الثلاثاء، 31 مارس 2009

فى التلافزيون


ان شاء الله هتشوفونى على قناة او تى فى

وبرنامج البيت بيتك


عشان عايزينى اعمل معاهم

لقاء عن التدوين

وهيستضيفو كذا مدون معايا

هتشوفونى على اوه تى فى يوم الخميس الجاى الساعه 8 مساءا

والبيت بيتك لساعه 10 مساء


وان شاء الله قريب

هكتب فى جرنال الاهرام

عن بلدنا

وعن مشاكلنا زى مابكتب فى التدوين

استنونى












































































ههههههههههههههههههههههههههههههههههههههه

كذبة ابريل

تعيشو وتاخدو غيرها


سامحنى يارب


ملحوظة شقيه


الكداب بيروح النار


الخميس، 19 مارس 2009

المثليه الجنسية

تحديث

http://belal-fadl.blogspot.com/2009/03/232009.html
اقرو المقال ده لبلال فضل عن نفس الموضوع بدراوى اللى قالى عليه

بصو يا بشر
انا مقصدش انه احرار انهم يعملو كدة بلمعنى اللى وصل لدماغكو الحلوة دى
لاء كل اللى كنت اقصدو
هل فى قانون بيعاقب الناس دى
على اعتبار انها جريمة حرمها ربنا زى الزنا والقتل
والسرقة واى حاجة تانيه
بدال مش بنطبق القانون الالهى
احنا منقدرش نعمل حاجة دلوقتى غير اننا نكتب
لان مهما هجامنهم هنعمل ايه غير كدة
انا قصدى انهم احرار فى افعالهم لان ربنا هيحاسبهم
لانهم بيتعملو مع الموضوع تحت مسمى الحرية
اللى احنا فيها دى
يعنى مش قصدى كل واحد حر يعمل اللى هو عايزو لان هما فعلا بيعملو كل اللى هما عايزينو تحت اسم الحرية
يبقا هما دلوقتى احرار ولا لاء
بيعملو كل حاجة ولا لاء
حد بيعملهم حاجة
بيخافو ربنا
لاكن مقصدش انهم عشان احرار يعملو اللى هما عايزينو
ايه ده رغى رغى


بعد فرز الاصوات فى انتخابات مجلس الشعب قصدى التدوين


رغم ان موضوع التسامح خد اصوات اكتر


بس طبعا انا مقررة من زمان انى اكلم عن الموضوع ده


ههههههههههههه


رخامة اه


مع ان فيه ناس هتزعل منى


بس لما بعرف ان حد اتكلم عن الموضوع ده بزعل لانى كنت عايزة اكلم فيه


امال انا فاتحة المدونة ليه عشان ابيع لب وسودانى


هكلمكو انهاردة عن المثليه الجنسيه من وجه نظرى البحتة ومحدش ياخد على كلامى انا لسه عيله


