فكرت يا حلو قبل ماتقدم الخطوة دى هتعمل ايه
احب انبهك انك دخلت فى دوامة ملهاش اخر
واللى بيشيل اربة مخرومة بعون الله هتخر على نفوخك انتا واهلك
معاك شقه
ولو معاك شقه تمليك ولا ايجار
لالا انا بنتى متسكنش فى شقه ايجار لازم تمليك
وخمس اوض و3 حمامات
طب ايه لزوم ال3 حمامات
حمام بنتى تعملى بى بى فيه
وحمام تستحما وتنضف فيه والحمام الاخير ده تبقا تعمل الساونا فيه
طب وانا
انتا مش مهم
اعملها على روحك
ولازم الشقه بأسم المحروسة بنتى
امال ايه انا بنتى مش اى حد
وهيا اساسا فى الاخر تلاقيها معاها دبلون خراطة
من معهد دولسى عادى يعنى
طب والعفش
بص يبنى احنا مش بنجهز
انتا اللى بتجهز كل حاجة
اوضة نوم انترية
وسفرة واوضة العيال لما تتنيلو تخلفو واهم حاجة الميكرويف وغسالة الاطباق
انا بنتى طول عمرها مدلعه ومتغسلش على اديها
اما بقه بلنسبة للشبكة
احنا ناس عنينا مليانة
والشبكة دى تعتبر هدية منك ليها
احنا مش هنكلم فيها
بس اقل من 25 الف دهب مينفعش
ولازم يكون لازوردى من بتاع البت المزة اليسا ونانسى
والمؤخر
يبقا 100000000(انا مش عارفه ايه الاصفار الكتير دى بس مش مشكلة )
عشان ان شاء الله بنتى هتقرف اللى خلفوق
وتبيعك اللى وراك واللى قدامك
وتطلب الخلع والطلاق فى نفس ذات الوقت
ونبقا احنا طلعنا بلمؤخر والبت تكون
امنت مستقبلها
وتجوز بقه واحد متريش
يعرف مقامها
والفرح يا حلو طبعا عليك
وفى قاعه فخمة
وتجيب بيبسى كانز
وعلبه جاتوه للمعازيم
وتجيب تورتة 16 دور
هو انا بنتى اقل من بنت ام عزيزة جارتنا ولا ايه
والفستان
انا بنتى متلبسشى فستان مكان حد ابدا
لازم تشتريلها فستان
ومش من مصر
لازم يبقا من باريس
واشرب بقه يا حلو
*********************************
انا كتبت البوست ده لكل شاب بيفكر يجوز
اينعم انا بنت
بس احنا اساسا مش ناقصين قرف وجواز
ونيلة على دماغكو
فا احسنلكو
محدش يتتقدملنا
احنا كدة مستريحين
وان فكرت ياحلو
تجوز وتاخد الخطوة دى
متلومش الا نفسك
ان كيدهن عظيم
********************************
بجد بجد
والله وحشتونى جدااا
وبقالى كتير مش لاقيه ح
د ارخم ولا اناكف فيه
د ارخم ولا اناكف فيه عمالة اخانق دبان وشى
وبقالى كتير مش بعلق عند حد
بس معلشى
انا مش بكتب غير لما يكون ليا نفس اكتب
وان اكتبت البوست ده عشان ادهم بس
وعشان خاطر عيوينو
مين ادهم ده راجع تعليقات البوست اللى قبل اللى فات
**********
سنكيوز
هناك 66 تعليقًا:
ههههههههههههههه
ايه دا يا بنتى حرام عليكى
ا اسمه عذاب مش جواز
وانا اقول ايه مشكله العنوسه فى مصر
اتاريكى انتى السبب
هههههههههههه
ايه دادا انا كنت اول تعليق وانا اللى بحسب التعليقات عليها اشراف
طب انا قاعده هنا بقى شويه
وناخد تالت تعليق كمان بقى
وحشانى مووت يا مشمشه
اموووووووووووووووواه
ههههههههههههههه
