الأربعاء، 30 سبتمبر، 2009

كن حقيرا قليل الادب واحذر ان تكون ذا خلق


قبل مابدأ البوست

عايزة اقول للناس اللى داخلة تشتمنى ع البوست اللى فاتت

محدش قالك تيجى المدونة

وانا مروحتش جبتك من مدونتك عشان تقرا وتعلق عندى

سهل اوى انك تقول ان دى مدونة مش محترمة ومتعلقش ومتجيش هنا تانى

خلص الكلام

****************************



الناس دايما بتفسر طيبتك وتعاملك معاهم على او ضعف


وعلى الاساس ده بيعاملك الناس


لما بتتنازل عن حقك عشان متأذيش مشاعر حد تانى قالو عليك ضعيف

ويقولوا انك متقدرش تاخد حقك منو


لما تدى لحد حاجة بتاعتك عشان متحرجوش

بيعتبروه ضعف


لما تسامح حد غلط فى حق

عشان ميبقاش فيه عداوة بينكو قالو عنك جبان



لما حد بيقابلك بوش وحش وانتا تقابلو بابتسامة قالو ان معندكش غيرها


لما بتكلم مع حد بأسلوب كويس وتجاملو

قالو عنك مراوغ


الحل لكل ده ايه خد عندك يا سيدى


*خليك قليل الادب وخلى اسلوبك زفت وخد حقهم وحقك كمان


*خلى وشك وحش مع الناس التانية وكشر فى وشهم


*متسامحش حد ابدا


*لو بتتناقشو اكلم باسلوب وحش وياريت لو تشتم كمان


ساعتها الناس هتعملك الف حساب وهيخافو منك


هو ده مجتمعنا بيرفض اننا نككون محترمين وبيشجعنا اننا نكون ناس قلوبها وحشة ومعدومين من الاخلاص

***************

الرسالة جتلى من فترة ع الميل

وعدلت الطريقة

بس خلاص

هناك 106 تعليقات:

عاشقة الأحزان يقول...

ممممممممممم

اول تعليق
فى اول زيارة
نياهااااااااااااااااااا

عاشقة الأحزان يقول...

قشطه وفله كده على الاخر
ايه الاجرام ده
كويس قووووووووووووووووووى

عاشقة الأحزان يقول...

ناخد كمان التالت
عشان تكون التالته تابته زى ما بيقولو

واقرء وارجع
فاصل ثم نواصل

عاشقة الأحزان يقول...

مممممممم
تعرفى بجد دى عالم زباله قووى اللى تعمل كده انا مبدءى ادخل مدونه عجبتنى اقول اللى فى قلبى وامشى مش عجبتنى اخرج من غير ساكت مش عارفه العالم دى ايه بجد دى مدونتا احنا نعمل اللى يعجبنا ومالناش دعوة بحد
واللى مش عجبه يخرج ولا يدخل من الاساس
ربنا منتقم جبار
حبيبتى متزعليش ولا تتضيقى خالص
ربنا معاكى وحصلت ليا كتير قووووووووووووووى
يلا ربنا مافيش احن منه
دمتى بكل خير
مودتى
اختك
ايناس

adel يقول...

مين يابت اللي غلط فيكي ؟؟؟
ده انا اطلع ............*

اللي مش عاجبه في 60 الف سلامة

بس انا مش معاكي في الكلام اللي تحت
ربنا مقلش كده
انتي بتعملي و مش مهم الناس يشوفكي ازاي
لو قاله جبانة مش مهم
عيلة مش مهم
عبيطة مش مهم

لكن متنزليش للمستوي المتدني بتاعهم

*البت المشمشية *حلوة بس شقية * يقول...

