الأحد، 26 يوليو، 2009

اتقبض عليا ليه انا معملتش حاجة


كنت فى فلسطين وبلأخص فى المسجد الاقصى

وكان معايا ناس كتير اوى جوة

كان فيه قدام المسجد حتة كبيرةواسعة

وكلها زرع وكان فيه 3 جنود اسرائلين فى الناحية التانية الى قدامى واحنا باصين عليهم

قولت للراجل اللى معاه بندقيه فى ايدو

البندقيه دى كانت لما تشاور على الهدف بتدى ضؤ احمر

قولتلو اقتلهم قبل مايجو عندنا

انا بصراحة كنت خايفه اوى

كل لما اشوف جنود اسرائلين

اجرى استخبا تحت اى حاجة

وهبقا هموت فى جلدى خايفه اموت

وبعد كدة لما طلبت منو انو يقتلهم فعلا قتلهم واحد ورا التانى

كان بينشن عليهم بلضؤ الاحمر اللى فى المسدس وكانو بيموتو

فرحنا كلنا

عملنا كلنا فرح جوة المسجد

وكنت فرحانة بلراجل ده اوى ولما جه يحط مسدسه ظهرلى الكاب بتاع الظباط المصريين

الابيض ده اللى عليه نسر

قولتلو اايه ده انتا مصرى

قالى اة قولتلو وانا كمان هو مهتمش اوى

بس انا فرحت

واقعدت اصقف وانط

وبعد كدة قولتلو ممكن البندقيه

امسكها

قالى خوديها

ومسككتها رقصت بيها والناس كلها

عمالة ترقص معايا وبعد شوية كان فيه حارة ضيقه جمب المسجد شوفت فيها جندى اسرائيلى بردو

خوفت تانى

ليجى بلبندقيه علينا

قولت للظابط الحق اقتلو وفعلا قتلو بلبندقيه ام ضؤ احمر اللى معاه

وسبناه مرمى مكانو على الطريق فى الحارة الضيقه

وقعدت ارقص تانى زى الهبلة

بعد شوية المصيبة اللى حصلت ان فى عربيات شكلها غاليه اوى وفيه طبعا اسرائلين بس مدنين شكلهم رايحين حفلة

مشيو فى نفس االحارة اللى فيها الجندى اللى قتلناه اخر واحد والعربية وقفت قدامو

كلهم اتجننو

نزلت ست شعرها اصفر وبيضا وعنيها زرقا الله يحرقها كانت مزة

وقعت تزعق وتقول واحنا طبعا واقفين جوة الجامع

مين اللى عمل كدة حرام عليكو احنا كدة هنخلص

ليه تعملو كدة وكان معاها راجل تانى بكرش وشعرو اسود وشنب كبير اسرائيلى بردو

وواحد تانى بكميرة فديو

قال مين اللى عمل كدة

وبعد الست ام شعر اصفر راحت عربيتها

انا خفت من الراجل ده كنت حاسة انو هيطلع مسدس ويضربنا

فا من خوفى مسكت البندقيه اللى معانا ام ضؤ احمر ونشتها عليه

بس انا والله مش بعرف استخدمها انا خوفت منو بس قولت اهوشو

قام اول مامسكت البندقية قال للراجل اللى معاه ابو فديو صورها عايزة تقتلنا

المسلمة الارهابية وشتمنى ابن الكلب ده واول ما قال كدة رميت البندقيه من ايدى اكنها تهمة