ولا بيجيب معانا الكلام ده
هنتجوز يعنى هنتجوز
ههههههههههههههههه
هههههههههههههههه
اولا عود احمد
وعندك حق والله .... طلبات عجيبه بنسمع عنها
تحياتي
هههههههههههههههههه
اولا ازيك يا مشمشتى
ثانيا انتى شردتى الدنيا كلها كده ليه
ثالثا يا امى اصلا مفيش عرسان اساسا الرؤجالة عاملة اضراب ولما بيفتكروا بيبقوا خلاص عدوا السن القانونى ههههههههه
يا اما لسه صغنن على باب الله والناس خلاص بقت تقايس وتجوز بناتها وخلاص هيستنوا المواصفات اللوذعية دى يبقى مفيش واحدة هتشوف وش الماذون شكله ايه هههههههههه
نتكلم بجد بقى: فهمت طريقتك التهكمية بس فعلا الناس بقت من الوعى انها تبطل الطلبات السخيفة دى وبقت من الوعى الاكتر انها تقبل وترضى بذات الدين وبمن ترضون دينه خلاص فى نوع من الوعى صحيح قليل مش بالكثرة المفروضة ولكن فى الناس هدت اللعب شوية لما لاقوا مفيش فايدة والظروف لامؤاخذة من زفت لازفت سورى يعنى
بتعجبنى موضوعاتك على فكرة جدا بحب وجهة نظرك فى حاجات كتير لانها تحترم جدا وبحس ان دماغك فيها حياة خلايا بتشتغل مش راكنة
تحياتى ليكى يا صغننة انتى وربنا يرزقك بابن الحلال ويكون قمر شبه مازن ابنى
لا شوفى استاذ محمد بيقولك ايه هنجوز يعنى هنتجوز هى دى الروح يا شباب ههههههههههههههه
لو كنت باعرف ازغرط كنت زغرطت
ايه البوست الجامد ده
ايه الحلاوة دى ايه الطعامة دى
وحشنا كلامك العسول ده
أنا هدبح تنين و اوزعه على الفقراء بمناسبة ان اسمى اتكتب فى المدونة بتاعتك بس
انا هطبع البوست ده و اعلقه فى اوضتى اصلا
و كتعليق رفنتوع على البوست و عشان اغيظك احب اقوللك ان واحد صاحبى لسه من شهر ما كانش معاه تمن شيكولاتة جالكسى مكسرات ,,, جاتله عروسة زى القمر و ابوها أغنى من الملك فاروق مش عايز منه ولا مليم ,,, عايز بطاقته و ربع جنيه بس ,, احنا بنشترى رجالة يا ابنى ,,, هع هع هع
هى بصراحة بترجع للاهل قبل كل حاجة
عموما اما نشوف لما اتقدملك هتعملوا معايا ايه ,, هتعملى كدا ؟
ولا هنبنى عشنا طوبة فول و طوبة فلافل
اشطاط بالمربى
أشكرك بجد لغاية يوم التلات اللى جاى
ربنا يخليكى لينا ,,,
سلام عليكم
ازيك يا مشمشيه
الواد اتنحل وبره قبل ما يتجوز
دا اذا كان عنده وبر
وحيجيب الوبر ده منين
وعايزانى ابقى حماكى
يا اختى انههههه
حاجيب منين كل ده
صحيح ان كيدهن عظيم
بقول لك ايه .. البنت الحلوه اللى صورتها عندك دى جايباها منين .. عايز امد ايدى فى الكمبيوتر واطلعها .. تقوليش حوريه من الجنه .. آهو دا اللى الواحد ممكن يدفع فيها دم قلبه وما يندمش خالص .. كلام ابن عم حديت
السلام عليكم
يا ساتر يا رب
فى اول زياره الاقى اكياس وسواطير
الحمد لله الحاجه راحت تحج والواحد مش خايف على نفسه اليومين دول
تحياتى
ايه اللى حط التعليق اللى فوق ده هنا .
