الجمعة، 27 فبراير، 2009

يعينى يا اهلوية

تحديث :الناس اللى دخلت تعلق وافتكرونى زملكاوية
لاءيارجالة انا مش زملكاويةولا حاجة انا بشجع النادى ده ابو فانلة صفرا

الاسماعيلى يفوز على الاهلى 1/صفر

هههههههههههههههههههههههههههه

هئ هئ هئ هئ هئ هئ هئ هئ هئ

هؤهؤهؤهؤهؤهؤهؤهؤهؤهؤههؤهؤه

هههههههههههههههههههههههاى

يعينى يا اهلوية

اتقطعو امبارح

اللى هيخوش يشتمنى يبقا قليل الادب

الاثنين، 23 فبراير، 2009

اسطوانة فاضية


امبارح العصر

والله ده حصل بقولو يابابا انا نفسى اروح الحسين

قالى بس كدة عنيا

حددى يوم

ونروح

نمت وصحيت

ماما بتقولى شوفتى اللى حصل ناس عملو تفجيرات عند الحسين

قمت قولت معقول هو انا قريت ولا ايه

فكرت شوية بينى وبين نفسى

وانا بسمع القنوات وكلو عمال يذيع الخبر

ان اتنين ستات منتقبات

هما اللى شاكين فيهم

عايزة افهم هيا كل حاجة يتهموها فى المنتقبات وفى الاسلام

زهقت من الاسطوانة الفاضية دى

مش يمكن حد جه يعملها من برة

عشان يعمل قلق وازعيرينا فى مصر

معتقددش ان حد مصرى بجد

يعمل كدة

ولا عمرى افكر ان واحد مسلم بجد يعمل كدة

ده مستحيل مش عايزين بقه الناس ام لسان طويل اللى تقول

تنظيمات ارهابية وجماعات اسلامية

الاسلام مالوش دعوة بكدة واللى يعمل كدة الاسلام برئ منو

الدين عمرو ماقلنا نعمل كدة

عايزة اقول للى عمل كدة لو كان مسلم وانا اشك فى كدة

عايزة اقولو كتك الارف

شوهت صورة الدين

وهو انتا لما تفجر مكان فيه سياح هتقضى على الاجانب اللى فى الدنيا يعنى

هو انتا ربنا هتحاسبهم يا متخلف

انا بكتب اساسا البوست ده اول لما جيت من الكليه وعايزة انام بس الكلمتين عايزين يطلعو

قولت اكتب واتخمد

عشان انا مدايقه بصراحة

هيا مصر ناقصة

دى فتنة حد بيعمل كدة عشان يشغلنا ويلهينا عن حاجات تانية اظن كلامى واضح

ذنبهم ايه المصرين اللى ماتو والاطفال المصرين

ايه الغباء والتخلف اللى احنا فيه ده

حسبى الله فى كل واحد بيتاجر بأسم الدين وفاكر انو كدة بيجاهد ده لو كان مسلم اللى عمل كدة

بتدمر بلدك

وبتهددو امن البلد اللى شيلاكو على ارضها وبتاكلو وبتشربو منها كتكو الارف

اللى عمل كدة شخص مريض وضعيف

بقول بينى وبين نفسى

يارب اللى عمل كدة ميكونش مسلم

يارب اللى عمل كدة ميكونش مصرى

عشان انا عارفه ان ولاد بلدى ميعملوش كدة

يارب اللى عمل كدة يتحرق بجاز

قلبى بيقولى اللى عمل كدة حد من برة

ومتخفى فينا

بيعمل قلق جوانا واحنا هبل مش حاسين بوجودو بينا

لسه ياما هنشوف فى البلد دى

بس رغم كل ده بحبك اوى والله

وهستحمل اى حاجة منك

ويارب بقه لما مايلاقوش حد يلزقو فيه التهمة

مايرحوش يجيبو واحد مربى دقنو ولا حاجة ويقولو عنو ده مجنون

ويلزقولو الحكاية

مش عارفه حاسة انى بقول كلام ملخبط ومش مترتب

بس انا قررت انى اكتب وسبت ايدى وعقلى

يقولو اللى هما عايزينو وحاسين بيه

يارب اللى فى بالى يطلع غلط

انتو معايا ولا ايه

بس خلاص

الخميس، 19 فبراير، 2009

عداكو العيب وازح




هالو افرى بادى ايام ديفرنت
عادى معرفتش اترجم ولا حرف فيها

انا بكتب البوست دة وانا فى اوضتى قدام

الكمبيوتر الرهيب بتاعى

وفكرت لبرهة عارفين البرهة اللى هيا حاجة كدة

ماعلينا

قولت يابت يامشمشة الناس دول عملو معاكى واجب عالى اوى اوى اوى
بجد
وفى نفس اليوم اللى كتبت فيه البوست الجديد ورجعت ليقتكو كلكو عندى

