقينى البركة فى الأجيال الجديده امثالك الاجيال الواعيه التى ستغير وجه مصر ان شاء الله الى الاحسن

ستيته حسب الله الحمش يقول...

اولا اقول سلامو عليكم يا قوم
ثانيا ياريت اللي مشفش الحلقة ميشتمش لله في لله لأني شفتها وعليه بعلق

ثالثا البت المذيعة معملتش اي حاجة يا مشمشية
هي جابت لك صدمة؟ طب ما ده طبيعي الموضوع صادم .. انا برضه جالي صدمة وحمدت ربنا اني اتفرجت عليه بعد ما العيال نامت

لكن هي اتكلمت بشكل وحش؟ او هي قليلة الحياء زي المقرفة هالة سرحان؟ والا سألت واتكلمت علشان تصحي الناس؟

من وجهة نظري الشخصية سمي الإعلام إعلام علشان يعرفنا البلاوي اللي لا نحب نعرفها بشكل شخصي وعلشان نحلل الأسباب ونتقي مثل هذه البلاوي

البنات اللي في البرنامج ولا فارق معاهم أهل اصلا كل واحدة منهن فقدت عذريتها في علاقات غير مشروعة

اشكالهم عار وبيئة ومعفن

المذيعة نفسها قالت دول معندهمش مرض نفسي دي سفالة .. وهي فعلا محض سفالة

طيب احنا استفدنا ايه من الحلقة دي

اولا الأهل في البيتين في البلالا ولا ليهم في عيالهم ولا بيعملوا ايه ولا بيروحوا فين

ثانيا البنتين عند سؤالهم عن الحجاب واحدة قالت مش فارق معايا بس اتعودت عليه والتانية قالت البيئة المحيطة هي اللي بتفرضه علينا .. يعني عادة وليس عبادة

ثالثا وبصراحة يا جماعة دريم تو والمحور من انضج القنوات الخاصة المصرية ومعاهم "الى حد ما" الحياة وأو تي في .. ليه نقول قناه زفت ومذيعة زفت؟؟؟؟؟؟؟؟؟؟؟؟؟؟؟؟


اما ياقوم عن ان المذيعة بتثقف الفتيات .. آسفة جدا .. البنات والشباب الكمبيوتر اداهم كل الثقافات المطروحة .. واللي عاوز يجرب شذوذ ها يكون جرب قبله مشي في الشوارع مع شباب وقصص عائلات مفككة وقلة تربية ولن يكون برنامج مسئول عن فساد الشعوب


سوري يا مشمشة عن طول التعليق وارجو ان اختلافنا في الرأي لا يفسد للود قضية

تحياتي

ستيته حسب الله الحمش يقول...

معلش بما انك طالبة جنيه واحد بس فارجع اعلق بشلن كمان

اللي يحرم ولاده من متعة الحوار معاه

اللي يحرم ولاده من انهم يسألوه أي سؤال ويجاوبهم بشكل علمي من غير ما يتوه الموضوع بحجة انهم ها ينسوه

اللي يحترم عقلية عياله وشخصيتهم سواء كان غني او فقير

اللي يدي عياله شوية حنان وحب ويبص في عيونهم وهو بيكلمهم

اللي يصحي ضمير عياله وان ضميرهم هو الرقيب الأصلي عليهم مش ضربه أو زغرة عينه او تهديده

ميقولش ان شيء يقدر يسحبهم من بين ايده للبلاوي دي أو غيرها

الدنيا اللي فتحت ابوابها على الضرفتين عاوزة ناس صاحية مش ناس مغيبة

ودمتم
خدي بوسة بقى
ممممممممممممممممممؤ

أحــوال الهـوي يقول...

من طرحك للموضوع و قبل التعليق ذهب علي اليو تيوب و شاهدت الحلقه حتي يكون ردي من الواقع و ليس من انطباعاتك الشخصيه
1- اعتقد ان الفبركه غير موجوده بالحلقه بنسبه كبيرة
2- مستوي البنتين و ضيع جدا
3- ليسوا من معتادي الشذوذ بمعني انهن جنسيا يتقبلن الجنس الاخر و ما لجا اليه ناتج من ظروف عديدة
4-اخاقيا صفر
5- المذيعة تحاول ايجاد الاثارة اللفظيه و الايحائيه من اجل الفرقعه الاعلاميه و ليست للوعظ
مثلها مثل هاله سرحان بدرجه اقل ان الله لا يحب الذين يحبون ان تشيع الفاحشه و هم كذلك
اطلت و لدي الكثير لاقوله

تحياتي

Love-Guru يقول...

