الأحد، 29 نوفمبر، 2009

من سنة فاتت


من سنة كدة كنت ع النت مش لاقيه حاجة عن النت

وكنت بتابع حاجتين على طول

مدونة خيخة وسووو

كنت معجبة اوى بالاتنبن دول

وفى يوم

قررت انى ادور على اميل خيخة واكلمها بس مردتش عليا

دورت على اميل سووو

ورد عليا احمد

وعلمنى اعمل مدونة ازاى

بس بعد يا عين ابوه ماطلع عينو ونضارتو كرشو على مافهمت

كنت فى قمة غبائى

لحد ماعملت مدونة

ونزلت اول موضوع

واستنا ان حد يدخل يقرا عندى

ملقتش حد

وخلاص زعلت

وكنت هقفلها

الناس قلتلى

ازاى هيزورك الناس وانتى مش بتزورى حد يا ذكية

وابتديت ازور الناس

وحسيت ان فيه ناس بتحبنى

وبيعجبهها اللى بكتبو

حبيت الموضوع اكتر

اتعرفت على ناس

بجد بجد

اخواتى

وعمرى مهنساهم ابدا

وتعليق الناس عندى كان بيشجعنى اكتر انى اكتب

بحبك يا عادل

بحبك ياسالى واحمد ومحمد
وكيار وسوول
دودو
عاشقه وغلبانة
شوشو
اقاصيص فقرى
هيما ستيته
نعكشة
بحبك يا ميــــــــــــــــــــــــــــــــــــكى يا قمر يا عسل يا مهلبية
بلقشطة والمكسرات
حاسوبتيه
فاروق ابى
ايمى جزرة اللى اتسرقت
نضال
زيكا
بنت المنصورة
شيكولاتة
طوبة
قوس قزح

بجبك يا عمرو

بحبك يا ماما فاتيما

بحبك يا عمو فشكولى

بحبك


يا اش بحبك

يا

صلاح

بحبك يا قلم رصاص

رغم انى فى قمة زعلى منك

بحبك يا حنان

بحب ناس كتير وهزعل لو نسيت حد

بحب كل الناس اللى عندى فى المفضلة بجد ووالله بحبكو جدا عشان كدة ضيفاكو

انا بحس فيكو باهلى وزمالك وكل الفرق

معلشى ان اكل الفترة دى مش بعلق عند حد

ولا بكتب حاجة

وانا عارفه انى مفلاقش مع حد

بس بعتذر بردو

احساس حلو اوى انى بقالى سنة معاكو

عقبال السنة التانية

بجد بحبكو جداااااااااااااااااااااااااااااااا


ويلا ياض انتا وهو وهيا غورو من هنا

هنرش ماية

نيهههههههههههههههاع

هناك 66 تعليقًا:

adel يقول...

بتحبيني !!!!!!

انا قالت اكيد البت دي بتحبني بس بتحاول تخبي

يابنتي انا اساسا مدوب بنات سوق الجمعة و بقيت اسواق ايام الاسبوع

ههههههههههههههههههه
انا مش هاعلق علي حكاية مختفية و مش بعلق ولا بكتب ... كله بحسابه و مينفعش قدام الناس كده

مبروك و عقبال العيد ميلاد الجاي

*البت المشمشية *حلوة بس شقية * يقول...

بحبك واول واحد كمان

بس بجد
الواحد سعات بيبقا مالوش خلق انو يكتب اى حاجة

adel يقول...

وملوش نفس يسال و ملوش نفس ....الخ

ماشي
عشان عيد ميلاد المدونة بس

*البت المشمشية *حلوة بس شقية * يقول...

هههههههههههههههههه
خليها عليك يا معلم
انتا الكبير
بردو
وطول عمرك حمال الاسية
يلا اجرى يا واد من هنا
بجد بجد
i miss you

adel يقول...