طبعا كان فيه ناس بتقول الحمد لله
اهى مدونةوراحت

وخلصنا بقه من الوش
بس لالا لا لا
لايا بابا لاء
مش انا يا امى
اللى افرح فيا حد مش انا
رجعت

وزمان ال هاة خلاص انتها


بس قولت لازم اكتب البوست ده


واشكر شخص شخص وشخصة شخصة

اشطة واقولكو اتعبلكو يوم مدونتكو

عاااااااااااااااااااا

لالاء ربنا ميورييكو ضياع المدونة ده
بس انا يمكن طلعت فيها واتغريت باين عليا


فربنا ادانى على نفوخى عشان الم نفسى وعشان اعرف ان املدونة دى حاجة مهمة

ومكان اتعرفت منو على ناس بجد تفرح


مش اوى يعنى عشان متنتطوش عليا وقولت لازم اشكركو على التنويهات ووقفتكو جمبى

بشكر الناس دى


عادل*
البلد دي فيها حكومة*بقلك يا دولا تعبتك ياريس وانا عارفه انك بتعمل كدة خوف منى
وانتا عارف يامعلم ان البلوجر ميقدرش يتطردنى

ده صاحبى ياعم وبعدين انتا مش عارف قوتى السياسية عليه ولاايه


سوسو شكرا على سؤالك عليا دايماوالتنوية بتاعك اتعبلك يوم فرحك انتى وقطتك ام صوت عالى



عم صولاح *
مسدس صغير
عملت ااعلى واجب والله ومتشكرة ليك وانا عارفه انى من غير ما اقول كنت هتعمل كدة غصب عنك ههههههههههه


وبعدين ان اعارفه انك اكتر واحد فرحان فيا عارفة

بشكرك يا قمر وعقبال كدة مازوع شربت فرحك بأيدى ههههههههه



لولولولى

عاشقه وغلبانه* حبيبة قلبى
مش عارفه والله بحبك لله فى لله

مش مصلحة والله معاكى خمسين جنيه اجيب شنطة جديدة



زيكا *

المخرج
اخطر مدون فى العالم ومطلوب القبض عليه اللى بيشوفو

يجبهولى وهديه خمسين قرش

وادى صورتو اهى مع انى بترعب من لالصورة دى




*Ahmed Abo El-Ella *احمد ياابو اعلان

قال عايز ياخد منى فلوس قال
يعنى يوم ما اديتك 20 جنية تصلح مديحة

طلبتهم منك تانى
ولا يوم مكنت جعان ومش لاقي خمسين قرش
تجيب بيها رغيف حاف تكلو
اخدت منك الخمسين قرش تانى
*
مش عارفة....بس نفسي اعرف*الشهيرةبستيتة حسب الله الحمش اللى عاملة قلبان

فى البلوجر

وكل خمس دقايق تنزل بوست ولا انا حد عاجبها

مش عارفه اعمل معاكى ايه مبلحقش اعلق عندك ده انا اقامة دايمة عندك

يلابلاش اذاكر بقه عشان خاطرك انتى وحسب الله





*رياح الحنين*حنونة المجنونة حبيبتى

عملالى تنويه فى المدونة عندها ولا ابحث مع الشرطة وايه صورة الدباديب دى


دى مش انا وانتى طبعا

انا مش دبدوبة خالص اتعبلك يوم جوازة ابنك يارب ياوختشى لولولولى

*
واحد جامعه .... ايام شاب علومجى*

عموور

اتعبلك كدة يوم ماتلاقى بنت الحلال اللى تطلع عينك وتشحتفك وراها

فى الاقسام


ههههه


والله من احلا الاعلانات اللى اتعملت ليا ولا كانى فى جريدة الاخبار فى صفحة الحوادث