كنت احب اشوف البرنامج قبل ان اعلق. ياريت ننشري اي لنك للحلقة.

انا مع المناقشة الموضوعية لاي مشكلة اجتماعية و ضد سياسة دفن الرؤس بالرمال تحت دواعي الاخلاق و العيب و غيره. و مشكلة المثلية او الشذوذ الجنسي بين البنات موجودة و منتشرة في المنطقة العربية كلها و خاصة في المجتمعات التي تنتشر فيها نسبة العنوسة و القيود علي الاختلاط بين الجنسين. و سبق للعديد من الاعلاميين التصدي لها من خلال الفضائيات. و لا اعلم ان كانت الحلقة قد تناولت انتشار تجارة لعب الجنس او السيكس تويز ام لأ و لكنها ايضا مشكلة مرتبطة بالمشكلة الاولي. و وضع قيود علي مناقشة المشكلة لن يمنع انتشارها. اذن المهم هو موضوعية التناول.

بنجاواتى يقول...

السلام عليكم

انا شايف ان الموضوع فيه سلبية واحدة وهى ان الشاب او الفتاة لما بيشوف المنحرفين دول بيأنس بيهم ويحس ان الجرم اللى بيعملوه مش كبير اوى

لكن اظهار المشاكل دى شئ كويس ما دام فى اطار محترم خصوصا انه فيه توعيه للاباء انهم ياخدوا بالهم من ولادهم شوية

طيب يعنى نتفرج علشان نعرف ولا ما نتفرجش علشان ما ما نحسش ان الفواحش دى قريبة ومألوفة ؟؟؟

بصراحة انا شايف ان التأثير السلبى اكبر من الايجابى وان كان على توعية الاباء فده شئ ممكن يتعلمه الاباء من خلال الكتب او المطالعة فى النت او خلافه

دى وجهة نظرى
تحياتى

MǿиY El-Shreef يقول...

سبوبه يا شيمو هيعملوا ايه يعني

لازم تتفتح ع البحري وبعدين شكلهم وااااضح الاعمى هيعرف هما مين

وبعدين الست ريهام بقت مستفزززززه قلعتهم الحجاب عشان الاسلام امال هي الي بتعملوا ده ايه يالهوي ع الاستحبس الي بياجيلي منها

انا يابنتي ببقى مش عارفه اتغدى مع ابويا عشان الاعلانات والحجات الي بتيجي ف التلفزيون

عالم دماغها بايظه ف مصر اصلا حكايه الشذوذ دي ماكنتش منتشره والله وناس قليله اوي تعرف عنها

بس احنا لازم نوعي الناس بردوا مانبقاش اعلام فكيك :S

عالم بارده

romansy يقول...

اخبط هنا ايه بس

دا احنا على كده هنخبط فى كل حاجه


ربنا يسترها

adel يقول...

ههههههههههه

جد قوي
وسيكو سيكو

ههههههههههه


الست دي طول عمرها هبلة و مش مذيعة و عاوزة تعمل اسم علي الفاضي

و هي دي مصر و هما متاجرين فعلا

وتجيب شيخ و تبوظ الحلقة

هي نفسها في برنامج اباخي

شكلها متعقدة اصلا او هي نفسها سيكو سيكو

nody يقول...

انا من الاساس ما بستضرفش ريهام دى ولا بطقها
اسلوبها مستفز ومذيعه فاشله جدا والبرنامج بتاعها اكتر من غبى
فاريحى نفسك وما تتفرجيش عليها

ومين قال ان الشواذ منحرفين؟
هما مرضى

قلم رصاص يقول...

اسمحيلي اقول لك حاجة واحدة بس

زي ما انتي عيبتي على المذيعه انها عملت الحلقه وعملت الموضوع ده واستخدمت الفاظ خدشت حياء المشاهدين وانتي واحدة منهم


كان يجب عليكي انتي كمان متجيش تكحليها تعميها كده .. اه انتي عرضتي البوست بشكل محترم جدا عشان توعي الاخرين من امثال البرامج للي انتي شوفتيه .. بس كان يجب عليكي متحطيش عنوان يشد انتباه الاخرين اوي كده ويخضهم .. مااحنا كده كده هنقرا الموضوع .. فانتي مش محتاجة تحطي عنوان يخض عشان نيجي نقرا من شدة انتباهنا

انا لي مأخذ واحد بس على البوست وهو العنوان فقط زائد بعض الألفاظ اللي جوا الموضوع.