عاشقة الأحزان
نوسة حبيبتى
اول زيارة ياريت متكونش الاخيرة

*البت المشمشية *حلوة بس شقية * يقول...

adel
دولا
صديقى الصدوق

واحد يا سيدى شتمنى كالعادة
بس مش مهم
ده انا بقعد اضحك
بلنسبة للبوست
لو قريت للاخر
كنت بقول
ان ده بقه حال المجتمع
انا بسخر من التفكير
لاكن مش معاه
انا مع منطق اعمل الخير وارمى البحر
واتعامل مع ربنا مش مع الناس

adel يقول...

هو ده ياصديق :):)

ومدام بتتشتمي تبقي وصلتي يابت ")
اصل كل اللي بيتشتما ناجحين و مؤثرين

ماعدا تامر حسني :):)
ههههههههههههه

شاب فقرى يقول...

والله قاعد على باب المدونة من الصبح

بس للاسف جهازى باظ فجاة

قمتى انتى نزلتى البوست وانا رحت اصلحه وجيت تانى

بصى يا مشمشية

القوة احسن حاجة فى الدنيا

يعنى العطاء تحت مبدأ القوة

التسامح مع الناس بس أعرف كل واحد مقامه

يعنى انا شفت تعليق امبارح فى مدونة تانية وقال كلام مش كويس عليكى

وعلى فكرة كان معلق هنا

الصراحة انا مستحملتش

انا هزقت واتعصبت وقمت متنرفز

بس مش دى المشكلة

المشكلة ان الناس فاكرة ان النعامة لما بتحط وشط فى التراب بتنجى من الخطر وهوا دا الغباء

الله يرحمه دكتور فى كلية اعلام القاهرة حضرت له مرة قال السطر دا بالظبط
(( الناس مش عايزة لا تتكلم فى الدين(( مناقشة )) او الجنس او السياسة للسبب دا بس عايزين حد تانى يتكلم عشان ينتبهوا معاه ويغلطوا فيه ))

وفعلا دا اللى بيحصل

بجدانتى جبتيها من الاخر

اللى عايز يقرا يتفضل

لكن اللى مش عايز يتفضل مع الف سلامة
ولو هتعلق او هتقول رايك
ياريت برده يكون بادب واحترام مهما كان الموضوع اللى بنتكلم فيه حتى لو عالم سمسم

وتحياتى ليكى على البوست السابق وعلى موقفك الحالى

شاب فقرى

ملحوظة (( ازيك يا عادل :) :)

شاب فقرى يقول...

وعلى راى واحد بيغنى راب

(( إتفو على أم رأيك اللى هيخليك تشتمنى ))

تحياتى واحتراماتى

شاب فقرى

*البت المشمشية *حلوة بس شقية * يقول...

adel

هههههههههههههه
طول منا بتشتم يبقا انا ماشية صح
حرام عليك
مش عارفه ايه الهجوم الكاسح على تامر

*البت المشمشية *حلوة بس شقية * يقول...

شاب فقرى
بلظبط كدة احنا عاملين زى النعام
مش راضين نتعرف بأى حاجة

ممكن تقولى اتشتم عليا فين
عايزة اروح اتفرج واضحك شوية ؟ ممكن

*البت المشمشية *حلوة بس شقية * يقول...

شاب فقرى
انا شايفه اصلا اللى بيدخل ينتقد شخص ويشتمو
يبقا مش فاهم اصلا

hager za3bal يقول...

ليه شاغلين نفسنا بالناس

مش مهم الناس يبصولك ازاي .. المهم انتي شايفه نفسك ازاي

وحشتيني يا مش مشمشه :)

*البت المشمشية *حلوة بس شقية * يقول...

hager za3bal
وانتى كمان يا جوجو

شاب فقرى يقول...

ياريت تضحكى بسسسس


انا مش عايز ابقى موقعاتى

ولولا ان انتى المشمشية انا كنت هنفض ومش هقول


https://www.blogger.com/comment.g?blogID=2358299782114984077&postID=4866322691341058966

ردود ابو على

تحياتى

مدحت محمد يقول...

بحس فى اكترية مواضيعك انك عصبية اوى
حاولى تكونى اهدى من كدة

*البت المشمشية *حلوة بس شقية * يقول...