بجد والله جميل جدا وبلون الاصفر اللى بحبو

بجد تسلم ايدك ورجلك كمان
إضافة صورة
*
طفى الشموع مين اللى قال محتاج اشوفك بالعيون*

عادل بجد متشكرة ليك جداا على التنوية وعادل على فكرة اللى عاملى الشعار الشقى ده

وجننتو على ماوصل للشكل اللى انا عيزاه



*
يوميات طالب ثانوى*


فاروق


روح ياشيخ اللهى تجيب 99فى المية

ولو مجبتهاش هقلبلك اللبلوج بتاعك وادمرو بلمب والصواريخ


ههههههه


عرفاك ادها وادود ربنا يوفقك




*Nidaal*بجد انتا عقدتنى فى اسمى


مع انو مش طويل اوى يعنى وعاملى تنوية فى مدونتك ولا كانى ممسوكة فى جريمة


قتل

ومالك قرفان انى رجعت ليه كدة


شردتنى فى وسط المدونات وشوهت اسمى فى التاريخ



والكارثه الاكبر انى مش هسيبك فى حالك






لزقالى التنويه فى الوش كدة


عشان اللى يدخل عندها يتخض

عععععععع

بجد سلميلى ياقمر ونجاملك فى الافراح



* رومنسي

ترميامات وصيانة ايه بس يا احمد


هوانا ببنى برج

ده حايلة حتة مدونة ولا راحت ولاجت


بجد تسلم يا باشا


اتعبلك يوم فرح الواد ابنك هو اسمو ايه؟






يخربيت اللى يزعلك ياشيخة


انا حسيت وانتى كاتبة التنوية انى فى حرب73

وراشقه المسدس ورا ضهرى

رعبتينى بعوووووو بتعتك دى


*
طوبة فضة وطوبة دهب*شكرا


ياجميل على التنويه اللى عملتيه ده فى اول المدونة اللى بيخل بيلاقيه فى الوش كدة على طول


ممكن حد يتخض كدة

جميلك فوق راسى من فوق


*
فشكوووول دوت كوم *


عمو فشكول

ابو خطيبى الروش بدبسك علنى اهو

فى وسط المدونات كلها خلاص هخدلكو ميعاد من

بابامش عارفه انتو مستعجلين على ايه بس

وايه ياعم حوار الليناكات والحوارت ده

بقينا جامدين اهو

ومحدش هيعرف يكلمك تانى
*******************************
الناس اللى فوق دى انا معرفهاش
مطلوبين فى قضايا قتل ومخضروات
اللى يتعرف على صورهم يبلغ عنهم انا معرفهمش ومش عايزة اعرفهم
***************************
بشكر اى حد دخل علق عندى
ورحب بيا هاة رحب بيا واخدين بالكو معايا
وفرح فرحة يعنى عشان رجعت
انتو يا ويلكو منى
وكل اللى غير لينك المدونة بتاعتى عندو فى الرديدر وتعبتو
ازعاج انا عارفه
*********************
استنو منى مواضيع جديدة وهتعجبكو الايام الجاية
يعنى هظهر بنيو بوك قصدى لوووك
*********************
يلا بقه مش عاوزين منى حاجة دلوقتى
اى حاجة
حد بينادى حد عايز
طيب يلا مع السلامو عليكو
المشمش لسة مطلعش