قولتلو

لاء والله

انا مش بعرف اقتل مش انا اللى قتلتو والله العظيم صدقنى انا مش بعرف اقتل اقتلو ليه

بعد دقيقه جه واد مز بردو وطويل

وابيض اوى ولاد الكلب دول مش بيقفو فى الشمس ولا ايه

جبنى من افايا وبقيت انا المتهمة بقتل الجندى الاسرائيلى

قالى تعالى عشان هيحاكموكى

قولتلو والله انا مقتلتوش

المهم قلت للناس اللىمعايا هما كدة هيعدمونى قلولى لاء مش هيعملولك حاجة متخفيش

طلعت كل حاجة فى جيبى ادتهلهم

كان معايا بطاقتى وكروت بتاعه محلات كدة بس مش عارفه هيا ايه

قولتلهم خليها معاكو ومشيت مع الواد المز

قولتلو هو انا ممكن اكلمك بصراحة قالى ايه

قولتلو والله العظيم وكتاب الله ماقتلتو صدقنى بلله عليك

عارف البنت الحلوة اللى جت من شوية انا قولتلها كدة وصدقتنى

قالى ليه عملتوكدة احناكدة هنخلص

قلتلو منتو بتقتلو فينا كل يوم كتير وعادى

قالى انتو بتخلفو كتير

لاكن احنا هنخلص حرام عليكو

قلتلو والله العظيم انا مش بعرف اقتل انا مقدرش اقتلو

انتا فعلا عندكو حق انتو كدة هتخلصو قالى على فكرة المزة ام شعر اصفر دى خطبتى

قولتلو والله

دى امورة اوى عرفت تنقى

هو انتو هتعملو فياايه بقه

اقف جمبى

انا مش بعرف اقتل

قولهم كدة فى المحكمة

انا عايزة ارجع مصر والله

وهفهمهم هناك انكو ملكوش ذنب فى اى حاجة ومش هنقتلكو عشان متخلصوش

ورحنا المحكمة وفضلت اقول انا مقتلتوش

وكان جوايا خوف كبير منهم

بس لسة متحكمش عليا

**************************************

اللى بقولو ده حلم لسه حلماه انهاردة

واقول ماصحيت من النوم قولت اجى احكيه ليكم

انا مش عارفه انا كنت جبانة كدة ليه فى الحلم

انا كنت خايفه اموت اوى

انا كنت خايفه منهم اوى

مش مشاعرى لما كنت فى مصر معاهم وانى ممكن اروح افجر نفسى واقلب الدنيا

هوانا جبانة اوى كدة انا مش مصدقة نفسى

ومستغربة

انا جبانة

انا جبـــــــــــــــــــــــــــــــــــــــــــانة

بجد محدش يتريق عليا

هناك 53 تعليقًا:

micheal يقول...

والله من غير تريقة ولا حاجة..معظمنا حيشعر بنفس شعورك ده تجاه أي خطر أو موت
دي غريزة
بس أنا علي فكرة لقكت موضوع الحلم من قبل ما تقولي
:)

micheal يقول...

هييييييييييييييييه
أول كومنت

مامة مازن يقول...

ازيك يا مشمشية يا عسل انتى
شوفى انا بحلم احلام كده برضه بس مش بنفس التفاصيل بس ساعتها بيبقى هاممنى قوى ولادى بضمهم فى حضنى وخلى جسمى درع حماية ليهم بيبقى فى اصوات انفجار وطائرات وبتاع ببقى خايفة جدا بس اكتر على ولادى بقعد اجرى واستخبى بيهم واحطهم جوا عبايتى علشان محدش يشوفهم
شوفتى بقى مش لوحدك عندك هلع ومخك واكلك من اللى بيحصل تخيلى بكايا وعياطى ايام غزو العراق وكل ما بشوف بلوه جديده لاهل غزة وفلسطين
تخيلى هلعى وخوفى على ولادى يمكن هنا تحسى ان وطنيتى قلت واللا احساسى بأسى الناس دى قل مش كده بالنسبة لى ابدا كل ده موجود بس بموت من الرعب لو حسيت ان ولادى ممكن يكونوا مكان الناس دى انا مش مهم انا ممكن افجر نفسى زى ما بتقولى بس علشان ولادى اكتر حاجة
مش عارفة فهمتينى واللا لا
تقبلى تحياتى وابقى اتغطى بس برد الصيف احد من السيف هههههههههه

انا ودماغي يقول...

هو البوست نصه ممسوح و لا فى حاجة غلط عندى

مش عارفة ليه نص الكلام مش لاقياه :(

عاشقه الرومانسيه يقول...

والله حسيت بكده من اول البوست
وقلت اكيد بتحلم
(:

hager za3bal يقول...

هما خايفين يموتوا عشان ميخلصوش .. احنا خايفين نموت ليه ؟؟ ما احنا بنخلف كتير ؟؟ :))))))))))

اقول حاجه .. احلام سعيده .. ابقي اتغطي كويس وانتي نايمه :))))

وصباااااااح الخيررررررررر

بـــــسمة انـــــــــور يقول...

كنت متاكده انه حلم
اصل مش معقول البت المشمشيه الكميلة هتروح اسرائيل

بس بجد من غير تريقه والله
كلنا لو فى الموقف ده هنبقى جبناء برضو إلا من رحم ربى

تحيـ بسبس ـاتى

فتاه من الصعيد يقول...

الرسول قال" لا تتمنوا لقاء العدو"
بمعنى ان لقاء العدو شيء مخيف ..... بس عند لقاءه بيكون تمني النصر أو الشهاده

انت موش جبانه ......ده شعور خوف عادي ...... امال هما ليه مخلوش البنات تروح الجيش تحارب .....وليه الجيش اللي فيه بنات كتير زي اسرائيل جيش ملوش لازمه :)))

الدنيا حر ....بس برضه اتغطي كويس

كيــــــــــــارا يقول...