مدحت محمد
مش بعرف يا مدحت والله اصلى غيورة اوى

شاب مفقوع يقول...

اقبلي رايي المتواضع

قولي اللي يعجبك واللي مش عاجبه يخبط دماغه في اتخن حيط

انا من يوم ما بدأت اقرا مدونتك وانا مالقتش انسانة محترمة ومثقفة وغيورة على دينها زيك

ربنا يحفظك

واللي مش عاجبه طظ

*البت المشمشية *حلوة بس شقية * يقول...

شاب مفقوع
بجدبجدبجد
اخجلتنى بكلامك ده
ومبسوطة من الكلام ده اوى ورفع معنوياتى جداا

Darsh Basha يقول...

اولا للناس اللى مش عجباهم الكلام اللى فى البوست اللى فات يولعوا .
اما نظام حقك
فكل واحد يخلية فى السليم ..والدنيا كلها هتبقى كويس معاة
وان لو فى حد متقبلوش يولعوا ..المهم كل واحد يبقى لة شخصيتة ..ويتقبلها ويسيبة من المجتمع كلة .

وبس
سلاااااام

*البت المشمشية *حلوة بس شقية * يقول...

Darsh Basha
تسلم يا درش
ع الكلمتين الحلوين دول
وياريت كل الناس بتفهم كدة

بدراوى يقول...

بصى زى ما قولتلك حاولى تكونى اهدى
و اكثر تركيزاً فى فكرتك عشان تقدرى تعرضيها بشكل صح و ميتحسبش عليكى
اه انتى حرة فى طريقتك

بس زى ما قال حد ليكى
فخور بغيرتك على دينك

معتقدش اننا لما اعمل موضوع بغير بيه على دينى و يكون بطريقة شوية فيها شتيمة او سب
حيبقى شكلها ظريف

انتى ممكن تقولى كل اللى انتى عاوزاه بل بالعكس تشتمى كمان بس بأدب

ده الأسلوب اللى انا شايفه
---
اما بخصوص البوست
يقول محمد فؤاد
الطيب فى الزمن ده يا قلبى مالوش مكان

*البت المشمشية *حلوة بس شقية * يقول...

بدرواى
اكيد
انا حرة انى اكتب اللى ان اعيزاه لانى عاملة المدونة دى عشان كدة
واشكرك ع النصيحة

اقصوصه يقول...

للاسف كلامك صحيح

الحياه غابه

والبقاء دوما للاقوى

والاشرس!!

*البت المشمشية *حلوة بس شقية * يقول...

اقصوصة

يا شرس انتا يا شرس

جمهورية شومبونجو العربية يقول...

السلام عليكم ورحمة الله
مشمشية الله
انا بموت فى الخشاف
ههههههه

اولاّّ المدونة بتاعتك فوق الفظيع وعجبتنى جدا
ثانياّّّ الى الى مش عجبو حاجة ف المدونة تفوت جمل
ومتزعليش وخليكى فرش عادى عادى
دى اول مرة اكتب فيها عندك وان شاء الله مش الخيرة
يس انا ليا رأى متفق مع عادل بس زودى الحتة دى
ياعنى الى يعملك حلو تعملي حلو
ولى يعملك وحش دة تديلو فوق دماخة

واتمنى ان اكون ضيف خفيف علكى

.........
تحياتى

رئيس الجمهورية

*البت المشمشية *حلوة بس شقية * يقول...

جمهورية شومبونجو العربية
هههههههههه
منورنى
وتعليقك عجبنى جدا
وان شاء الله ارود الزيارة

Tarkieb يقول...

الشجرة المثمرة ترمى بالحجر احسن حاجة تمسحي الشتيمة وتتجاهلى صاحبها ..... من عاتب الجهال أتعب نفسه.......

*البت المشمشية *حلوة بس شقية * يقول...

Tarkieb
وانا مثمرة طبععا
هه
نورتنى

رئيس التحرير يقول...