وعندى 19 سنة


المهم هبتدى الموضوع من الاؤل


اول لما فتحت المدونة دى


كان من الطبيعى انى اقوى علاقتى بلمدونين وازور كل الناس


مصلحة طبعا


فلقيت عند مدونة ما


مكتوب اسم مدونة بتعلن فيها انها مثليه


استغربت بصراحة من العنوان


وقولت اكيد مش المعنى الوحش اللى فى دماغى


انا من سنة فاتت وعندى18 سنة مكنتش اعرف يعنى ايه لواط

ولا كنت اعرف يعنى ايه مثليه جنسيه

وكان فى دماغى الشاذ ده اللى بيقلد الستات

ويطول شعرو

ويمشى زيهم

والبنت اللمسترجلة

اى والله يا عيال هو ده المعنى اللى كان فى دماغى

كنت قطة وفتحت على الحقيقه المنيلة بستين نيلة

المهم

دخلت المدونة اياها

ومصدقتش

قولت هما بيتفشخرو انهم مثلين

طب ازاى

وفرحانين انهم كدة واستغربت ان مدونين اعرفهم مصاحبينهم

كل ده دماغى بقت مشوشة

شوفت ع التلفزيون

برنامج اسمو ضد التيار بيكلم عن المثليية

ومستضيف بنت ولد شواذ جنسيا

بجد انا قرفت قرف الدنيا كلها

ومبقتش مصدقة ان حد بيقول ادام الناس انا بعمل قلة ادب مع واحد زى

طب ازاى يا جدعان

والبنت بتقول انا فرحانة انى كدة انتو هتحاسبونى عن ساعه واحدة بعمل فيها كدة

بجد ان لم تستحى فأفعل ماشئت

ده الواحد فينا لما بيعمل غلط

بيجرى يستخبا ويقول يارب

متفضحنيش

وتتوب فى اليوم الف مرة

ما بالك بقه باللى بيقول انا حرامى مثلا ولا انا قتلت ولا زنيت

يا حلاوة يا ولاد

هو اايه اللى احنا فيه ده

المهم

ممكن ناس تكون بيقروا البوست ده ومش فاهمين لحد دلوقتى يعنى ايه مثليه جنسية

او شواذ زى اصحابى اللى مش عارفين الالف من صباع الموز


هنكلم عن كل حاجة بس صبركو بس اقوم اكل خساية

او طمطاية

انا جيت اهو معاكو

المهم

قبل ما اقول عايزة اقول للمثلين

احنا مش بنهاجمكو

انتو احرار ولا د احرار اعملو اللى انتو عايزين

يمكن يطلع ما بينكم حد يرجع عن اللى بيعملو

احنا مش ضضدكو احنا مشفقين عليكو ونفسنا تبقو حلوين وكويسين

المهم

يعنى ايه مثلى

يعنى واحد بيعمل سيكو سيكو مع راجل زيو

او ست زيها

اى والله بجد

ومش شرط انهم يعملو السيكو سكيو

ممكن تبقا ميول عاطفيه بس

تبقا بتحب البنت اللى زيها

ااو هو بيحب الواد اللى زيو

اى والله بكلم بجد

يعنى ربنا خلقنا فى الدنيا

راجل وست

عشان نتجوز وبعض

ونعمر الدنيا

لاكن هما قلبو الايه

تخيلو كدة

تروحو فرح مثلا عروسة وعروسة

اى والله

طيب مين اللى هيبقا الراجل

احم احم فاهمين طبعا

والله شر البليه مايضحك

طيب يخلفو ازاى

طيب مين اللى يشتغل

بجد الحمد لله يارب

بحمدك ع النعمة دى

خلاص يبقا كدة

لذلك ربنا قال عنهم فى الاية الكريمة

أَتَأْتُونَ الذُّكْرَانَ مِنَ الْعَالَمِينَ

*************

وَتَذَرُونَ مَا خَلَقَ لَكُمْ رَبُّكُمْ مِنْ أَزْوَاجِكُمْ بَلْ أَنْتُمْ قَوْمٌ عَادُونَ

*********

وَلُوطًا إِذْ قَالَ لِقَوْمِهِ أَتَأْتُونَ الْفَاحِشَةَ مَا سَبَقَكُم بِهَا مِنْ أَحَدٍ مِّن الْعَالَمِينَ

إِنَّكُمْ لَتَأْتُونَ الرِّجَالَ شَهْوَةً مِّن دُونِ النِّسَاء بَلْ أَنتُمْ قَوْمٌ مُّسْرِفُونَ