اما بقى عن الموضوع نفسه اللي تناولته المذيعه الغير جدعه دي ، فنا لي وجهة نظر ومش عمري هغيرها وده مش تقوقع مني في بؤرة افكاري ولكن ده نابع من اقتناعي بما اعتقده

وجهة نظري انه الايجابي موجود والسلبي موجود في كل المجتمعات ومنها مجتمعنا . لكن هناك البعض اصحاب نظرية تتلخص في انه يجب تسليط الضوء على السلبيات كي نوعي منها الناس....... وللأسف هذه النظرية جانبها الصواب واصابها الفشل الذريع ، ففي الغالب عندما نسلط الضوء على السلبيات كي ننصح بتجنبها نجد انفسنا امام ترسيخ لهذه السلبيات عند الاخرين ..بل ونجد انفسنا احيانا اما اعلام اخرين بهذه السلبيات التي لم يكونوا يعلمون عنها شيئا ، وتحول الاعلام من اعلام الى اعلااااااااااان!

انا بقى وجهة نظري مختلفه تماما عن اصحاب هذا المممشى ، فانا اتصور انه من الأصح ان نسلط الضوء ونركز على الايجابيات كي ننصح الاخرين بتقليدها وحذو حذوها

حتى انه ان لم نفشل في اقناع الاخر بها فعلى الاقل لن نكون سببا في اكتسابه سلبيات كنا نحذره منها حسب ماذهب اليه اصحاب النظرية الاولى

احييكي على الموضوع وان كنت مازلت متحفظا على العنوان

وشكرا

مواطن مصري يقول...

اول زيارة هو اساسا فية حد بيتفرج على البرنامج الفاشل دة



هههه شكلها هتحصل هالة سرحان على دبي

بدراوى يقول...

من الممكن مناقشة جميع القضايا دون اثارة
و لكن هذا هدف الإعلام التناول المثير و السخن للقضايا
دون مراعاة للقيم و لا للحياء
ربنا يرحمنا جميعاً
من امثالها

Soma يقول...

السلام عليكم
وحشتيني يا شوشو جدااااا

اما عن الموضوع ده فهو بقي مستهلك قوي من كتر الكلام فيه, ومع غياب الرقابه وسوء التربيه بقي موجود فعلا موضوع الشذوذ بين القرايب ده ومن سن صغير جدا.
بس المشكله انهم يقولو ده في التلفزيون كانه عادي
المشكله ان يطلع فيديو كليب قصته بنتين شواذ واحده فيهم متجوزه وجوزها يقفشها نايمه مع صاحبتها في الكليب
المشكله ان يبقي فيه فيلم اباحي لطفل عمره 3 سنين مع امه او واحده ست يعني ولحد النهارده انا مش مستوعبه
المشكله لما بنت يكون عندها 11 سنه تشوف وتسمع كل ده وتجرب مع صاحبتها

في اجيال بتدمر
ازاي نحافظ عليهم ونوعيهم والدين بقي ماده ليس لها اهميه في التعليم

اسفه للتطويل

تحياتي

أحمد الحيدر يقول...

صباح الخير ...

ممكن تكون الحلقة مفبركة .. كعادة إعلامنا العربي ..

لكن هذا لا ينفي وجود الظاهرة المقززة بكل أسف وبشكل قد يكون أكبر مما نتصور في عالمنا العربي .. تماما كظاهرة الرجال المتأنثين ..

تحياتي .. :)

Soul.o0o.Whisper يقول...

السلام عليكم و رحمة الله و بركاته

هلا مشمشة

عارفة يا مشمشة فعلا برامج زى دى للاسم بيتجملوا بالمسميات

يقولك للتوعية و هى للدمار و اتلاف العقول

بس الرك بردوا على المشاهد يعنى المفروض يكون فى نوع من الرقابة الاسرية و نوع من الحوار بين الاب و الام و الاولاد عشان يعرفوا الصح من الغلط

لكن للاسف الاب و الام بيسيبوا ولادهم كدا و يقولولك لا احنا واثقين فيهم

واثق فى مين يا عم الحاج
دا انت يادوب عارف انهم ولادك بالعافية

بجد ربنا يعفو عنا و يسترنا


موضوع رائع يا مشمشة و حمدلله على سلامتك

كاتب مصري يقول...