بسم الله الرحمن الرحيم
السلام عليكم ورحمه الله وبركاته .
لكم كل الشكر .
علي ما صنعتم من أجلنا ...
و الأسماء في القائمه ...
يا...مشمشيه.

*البت المشمشية *حلوة بس شقية * يقول...

رئيس التحرير
نورت ومبروك مقدما

فركشاوي ..ناوي يقول...

في أيه تهمك ...
قله ادب قليل الأب ؟

*البت المشمشية *حلوة بس شقية * يقول...

فركشاوي ..ناوي
مش فهمة

مسدس صغير يقول...

طنشى ولا يهمك
القافلة تعوى
ههههههه
استهدى بالله
عاتى
سلاموز

*البت المشمشية *حلوة بس شقية * يقول...

مسدس صغير

لا اله الا الله

Che يقول...

يا بنتى نفضى و كبرى دماغك .... طبعا لو ليكى فى الشتيمه كنت قلتلك طلعى ..... زى ما عادل قال كده ... بس بما ان ملكيش فيها يبقى قوليلى انا و عادل و احنا نطلعلك ...... و انسى ..... انسى .... لو مش قادره تنسى لوحدك يبقى اشربى عشان تنسى ..... بس ماتزوديش فى الشرب أوى .... البيبسى الكتير بيبقى غلط

nour يقول...

عجبتنى جدا جرأتك فى البوست اللى فات.. بغض النظر عن الموضوع وانا متفق معاكى ولا لا بس الاهم من دة كله انك كتبتى فى موضوع زى دة وباسلوب جرئ زى دة.. دة شئ شدنى جدا وخلانى اقول لسة البنات بخير

وبالنسبة لمضمون البوست فانا من رايى ان كل واحد يقول اللى هو عاوزه بالاسلوب اللى هو عاوزة بشرط ميضرش الاخرين..والبعد عن التعميم بقدر الامكان..

اعتبرينى زائر دائم..
وياريت تشرفينى فى مدونتى المتواضعة
http://nour-close.blogspot.com

لكى فائق احترامى

نور

فتاه من الصعيد يقول...

لا كده حرام .... هما فعلا الناس كده ... بس لازم نكون نفسنا .... كويسين بقا وحشين موش مهم ..... المهم نكون فاهمين اللي قدامنا وبس

تحياتي

فشكووول يقول...

ازيك يا مشمشيه

طبعا انا مش موافق على البوست ده
بس مش ح اعلق كتير عشان انا عارف ان المود بتاعك فى البوست ده مش مود عادى
يمكن التعليقات اللى فى البوست اللى فات هى اللى خلاتك متوتره كدا .. وانت اصلا واشاسا على رأى عادل كتاباتك متوازنه

قريت البوست اللى فات وقريت التعليقات ... ما هو انا فاضى بقى وما وراييش حاجه غير انى اقرأ .. طبعا انا مش موافقك لا على كلام عادل ولا على كلامك

وكل واحد له وجهة نظر وكل واحد له قناعات ... يعنى اللى ترضى بيه انا مش ممكن ارضى بيه .. واحد ممكن يسامح وواحد ممكن ما يسامحش ودا على حق وله وجهة نظر ودا برضه على حق وله وجهة نظر .. بس اللى حيدبس فى حاجه زى كدا ولا مؤاخذه يعنى يكون اخد اكبر خازوق فى حياته كلها هو وعيلته وعيلة عيلته..صحيح ساعات ممكن نقبل لو كنا نعرف وكنا نعرف الظروف ... لكن عميانى كدا ... من وجهة نظرى الشرقيه المتخلفه ... انا لا اقبل ... والشرق شرق والغرب غرب ولن يلتقيا

انا سرحت فى البوست اللى فات لكن نسيت اعلق على البوست ده

عايز اقولك الاناء ينضح بما فيه .. ما تخليش حد ياخدك لاخلاقه .. خليكى انتى باخلاقك .. والبوست دا زى ما قلت انعكاس لحاله نفسيه من البوست الماضى

كفايه بقى وتحياتى

ঔღঔ نـــوارة ঔღঔ يقول...