الثلاثاء، 17 فبراير، 2009

رجعت تانى


وحشتونى والله يا ولاد الاية

اللى ناس كتير متعرفهوش ان المدونة لقديمة اللى هيا زى دى بلظبط

ضاعت

الباص ورد نسيتو

هتقولولى ليه معملتيش نسيت كلمة المرور عادى يعنى اقولكو عملت كدة

قالو الاميل ده مش موجود من اساسو

لدرجة انى بصراحة زعلت جدااوفكرت للحظة انى مش هقدر اعلق عندكو ولا انزل

بوستات

بس قررت انى اعمل المدونة دى زى المدونة القديمة بلظبط نفس الاسم

وكل حاجة ونقلت المواضيع القديمة

وتبعت معايا ناس كتير اوى

وبلاخص عادل

اللى هو صاحب مدونة البلد دى فيها حكومة وتعبت الصباغ

بجد انا بشكركو اوى اردهلكو فى الافراح

والحمد لله

انى رجعتلكو تانى

اصلى فكرت لو كنت زعلانة مين هرخم عليه غيركو

لو كنت فرحانة مين هرخم عليه بردو غيركو

يعنى فى الحالتين هرخم عليكو

طبعا فى مدونين هيساعدونى فى الموضوع ده بانهم هينشرو تنبيه عندهم بللينك الجديد

ولما ينزلو هنزل تحديث بأسماهم واشكرهم نفر نفر

ورجعتلكو تانى

واستنو منى بوستات جامدة ان شاء الله

بحبكو اوى

سلالالالام

البت المشمشية حلوة بس شقية

الاثنين، 16 فبراير، 2009

شخصية ممتعه


بصو اناعايزكو بجدتقروا البوست ده للاخر
اوعدكو انكو هتستمتعو جداا وهتعرفو ليه انا كتبت عن الشخصية
دى لان اول لما قريتها بجداليوم ده نفسيتى بقت فى السما
وبجد من اجمل الشخصيات اللى ممكن تكتب عنهاهى شخصية
عمربن عبد العزيز
هتكلم عن الاجزاء اللى عجبتنى فىحياتو وفى اخر البوست هتعرفو انا كتبت عنو ليه
@@@@@@@@@@@
عمربن عبد العزيز
عرف حياة القصور وعاش وتربى فيهاعاش حياتو فى نعيم
وكان غنى جداكان بيلبس من اغلى الملابس وكان دايما متواجد فى مجالس الغناء
وكان بيشجع المغنين لدرجة انو وصل معاه الامر انو بقا يغنى ويألف الحان
وكانت قصورو فيها اغلى الاثاث
كان يعاب عليه حاجة انو كان بيبالغ فى وسائل الترف والنعيم
وافراطةفى حسن المظهر وكان بيختال فى مشيتو لدرجة ان كانت مشيتو
بتسما بلعمرية نسبة ليه يعنى معنا كدة انو كان ليه طريقه فى المشى خاصة بيه كانت
الجوارى تحب انها تشوفها ويتعلموها منو
رغم كل ده كان لايطعن احد فى بطن ولا فرج ولاحكم
لما تولى الخلافة بقا غسل العطر وقص شعرو وباع كل اللى عندو من ملابس
وعطور ووضع الفلوس دى فىبيت المالوكان بياكل اقل حاجة فى الاكل وبعد عن نفسو اى حاجة فيها نعيم او ترف وتخلص من كل الاموال اللى ورثها لاعتقادا منو انها حرام
وكمان امر زوجتة بانها ترجع اى اموال او ثياب او جواهر ادهالها ابوها
لبيت المال
وبكدة بقت حياتهم فى حالة اقرب الى الفقر
وفيه قصة هتنبين كلامى ده بس انا هنقلها بلحرف من الكتاب
قدمت الى عمر امراة من العراق تطلب عطاء لها ولبناتها الخمس فدخلت الى بيت الخليفة
فدخلت على زوجة عمر فنظرت هذه المراة الى البيت فلم تجد شئ له بال فقالت جئت لاعمر
بيتى من هذا البيت الخرب
فقالت فاطمة انما خرب هذا البيت ليعمر بيوت امثال فامر لها عمر بما يكفيها هيا وبناتها
خلصت القصة
وكمان ابدا مرحتش نفس عمر لمغريات الدنيا او اخذ اموال الناس
اكتر الجوانب اللى عجبتنى فى قصة حياة عمربن عبد العزيز
انو حدد الحد الادنى لحاجات كل انسان من بيت المال فقال لابد لكل مسلم
من مسكن وخادم وفرس يجاهد عليه العدو واثاث
فكان بيت المال يتكفل بأحتياجات كل مسلم فلمسكن باعتباره انو ضرورة
والاثاث من مسلتزمات البيت
والخادم فى حالة عجز المسلم
وفرس للجهاد فى سبيل الله
وفتح دار لاطعام المساكين وابن السبيل
واعتنا باصلاح السجون وعاية المسجونين
وامر ان لايوثق السجناءبوثاق يمنعهم من الصلاة
وامر ان لايوثق اهل الدعارات اهل الفساد والشر والا يجمع فى السجون بين قوم حبسو فى دين وبينهم فى بيت واحد
@@@@@@@@@@@@@
انا متكلمتش عن كل جوانب شخصية عمر بن عبد العزيز عشان مهمما كتبت مش
هقدر اوصف الشخصية الجميلة جداا جدا
وان هيا شخصية سياسية من الطراز الاؤل
عشان كدة انا كتبت عن الجوانب السياسية دى اللى فى حياتو
عشان اقول
لو كل رئيس دولة اعتنا بشعبو كدة وكان بيفكر بحكمة وحب ورعاية مكناش وصلنا لكدة
انا الكلام ده نقلتو من كتاب الكلية بتاعتى
وكنت بحاول ابسط الكلام
عشان محدش يقول ايه الهطل اللى هيا كتباه ده
سلام سلام سلام سلام سلام سلام سلام سلام
ها ها ها ها ها