ايه
i mizz u
طب ما انا مرمي علي ام الفتيش بؤز او الياهوز بؤز برضه

حضرتك اللي مكبرة ال G و مروءه ال D

*البت المشمشية *حلوة بس شقية * يقول...

هههههههههههههه
ماشى يا عم الحركات

*البت المشمشية *حلوة بس شقية * يقول...

الـــــــــــــــــــــى الياهوز

قلم رصاص يقول...


كل سنة وانتي طيبة يابت انتي
عيد سعيد عليكِ وعلى العيله الكريمة

والف مليوووووون مبروك على سنة اولى تدوين عقبال 120 سنة

وزعلانه مني ليه هههههههههههههههه

معلهش حقك علي رغم اني مش عارف سبب الزعل

بس انا باعتباري واد ناااااصح هخمن انتي زعلانه بسبب ايه

اظن عشان مبظهرش اليومين اللي فاتوا على الياهو او الفيس بوك ..صح ؟

صدقيني كنت مشغول جداااا الفترة اللي فاتت بسبب الدبلومااااا ومش كنت بدخل شات خالص الفترات اللي فاتت
كان فيه الاهم وهي المدونة

المهم متكونيش لسه زعلانه

انتي اختي برضه .. حد يزعل اخته

يلا بقى انجري من هنا عشان اعرف اعدي من ادام المدونة اللي مرشوش حواليها ميه دي
هههههههههههههههه

كل سن وانتي طيبة

وبلاش تعاكسي الواد دولا أصله واد صايع ومقطع الخروف وديله
ههههههههههههههههه

ويلا بقى في امان الله

*البت المشمشية *حلوة بس شقية * يقول...

خلاص ماشى ان امعدياها من زمان بمزاجى
لما تقطع اخبارك فجاة كدة
ولا تسالى عليا بعتبارى كنت اختك وكنا بنكلم على طول
ولا حتى مسج ع الميل
با اخد ت على خاطرى
جدا
ولحد دلوقتى كمان
عشان اعتبرتك اخويا
عموما كل سنة وانت اطيب
وعدى عادى

أحمد عاطف يقول...

كل سنة وانتي طيبة

وعقبال 10 سنين تدوين

يادوبك كفاية :)

عاشقه الرومانسيه يقول...

انا كمان بحبك يامشمشه
كل سنه وانتى ومدونتك بخير
(:

الشاعر الحزين يقول...

واحنا كمان بنحبك قوى يا مشمشه

لأن كلنا أهل بالرغم من ان اسمى مش مكتوب بس أنا مش زعلان لأنى عارف مكانى كويس

وعارف كمان أن أنتى قلبك كبير بس نعمل ايه بقى اتملى من كتر الناس اللى بتحبيهم دول فأنا طبعا هكون أول واحد واقف ع الباب أول ما واحد يخرج هتلقينى داخل علطول

هههههههههههههههه

عموما كل سنه وأنتى طيبه ويارب بكل خير وسعاده دايما

دمتى بكل الخير

ستيته حسب الله الحمش يقول...

بحس فيكو باهلى وزمالك
لا يا ماما
انا محدش يجمعني مع الزمالك
ارفض واشجب وادين
انما اهلي "ك" بس
كل سنة وانت طيبة

شاب فقرى يقول...

مشمشيةالشقية :)

صباح الورد

انا شايفك مختفية من مدة

او مش بتعبرى عن اللى جواكى

وبقول مسيرها ترجع وتكتب وتتكلم تانى

وحشتينا

واحنا كمان بنحبك زى ما بتحبينا :)

ربنا يحفظك وترجعى تكتبى تانى

وبعدين انا مش هلعب بعيد

انا قاعد هنا واللى مش عاجبه يرش ميه بعيد :P

فقرى

*البت المشمشية *حلوة بس شقية * يقول...

الشاعر الحزين
برافو عليك
انتا عارف مكانتك كويس جدااا

غير معرف يقول...

في البوست دا انتي بنت مشمشية وحلوة كمان..