ولا مؤاخذة البرنامج ده كده يبقى اسمه صبايا نحو الاباحية ..ربنا يعافينا العالم اتجنت ولا ايه على رأيك البنات دول متأجرين طبعا حسنا الله ونعم الوكييل وصلت الوقاحة لهنا ربنا يسترنا يارب ايه ده مش فاهم مش عارف أستوعب الموضوع مش عاوز يدخل في بالي يعني أكون انا بنت ومنحلة وحالتي بلا ماشي بس مطلعش اجاهر بالمعصية كده ومش أي معصية دي بلوا مسيحة كارثة .. لو الكلام ده صحيح " وإذا أردنا أن نهلك قرية أمرنا مترفيها ففسقوا فيها فحق عليها القول فدمرناها تدميرا " يا جدعان هنروح في داهية والله ومجاهرة بالمعصية على الفضائيات كمان وال قلعتهم الطرحة وطلعتهم تجرسهم ع التلفزيون طيب يا ولية يا مجنونة انت مين قالك ان من حقك تقلعيهم الطرح مين قال كده حتى ولو كان ايه الرسول قال فيما معناه انه لو شفت أخوك بيزني في الطريق لو لم تجد ما تفعله الا انك تستر عليه وتستره فلتفعل وتستره إن الله ستير يحب الستيرين مش من حقها تقعلهم الطرح هيا مش مفتية ولا شيخة دي بنت ستين بتاع يالهوي ايه ده بس يعني هما بنات عاوزين الحرق ده متفقين عليه لكن تتصرف من دماغها وادارة القناة توافق دي حاجة مبقتش تتحمل بصراحة ايه الناس دي وايه العالم المنحلة الوضيعة دي دي مش بتعرض المشكلة دي بترغب فيها بشكل غير مباشر .. حسبنا الله ونعم الوكيب
معلش لو طولت
سؤال بأه شفتيها تاني ليه يا اروبة انتي يا شقية هههههههههههههههههههههه بهزر طبعا
دمتي بخير
سلام عليكم

طوبة ذهب وطوبة فضة يقول...

ان لم تستحى فافعل ما شئت وهو دا اللى بقى المجتمع والدنيا كلها فيه بس انا مش معاكى ان الفلوس اللى بتجمعها تشفع لها لان دا واجب عليه ودا دورها كانسانه فى مكان ممكن يكون وسيله لعمل كويس دا ما يمنعش ابدا تقدم معلومه نضيفه واسلوب محترم يفيد ما يضرش ويبنى ما يهدمش بجد كفايه عليهم اوى كدا مش ناقصين امراض وعلل اكتر من اللى فى المجتمع بس بجد موضوع كويس برافو عليكى انك اتكلمت فيه

كلام فارغ اوى يقول...

بصي انا رايي في الموضوع ده انها عاوزة تعمل ضجه اعلاميه وخلاص
زي ما قبلها هاله سرحان عملت بس كانت في الاخر حصلها ايه؟
المشكله فعلا في قناه المحور اللى اخدت الموضوع عادى وبتعتبره توعيه
ميعرفوش ان ممكن يكون فيه اطفال يسمعوا ومش فاهمين يقواموا يجربوا
حاجه تقرف
وبعدين مش موضوع هادف يعنى تتكلم عنو يعنى
تقبلي مروري واحب اشوفك عندى

بسنت صلاح الدين يقول...

ازيك يا قمر،انا عاوزه اقولك ان موضوع الشذوذ ده بقى منتشر جدا،كان لازم انه يتناقش بس بطريقه مختلفه و غير مستفزهنبس لازم حد يتكلم فيه مش زى ماتعودنا اننا نخبى راسنا فى الرمل زى النعامه،افلام كتير ناقشت الشذوذ بالصوره ،كان واجب ان البرامج الهادفه تناقش المشكله دى اللى الناس عامله نفسها مش واخده بالها منها و كانها مش موجوده بس للأسف بقى موجوده كتيييير جدا بين البنات والولادنيمكن بس غلطه ريهام انها ناقشتها بصراحه و مكانش فى داعى ان البنات توصف اللى بيحصل او بيجيبوا معلومات منين

ديالا يقول...

