وحشتونى والله يا ولاد الاية
اللى ناس كتير متعرفهوش ان المدونة لقديمة اللى هيا زى دى بلظبط
ضاعت
الباص ورد نسيتو
هتقولولى ليه معملتيش نسيت كلمة المرور عادى يعنى اقولكو عملت كدة
قالو الاميل ده مش موجود من اساسو
لدرجة انى بصراحة زعلت جدااوفكرت للحظة انى مش هقدر اعلق عندكو ولا انزل
بوستات
بس قررت انى اعمل المدونة دى زى المدونة القديمة بلظبط نفس الاسم
وكل حاجة ونقلت المواضيع القديمة
وتبعت معايا ناس كتير اوى
وبلاخص عادل
اللى هو صاحب مدونة البلد دى فيها حكومة وتعبت الصباغ
بجد انا بشكركو اوى اردهلكو فى الافراح
والحمد لله
انى رجعتلكو تانى
اصلى فكرت لو كنت زعلانة مين هرخم عليه غيركو
لو كنت فرحانة مين هرخم عليه بردو غيركو
يعنى فى الحالتين هرخم عليكو
طبعا فى مدونين هيساعدونى فى الموضوع ده بانهم هينشرو تنبيه عندهم بللينك الجديد
ولما ينزلو هنزل تحديث بأسماهم واشكرهم نفر نفر
ورجعتلكو تانى
واستنو منى بوستات جامدة ان شاء الله
بحبكو اوى
سلالالالام
البت المشمشية حلوة بس شقية
هناك 93 تعليقًا:
يا ستي كله فدا عيونك
استعوضي ربنا واعتبريها كانت من ركاب العبارة وغرقت معاهم او كانت في القطر بتاع الصعيد واتحرقت ولا اقولك اعتبيرها كانت في الدويقة وقضاء وقدر كده زي ما قالوا وقعت عليه الصخرة واتفعصت
المهم حمدلله على السلاااااااامة
ولكم باااااااااك
اول تعلييييييييييق هيق هيق هيق
يلا بقى انا هنا لوحدي
المدونة مدونتي عااااااااااا
كان تعليق بقى علشان يبقى التالته تابته نيهههههههههااااااااااااااي
ولكم يا جمييييييييييل
الف حمدالله على السلامة يابنتى اتارى الريدر عندى مش بيقرا الجديد فى مدونتك
بلاش تلعبى فى المدونة تانى
الف حمد لله على السلامة
حمد الله على السلامة يا مشششمشاية
وياريت تبقى تكتبى الباسورد على الحيطة علشان مش تنسيه تانى وتحرمينا تانى منك
حمد الله على السلامة يا مشمشة
كدة قلقتينا عليكى
(: يلا مبروك على المدونة الجديدة
فين المدونة ياخاااال
المدونة راحت في الوبا ياآمنه
انا بعيط من ساعتها ولازمن انقل يااوختشي كل اللي عندي يالهوييييي
وعلى رأيك لو المدونة طارت نجيب مشمش وخوخ تاني منين؟
البت فتافيت دي ها اقطعها لحقت تدخل امتى؟
ولا يهمك يا مشمشيه
بس خالى بالك أحسن يضيع منك مره تانيه
المدونة دي انا اللي عاملها مش انتي :):):):)
انا .....ولا بلاش بيقالك اعمل الخير و ارميه في ......
ههههههههههههههههههههههه
مبروك ... بس لو دي حصلها حاجة ياريت متقوليليش
ههههههههههههههه
حمدلله على السلامة يا مشمشة
و هلا بيكى وسطنا تانى
دمتى بود يا قمر
بقول لك ايه
انا كنت بدور عليكي لأسباب مهمة بس مدونتك اللي راحت في الوبا خدت نوفوخي
مونكن تدخلي برجلك اليمين البوست اللي فات عندي وتقولي لي ها تعملي ايه؟
ماهو شقاوتك دي مش ببلاش .. والا ها ابطل احط ليكي كاريكاتيرات تضحكك واقطع عنك المعونة الضحكية
الراجل ده محتاج مصرين جدعان
وهو فيه اجدع من الستات يا اوختي؟
حمدالله على سلامتك يا مشمشه
انا اول مره ادخل المدونه بتاعتك وان شاء الله متكونش الاخيره واتمنى اكون ضيف خفيف عليكى
تقبلى مرورى
حمدلله على السلااااامه يامشمشيه امال ازاى شقيه انسى واعتبريها وقعت فى البحر وانتى فى المعديه والمهم انك موجوده لى فكره انا مكنتش بشوف الحجات الحلوه ده بس على فكره انا مش هينفع ما اقولش رايى علشان بجد فى جيل طالع بيحب بلده وبيحبوا الناس الحلوين اللى زيهم يا رب تفهم يلى فى بالى اكيد انتى عايزه تعرفى انا مين فكرى ولو معرفتيش انا هبقى اقولك dodo