للبنات فقط

ازيكو يا عيال عاملين ايه

ام هند ونوال

كنت بكلم فى ذات مرة مع الواد عادل

اللى هو صاحب مدونة البلد دى فيها حكومة http://elbald-dy.blogspot.com/


يلا اسمك اتكتب عندى اهو ياعادل وهتشهر على افايا
كنا بنكلم على الزمن دة والولاد والبنات

وكنت بقولو ازاى الولد بيفكر فى البنت


وايه تفكير الشباب فى الفترة السودة اللى احنا فيها دى

وبما انى افكارى منورة قصدى نيرة جت الفكرة من هنا اننا نعمل


مناظرة يعنى كل واحد من جاهتو هيكتب وجهة نظرو

ولسه فى مواضيع جايه كتير


@@@@@@@@@

بما انى بنت وست البنانيت كلها


ههههههههههههههه


غرور بقه مش مدونتى لازم اتنطط على كيفى



هكلم عن انواع البنات اللى بشوفها واللى هيا تقريبا


فى اصحابى يعنى بشوف شخصيات وانماط مختلفة


بكلم بلنحوى اهو اى خدعة ولعبة


فققدر اقولكو ان كيدهن عظيم

والبنات دول مصايب بجد

بس انا مش منهم طبعا



نقول بسم الله ونبتدى

787878788787877878787878
البت المايصة

البت المايصة دى طبعا يعنى موجود منها كتير اوى اوى وى
والله هيا ازاى مش فاهمين ؟اقولكو ازاى