البلاطجة موحلوة عليكي يا نسمة انتي


كل سنة وانتي طيبة

اتمنى ان اتعرف عليكي اكتر ممكن الاميل

blue-wave يقول...

كل سنه وانتى منورانا ووسطنا كدا

*البت المشمشية *حلوة بس شقية * يقول...

اة يبقا انتا اللى شتمتنى البوست اللى فات

*البت المشمشية *حلوة بس شقية * يقول...

غير معرف
انتا اللى شتمتنى البوست اللى فات

وردشان smilyrose يقول...

اولا كل سنة وانتى طيبة

وعقبال العيد الماسى للمدونة

يا شوشو يا نسيانى انتى

بس معلش بقى مانا متغيبة بقالى كتير

ويارب دايما فى وسط احبابك

وعيد سعيد يا شوشو

وعيد سعيد يا مشمشة

م/محمود فوزى يقول...

السلام عليكم
كل سنه وانتى طيبه بمناسبه العيد ومرور سنه على التدوين
يارب دايما تكونى متألقه فى المدونه
يارب متكونيش زعلتى من تعليقى ونقدى المره اللى فاتت
فانا قلت ده لانى باحترم ارائك وباقول رايي بكل صراحه
ولو كان قصدي اى اساءه مكنتش دخلت المدونه اصلا
فارجو ان لا تكونى فهمتيني غلط
وانا عمرى ما اقصد اساءه الى اى شخص محترم ابدا
ربنا يوفقك للخير ويسعدك دايما

mohamed ghalia يقول...

ايه ده انا اسمى مكتوب ولا لا؟ هههههههههههههه
كل سنة والمدونة وصاحبة المدونة بخير
ربنا يكرمك ويسعدك دايما
ودايما بينا وفى وسطنا

*البت المشمشية *حلوة بس شقية * يقول...

محمود فوزى
اكيد مش زعلانة منك يا دكتور

Somaya Kamal El Din يقول...

حبيتى ربنا يكرمك

والحمد لله انك لاقيتى وصلتى لحلمك

وفعلا التدوين فى ناس جميلة اووووى وزى العشل هههههههههه

nody يقول...

كل سنه وانتى طيبه

منوره البلوج وكلنا بنحبك يابت ياام دم خفيف

micheal يقول...

ده أنا اللي جاي اضرب طوب وشماريه كمان
أنا فين يا مشمشة
إهيء إهيء

*البت المشمشية *حلوة بس شقية * يقول...

مايكل
يالهوتى
انا اقدر انساك يا قمر
روح شوف اسمك

*البت المشمشية *حلوة بس شقية * يقول...

مايكل
يالهوتى
انا اقدر انساك يا قمر
روح شوف اسمك

John يقول...

Very unique blog.
Fantastic pictures. Wow...

I like your blog.

Please visit:
http://bali-worldresorts.blogspot.com

Keep blogging.
Have a great time.

غير معرف يقول...

فعلا انا00

صورة النيم بتجنن
ياريت انتي كدة؟

المهم المسامح كريم انا مسامح يا مشمشة دى راحتك..

م/محمود فوزى يقول...

اختى الكريمه
الحمد لله انك مش زعلانه انتقادي المره السابقه وده العشم برضه
ربنا يكرمك ويسعدك دايما

wella يقول...

كل سنة وانتى طيبة


هوة انا مش بدخل على مدونتك كتير بس ديما اشوفك عند خيخية كتير

يارب يسعدك ويوفيقك

ويديكى على قد نيتك يابت يامشمشيةياحلوة ياامورة انتى

كلام من قلبي يقول...

الف مبروك وعقبال كل السنين الجية يا رب

واحده من الناس يقول...

:(
كان نفسى اطلع ف لوحة الشرف دى
عاااااااااااااااااااا
وكمان
عااااااااااااااااااااااا
انا ماشيه بقا
اروح اجيب منديل
عاااااااااااااااااااااا

اقصوصه يقول...