كنت حاسه وعماله اقول البت بتحلم اصله اتعمل فيا قبل كداااااااااااااا

*البت المشمشية *حلوة بس شقية * يقول...

micheal
مبروك ياميكى اول دور

*البت المشمشية *حلوة بس شقية * يقول...

بس ده حلم بجد على فكرة يا ميكى

*البت المشمشية *حلوة بس شقية * يقول...

مامة مازن اة فهمت قصدك يا قمر
وربنا يخليك ولادك

*البت المشمشية *حلوة بس شقية * يقول...

انا ودماغي
لاء النص موجود تمام

*البت المشمشية *حلوة بس شقية * يقول...

عاشقه الرومانسيه
شاطرة يختى

*البت المشمشية *حلوة بس شقية * يقول...

hager za3bal
صباح الفل يا جوجو

فشكووول يقول...

ازيك يا مشمشيه
الخوف دا شئ طبيعى واللى مش بيخاف مش يكون انسان والخوف غريزه خلقها الله فى داخل الانسان..
بس ابقى شدى اللحاف

*البت المشمشية *حلوة بس شقية * يقول...

بـــــسمة انـــــــــور
ه
اة روحت القدس فى الحلم

*البت المشمشية *حلوة بس شقية * يقول...

فتاه من الصعيد
عليه الصلاة والسلام

بس نا بتغطا والله

*البت المشمشية *حلوة بس شقية * يقول...

كيــــــــــــارا
بس صحيت الحمد لله
قبل مايتحكم عليا

*البت المشمشية *حلوة بس شقية * يقول...

فشكووول
ههههههههههه
عمو فشكول
منورنى
حاضر هشد اللحاف

بنجاواتى يقول...

السلام عليكم

على فكرة ده بالرغم من انه حلم الا انه شعور طبيعى جدا واى حد ما شافش الموت بيقول كلام كله شجاعة وحماس لكن ساعتها بيبقى الموقف صعب جدا

وعلشان كده ربنا جعل للشهيد منزلة خاصة فى الجنة والنبى صلى الله عليه وسلم بيبين سبب هذه الكرامة الكبيرة ويقول : « كفى ببارقة السيوف على رأسه فتنة» . يعنى الموضوع مش سهل

ربنا يرزقنا شهادة عند الاقصى ويثبتنا عند هذه اللحظة

romansy يقول...

دا حلم دا صعب قوى كلنا هنحس نفس احساسك لاننا بشر

طوبة ذهب وطوبة فضة يقول...

anty bthesy 7ta wanty nayma ray7 y7kmk wanty tolelo 3rft tnaky khtebtk da 3alk el batn mgrd adghas a7lam msh aktr

adel يقول...

انتي مش حاجزة ليه اول نحليق ليا ؟؟

ياستي الجبن في الحلم مش بيبقي بجد علي فكرة و كمان ساعة الجد مش بتخافي صدقيني
اولها بتبقي مرعوبة بس عند نقطة بيتحول الجبن ده لطاقة ايجابية و مش هيفرق معاكي اي حاجة حتي الموت

بوست نحفة يامشمش

Che يقول...

يا شوشو لو مخفناش من الموت ممكن نخاف من ايه تانى
اتغطى كويس يا شوشو

mohamed ghalia يقول...

الحمد لله طلع حلم هههههههههه
أنا قولت البت انضمت للمقاومة ههههههههههههه

Me7'o يقول...

هو ده حلم صحيح
بس المهم النية
تحياتى

اقصوصه يقول...

اممم

كلنا نخاف من الموت

هاي غريزه فكل الكائنات الحيه

الانان يستعمل عقله

انتي كنتي وحيده

يعني اكيد ما بتقدرين تكونين شجاعه

وانتي مفتقد لكل عون او سند\

ردة فعلك طبيعيه

بس اعتقد ان احنا نتكلم عن حلم صح

لووووووووووووول

*البت المشمشية *حلوة بس شقية * يقول...

بنجاواتى
اللهم امين

*البت المشمشية *حلوة بس شقية * يقول...

romansy
اكيد يااحمد

*البت المشمشية *حلوة بس شقية * يقول...

طوبة ذهب وطوبة فضة
مفهمتش نص الكلام

*البت المشمشية *حلوة بس شقية * يقول...

adel
ياباشا
انتا اول تحليق من غير حوجزات

*البت المشمشية *حلوة بس شقية * يقول...

Che
حاضر يا عمور هتغطا

*البت المشمشية *حلوة بس شقية * يقول...

mohamed ghalia
هههههههه
منور

*البت المشمشية *حلوة بس شقية * يقول...

Me7'o
وانا نيتى حلوة

*البت المشمشية *حلوة بس شقية * يقول...