اللى هيا دايما تلاقيها بتدلع فى كللامها مع الولاد


مش لسمح الله لانها رقيقه

لاء لانها جاية من منطقة شعبيه مثلا وبتدارى نفسها بلكلام والاسلوب الناعم ده



وتلاقيها عاملة تكلم بلانجلش وهيا مش معاها غير دبلون كهربا مثلا


وتقول معيش كرديت فى الموبيل


وهيا مش عارفه يعنى ايه كرديت


وهو ايه صحيح كرديت

اة صح يعنى رصيد وتقوليها تقولك معلشى لازم اروح اصلى بابى ومامى هيقطعونى




وتلاقى اساسا ابوها وامها فى السجن


نوع تانى من البنات


اللى بقه كل حياتها الميكب



سورى يا اصحابى اانا مش بكلم عليكو خالص مالص


تلاقى لو راحة تشترى عليه جبنة ولا علبة كبريت


لازم تحط البدرة والكحل والايشادو


عشان تظبط نفسها وبعد كل محاضرة تدخل للحمام تهد اللى فى وشها وتحطو من اول وجديد


عالم فاضية
ده حما م الكليه ده قسما بلله لما بروح مع اصحاببى عشان نعدل الطرح مثلا

نلاقى امة لا اله الا الله


فى الحمام

ومشغلين اغانى على الموبيلات ونازلين رقص

اى والله زى مابقولكو كدة واللى بتسرح شعرها



واللى صاحبتها مسكاها بتفليها


واللى بتحط ميكب


واللى بتغير هدومها يعنى الحمام فى الكليات ده عالم تانى


فى نوع محترم جداا الىل هو من البيت للكبارية قصدى الكليه ومن الكليه للبيت

ودى تلاقيها حريطة فى الكتب


ومتفوتش محاضرة وبتبص لاى ولد فى الجامعه على انو مايص وصايع وبتاع بنات

مع انها بتبص من تحت لتحت


فى الخباثة كدة


وفى نوع كل همها تيمو ميدو اصحابها


وكل شوية رنات على الموبيلات

وهدايا فى الفلانتين

وفيه البنت المعتدلة اللى تلاقى لها اصحاب ولاد فى الجامعه بس ناس محترمة


بيتعاملو بأدب وواعتدال


والبنت دى من الصعب انها تكلم اى حد الا بعد ثقه وتاكد من احترامو


البنت اللىمش محترمة بقه اللى بتدايقنى وتفسنى

اللى ماشية فى الجمعه ولا فى اى حتة تتعرف على اى واحد


وتلاقيها بتتنحح و

هيا بتكلم معاه

وقال ايه بقه معجبة بلون الفنلة بتاعتو قصدى التيشيرت



احسن حد يتريق عليا انا مش نقصاة كلامو اللىزى السم



فى بقه البت المسترجلة


ودى بقه منها كتير اوى تلاقها ضاربة بنطلون الولاد


ووبتمشى زيهم وحتى كلامها


اشطة يا مان والحاجات دى ودى الولاد كلهكم بيعتروها اخوهم الكبير


مفيش اى ضرر منها ولو دخلت فى علاقة حب ولا حاجة


يبقا امو داعية عليه فى ساعه مغربيه وتلاقيها بتكلم فى الكورة وعن اوبو تريكة


والنيك نيم بتاعها على الاميل


المعلم حسن شحاتة ولا حاجة

البت الروشة بقه


دى بقا اللى تلاقى حياتها بديهات ومناكير ولينسزز وحوارت كدة




افتكر فى مرة وانا ماشية مع بابا خارجين يعنى


ايه ماشية معاه دى قصدى خخارجين سوا يعنى



بنشوف حاجات سودا


وانا بابا لازم يعلق عللى كل حااجة لو معلقش ميبقاش ابويا اللى ربيتتو
واحدة معديا ببنطلون محزء وملزق


وضاربة شعرها


الاقى ابويا يقول ايه



اهى واحدة زى دى تلاقيها سالفه من صحبتها البنطلون



وجايبة البدى من الوكالة او من السوق ب2 جنيه ونص



وشحتة الجذمة
اسمو صابو يابابا اسكتى يابنت ال00000


سورى يا جماعه دة بابا بيهزر معايا بس


وتلاقيها جايبه صبغه ورنيش من ام جنية ونص

وعاملة فيها بقه البت من جردل ستو


ابويا ده عسل والله



نوع بقه من البنات


اللى بتصاحب الواد ابو عربيه اللى اهلو مدلعينو


عشان تتغدا على حسابو


يحولها رصيد موبينيل لام نبيل


يسبلها باقى اى حاجة معاه



يجبلها فى عيد ميلادها دبدوب بيصوت




وتلاقيها عاملة فى وشها البدع





وحاطه لينسزز قال يعنى البت وصلت للعالمية


وعايزة اقولكو ان الينسزز دلوقتى بقت ارخص حاجة يعنى ب25 جنية

اة واله زى مابقولكو كدة



يعنى كلو مركبها دلوقتى


بس انا الحمد لله طبيعى عينى حمرا لوحدها


عووووووووووووووووو


نوع كمان البت اللى تلاقيها مشتركة فى فرق الكشافة وعاملة فيها



المفتش كرومبو



واللى تلاقيها دايما ذات رارء سياسية وهيا متبقاش فاهمة حاجة اهى كلميتن


لقتطهم من اى حد



وفيه بقه البنات الطبيعيه




اللى هيا حياها عادية


بتلبس زى باقى لبنات ولا ضيق ولا واسع لبسها معتدل



انسانة طبيعية كدة مفيش فى حياتها اى تكلف




نوع اخير وده اهم نوع واخدين بالكو



االلى هو اللى زى كدة



رقة وادب واخلاق وثقافة ورزانة وهدوء





ومش بتعمل شقاوة وعسل كدة تتاكل اكل





ايــــــــــــــه حد عندو مانع




اة بحسب



ده غير طبعا صفات تانية كتيلا حلوة فيا




دلوقتى المناظرة اللى بينى وبين عادل انتهت فى الموضوع ده عموما اانا هحطيت صفات اولاد