حمدالله على السلامه و تم نشر التنويه يا جميل
هههههههه
نسيتي الباسورد يا فالحة
ههههه
ازيك يا مشمشية
ميرسي اوي اوي علي سؤالك الجميل عني
انا متواجدع النت بس بصورة قليقلة اوي الايام دي لاني مشغول شوية
ع العموم يا ستي ولا تزعلي نفسك
مدونة جديدة واحسن من القديمة
وانشاء الله تعمريها بكتاباتك الجميلة
انشان الله متابع معاكي هنا
تحياتي
الصيدلي المطحون
حمدلله على السلامة ياقمر
و مبروووك المدونة الجديدة و ان شاء الله تفضل بقى
مش كل شويه نفضل نجرى وراكى كده فى بلوجر
مش معقول كده على فكرة
بطل بقى شقاوة علشان المدونة تثبت كده ((:
يوووه
مدونه راحت ومدونه جت
مبتعرفوش تستخدموا المدونات يعني؟ اتعلموها بقى
ههههههه
والله فرحنا بعودتك ياجميل
نورتي التدوين تاني
ومتنسيش كلمة السر تاني
ابقي اكتبيها على كم القميص
والاعلان مدفوع الأجر عملتهولك عندي ياستي
انت تؤمري
بس فين الأجر؟
حمدالله علي السلامه وبلاش شقاوة ياثكره
ولا تزعلي يمشمشه
انا شيلت اللينك القديم وحطيت الجديد
وعملتلك تنويه كمان عندي في اول المدونه
ولا تزعل ياقمر
انا دخلت المدونة القديمة لقيتها شغالة
استغربت
بس لما دخلت هنا عرفت ان المشكلة في الباص وورد
بس انا مش مقتنع انت ازاي نسيتيه؟
مش انت بتكتبيه كل يوم وانت داخله برجلك المدونة!!!!!!!!!!
وممكن اكتر من مره في اليوم!!!!!!!!
عموما مبروك علي المدونة الجديده
وقلبي معاكي في خسارتك
وقلبي معاكي في المجهوووووووووووووووود الكبير اللي بزلتيه في نسخ المواضيع تاني , كان الله في العون
شكلها باظط
انظر حولك
د. خالد عزب
والله انا كنت فاكراها اتهكرت
عموما حمدالله على سلامتك ياقمرى
وفداكى الف الف مدونه
كله يهون يا مشمش
الاهم انك معانا
حمد الله على سلامتك
يلا معلش وعلي راي المثل
الي أتكسر... يطوح
مشموشة
يا بنتى خلى مامتك تعلقلك العنوان فى رقبتك علشان مش تتوهي عن بيتك تاني
ههههههههههههههههه
عادى عمك جوجل بيحب يهزر ساعات عادى حركاته نص كم
بس نورتينا
احفظي الباس وورد بقا
الحمد لله على السلامه يا مشمشيه انا كتبت المدونه الجديده فى الريدر عندى وهى اول اسم وفداك عشر مدونات
بس المشكله دى لو حصلت لى مش عارف حاعمل ايه .. انا حازعل قوى على مواضيعى القديمه وكمان مش اعرف اعمل مدونه جديده آآآ ربنا يستر
تحياتى يا مشمشيه يا حلوه وجميله وشقيه وحاجات كتيره
فتافيت
والله انا مازعلتش غير عليكو
واننا مش هنعرف نبقا سوا تانى
بجد انا بشكرك على التنوية اللى عملتيه
انتى بت جدعة جداا
تسلملى يا قمر
فتافيت
اول تعليق فى المدونة كلها
بس متخديش على كدة
فتافيت
انتى بتستغلى غيابى وبتلعبى فى المدونة ولا ايه
اهو علشان بترخمي على الناس
المدونة خلصته منك نيهاهاهااااا
وحمد لله على السلامة
وعمر الشقي بقي :)
تحياتي
وليد
ايوشة
حرمت خلاص
المهم اننا رجعنا لبعض تانى
طالب ثانوى
الله يسلمك يا فاروق وشكرا ع الواجب اللى انتا عملتو ده
BAsMA
هههههههههه
مش مشكلة نسيتو يا بسومة الموضوع اتخن منكدة
Adel Mody
الله يخليك يا دولا
وتسلم ع التنوية بجد اتعبلك يوم فرحك
ستيته حسب الله الحمش
اهدو
يا جماعه متقطعوش نفسكو عليا
اهدو مش كدة
عشان تعرفو قيمتى بس
mosh 3aref
منور وتعالى تانى
/عرفه
ربنا يستر يا دكتور هكتبو على الحيطة بعد كدة
adel
يالهوى مش عارفه اشكرك ولا امسكك اجيبك من شعرك وابهدلك
اقولك ايه
لا تعليق احسن
احسن اولع فيك
Soul.o0o.Whisper
وحشانى يا سووول
غير معرف
شكرا ع الكلام لجميل ده
بس انتى كاتبة دودو
دو دو مين بقا انا اعرفك ولا لاء
قولى غلب حمارى
Che