***********************

حد فاهم معنى الكلام ده ايه

معنى كبير اوى يا جدعان

دول بيعملو حاجة حرام حرام حرام

ومش فى الاسلام بس

دى فى كل الاديان

انتو ضعفاء

وايمانكو ضعيف

واللى يضحك اكتر

وانا بكلم مع بعض المدونين فى الموضوع

يقولولى دى حريتهم بدال مش بيأذوكى فى حاجة

ياسلام

هيا دى الحرية

يلعن ابو الحرية

تغور الحرية مش عايزينها

حرية اي دى

وهو الزنا دة مش حرام بين راجل وست

والقانون بيعاقب عليه

امال بقه ليه لما يبقا بين ست وست

يبقا حرية

او راجل وراجل

عايزة اقول لفظ وحش

بس هكتفى بتييييييييييييييييت

اللى عوضتنا اننا نقول الشتايم

طيب

ولما ادخل مدونة وحدة مثليه

قال ايه بقه

بتقول

انا بصلى وبصوم ومسلمة وبحافظ على كل حاجة ربنا قال عليها ومحجبة

بس مثليه ايه المشكلة فى كدة

قولت ميت تيتتتتتتتتتتتتتتتتتتت

يالهوى

اصوت

انا مش مصدقة

يعنى بدل ما الوحد يتفشخر انو نجح زى كدة

ولا واحدة اتجوزت

ولا لقت شغل

لاء وحدة تقول انا بعمل سيكو سيكو

مع واحدة زى

انا مش بهاجمكو

انا نفسى

تبقة طبيعين زى

وزى باقى الناس

تفكرو حياتكو هتبقا عاملة ازاى

اكيد فى تشريد وغربة لما حد بيعرف بكدة

ارجعو لربنا

فكرو ثانية واحدة

ليه الواحدة فيكو مترجعش وتفكر ثانية

تجوز راجل

وتخلف

وتعمل بيت واسرة

وتحافظ على اولادها

معقول مش نفسك تبقى ام

اكيد نفسك

وعندك بنت تخافى عليها

ممكن لو بنتك جت تقولك انا مثليه وافتخر

ممكن تعملى ايه

انتى لو عاقلة

اقل حاجة هتعمليها

هتديها قلم على وشها من الصدمة

بجد ربنا يهديكو

نفسى تبقو احسن

************************

بس كدة



الجمعة، 13 مارس 2009

بيان








اولا كدة عايزة افرحكو بيا وبشطارتى




مان اعارفه طبعا انى شاطرة وعسلية كمان




انا يا جدعان




امسكو نفسكو




اوعا حد يتخض لو حد عندو السكر ميقراش




لو حد عند و القلب يمسك نفسو




لو فيه عيال صغيرة متخلوهاش تبص ع لبوست




اى حد قلبو ضعيف انا مش مسئولة




صوت ضميرى:ايه الرزالة دى ماتقولى وخلاص




انا:انا اساسا بطبعى رخمة ورزلة لازم ارخم والا الناس ممكن تحس انو مش انا




اللى بكتب




صوت ضميرى:طيب يا ست الكتكوتة انجزى




انا انا




انا




انا




انا نجحت لولولولولولولولولولوى




بلعافيه




نجحت بتقدير جيد بطلوع الروح




هو اينعم انا اشطر من كدة ولو ذاكرت ممكن ابهدل الدنيا




بس الواحد مخو مبقاش فيه




عموما مبروك عليكو انا




اللى نفسو فى حاجة يطلبها مايكسفش ولا انتو بتكسفو منى




زغروطة بقه




****************************




بيان رقم 2




انا اتطرت




اة والله اتطردت عارفه انكو مش مصدقين لانى مثال للطالبة الهادية الملتزمة




الى بتقعد طول المحاضرة ساكتة ومش بتكلم




انا هقولكو الصراحة




بس سامحنى بقه يارب




انا من النوع الىل معرفش اقعد فى محاضرة ساكتة




لازم امسك ودن اللى جمبى ودودودودو




انا لو سكت ممكن اتحول والحمد لله مش بتأفش خالص




لانى بستخبى ورا اللى قدامى واصحابى يعينى اللى بيتمسكو فيها




وسبحان الله




يشاء العليم القدير ان اليوم اللى مكلمش فيه اتطرد




ازاى




قاعدة لا بيا ولا عليا




اانا واصحابى فى اخر بنش




المكان المفضل




عشان الى عايز ينام ينام




اللى بتضرب سندوتش ولا حاجة




واللى بتسمع ام بى ثرى




المكان بردو سترة لينا




صحبتى طلبت منى ورقه




هيا ورقه




قولتها اتفضلى




الدكتور قالت ام طرحة لبنى (دى مش صورتى )