اللىكتبها عادل عشان لو حد عايز يبص عليها فى اللينك اللى فوق



مش لازم يعنى انا اساسا اللى كتبالو الموضوع


ونتقابل فى مناظرة جاية مهمة
انتظرونااااااااااااا

soon



mish misha



ايه رأيكو فى الالمانى ده اة يارجلى

كيف تكون مايكل جاكسون

اولا قبل ما ابدا البوست عايزة اقول انى خلاص اخدت الاجازة وكل يوم


بلعب بلعجلة بتاعى فى الشارع وانى فضيت ليكو خلاص


لذلك قررنا

انا البت المشمشية الشقية


دفع رسم دخول المدونة

2جنيه ونص

ايوة امال ايه هيا اية مدونة وخلاص


والى يجى المدونة ميجبش معاه عيال صغيرة عشان ميكركبش المدونة


احسن اطلع عينو واخلعلو سنانو

*************************************
دلوقتى البوست ده شارح نفسو

يعنى مش محتاج كلام نبتدى مع الصور

1



******************************************************

***************************************************************

2

******************************************************************

4

***************************************************************

5

****************************************************************

6


********************************7*********************
*********************************8********************
*******************************************************************

عن ابن عباس رضي الله عنهما قال: قال رسول الله صلى الله عليه وسلم : لعن الله المتشبهين من الرجال بالنساء، والمتشبهات من النساء بالرجال" رواه البخاري.

استغفر الله العظيم

يارب وانا ماشية فى الشارع مرة ملاقيش المنظر ده ولا انتو ايه رايكو؟؟؟



مسابقه

تحدييييث
خلاص انازهقت منكم ومن اجابتكو داخلين تهرجو وتهزرو وحدش حل المسابقه
دى مش مسابقة بقه
واللى داخل يقولى الحل تونس وحد تانى البطيخة وعروستى
اظاهر انى اتساهلت اوى معاكو عايزة اقولكو انى خلصت امتحانات
عارفين يعنى ايه
يعنى زمن الدلع خلاص انتها
هقلب ع الوش التانى
وهطلع عينكو
كل واحد يخلى بالو من مدونتو
عموما انا هقولكو الاجابات بتاعه المسابقه
1-اسكندرية لية
2-اللص والكلاب
3-ام العروسة
4-الزوجة التانية
رغم ان كلكو قلتو موعد على العشاء امال لزمة صورة الست اللى بتعيط دى ايه
حطاها عياقة انا
دى مراتو التانية وبتعيط ازاى بقه اهوكيفى كدة
5-امراة هزت عرش مصر
6-فارس بلا جواد
طبعا مشاء الله عليكو محدش حل المسابقه كلها صح
فيه ناس كانت بتجاوب حاجات صح
طبعا مفيش فايز فى المسابقه دى غيرى ومفيش جايزة لاى حد
وكل اللى داخل يقولى يا اكسب ياماهفجر المدونة
ياويلو منى
ياانا يانتو فى البلوجات
من غير سلام
*******************************************************************
قرب
تعالى يامدام قرب يابيه خوشى ياموزة قرب يااستاذ
معاناجوايز ب30الف جنيه حل الفوازير تكسب كتير

اتصل على زيرو 900زيرو900كمان زيرو900

وابقا قابلنى لو حد رد

المسابقه دى لعبة هنلعبهاسوا كنوع من انواع التغير والبعد عن الملل
وعشان احنا خارجين من الامتحانات وعايزين نروق ونفك

وبدال ماالعب فى الشارع واضربلى حد قولت اجى العب معاكو هنا
***************************************
المسابقة دى عبارة عن لعبة الافلام
هحط شوية صور
وانتا تحاول من كل صورة وصورة تجمع اسم فيلم وتكتب الفيلم

مش هفكركو بلجوايز هقولها فى اخر البوست
نبتدىىىىىىىىىىىىىىىىىى

*********************************

1فيلم
*********************************************************************

2فيلم
***************************************************************

3فيلم*****************************************************************


4فيلم *******************************************************************


5فيلم********************************************************************


مسلسل1
+
اسم النيك نيم لمدونة حياتى كتاب مفتوح دورو بقه
*************************************************
كل واحد يجاوب ويقول اسم الفيلم او المسلسل
ويكتب الاجابات وانا هنزل بوست عشان اقول مين اللى كسب وكانت اجباتو صح
وطبعا الجايزة مفعجاة
قصدى مفجاة
يلا عيشووووووووووووووو
إضافة صورة