بالنسبالي اكون ضعيفة و مظلومة

ولا اني اقلب متوحشة كددا

انا في الاول والاخر انثى

مليش بالخناقات ولا الوش الخشب :]

والي يظلمني ربنا يسامحه بقى

تحياتي

أبو أمك يقول...

حاضر
أنا رايح أقل أدبي وراجع على طول
إلا صحيح
يعني إيه خلق ؟

ابو على يقول...
أزال أحد مشرفي المدونة هذا التعليق.
واحد من الناس يقول...

مش عارف

بس بيتهيألي موصلناش للدرجه دي

هو آه فيه ناس بتفسر الطيبه على إنها ضعف

لكن مش معنى كده إني أعامل الناس وحش

الواحد بيعامل الناس على حسب شخصيته هو وبيئته هو وتربيته هو

واللي مش عاجبه يخبط دماغه في الحيط

يعني مش منطقي إني أبقى وحش لمجرد إن الناس عاوزه كده أو دفعوني لكده

بس خلاص

ابو على يقول...
أزال المؤلف هذا التعليق.
أحمد الحيدر يقول...

لا اوافق ..

المهم أن نعرف في قرة أنفسنا اننا محترمون ..


ومن يتعامل بالخوف لا الاحترام فالمشكلة فيه لا فينا ..

تحياتي :)

*البت المشمشية *حلوة بس شقية * يقول...

che
منتا عارف انى بشرب على طول يا عمور
ده انا مغرقه نفسى بيبسى ومش بنسى

*البت المشمشية *حلوة بس شقية * يقول...

nour
بجد شكرا اوى على كلامك
بيرفع معنوياتى

*البت المشمشية *حلوة بس شقية * يقول...

فتاه من الصعيد
منورة يا قمر

*البت المشمشية *حلوة بس شقية * يقول...

فشكووول

اولا بشكرك بجد ع الاهتمام والنصيح ة الغالية اللى بستاناها من حضرتك دايما

صدقنى انا مش متوترة
والبوست ده مالوش اى علاقة
بلبوست اللى فات
واغلب الناس فهمتنى غلط فى البوستنين ومفهموش الرسالة اللى انا عايزة اوصلها من البوست

وهيا السخرية فقط لا غير

*البت المشمشية *حلوة بس شقية * يقول...

ঔღঔ نـــوارة ঔღঔ
بردو فهمتينى غلط

*البت المشمشية *حلوة بس شقية * يقول...

أبو أمك
البوست مجرد سخرية من المجتمع فقط

*البت المشمشية *حلوة بس شقية * يقول...

غير معرف يق
على فكرة
عرفتك خلاص

بسيطةلو مش عاجبك اللى بكتبو
متجيش هنا تانى

*البت المشمشية *حلوة بس شقية * يقول...

ابو على
متجيش هنا تانى ياريت

*البت المشمشية *حلوة بس شقية * يقول...

واحد من الناس
كويس انك فهمت البوست مش زى باقى الناس

*البت المشمشية *حلوة بس شقية * يقول...

أحمد الحيدر
تحياتى ليك

شاب فقرى يقول...

انا هناك يا مشمشية فى المدونة

ماذا هنالك ؟؟؟؟

شاب فقرى

*البت المشمشية *حلوة بس شقية * يقول...

شاب فقرى
سبتلك كومنت

*البت المشمشية *حلوة بس شقية * يقول...

1

الشعب لابد له من حكومه تشكمه يقول...

شوفى ياجميله مختلفه معاكى لان ببساطه:
عامل الناس كمان تحب ان يعاملوك...
مش مهم هم ايه المهم انا ايه..