انا عمري مااقتنعت بيها اصلا كمذيع بتتسهوك كده وبتغظني

وبعدين شذوذ ايه بجد بلاش قرف

صدقيني هما الي فتحوا عنين الناس يعني ايه الحاجات دي

بس لازم يعملوا فيها ابو العريف ويبوظوا الدنيا بجد ربنا يسامحهم

أحمـــــــــــــد أبو العلا يقول...

يابنتي انتي ايه حكاية الفلوس اللي بتلميها ديه كل مره
مره ربع جنيه ودلوقتي جنيه
ده لم تبرعات على حس ايه يعني؟

حمدلله على السلامه ياستي

بصي الحلقات ديه والأفلام اللي بنثير الموضوع ده بحجة انهم بيناقشوا القضايا, ديه موضه كذابه.

الهدف من الأول والآخر هوا الفلوس, الفلوس وبس
اعلانات, نسبة مشاهده , تذاكر

والشماعه بأه اننا بناقش قضايا المجتمع

بس الناس بيضحك عليها بمزاجها

متغبيش عننا تاني

غير معرف يقول...

أعتقد المشكلة في بلدنا و الوطن العربي كلله الهروب من الحقيقةو عدم مواجهتها و التظاهر أنها مش موجودة و مثال لكدة أنك قولتي لوالدتك تغير القناة لكن في قرارة نفس كنتي عاوزة تكملي البرنامج و قد كان كذلك الشذوذ موجود بكثرة في العالم العربي لكن بننفي وجودة و أسبابة لكن طرق المعالجة كالآتي
1 - الاعتراف بالمشكلة
2 - تحديد أسبابها
3 - معالجة الأسباب
تتحل المشكلة!!!

micheal يقول...

مشفتش الحلقة بس متخيلها أنها قريبة جدا من حلقة هالة سرحان الشهيرة من خلال كلامك
عامة أنا مش ضد مناقشة الموضوع إطلاقا بس مهم جدا أعرف أنتقي الاسلوب الأمثل لطرحه ومناقشته
تحياتي يا مشمشة

غير معرف يقول...

غير معرف غير معرف يقول...

أين ذهب هذا المبلغ الضخم وهو " 130 مليار دولار" ؟.....؟

فى حديثه بقناة الجزيرة فى سبتمبر 2004 قال الأستاذ محمد حسنين هيكل أنه خلال الثلاثين سنة الأخيرة حصلت مصر على 150 مليار دولارعلى شكل منح وقروض وهبات .. صرف منها حوالى 12 مليار دولارعلى مشاريع البنية الأساسية وستة مليارات دولارعلى مشروع مترو الأنفاق .. ومصيرالمبلغ الباقى غير واضح !!!! أين ذهب هذا المبلغ الضخم وهو " 130 مليار دولار" ؟.....؟

و مزيدا من التفاصل توجد فى مقالات ثقافة الهزيمة فى هذا الرابط:

www.ouregypt.us

Mohamed Hamdy يقول...

اتنشر عنك هنا

http://arabic.cnn.com/2009/middle_east/7/12/blog.12july/index.html

ابقى زورينى بقا

zidane يقول...

أنا معاكي جدا في كل اللي قلتيه

أنا متابع ريهام سعيد دي كويس جدا

معظم كلامها في المواضيع الهابطة دي

حتى لما بتستضيف مدمنين بتكلمهم عن الجنس وأيه أخباره معاهم

المشكله كمان أنها بتعملنا أنها الانسانة المثالية

أنا مش بقول عليها كلام سيء بس هيا فعلا حد مينفعش يتكلم عن المثالية

وأنا ومش زعلان أني بقول كدة.. أنا بكرهها في الله

*البت المشمشية *حلوة بس شقية * يقول...

akeed
مبروك اول تعليق

*البت المشمشية *حلوة بس شقية * يقول...

akeed
انا فعلا حسيت ان البرنامج
مضر اكتر ماهو مفيد

*البت المشمشية *حلوة بس شقية * يقول...

الشاعر الحزين
حمد لله على سلامتك انتا كمان
انا كمان مكنتش اعرف انك غايب
لانى بقالى فترة فعلا مشموجودة

*البت المشمشية *حلوة بس شقية * يقول...