انا احلا من كدة بلغيظ فى اللى بيقولوى وحشة



ههههههه







وام طرحة فوشيا واللى جمبهم يطلعو برة




انا ام طرحة لبنى




صحبتى اللى قاعدة قدامى ام طرحة فوشيا اساسا




هيا مش من القسم




بس بتيجى تغير جو عندى فى القسم




الدكتور داخلة اساسا




جوزها باين ضاربها علقه وجاية بقه تطلعو علينا




قالت




انا مش هقو ل تانى ام طرحة لبنى وطرحة فوشيا برررررررررررررررررا




طبعا القسم كلو




بص ورا عشان يتفرج علينا بطرحنا دى




وكان موقف ياى خالص




شاورت للدكتورة بأيدى اننا مش هنكلم




لان منظرنا وحش




وانا اساسا راسمة الدور بقه فى القسم وعاملة فيها الاليطة




المهم قمت




ان اوالبت صحبتى ام فوشيا




وخارجين عشان ندارى العار اللى احنا فيه




وراسمين ابتسامة على وشنا




قامت الدكتور قالت




يعنى مطرودين وبتضحكو ان لم تستحى فأفعل ماشئت




كسفتنا اكتر واكتر




وبعد شوية لقينا نص المدرج ورانا




ومن يومها وانا مش بلبس الطرحة دى تانى مع انها والله جديدة




وب20 جنيه ينى متكلفه يعنى




المهم




انا بقول الكلام ده




ليه




ممكن الواحد يتعقد بجد من دكتور او بسبب اهانة حصلتلو




طب ليه




اما تهازينى يعنى هتستفادى ايه




اهو انا مش هحضرلها تانى




لانى اتدايقت منها




هو التعليم باظ من شوية




يعنى حتة الدكتورة مش المدرس حتة




معندهاش الاسلوب




دى فيه دكتارة بتشتم بلاب والام




انا هكلم عن الموضوع بتاع التعليم ده فى بوست لوحدو بس حبيت اعرفكو




اخر التطوارات




ويارب ماتطرد تانى




*********************




بيان رقم 3








يوم ميلادو




كلنا نقولو كل سنة وهو طيب




شكلى فتحت المدونة دار مناسبات ومش فاضية غير للى اسمهم عادل




عشان احتفل بعيد ميلادهم




ههههههههههههه




فضيالكو انا بقه




بجد كل سنة وانتا طيب يا عادل




مدونتو جميلة وبيكتب كويس




زروها




وهو الىل عملى الشعار اللى فوق ده




يارب تحقق كل اللى نفسك فيه




******************************




الكلام خلص




تختارو البوست الجاى اكلم عن ايه




عن 1/ المثليه الجنسيه




2/التعليم فى مصر




3/ازاى نسامح بعض




الاثنين، 9 مارس 2009

جاءنا البيان التالى


سمعتو اخر خبر

قال ايه يا وختشى

الواد عادل مدونة
البلد دي فيها حكومة

بقه عندو 23 سنة

ازاى معرفش

يلا

عقبال يا دولا ما يبقا عندك 23سنة ونص

كفايه عليك

مليتو البلد

طبعا

انتا بجد

من احسن الناس اللى عرفتهم

مع انك رخم

ورزل

بس اكمن انا قلبى طيب وحونين

وعسل وسكر وامورة

بستحمل الناس الرزلة اللى زيك

الواد ده يا جدعان بجد

جدع جدا

واخ بجد

محدش يفتكر انى بحبو

ولا عمرى هبصلو

هو يطول اساسا

هو مأنتخ مع منى توفيق

يارب يا عادل تحقق الحلم اللى نفسك تحققو

وتنجح الترم ده من غير ولا مادة

مع انى اشك

ولا شوفتك بتفتح كتاب

يبقا ينجح ازاى بس يا جدعان

يلا افرح يوم فرحك

مع انى عارفه انك مش عاوز تجوز

بس هتجوز بردو

بس المشكلة

مين دى اللى هترضا بيك

يلا بخاطرها امك

اهديك هذة الاغنية من تاليفى

يلا حالا بلا حيو ابو الفصاد

هيكون عيد ميلادو الليلة اسعد الاعياد

فليحيا ابو الفصاد

بووووووووووووو

يلا البيبسى والجاتوة والمحشى على عادل امال هغرم من جيبى

سلام بقه بلاش دوشة
**************
عادل الصورة اللى فوق دى صورتى يا جدعان
وانا شايلة التورتة
ايه رأيكو فيا احلويت مش كدة
قمر قمر يا خواتى عليا وعلى طعامتى
كفايه بقه كلام على نفسى