مبروك عيد المدونه

وعقبال عشرات السنين :)

يوميات شاب منوفى يقول...

مبروك عيدميلاد المدونة ويارب تكمل ميت سنة

mohamed يقول...

مشمش
كل سنه وانتى طيبه
وأنا همشى بسرعه لحسن الميه الى بترشيها
تنزل على هدومى ويجلى أنفلونزا

فاتيما يقول...

كل سنة و انتى طيبة و مدونتنك بألف خير يا قطة يا قطقوطة
انتى منورة قلوبنا
و كلنا بنحبك
لولا بس رش المية فى الآخر
واللى طرطشت علينا دى
و رش المية عدواة يا شقاوة
و أصلا القطط مبتحبش المية جبتيها منين دى؟؟
سوووو طول عمره اخلاق
و خيخة اكيد كانت مشغولة لشوشتها خالص فمردتش عليكى لهذوها السبب
بس كل الأسامى اللى كتبتيها الواحد بيتشرف إنه مكتوب وسطهم
عادل ابنى و دودو عروسة البحور
و كل الأسامى كلها
يستحقوا حبك و اهتمامك فعلاً كما تستحقى انتى كمان
و بطلوا انتى و عادل معاكسات فى بعض بقى هتعقلوا إمتى يا عيال؟؟؟
استنوا لما امشى طيب
عشان منزنى ميبقاش وحش
هه
سلام

*البت المشمشية *حلوة بس شقية * يقول...

واحدة من الناس

ياباشا
انتى فى لوحة شرف قلبى

*البت المشمشية *حلوة بس شقية * يقول...

عادل يا مامتى زى ماهو ابنك
هو اخويا بجد وبموت فيه كتو الارف

غير معرف يقول...

مدونة سيئة
وبيض كيك

ياسر سليم يقول...

كل سنة وانتى ومدونتك طيبين

*البت المشمشية *حلوة بس شقية * يقول...

غير معرف
عجبانى وعاجبة كل الناس
رايك يحترم شكرا

sookra يقول...

مساكى شيكولاته يامشمشه
كل سنه وانتى طيبه
وكل سنه وبنتك مدونه طيبه
وعقبال ماتخاويها ياختى
عشان الراجل موش يطير منك
ماانتى لازم تغلبيه بالعيال
هههههههههههه
عقبال السنه الجايه

خواطر شابة يقول...

مبروك اول سنة تدوين وان شاء الله عقبال سنوات أخرى موفقة ان شاء الله.
شكرا لك لانك أسعدتيني اليوم أول ما فتحت مدونتك.
تحياتي لك

3mr wa2el يقول...

مرت سنة و كمان سنة و اتنين و تلاتة و هيبقى الكل موجود عندك اصل البت المشمشية حلوة بس شقية معلقة ف اذان ناس كتيرة اوى بيحبو يزورها حتى لو مش ف الريدرات بتوعهم ولا بتوعها بس هقوللك كل سنة و مدونتك طيبة و كويسة و فها تعليقات كتير

غير معرف يقول...

ردا ع الغير معروف


المدونة رائعة جدا


ومديرتها ومالكتها ذوق اوي


وطيوبة وبنت بلد وجدعة كمان


وغير معروف سيء بسيء لغير معروف جيد


للامام يااروع مدونه انتي ومدونتك وخفة دمك وظلك التي تسعدنا من نضح حرفك..تقدمي


اسسسسسسسسسسسسسسسسسسسسسسسستمري


اخوكي نيران
اتمنى ان تقبليني صديق جديد

غير معرف يقول...

ع فكرة انا اللي اختلفت معك ع بوست الجزائر وانا لامصري ولا جزائري


اخوكي نيران

غير معرف يقول...

عقبال 100سنة وسنة وانتي بشموخ الاهرام


ولين النيل



نيران

آيوشة يقول...