ومش هنكر ان اوقات فى ناس تجبرك على انك تكونى قليلة الذوق معاهم بس تعرفى انا لاحظت حاجه وعن تجربه يعنى مثلا حد قليل الذوق معايا طول ما انا ذوق معاه بيتحرج اكتر وغصب عنه بيكون ذوق..
كمان لو بدخل فى مناقشه واللى ادامى حد سخيف وبيطول لسانه من كتر ما انا بحترمه وبحترم كلامه بيلاقى انه شكله وحش اوى وقلة ادبه بتخسره ناس كتير فغصب عنه بيتعدل ...

3mr wa2el يقول...

اولا انا تقريبا اول او تانى مرة ادخل

بس الدخلة بتاعت البوت قفشة زيادة على اللزوم من وجهة نظري اوفر شويات كتار بس براحتك دى مدونتكك

نرجع لمرجوعنا و نعلق على البوست

اولا انا كنت ككدة ف الاول و كنت مش عارف اعمل اية اكون سافل مع الناس و لسانى طويلب و ايدي طويلة ولا اكون عادى طلع ان الحالتين مش حلوين

بس الاعتدال حلو

يعني خليكي مبتسمة طول الوقت و ساعت لازم الواحد يبقى سافل و قليل الادب عشان الى قدامة يرتاح

يارب يكون قصدي مفهووم

اسف للاطالة و اسف انى قولت كلام مممكن مش يعجبك

3mr wa2el يقول...

اولا انا تقريبا اول او تانى مرة ادخل

بس الدخلة بتاعت البوت قفشة زيادة على اللزوم من وجهة نظري اوفر شويات كتار بس براحتك دى مدونتكك

نرجع لمرجوعنا و نعلق على البوست

اولا انا كنت ككدة ف الاول و كنت مش عارف اعمل اية اكون سافل مع الناس و لسانى طويلب و ايدي طويلة ولا اكون عادى طلع ان الحالتين مش حلوين

بس الاعتدال حلو

يعني خليكي مبتسمة طول الوقت و ساعت لازم الواحد يبقى سافل و قليل الادب عشان الى قدامة يرتاح

يارب يكون قصدي مفهووم

اسف للاطالة و اسف انى قولت كلام مممكن مش يعجبك

أميرة علي كوكب مهجور يقول...

كلامك صح يا مشمشه و الطيب في الزمان ده يقولوا عليه اهبل


بس انا عندي رائ ساعات بحس ان الناس بقت عامله كده علشان كلنا شايفين بعض واحشين و مش واثقين في بعض

وعايزة اقول ان العيب مش في الدنيا العيب فينا احنا

أبــــو ضـــيــاء يقول...

ما تخليش الكلام ده يأثر عليكي لأنه مش صح , لانك لو صدقتيه هيكون في واحد نقص من المحترمين وراح الناحية التانية

فاتيما يقول...

يا حلوة
يا شقية
يا بت يا مشمشية
انا موافقة على كل كلمة ف البوست دا
الناس بتستضعفك لما تلاقيكى ذوق و متسامحة ...
الواحد يبقى رخم و قليل الادب مع النوعية اللى زى دى
لكن مع الكل لأ طبعا
روقى روقى و عادى تلاقى حد داخل يغلس
غيرة و سخافة و كدا
طنشى و لا يهمك يا حبيبتى
بوسة و حضونة على رأى يوسف

طهر فؤادك يقول...

السلام عليكم ورحمة الله وبركاتة
جزاكم الله خيرا على مشاركتى فى حملة (مدونتك هتنقذ طفلك)...و النشر الجماعى لموضوع الحملة الموجود
بمدونتى عن طريق كوبى وبست (نقل ) للموضوع بأكملة ووضعة بمدونتك الجميلة مع اى تعديل تجدوة مناسب مع الاحتفاظ بصلب موضوع الحملة المتمثل فى الاسم و

طرق
التبرع الجديدة حتى يتسنى لنا مشاركة عدد اكبر فى الحملة . .
وربنا يكرمك يارب على التعاون ويجعلة ان شاء الله فى ميزان حسناتكم والمسلمين اللهم امين .
ملحوظة :- النشر مستمر ان شاء الله بس البداية كانت فى و29/9 ومن دواعى سرورنا ان تشتركوا معنا فى اى وقت تجدوة مناسب (ساعدونا ليعم الخير بأذن الله

)1

أبو العريف يقول...