الثلاثاء، 3 مارس 2009

ياحلاوة يا ولاد











أصبح تلميذ بريطاني في الـ 13


من عمره أصغر أب في بريطانيا بعد


أن رزق بطفلة من صديقته التي لا يتعدى


عمرها 15 عاما . وأقر


الفي باتين انه لم يفكر بعد كيف سيعيل


هو وصديقته شانتيل ستيدمان الطفلة التي


سمياها ميسي روكسان، اذ


انه لا يتلقى حتى «مصروف جيب من والديه». وقال «عندما علمت امي بالامر، اعتقدت انني وقعت


في ورطة».ونشرت


صحيفة «صن»


على صفحتها الاولى صورة للفتى


يحمل طفلته التي ولدت في ايستبورن جنوب انكلترا


.واضاف الصبي الذي يبدو اصغر من سنه


ولا يتعدى طوله 122 سنتيمترا «رغبنا في الابقاء على الجنين


لكننا كنا قلقين من رد فعل الناس.


ولم اكن اعلم كيف سيكون شعوري


عندما اصبح ابا. ولكنني سأكون أبا جيدا للطفلة وارعاها».


الا انه اعترف «لم أفكر في مسألة التكاليف


وكيف سأنفق عليها . حتى انني لا احصل


على مصروف جيب . وابي يعطيني


احيانا 10 جنيهات (11 يورو)».


وقال دينيس باتين (45 عاما) والد الفي ان ابنه ملتزم


تماما بواجباته الابوية الجديدة. واضاف


ان الصبي «كان يمكن الا يهتم ويجلس


في البيت ليلعب . ولكنه كان يذهب


الى المستشفى كل يوم




********************




ده الخبر تخيلو بقه




عندنا يحصل كدة




والعيال عندنا فى السن ده تقريبا يبقو فى اولى اعدادى




والعيل يبقا مجوز او مش مجوز مش مشكلة بقت عادى الحاجات دى




وعندو عيل




وبيصرف عليه




ويزعقلو لما يغلط




يالهوى على اللى بيحصل يا جدعان




هيا القيامة هتقوم ولا ايه




**************




الحمد لله الذى عافانا مما ابتلى به غيرنا وفضلنا على كثيرا من خلقه تفضيلا


******************


بس ازاى يا جدعان


انا مش عارفه


هو ممكن ولد بلسن


ده يعمل علاقة جنسية ويقدر يخلف


بجد ينفع ولا ده ايه

مش سن البلوغ للولد من 15 سنة



انا مش فاهمة اللى فاهم يقولى


طب ازاى


والقردة اللى جمبو دى بقت ام


انا مش متخيلة منظر الولد


شكلو لسه مبيعرفش يكلم اساسا


بجد الحمد لله الذى انعم علينا بنعمة الاسلام


والدين


هو ايه اللى بيحصل ده بقول يارب


ميحصلش كدة عندنا


ياريت حد يجاوب عليا عشان استفهم


الاثنين، 2 مارس 2009

الأهلي يقتنص التعادل ويفلت من فخ البترول


ههههههههههههههههههههههههههههههه

اوعو تفتكرو انى هكلم عن الكورة كتير

بس بصراحةى الشغلانة داخلة دماغى

حبيتاعلق تعليق بسيط على الماتش

لانى اتفرجت عليه مع بابا حبيبى

بجد وبمنتهى الامانة بترول اسيوط لعب ماتش حلو اوى بجد

والاهلاوية كانو عاملين زى الفراخ الدايخة فى ارض الملعب

ههههههههههههههههههههههههههههههههه

والله انا عسل ياختشى عليا

والناس الاهلاوية اللى هيدخلو يكلمو

الموضوع مش اكتر من هزار

ههههههههههه

هومش هزار اوى

يااااااااا معقولة فى يوم من الايام ممكناشوف الاهلى زىالزمالك كدة يااااااااا

يارب

بس خلاص استنونى فى البوست الجاى هيبقا حلو مع انى مش عارفه لحد دلوقتى هو عن ايه

سلاموووز مع مانجة صفرا