شلاطة
هيا فععلا الحلقة
تعبتر كوبى من هالة سرحان واللى عملتو

*البت المشمشية *حلوة بس شقية * يقول...

دى مش قناعة
دى سهتنة عشان اخد منكو الىل انا عيزاه
ولسة

*البت المشمشية *حلوة بس شقية * يقول...

Hesham
صح اللى اختشو ماتو

*البت المشمشية *حلوة بس شقية * يقول...

ستيته حسب الله الحمش
ستوتة
انتى شايفه انها تجيب بنات
ويحكو تفاصيل
دى حاجة مفيدة وصحية يعنى

*البت المشمشية *حلوة بس شقية * يقول...

أحــوال الهـوي
انا هحيك عشانروحت اتفرجت ع الحلقة قبل ماتعلق

*البت المشمشية *حلوة بس شقية * يقول...

ستوتة
والله كلامك صح
لازم يبقا فيه حوار
بين الاسرة
طبعا ده محصلش مع اغلبنا

*البت المشمشية *حلوة بس شقية * يقول...

Love-Guru
الحلقة موجودة على اليوتيوب

*البت المشمشية *حلوة بس شقية * يقول...

بنجاواتى
فعلا انتاعندك حق
قولت حاجة مهمة فيه ناس هتحس ان الموضوع سهل
فا ممكن يجربو

*البت المشمشية *حلوة بس شقية * يقول...

MǿиY El-Shreef
صح
كلها بقت سبوبة واعلانات وشهرة

*البت المشمشية *حلوة بس شقية * يقول...

رومنسى
تخبط ايه

*البت المشمشية *حلوة بس شقية * يقول...

adel
ايه سيكو سيكو دى يبنى
احنا فى مدونة محترمة

*البت المشمشية *حلوة بس شقية * يقول...

nody
فيه مهم منحرفين
وبعضخم مرضى

*البت المشمشية *حلوة بس شقية * يقول...

قلم رصاص
ان مش كاتبه كلام اباحى عشان الف النظر انا عارف ه ان فيه ناس هتقرا البوست
لاكن انا بوصف البوست
فى عنوان محترم ومناسب
لاكن انا مش كاتبه كلام اباحى

*البت المشمشية *حلوة بس شقية * يقول...

مواطن مصري
للاسف فيه

*البت المشمشية *حلوة بس شقية * يقول...

بدراوى عندك حق

*البت المشمشية *حلوة بس شقية * يقول...

Soma
انتى كمان وحشانىاوى
معقول فى كليب بيعرض الحاجات دى

*البت المشمشية *حلوة بس شقية * يقول...

أحمد الحيدر
هيا موجودة لاظاهرة بس مفروض تطرح بطريقه محترمة

*البت المشمشية *حلوة بس شقية * يقول...

Soul.o0o.Whisper
عندك حق والله يبنتى

*البت المشمشية *حلوة بس شقية * يقول...

كاتب مصري
شوفتو عشان اعرف قالو ايه

*البت المشمشية *حلوة بس شقية * يقول...

غير معرف
شكرا لطرحك النقاط الهامة دى

محمد يقول...

هذا البرنامج كان يجب التنويه عنه
بالكلمات الاتيه :-
لا يشاهده الا أولياء ألامور
لايشاهده الا التربيون المسؤلون عن طالبات
لايجوز مشاهدته لغيرهم
----------------------
كما كان يجب أن تستضيف متخصصون فى علم الاجتماع والامراض النفسيه والانحراف السلوكى لابيان اوجه القصور التربوى والسلوكى

أما مناقشة المذيعه ريهام لهن
فهى قاصره.
ولوشاهدنا برنامج مماثل فى محطه غربيه
لوجدنا النقاش بهدف الوصول لنتيجه
اما مجرد العرض بهذه الطريقه
فهى دعوه لتسهيل الانحلال

حاسوباتيه يقول...

انا شفت حته من الحلقه وماكنتش مصدقه الي بسمعه وماقدرتش اكملها بصراحه كانت ممكن فعلا تفتح الموضوع بس مش كده ابدا حتى لو دول فعلا كده برضو ماينفعش

قوس قزح يقول...