انا كنت كاتبه عند مامة مازن
ارزاق
عاوزاك تريحي نفسك يا مودموازيل
أول ما يطب سي دعبس بعلك
واول ما تبصي لجماله وعيونه وشنبه
ها تلاقي نفسك يتقولي
بعبه يا بابااااااااااااااااااااااااا
عاااااااااااااااااااااااااااااااااااا
واحنا اللي ساعتها ها نفكرك مع محاولات مستميتة منا لإخفاء الشماته
وعلى رأي راندا حافظ
انا طول الوقت مكسوفة اجي اتكلم بتلخبط ليه
بجد بجد ملهوفة مينفعش ارمي نفسي عليه
بجد بجد مش عارفة ايه اللي انا فيه
يظهر ده اللي اسمه ايه :)
Pink Dreams
طبعا يبنتى ولازم نرفع الشعار بكدة وانتى معايا طبعا
غصب عنك
عااااااااااااااااااا
Pink Dreams
انتا اللى وةحشنى مووت يا معلم
وخد راحتك المدونة مدونتك عادى يعنى وانا اقعد فى الشارع مش مشكلة
mohamed ghalia
اتجوز يا خوية
بكرة تيجى تعيط
فتاه من الصعيد
عقبال مانفرح بيكى
مامة مازن
بجد واله انتى ست زىا لعسل وربنا
وايه انتى عندك خلايا شغالة دى
والله طبيعى مش حشيش
مامة مازن
خليه بجوز بكرة يجى يعيط
Super Adham
ههههههههههههه
ايه الهيصةى والدوشة
اللى انتا عاملها دى
اقعد هنا بشويش
واى خدمة يا معلم
ومن ناحية انك لو فكرت تيجى تتقدم
انصحك بلاش
لانى مفترية
وهنتقم منك بجد
فشكووول
اخس عليك يا عممو
ده انا بقول عنك حبيبى قلبى
تقوم تستخسر تدفع فيا كل ده
ماشى ماشى
لما ابنك يجيلى بس
هقطعهولك واحطهولك فى اكياس
فشكول
ايه اللخبطة دى بقه
بس فى بتها دى ماما مازن حبيبتشى يعنى
ستيته
لاء بقلك ايه
انا عايزة شبكة تمام
وعريس مرجلش
يارب اوعدنى عشان محدش يشمت فيا يارب
حاكم ان اعرفاكو
وانا جايه اقولك وحشانى
الاقى الكلام دة !!!!
يالهوى عليكى ناكفى مع دبان وشك احسن
كيكى
منا فاضية بقه يا كيكى
ومش لاقيه غير الدبان اتخانق معاه
أنتني بتقولي فيها
الشاب اول ما يتجوز بيبقي مبسوط وفرحان وبيحسبها سيبه بس اول ما يدخل البيت يحس بالنصيبه الي هو كان هيقع فيها
بس تعرفي انه علشان يوصل لنصه التاني ممكن يهد جبال
وعلشان كده في الاسلام كان في تساهل لتيسير أمور الزواج
تقبلي مروري
مجنووون
بداية
سيادتك فين من زمان
فين تعليقاتك عندي في المدونة؟
احنا فينا من الكلام دة؟؟؟
ماشي يا شيماء هانم
ثانيا
الجواز علينا حق و كاس و داير على الجميع
الي فاضل انك تتجوزيني و اخلف انا|||||
بصي بقي يا بت يا مشمشية
بجد مدونتك جميلة قوي قوي
والبوست ده جميل جداً
وبصراحة نا معجب جداً بمدونتك
بس يا ريت نرجع لاسلامنا ول ده حصل
مش هنلاقي أي مشكلة من اللي قلتي عليهم دول
في انتظار زيارتك عشان تنوري مدونتي
صلي علي النبي
محلاها عيشة الحرية ولعب الفيفا 2007
ههههههههههههههه
حمدلله على السلامة
نورتي مكانك تاني
في حفظ الله
مـجـنـووون
ههههههههههه
طيب عقبال ماتهد جبال انتا كمان