شكرا يا عمور اتعبلك كدة يوم فرحك
Abd-Alrahman
هههههه
شوفت الهنا اللى انا فيه يا عبدو
يارب منساه تانى
احسن ازعل اوى
نورتى وتابعنى بقه هاة
Sweet Violet
هههههههه
ههمد اهو هبطل شقاوة
الف مبروك على رجوعك دى اول زيارة ليا ومش الاخيرة ان شاء الله يلا نورينا تانى ورخمى براحتك اكيد منتظرة تعليقك على مدونتى وسلااااااااااامى
Eng. Ahmed Abo El-Ella
ماشى يا احمد بتتريق عليا
ليك يوم يا ظالم
ههههههههه
انتو وحشتونى كلكو وهكتب المرادى الباص ورد على قميصك انتا
وشكرا بجد على التنويه هبقه اديك سندوتش جبنة حقو
ههههههه
بجد تسلم مش عارفه اقولك ايه
كيــــــــــــارا
حاضر يا كيارا مش هبطل شقاوة
هههههه
عاشقه وغلبانة
شوفتو
والله بجد مش عارفه اشكرك ازى
تسلميلى بجد
daktara
هههههههههه
هبقا احكيلك ايه اللى حصل يا دكتور بلظبط
بعدين بقا
romansy
تسلم يا احمد نورتنى
Tamer Diab
ههههههههههه
الله على الامثال
واحدة مفروسة
ههههههههههههههههه
لاء انا علقتو فى الاوضة عندى
فى لوحة كبيرة
نورتينى يا قمرة
وجوجل ده عايز يتربى
fashkool
هههههههههههه
تسلملى
واله من غيركو مش عارفه كنت عملت ايه
يلا المهم
ربنا يستر على كل مدونتكو متحصلش اللى حصلها معايا
!!! عارفة ... مش عارف ليه
هههههههههههه
ماشى يا وليد تقريبا ربنا حب يعاقبنى
بسمـــة مســـــلّم
من عنيا يابسومة ان شاء الله هجيلك
حمدلله على السلامة
ويارب دايما ترخمى علينا
وما يحرمنا منك ابدا
تقبلى مرورى
اختك
smilyrose
روح الحب الصادق
فعلا مش متخيلين عالم المدونات من غيرك
حمدا لله على السلامة
نورتى من جديد
حمدالله على السلامه
هو الكومنت مش ظاهر ولا انا مش شايف
ههههههه
حمد الله عالسلامة
يووووووووووووو
الى جابك يابت تانى
احم احم اقصد حمد الله على السلامة يا اختشى
*-**يعنى بعد كدة نكتبه فى ورقة ونعلقة بدبوس فى بنطلون البجامة بتاعتك بقى***
انا نشرت التنوية بتاعك عندى فى المفقودين
أقل من 5.5 ونص مش هأخد..اة ياماما لسة بكون نفسى**
امشى انا بقى
عووووووووووووووووو
smilyrose
نورتى يا قمر المدونة
وابقى تعالى تانىا
mohamed ghalia
ربنا يخليك يا محمد
ونورتنى
mosh 3aref
لاء انتا اللى مش شايف الكومنت موجود اهو
حسام غانم
الله يخليك يا حسام ونورت
كيكى
ماشى يا كيكى
كنتى عايزة تخلصى منى
ههههههههههه
وشكرا ياجميل بجد ع النتوية
ربنا مايضيعلك مدونة يارب
الف حمد لله علي السلامة
انا بجد مش كنت متابع اي حاجة
بس شكل الناس كلها فرحانة بيكي
و يارب متحصل اي مشاكل تاني في المدونة
و ان شاء الله متابع مستمر
تحياتي
محمد
محمد ابراهيم
منور يا محمد ونورتنى بجد
المدونة منورة بأهلها
و بعدين مقلتيش رأيك في القصة
حلوة و لا وحشة و لا نو كومنت و لا ايه
تحياتي
محمد
اعتقد ان لسه بدري علي البنت المشمشيه انها تنسي بالصوره دي
أول مره أعدى عليكى قرأت لينك بتاعك عند فشكول
وقرأت البوست الترحيب الجامد ده وحسيت إن دماغى هتصدع طول الوقت ههههههه
أتمنى التواصل
تقبلى مرورى
ولكم باك مشمشمه
انا بحط اللينك فالفيفرت
يلا عيشي :)
ده انا قولت الحمد لله أخيراً ربنا أستجاب لدعائنا
بس للأسف مالحقتش مطرح علشان افرح
وجائنى الخبر المفجع الكارثة .. بتدشين مدونة جديدة للمزعجة دائماً البنت ام اسم طويل
ههههههههههههههههههههههههههه
ولا يهمك الى ضاعت . فداكى يا حاجة
وخلينا برده فى ام اسم طويل 2
يلا اهو كله حاجات طويلة
سلام يا ريس
السلام عليكم
المهم انك رجعتى تانى
وبمناسبة رجوعك
أنا أهدتيلك التاج ايللي كان عندى
يا ريت تقبليه
سلام
حمد الله ع السلامة.