عندك حق و الله فى كل كلامك
الناس دى بتبحث بس عن فرقعة و شهرة
و مش بيهمها ايه النتيجة

هنستفاد احنا ايه لما نعرف ان بنات بيعملوا كده مع بعض و ازاى وصلوا لكده ؟؟

و بعدين لو هى جابت حد يناقش الشذوذ من ناحية الدين او العلم مش محتاجة تجيب مثال يتكلم عن حالته .. الموضوع مش محتاج قصص و حكايات ..ما اغلبنا عارف يعنى ايه شاذ ولا هو لازم نتاكد هو شاذ ازاى !!!!

الحمدلله مش بتفرج على التليفزيون من اصله .. ماله الكارتون ؟؟؟

mosooz يقول...

انا اتفرجت فعلا على الحلقة دى
مع ان نادرا جدا اما بتفرج على البرنامج دة

بس الموضوع استفزنى بشدة
لان مش كل مشكلة فى المجتمع الاعلام لازم يعرضها
لان فى مشاكل زى دى لا تتعرض تزيد ومتنقصش
فى المتمع
وربنا يتوالانا

كاتب مصري يقول...

أنا بهزر معاكي والله أنا مليش أصلا اني أسألك شوفتيها ليه انت زعلتي ولا ايه
معلش أنا آسف شكلي مينفعش اهزر
أنا فاهم قصدك من البوست وعارف انك بتستهجني الفعل سواء بتاع البنات ولا البرنامج
أنا بس كنت بهزر معاكي بس شكلك مقبلتيهاش
عموما خير
تحياتي وآسف مرة تاني

قلم رصاص يقول...

السلام عليكم

على فكرة يامشمشية انتي فهمتي غلط واتسرعتي جدا في ردك

راجعي ردي وان لاقتيني حتى جبت سيرة كلام اباحي دي ابقى ازعلي وليكي حق

انا عبرت عن رأيي بشكل مهذب ومتعديتش حدودي عشان تردي الرد العنيف ده

راجعي ردي تاني واحكمي انتي

واشكرك على حسن المعاملة

سبهللة يقول...

ايه القرف دة؟؟
هم المذيعات كلهم هايقلدوا
هالة سرحان
حاجة تقرف

حسام عامر يقول...

كان واضح جداً ان الحلقة متفبركة زي حلقة هالة سرحان
الإعلام العربي بيحاول يقلد الإعلام الغربي بس التقليد بيكون أعمى ومستفز ولا يراعي مشاعر المواطن العربي اللي بيختلف في تكوينه النفسي وفي موروثة الثقافي عن المواطن الغربي الذي تعود على الحرية في الفكر والرأي
معد الحلقة والمذيعة فشلو في عرض الموضوع بشكل إحترافي وبالتالي كانت الحلقة مستهجنة من كل من شاهدها

Bent Men ElZaman Da !! يقول...

ازيك يا جميله وحمدالله على السلامه
انا شوفت البرنامج فعلا كنت متنحه قدامه
هى قله الادب وصلت لكده؟!
بس ماجاش فى دماغى بصراحه انهم متأجرين مش عارفه ليه !
ده بخلاف انى بكرهه المذيعه دى كره العما
عامله فيها ست الشيخه وهى كل فتره الجرايد تكتب عنها فى مشكله
اللى عايزه افهمه
استفادت ايه والا احنا استفادنا ايه
لما جاب حبه بنات صايعه وقعدت تشتم فيهم؟
ايه وجه الاستفاد اللى بيعود علينا منا هنا نفسى افهم
ربنا يسترها علينا

*البت المشمشية *حلوة بس شقية * يقول...

قلم رصاص
على فكرة انا ولا رديت رد عنيف ولا حاجة
انا بشرح وجه نظرى وبفهمك غرضى من العنوان
لاكن انا ولا رديت رد عنيف ولا بتنجان

*البت المشمشية *حلوة بس شقية * يقول...

كاتب مصرى
ههههههههه
على فكرة انا مزعلتش خالص والله
ده انا كمان بهزر وعارفة انك بتهزر

yasoor1 يقول...
أزال أحد مشرفي المدونة هذا التعليق.
من أجل التمكين يقول...

إنا لله و إنا إليه راجعون

و المشكلة ان الناس بتفرح

و ما بتصدق

ربنا يهدي الجميع

-

محمد فوزي يقول...

ازيك يا مشمشيه يارب تكوني كويسه

انا شفت الحلقه قبل ما اعلق عشان يبقى كلامي موضوعي وبالعقل كده بتسائل منين البنتين دول بيقولوا انهم محدش يعرف عنهم حاجه ولا أهل ولا أصدقاء وإنهم لا يجرؤوا يسألوا بنت تانيه عن رغبتها في حاجه زي دي عشان لو رفضت هيتفضحوا ومنين بقى ريهام عرفت بيهم ؟؟!!!!