كل سنة وانتى طيبة يامشمشة وعقبال 100000 سنة فى التدوين وفى سطنا يارب
وانا بحبك جدا جدا جدا وربنا يعلم

صاحب المضيفة يقول...

كل سنة وانتي طيبة وفي سعادة وهنا يارب


كل الود

غير معرف يقول...

اززززززززززززززززززيكممساء المش مش

مامة مازن يقول...

كل سنة وانتى طيبة وبخير
تحياتى

غير معرف يقول...

كل سنه وانتى طيبة
وبتحبى الناس بالجملة
كيكى عووووو

بنت مصرية يقول...

انا كمان محدش بيزورني:))
بقالي كتير سايبة التدوين ولسة راجعه تعالي بقى زوريني

sun of free dom يقول...

مدونتك جميلة جدا ودى اول زيارة ليا وان شاء الله متكنش اخر زيارة . دمتى بخير
اتمنى الزيارةhttp://hendfreedom.blogspot.com/

a7med-Mado يقول...

عيد ميلاد سعيد رمضان مبروك أبو العلمين حموودة
ههههه
بجد مدونة جميلة أكيد زى صاحبتها اللى أول مرة أدخل عندها ويارب أكون ضيف خفيف ولذيذ وظريف وتجيبلى بئة شوية بلوبيف

micheal يقول...

ميرسي يا مشمشة
عاوزين بوست جديد بقى

بانوراما يقول...

كل عاام وانتي بخير

وإن شاء الله تكبر مدونتج أكثر

mhmdwahab يقول...

والنبى بما انك جربتى نفس الاحاسيس الخاصة بمن يعمل مدونة جديدة ممكن اشحت منك زيارة اعتبرى نفسك فى زيارة فى العيد وبتوزعى الرحمة. الرحمة ياست والنبى برتقالة حتة شوريك وما تخفيش لن تقعى فى حبى راح يحصل زى ما حصل مع احمد زكى واثار الحكيم فى انا لااكذب ولكنى اتجمل. وبعدين انتى قولتى انك عايزة تعطى ولو يوم لمصر انا بقى عايز حقى انا ابن مصر مصر هى امى

بسنت صلاح الدين يقول...

ايه ده انتى مقلتيش اسمى ،،، يالا مش مشكله هههههههههه ، كل سنه و مدونتك منوره البلوج

mhmdwahab يقول...

انسة مشمشية لى تعقيب بسيط على موضوع الجزائر انة كان كلة نصب وتضليل من الاعلام المصرى ولم نضرب فى السودان بل نحن من ضربناهم هنا فى المبارة الاولى ثم رادو هم علينا فى الجزائر بضرب مواقع مصر للطيران واوراسكوم اما فى السودان فلا شى ونصحتى ان تقبلية لا تاخذى المعلومة من مصدر واحد خصوصا الاعلام المصرى وهو معروف منذ ايام النكسة وهو مضلل هناك اعلام محايد مثل bbc arabic و لو قمتى بزيارة موقع msn arabia القسم المخصص للرياضة اقراى مقالات هيثم نبيل سوف تساعدك على فهم الموضوع

قوس قزح يقول...

كل سنة وانتى طيبة يا حبيبتى
و دايما معنا و وسطنا و شقية و معفرتنا معاكى و مع افكارك

هو انا اغيب ارجع الاقيكى غايبة انتى كمان ؟؟
انتى مختفية فين ؟

Hager Za3bal يقول...

عقبال 100 سنه يا مشمشه :)

micheal يقول...

بوست جديييييييييييييييد بقى

rovy يقول...

عيد ميلاد سعيد للمدونه و لو انها متأخره شويه بس انا اصل العصفوره قالت لى ان عيد ميلادك انتى يا قمر قرب فقلت اكون اول واحده بأقولها لك هنا :)
لقيتك بتحتفلى من ورايا بالمدونه ..
فكل سنه و انتى طيبه و مدونتك كمان جميله و منوره بيكى حبيبتى ..

تحياتى