ونفرح فيك قصدى نشمت فيك
A.SAMIR
احمد باشا
والله انا اسفه جدا انا مقصرة مع الكل
بس الحبابيب مفروض ميزعلوش
صح ولا اه يا معلم
وسامحنى على تقصيرى
وجاية قريب
من نقدرش نتاخر عنكم
مطلق
اتجوزك
ده انا اروح انتحر احسن يا كريم
ده انتا هتطلع فيا عقدك كلها
عاشق الجنة من الإخوان صلى على النبى
هههههههههه
والله انا مقدرش ع الكلام الحلو ده
وياريت نفهم ان الجواز تيسير
مش شبكة وعفش
قلم رصاص
هههههههههههههه
هتضحى بلجواز عشان الفيفا
هههههههههههههههه
كل ده عشان أطلب إيد بنته
أمال بقى لو كنت طلبت معاها بطاطس وبيبسي
هههههههههه
حمدلله على السلامة
وحشتنى شوقتك جدااااااااااااااا
وبعدين ايه يابنتى
وليه كل دا هما دبلتين وعلى المأذون
وبعد كدا يشحتو على باب السيدة
ههههههههههههههههههه
ملحوظة ممكن بلاش اللون الاصفر
عندنا حول والله ههههههههه
منورة يا قمر
اختك وردشان
هههههههههه....أنا حاسس أني دخلت فيلم أبيض واسود شايف فيه ميمي شكيب وسراج منير وهما مطلعين عين عريس بنتهم الغلبان اللي جاي يتقدم
تحياتي
ده والله انتى جامده
خلصتى
احنا مش عايزين حد يتقدملنا
ولنفس ذات الاسباب اللي انتي قولتيها دي ماتجوزتش
افتكر في احدى محاولات الجواز الفاشلة ان ابو العروسة مكانش عاجبه اني اشتريت شقتي في القاهره وليه ماشتريهاش في الزقازيق بما اني في الاصل من هناك
واني لازم اشتري شقة في الزقازيق
يا حاج ممعاييش والليم عايا دفعته خلاص في الشقة
ماليش دعوة بيع بتاعة القاهره واشتري في الزقازيق
بس انا شغلي في القاهره
وانا مالي روح القاهره كل يوم
بس انا معنديش عربيه
بردو وانا مالي اشتريلك عربية
لا اوفر من دا كله وتيجي تقولي العفش يبقى لونه محمحي
بنتك عندك وفلوسي في جيبي اوفر لي
خليها تعنس
كل سنة وانتى طيبة وعيد حب سعيد
تحياتى شفقة
loooooooool
نعم للعنوسه
لا للزواج :)
ابو امك
بطاطس وشيبسى ايه
انتا طالب دليفرى
الرقم غلط
PakKaramu~
زورتها بس مفهمتش حاجة
smilyrose
انتتى كمان يا قمر وحشانى اوى
مايكل
ده انتا هتتظبط لو فكرت تتقدم لوحدة
حـــلـــم كــــان
انا عن نفسى عايزة
أحمد عاطف
يعينى يبنى
والله صعبت عليا
وبعدين ابوها رخم كدة ليه
يروح هو يجوزها بقه
شفـقــة و إحســــان
وانتى طيبة يا قمر
وحمد لله ع السلامة
اقصوصة
تلاقيكى انتى اول واحدة هتجوزى فينا
وحشتيني يا بت انتي
فينك
عارفه مين انا
ايون ماما مي يا وحشه يلي نسياني :(
فتاة حالمة
مى
هو انتى مى اسامة فيس بوك
انتى عندك مدونة
اول مرة اعرف
السلام عليكم اسمحيلى امر عندك وأهنيك على الدعوة الجميلة للجواز والتفائل ربنا يوفقك امين يارب
يابنتى اتكلمى عن نفسك
حرااااااام عليكى
عايزين نتجوووووووز
انا مش مع مشمشيه ولا اعرفها ياجدعااااان
yap
انا مي اسامه فيس بوك يا ندوله انتي