اقصوصه
فهمتينى

بسنت صلاح الدين يقول...

ده مش جبن ده شىء طبيعى فى الانسان تجاه اى شىء غريب عنه وعقلك الباطن صور ده فى الحلم

أحمـــــــــــــد أبو العلا يقول...

من غير تريقه ولا حاجه

خدي الموضوع بشكل أبسط شويه

ده حلم
عمر ماكان الحلم صوره للواقع
احساسك في الحلم عقل باطن جواكي بعيد كل البعد عن اللي ممكن يكون حقيقي

متخديش الأمور بحده وعصبيه ومتنسيش انه مجرد حلم

ستيته حسب الله الحمش يقول...

يا مشمشة تؤيل الأحلام مش زي ما بتشوفيها

ولا تؤيلها حسب رأي الشيخ كفتة اللي بيجي في التلفزيون

انت أوليها بأنها خير كتير لك ان شاء الله

الرسول قبل ان يسمع رؤيا الصحابة كان يقول خير لنا وشر على أعدائنا

blue-wave يقول...

مين قال انك جبانه؟؟؟؟؟

*البت المشمشية *حلوة بس شقية * يقول...

blue-wave
الحلم الىل بيقول

*البت المشمشية *حلوة بس شقية * يقول...

ستيته حسب الله الحمش
عليه الصلاةوالسلام

*البت المشمشية *حلوة بس شقية * يقول...

أحمـــــــــــــد أبو العلا
انا زعلانة بس انىطلعت جبانة فى الحلم

*البت المشمشية *حلوة بس شقية * يقول...

بسنت صلاح الدين
نورتى يا بوسى

MǿиY El-Shreef يقول...

ايه يابت ده حتى ف الحلم بتقولي موز وحجات كده ههههههه

ايه البت ام عين زايغه دي

وبعدين يافقريه بكره هتلاقيهم كلهم سمر هههههههه

الاهي يتحرقوا كلهم

و ع فكره والله انا كنت زمان بتجيلي احلام زي دي وبردوا بخاف منهم اوي مش عارفه هو خوف من الموت عموما ولا ايه

ان شاء الله تتحرر القدس ع ايد خير جنود الارض

قولي امين بس

سلام يامزه

zidane يقول...

احساس الخوف طبيعي

لكن الرعب من "الموت" .. دا مختلف وله مدلول تاني

وبعدين هو في حد يرقص في الجامع ؟؟

مبروك ع النجاح والتقدير

الخبز قبل الحب أحياناً يقول...

واضح انه حلم طبعا
ههههههههههه
الدنيا حر بقى
وانتى بتقولى ان انتى مقتلتيش الجندى الاسرائيلى ؟
ده شرف ما بعده شرف
اتمنى لكى التوفيق
زورينى فى مدونتى الجديدة

*البت المشمشية *حلوة بس شقية * يقول...

الخبز قبل الحب أحياناً
اكيد شرف بس انا بحكى حلم

*البت المشمشية *حلوة بس شقية * يقول...

zidane
هبلة بقه تقول ايه

*البت المشمشية *حلوة بس شقية * يقول...

MǿиY El-Shreef
ايه يا مونى
انتى على طول نطالىفى الحلل كدة

اســ الغربه ـــير يقول...

ازيك يامشمشه ياشقيه مدونتك جميله اوى وكلامك اجمل على فكره دى اول مره ازور مدونتك فيها وان شاء الله مش هتكون اخر مره تحياتى اخوكى مشمش اسير الغربه

فكرة من الزمن ده يقول...

يابت يا مشمشية
صعبتي عليا وكان نفسي اصحيكي مع اول قفا
بس كان نومك عميك
ولا حسيتي
لكن اوعى تزعلي نفسك مش انتي بس اللي جبانة رجالة بشنبات بيبقواجبن منك

في وقت الجد لكن في الفضائيات بيبقى ولا عنتر في زمانه ولا زا ومنه
لكن دايما السؤال اللي باساله لنفسي
ليه الكوابيس بتبقى هبلةولا ترقى لانها تبقى فيلم رعب خايب من اللي بيجي يوم التلات على ام بي سي 2 الساعة 11 بالليل
لكن بنبقى هنموت من الرعب واحنا نايمين

منتظرة الاجابة على زيرو عشرومية تسع عشرات

coraline يقول...

hehehehe
enti bs eb2i esta3'ati kwayes wenti nayma
w kol 7aga hateb2a kwayesa isa
bs walahi 7elm damo7'afef bs eli m7aiarni enti leh konti 7'aifa w ezay ta7'aialti enek mmkn tes3abi 3alehom
dol nas bla 2lb wala ra7ma