رغم اني بحس انك دايما داخله تخانقي في اللي بيقرا

الا ان
خفه دمك مش طبيعيه
بنوته مليانه حريه

المهم

البوست بيفكرني ببيت شعر لواحد صاحبي بيقول


للذل جميع الالوان
الا اللون الاحمر
وحياتك ضعف وهوان
ان لم تصبح متكبر
اذ ليس اليوم بانسان
من يحيا فوق بساط اخضر

تقبلي مروري

*البت المشمشية *حلوة بس شقية * يقول...

الشعب لابد له من حكومه تشكمه
انا موافقه على وجه نظرك
لان بساطة وجهة نظرى انا كمان
لان البوست ماهو الا سخرية مش اكتر

*البت المشمشية *حلوة بس شقية * يقول...

3mr wa2el
لاء بلعكس
رايك يحترم

*البت المشمشية *حلوة بس شقية * يقول...

أميرة علي كوكب مهجور
صح الكلام يا قمر

*البت المشمشية *حلوة بس شقية * يقول...

أبــــو ضـــيــاء
بجد يعنى الكلام ده كتير عليا وعلى راسى من فوق

*البت المشمشية *حلوة بس شقية * يقول...

فاتيما

مامتى حبيبة قلبى وحشانى موت موت
وبوسة وحضونة ليكى ولسوفة خطيبى

قلم رصاص يقول...

ازيك يامشمشية

عسى ان تكوني بخير

انا بصيت بسرعة على البوست اللي فات بتاعك نظرا لتنويهك عنه في مقدمة البوست ده

انا طبعا ضد التجريح والتجاوز من اي حد في التعليقات مهما كانت الأسباب اللي وراء ذلك

لكن خليكي انتي ذكية برضه

وهقولك ازاي

يعني اتكلمي في كل الموضوعات اللي عاوزاها وبراحتك خالص

لكن استخدمي أسلوب وسطي .. بحيث يتجاوب معه اكبر كم ممكن من الناس

انا كلامي مش معناه انك تكتبي اللي على مزاج الناس.. لكن قصدي مستفزيهومش برضه .. ارجو تكوني فاهمه قصدي

انا باقولك كده والله من باب النصيحة الاخوية الخالصة لوجه الله

وده عشان المواقف اللي زي دي متتكررش وتزعلي نفسك

زائد انه اوعي تزعلي اني بوجه لك نصيحة .. ازعل منك .. لأنه مفروض اننا كلنا اخوات وبننصح بعض وبنوجه بعض.. وبنكتسب خبرات من خلال تجاربنا خصوصا في عالم التدوين

ومعاش ولا كان ياستي اللي يشتمك

انتي تاكليه باسنانك انا عارف

هههههههههههههههههههههه

ودمتي على خير

*البت المشمشية *حلوة بس شقية * يقول...

طهر فؤادك
تمام

*البت المشمشية *حلوة بس شقية * يقول...

أبو العريف
بقالك كتير جدا مش بتجيى

واستغربت

بس فرحت لما علقت تانى

*البت المشمشية *حلوة بس شقية * يقول...

قلم رصاص
منورنى دايما
وبلعكس
مزعلتش خالص
دى نصيحة اعتز بيها
وهحاول المرة الجاية اكون اهدا حاضر
لان انا عصبية جدا
وبطلع انفعالى ده بلكتابة

THE illusionist يقول...

اول زياره احب
اقول
قشطه على الدمااااااااااااااااااااااغ

THE illusionist يقول...

ثانيا
احب اضم حاجه للبوست
كن مناااااااااااااااااااااافقا

THE illusionist يقول...