انتي فين يا به ومش بتسالي ليش؟؟؟؟
هههههههههههههههههههه
لا متخافوش مفيش جواز
دكل الشباب دللوقتى متشردين ومش لاقيين ياكلوا
هههههههههههههههههههه
دلو حد قدر يجيب عشر الكلام اللى انت قلتيه ده يبقى لقطة
تقبلى مرورى
صباح الخير يامشمية
وحشانى جدا
معلش مقصرة الفترة اللى فاتت
بس تتعوض بقى
ههههههه
ايه دا يابنتى
الواد اللى هيقرا هينتحر قبل مايتجوز
وبعدين انت كدا هتقطعى علينا بقى
احنا عايزين عرير
علشان نفسى ابلس الفستان وابقى عرورة
هههههههه
بس تسلم ايدك
وعايزاكى كدا تكررى الزيارة
(دموع القمر)
هههههههههه
:)
الحملة المشمشية المفترية لمناهضة الزواج
بوست حلو ورايق
وينضم لبوست حاسوباتية اللي حطت فيه صورة تقطع الخميرة من العيش
تحياتي
ياسلام
وانت اللى شايفه ان احنا عايزين نعرفكم
عالاقل الواحد يرتاح من الكلام الكتير واللوك لوك عالفاضى والمليان
بس عشان اكون حقانى
متنفعش الحياة من غيركم
وعلى راى ستنا مارى منين
كاتكو نيلا
ههههههههههههه
ايه يا قمر الحمله الشعواء دى بس ،،، بس عجبتنى حته التلات حمامات دول جديده
السلام عليكم
على فكره باه ممكن تلاقى فعلا ناس تعمل الحركات دي او شبهها
طبعا صعب انه كل ده يحصل لانه بكل بساطه هاتلاقى اللى اسمه عريس اتعصب فى وشه وناوله بونيه فى بطنه
او يكون طلق اللى جاي يخطبها
هههههههههههههههه
بس اعتقد ان الامور بتتغير شويه والناس بدات تقدر نوعا ما المأساه اللى بيعيشها اللى بيتقال عليههم شباب امثالنا
وبعدين المشكله اصلا انه بعد ما يدفع اللى وراه واللى قدامه واللى عند الجيران واللى فى جيوب اصحابه ممكن يلاقى المفاجاه
واحده نكديه
تنكد عليه عيشته وتكرهه فى حياته
بس طبعا مش كل البنات كده
الحمد لله لسه فيهم ناس كويسه
ومازال الجواز المؤسسه اللى بتدى هدوء وراحه نفسيه واستقرار حتى ولو حصل شويه خلافات بسيطه او مش بسيطه
وزى ما جه فى القرآن انه موده ورحمه
معلش طولت
السلام عليكم
ليكى تاج عند الريس
سارعى
الى مقر الرئاسه
رئيس الجمهورية
يساتر يارب
لية كل دا
ما بالطريقة دى محدش هيفكر ولا هيجروء اساسا
وحطة اصفار وارقام وحاجات تخض
قوليلهم من الاخر هيبقى اخر يوم سعيد فى حياتك يوم ما تفكر تتجوز انت وهو
هاهاهاهاهاهاهاهاها
لا معتقدش الحكاية مهولة كدا
يمكن فة مبالغة اينعم
بس بيتحمل ساعات عشان خاطر
الحب الحب والشوق الشوق على رأي اللمبى
دمتى بكل خير
تقبلى مرورى
شوفى ده يا شيماء كدا
انا الــ Genius اللى عامله
http://img214.imageshack.us/img214/3961/94216735.jpg
ايه رأيك
على فكرة انتى تعرفينى :P
بس مش هقول انا مين ,,, هسيبك لضميرك و قلبك
;)
غير معرف
الصورة مش شغالة
وعموما لو بعت اللينك تانى مش هفتحو
لانى مش عارفه انتا مين
بس خلاص
إرسال تعليق