السبت، 14 نوفمبر، 2009

عملوها الرجالة


بجد الحمد لله يارب
الواحد كان خلاص
قلبو هيقف وفرحت اكتر لما شفت الجزائريين
يعينى مقهورين ان شاء الله يوم الاربعاء فى السودان
هيتعلمو الدرس بجد دى
مصر مش اى حد
****************
والله بنحبك اوى يا مصر
مش كدة ولا ايه

هناك 26 تعليقًا:

romansy يقول...

الف الف مبروك
لمصر
وعلى فكره الماتش الاربع مش الخميس

فتاه من الصعيد يقول...

مبرووووك

الماتش الاربعاء

تحياتي

عاشقه الرومانسيه يقول...

مبروووووووك النصر
وعقبال الفرحه الكبيره
يوم الاربعاء ياقمر مش الخميس

Hager Za3bal يقول...

مبروووووووووووووووووك لمصر :)))))))

وعقبال الماتش الفاصل ياااااااااارب

قلم رصاص يقول...


ألف ألف مبرووووووك

ياجماعه والله فرحه حقيقية من القلب

انا حاسس اننا زي مايكون كنا في معركة

بس طبعا انا مش عاوزها معركة عشان احنا

كلنا عرب ومفروض دم واحد مهما حصل بيننا

ومش عاوز نبرة الشماته دي يامشمشية

بلاش افترى حرام عليكي ههههههههههه

الف مبروك علينا جميعا وان شاء الله

منتظرين الحسم يوم الأربعاء باستاد

ام دربان بالسودان

أم دربان أم اربعه واربعين هنكسب

ان شاء الله ههههههههههه

في حفظ الله

Darsh Basha يقول...

الف الف الف مبرووووووك

والف مبروك لكل المصريين يارب

ودائما فى سعاد دائمة

مي يقول...

مصررررررررررررررررررررررررر مصرررررررررررررررررررررررررررر
مبرررررررررروك علينا

adel يقول...

مصر

أميرة علي كوكب مهجور يقول...

مبروك علينا مبروك لمصر تيت ترااااااا تاتا مصر :)
وان شاء الله الاربعاء هنكسب ربنا معانا

mohamed ghalia يقول...

كده طبعا
هيييييييييييييييييييييه
مبروووووووووووووووووووووووووووك

blue-wave يقول...

هوا دا الكلام
تسلمى يا مصر

واحد من العمال يقول...

السلام عليكم

مبرووووووووك يامصر
أيوه عملوهااااااااا الرجاله
بس بلاش مقهورين خليها مغلوبين
لأن الرياضه غالب ومغلوب
ومهياش حرب
وربنا يكمل فرحتنا فى السودان إن شاء الله

ودمتِ بخير حال

فكرة من الزمن ده يقول...

مبروك يابت يامشمش
والله فعلا قلبنا كان هايقف من اول دقيقة وخايفين على الجون
ولحد اخر دقيقة لما جابو الجون التاني
الحمدلله قلبنا اتشعلق طول الوقت مش قادرين نقعد
تحياتي

بســـمة انور يقول...

طبعا تحيا مصر

مبروووووووووك لينا

اقصوصه يقول...

فرحتي لانك شوفتي الجزائريين مقهورين؟

شريره انتي

لا تكلميني :(

همســات عــلى ضــوء الــقمر يقول...

الف مبروك يامشمشية

وعقباااااال الماااتش النهائى

حنان الشافعي يقول...

مبروك لمصر




وحشاني يا مشمش

وفاء يقول...

ليه كده بس صحيح مصر كسبت و من حق الجميع يفرح لكن ليه تفرحي اكثر بالجزائريين و هما مقهورين مش صورتك من فوق بالحجاب يعني مسلمة زيك زيهم على الاقل قولي الحمد لله ان مصر فازت و بلاش كلمة فرحت اكثر و هما مقهورين دا ماتش كورة عادي مش حرب مع يهود.. تقريبا 30 سنة و الحكومة بتاكل في اموال الشعب و احنا مخدرين بماتش كورة تافه .

وفاء يقول...

على فكرة مدونتك كانت اول مدونة اقراها في حياتي و دايما متابعاك خاصة في رمضان لكن....

micheal يقول...

عقبال الفرحة يوم 18
:)

مسدس صغير يقول...

ربنا يستر فى الجاى
ياااااارب

amirelhob يقول...

مبروك لكل المصريين مبروك لكل حد رفع ايدو للسما ودعى مبروك لكل حد فرح من قلبو لمصر مبروك لكل المصريين على الفوز الف مليون مبروك ويا رب دايما مترحمناش من الفرحه وبتمنلكم كلكم خير وسعاده وصحه وتوفيق وفرح وابتسامه تدوم يارب طول العمر

she is me يقول...

زيارتي الأولى هنا ..
مدونتك جميلة, بسيطة, من القلب

مبرووووك لكم

وتقبلي زيارتي .. ودعوتي لكِ إلى مدونتي ^^

micheal يقول...

جاي أرمي السلام

غير معرف يقول...

مهزلة مصرية جزائرية بقلم عبد البارى عطوان

تحتل اربع دول عربية المراتب الاولى على قائمة الدول الأكثر فسادا في العالم، اضافة الى افغانستان، حسب منظمة الشفافية الدولية، ولكن لم يخطر في بالنا مطلقا، ان تستخدم انظمتنا الرياضة من اجل تحويل الانظار عن فسادها ودكتاتوريتها القمعية، وبذر بذور الكراهية بين ابناء الأمة الواحدة، مثلما شاهدنا في الايام العشرة السوداء الاخيرة، التي بدأت وانتهت بمباراتي فريقي مصر والجزائر، في تصفيات نهائي كأس العالم الصيف المقبل في جنوب افريقيا.

نحن امام حرب حقيقية، وعمليات تجييش اعلامي ودبلوماسي لم يسبق لها مثيل، وكل هذا من اجل الفوز في مباراة كرة قدم بين فريقي دولتين وشعبين شقيقين، من المفترض ان الفائز من بينهما سيمثل العرب جميعا في هذه المسابقة الكروية الدولية.

عندما قرأت انباء عقد الرئيس حسني مبارك اجتماعا طارئا لاركان دولته، ابتداء من مجلس الوزراء ومرورا بقائد جهاز المخابرات، وانتهاء برئيس هيئة اركان الجيش المصري، تبادر الى ذهني ان مصر على ابواب مواجهة مصيرية مع اعداء الأمة والعقيدة......

باقى المقال فى صفحة الحوادث بالرابط التالى

www.ouregypt.us

م/محمود فوزى يقول...

الحمد لله اننا كسبنا فى القاهره
وطبعا الحمد لله على كل حال فى المباراه التانيه
بس انا اصلا متضايق اننا ليه حطينا نفسنا فى مواقف زي دي
كان ممكن من الاول نفوز على زامبيا هنا بدل التعادل وساعتها -باذن الله - لا هانقول لازم نفوز 3-0 ولا حاجه
عموما قدر الله وماشاء فعل
ولازم الناس تهدأ شويه وبلاش الحرب النفسيه دي
وطبعا المفروض الحكومتين تتعاونان فى كده وتعاقب اى مخطىء من الجماهير لو اضر او اصاب حد