هما اللي راحوا لها يعني وقالولها عايزين نعمل حلقه معاكي نقول فيها احنا كده ؟

ثم إن الكلام اللي قالوه ده مش كلام اتنين عندهم إنحراف نفسي خلاهم شاذين لأنهم أجابوا عن اسألة ريهام عن ميلهم لأي ست تانيه بالنفي فهما مش اكتر من بنتين هايفين مش متربيين عندهم فراغ وقلة دين خلتهم يعملوا كده ده لو فرضنا إن الكلام ده صحيح واللي الجزء الأول من تعليقي بيشكك في حدوثه

عموما بعيدا عن مصداقية الحلقه أو عدمها , فعلا زي ما قال احد المعلقين كانت المفروض تستضيف رجل دين , وطبيب نفسي يحكي عن حالات قابلته ومفيش داعي نشوف حالات قدام عينا عشان نصدق يعني , بالطريقه دي كانت هتبقى حلقه محترمه

للأسف ريهام سعيد بتعجبني في بعض الحلقات لكن في الحلقه دي كانت سيئه جدا خصوصا وانها كانت بتبتسم لهم وبتعاملهم بود وانا موتي وسمي اللي يبقى مستضيف نموذج سيء بالشكل ده ويبقى بيكلمه بلطف وإبتسامه كأنه صديق يعني

تحياتي

م/محمود فوزى يقول...

السلام عليكم
جزاكم الله خيرا على الموضوع
لانه للاسف اصبح هناك اتجاه عام فى الاعلام يعتقد انه يحل المشكله بعرض تفاصيلها وفقط وانتهى الامر او يعرض التفاصيل فى ساعه والعلاج فى دقيقه

يظهر هذا فى الافلام والبرامج
ومن يعترض يقولوان له انت لا تريد حل المشكله

وهل المشكله تحل بهذا العرض السيء
كما انه بكل بساطه ان الشذوذ الجنسي لم يصبح ظاهره ومن يقومون به قله قليله جدا
والاصرار على عرضه فى الكثير من البرامج والافلام يوحي للناس انه اصبح ظاهره
بالاضافه الى انه كما قلتى ان هناك من ربما لايعرف واذا اضفنا اليه قله وعى ديني مع فراغ ربما يولد اعضائ جدد فى نادي الشذوذ

كما انى اتفق معكي فى انه من الصعب جدا ان يعترف بنتين اقارب بهذه الصوره الصريحه كما تقولين فانا لم اشاهد البرنامج
ولكن كان هناك من قام ببرنامج مماثل عن الزنا

يمكن عرض المشكله فى اطار من الاحترام وبالطبع البحث عن حلول لاصول المشكله فيتم استضافه المتخصصين فى مجال الموضوع وليس فقط عرض المشكله او ان يكون عرض المشكله طاغى على حلها

ربنا يرحمنا
اسف للاطاله

yasoor1 يقول...

الاخت المشمشية لازم تتعلم الكتابة وبلاش الاخ المشرف يحذف حاجة الا اذا كان هو بيدارى على الجهل دة-كلمة لاكن صحيحها لكن

اقدم عاصمه فى الحب يقول...

السلام عليكم

مش ممكن الكلام ده بجد...؟!
للدرجه دى وصلت البجاحه
ولسه .....؟!
شكرا كتير علشان انتى عرفتينى حاجه خطيره زى دى ...
عضو مجلس الشعب ممكن يعمل حاجه ....؟!
مش بهزر والله ولا بتريق
احنا بنقعد كل شهر مع عضو مجلس الشعب بنتناقش فى مشاكلنا وحلها انا لازم اتكلم عن الموضوع ده معاه انشاء الله
.
.
.
هتقبلى مرورى صح ....؟!
:)
طيب ورده كبيييييييييره خالص مالص ليكى وأحلى جنيه ( مش الجنيه بقه ثلاث اربع دلوقت بعد ماكان إحداشر بريزه ) يلا هيصى

غير معرف يقول...

ودة علي اساس ان انتى محترمة دانتى شرموتة ومتناكة ريهام سعيد احسن منك ومن الجيبينك يا متناكة