الجمعة، 11 سبتمبر، 2009

هعيد وهفرفش .. بس منغير تحرش


شباب مصر اللى بجد عارف

إن رب رمضان هو رب باقى الشهور

, بالتالى عيب جدا شبابنا يكون بيصلى

التراويح ويقيم الليل لحد أخر يوم فى رمضان ,

ومن أول يوم فى العيد نلاقى الشباب بيتحرشوا بالبنات والسيدات فى الشوارع

. الجروب ده معمول علشان نقول إننا هنعيد وهنفرفش .. بس مش هنتحرش
لدخول الجروبhttp://www.facebook.com/group.php?gid=158203229767
وأتمنى كلنا نشارك فى إثراء الحوار هناك

, ونعمل دعوه لكل أصحابنا على الفيس بوك عشان الفكره توصل لاكبر عدد من الناس

.. يمكن نساهم فى عودة الأمن للشارع المصرى من جديد .

************************

لو عندك بلوج ساهم معانا فى انتشار

الجروب واكتب بوست واحد عن الحمله والجروببوست واحد مش هيفرق

معاك كتير .. لكن ممكن يغير عقليه ولد ضايع يحمى انسانه بريئه
********************
دى فكرة محمد حمدى مدونة دماغى
فكرة حلوة بجد
واعمل بيها ثواب فى الشهر الكريم
يمكن كلامك
يغير واحد
تكسب بيه ثواب

هناك 13 تعليقًا:

Darsh Basha يقول...

ناا دخلت الجروب
وبجد هى فكرة جميلة وكويسة جدا

وربنا يهدينا ويهدى جميع لمسلمين


دا اول تعليق ولا نظامىة اية
يامسهل يارب ..تبقى اول تعليق

♥ Am fOpa'D ♥ يقول...

ان شاء الله تثمر فكرة الجرووب وعملها يوصل للمطلوب ان شاء الله,,,

البلد بقت تقرف والنااس الي فيها الي ماشين في درب هذا السلوك بقى اقرف,,,

اللهم عافنا واعفو عنا
دمتي بخير

ستيته حسب الله الحمش يقول...

ربنا يبارك في الشباب
عاملة ايه يا مشمشة

*البت المشمشية *حلوة بس شقية * يقول...

تمام يا ستوتة يا قمر

فتاه من الصعيد يقول...

ربنا يهدي الجميع ..... يا مسهل واتمنى ان يكون في نتيجه .....بس تفتكري ان الشاب المتحرش ممكن يرتجع من الكلام ؟؟؟

*البت المشمشية *حلوة بس شقية * يقول...

فتاة من الصعيد
والله لو كلنا عملنا كدة
يمكن
لو واحد حتى

Pink Dreams يقول...

ربنا يهدى الكل

جزاكى الله كل خير

ويا ريت الشباب تتعظ

لان المفروض يبقى حاطط فى دماغه انه اللى هيتحرش بيها دى ممكن تكون امه او اخته

وربنا ميسيبش حق حد

تحياتى

blue-wave يقول...

ياريت بس الناس دى تفهم وتعرف
وتبطل

كيكى عوووووو يقول...

والله لو شعبان غناها وجت معا انتصار وكام بطة وفرخة متهيلى الشباب ممكن يتأثروا
100 ندامة

hager za3bal يقول...

فكره حلوه بس تتنفذ .. :)

Sharm يقول...

جميلة

أحلام حقيقية يقول...

ازيك يابت ياشيمو اخبارك ايه
الجروب ده فكرته حلوة ويارب يجيب نتيجة والباب حالهم يتعدل





صحيح اعرفى انا مين ؟؟؟؟

شاب فقرى يقول...

والله يا مشمشة الموضوع شائك ومش بيبقى متعلق لا بالدين ولا حاجة
الناس كلها عارفة ان التحرش حرام

الموضوع متعلق بالأخلاق والثقافة العامة وتفكير الناس بفصل الدين عن الحياة او عن التصرف العام

يعنى مثلا تلاقى شاب بيقول انا بصلى وبصوم وبقوم الليل بس بشرب سجاير او بكدب عالبنات هنا وهناك وبشتغل أى حد

طيب تيجى منين

هنا بقى بييجى دور الثقافة والقيم والأخلاق
حتى إذا الشخص فصل بين الدين والحياة والتصرف العام فمش هيقدر يفصل بين الأخلاق والقيم والحياة لأنها نابعة من الحياة نفسها اللى بنعيشها

ويمكن معايير الأخلاق دى إتغيرت

يعنى أنا سألت شباب كتير من اللى بيعاكس البنات فى الشوارع وشايفين نفسهم حاجة

وكان الرد الوحيد

لو البنت دى ماشية محترمة مكنتش عاكستها
وبرغم انى بقوله وانته مالك يا اخى ما انته واقف تشرب سجاير فى الشارع والمفروض كدا غلط وحرام ولكن الناس مش قادرة تقرب الفكرة أو تشوفها

عيد سعيد يا مشمشة
انتى من أسباب عودتى للتدوين بشخصية تانية
تحياتى ليكى

شاب فقرى :$