بصراحة كنت مبسوط جدا لما مدونتك ضاااااااااعت قصدى كنت زعلان بس الحمد لله فى السراء والضراء ..هههههههه
عود احمد.
احمد ميييين؟؟؟
ما علينا.
الف مبروك على البوست الجديد وعلى المدونة الجديده.واحب اسمع اغنية :
فدائى. فدائى. فدائى.
حمدا لله يا شقيه
علشان تبطلى تكلى جلاس
وتنسى الوورد بتاعت الباس
نورتنى التدوين واللى يحبنا يضرب سلام
سلام
تخيلي انتي ترجعي تاني
وبعدها بيومين
ايمن نور يخرج من السجن
يا نهار ابيض
وربنا انت يعثل هع هع هععععععع
حمد الله عالسلامه يا ستي
وربنا يجعلها اخر مره تتقلب فيها المدونه بتاعتك
سلام
السلام عليكم
ياربي
الحمد لله انك قدرتي ترجعي كل شئ تاني
منتظرين موضوعاتك
غربتي
محمد ابراهيم
ههه
بس كدة هعلق ع القصة حاضر
م/ الحسيني لزومي
هههههههه
الموضوع اكبر من كدة
اعشق فى الليل ضوء القمر
ههه
ا نشاء الله متكونش اخر زيارة
اقصوصه
ههههههه
تسلم ياباشا
NIDAAL .R
ماشى ياعم جيت على قلبكو تانى وهزهأكو منى
بنوتة
هههه
حاضر هشوف التاج
مسدس صغير
انتا ايه اللى جابك هنا
يلا عشان هنرش مايه انتا داخل نجوم اف ام ولا ايه
إيمان
نورتى يا جميل
Zika
هههههه
انا وشى عسل اساسا على اى حد
الله عليا
ghorBty
الحمد لله ونورتى
الف حمدلله على السلامة ياقمر
يلا بقى اكتبى واشجينا بموضوعاتك الهايلة
دمتى بخير
ربنا يجعل بيوت المحسنين عمار يا بنتى ولا يشمت عدو فيكى
ولا يضيع باسورد ليكى وهنياك يا فاعل الخير والثواب
وربنا يجعله عامر كدهوه يا سعات البيه
:D
ههههههههههههههههههههههههه
اكيد نورتى
الف حمدا لله على السلامة
انا بقالى سنتين بمنع نفسى عالتدوين بالعافية
رجعت بعدهم لقيت ناس اتجوزت وناس بطلت تكتب
زعلت أوى
بلاش تمرى بالمرحلة دى عشان هتزعلى اوى لو بطلتى تدونى
يارب عامرة على طول بكلماتك المدونة دى
انا فعلا زرت المدونة القديمة
بس بجد مكنتش اعرف انها قديمة :$
بس حلوة جدا ودى أحلى
عباسية :D
حمدلله علي سلامتك يا مشمشه
اهم حاجه انك رجعتي لمدونتك تاني ورجعتي كل البوستات يا جميل..
وانا ضفت لينك مدونتك الجديد عندي في المدونات اللي بحبها ومسحت التاني..
ويلا بقي يا جميل مستنيه الجديد..:)
انا مقدر شعورك دة لانى انا اتقلب في مدونه قبل كدة بس كان زعلي بصراحة على التعليقات بتاعت الزملاء المدونين اثرت فيه قوي
عموما فداكي الف مدونه ويارب دوما بتدوني ووسط اخواتك المدونين
مبروك البلوج الجديد
الف مبروك
وان شاء الله تحافظي عليها بقي
الف مبروك
وان شاء الله تحافظي عليها بقي
ومش تنسي تاني
انا بقي مش عارفه اقولك ايه بجد
والله دماغي مش فيا
باظت خلاص
معلش عارفاكي عذراني
وبعدين يا ستي احنا اللي نتعبلك يوم فرحك
اه يوم فرحك وبقولها كده
يووووووووووم فرحك
هههههههههه
مبروك يا قمر
والدباديب
ياااارتني ما حطتهم
الله
اشيلهم والله
مبروك تاني
إرسال تعليق