ثانيا يعنى
او ثالثا
كلامك صح جدا جدا جدا
ومحدش ضرب حد على ايده عشان يلق على البوست اللى فات

والبوست اللى فات كان يعنى الله ينور
انتى بدعت فيه

THE illusionist يقول...

انا بقى عاوز اقول انى فى اول زياره لقيت فى كهربا باين من البوست اللى فات
وانتى شكلك زولاعنه من حد
فحقولكك عيد سعيد بما انى مقولتلكيش فى العيد يعنى

THE illusionist يقول...

بس ليا بس كلمه صغننه

متسيبيش حاجه تاثر على مودك فتخلى الناس كلها تاخد فكره عنك انتى اصلا مش الفكره دى
انتى حره طبعا
بس انتى متخليش حد ياخد فكره انك مخنوقه مثلا
وانتى مش كده
وده مثلا
بس
امشى بقى عشان انا كده طولت

*البت المشمشية *حلوة بس شقية * يقول...

THE illusionist
هههههههه
بجد ضحكتنى جدا وانا مش اد الكلام الحلو ده
وانا مش مخنوقه بلعكس انا ايزى كدة بس عصبية

غير معرف يقول...

شكله كلام كبييييييييير هرجع ارد بعد شوية
ايوشة

عمرو فكرى يقول...

احيانا والله فعلا بيبقى لازم كدة

كلمة صدق يقول...

بوست جااااااااامد جدا وموضوع يستاهل الف تعليق

اللى موش عارف يتغير يقول...

اسيبك يومين
اجى الاقيك قالبة الطربيزة عالكل
ليه كده ؟
لا نهدى اللعب شوية

طهر فؤادك يقول...

السلام عليكم ورحمة الله وبركاتة
ربنا يكرمك يارب والمسلمين ..ودة شكر واجب لازم اقدمة من حملة "مدونتك هتنقذ طفلك".. وجزاكم الله خيرا والمسلمين ودة موضوع الشكر فى اللينك دة ادخل

وخد هديتك من هنا :-
http://rasoulallah1.blogspot.com/

mohamed ghalia يقول...

بنعمل الى يرضى ربنا ثم ضميرنا وسيبك بقى من اى كلام للناس

جنات يقول...

السلام عليكم ...

بالاول احب اهنيكي ع البوست
الرائع

والمفروض الناس تبقى طيبه
لنفسها

يعني ماتتنازل عن حاقه او شي
بيقول عنه ضعيف
يقول اللي يقول ... مش مهم


احنا نقتدي بالروسل صلى الله عليه وسلم

وماعلينا من كلام حد

تقبلي مروري


جناااااااات

mado80 يقول...

ايه النرفزه دي كلها

اولا البوست اللي فات ما فيهوش اي حاجه لاسمح الله عيب بالعكس ده انتي محروق دمك من الاختراع الزفت ده وعلشان كده كتبتي

حد بقي مش عاجبه كده هو حر ده حاجه ترجعله من غير نرفزه اهم حاجه انك تكتبلي اللي انتي مقتنعه بيه

تحياتي

micheal يقول...

طنشي يا مشمشة
محدش له حاجة عندك
طالما مبتغلطيش في حد
كملي وإحنا وراكي
:)
تحياتي

آيوشة يقول...

ايه ياقمر مين اللى مزعلك بس اقولك ايه هتلاقى من ده كتير يابنتى ومش فى المدونة فى الحياة العادية الناس مش وراها غير النقد والسخرية من غيرها وياريت اللى يوجه نصيحة يوجها باسلوب كويس لا لازم يطول لسانه ويعمل نفسه مصلح اجتماعى
خليكى معتدلة فى كل شئ واحسن حاجة تتطنشى للناس اللى بتطول لسانها ومش تعبريهم اصلا بس لو كان حد بيقول نصيحة بشكل كويس اسمعيها حاولى تنفذيها غير كده كبرى دماغك

with you يقول...

السلام عليكم ورحمة الله وبركاته

لماذا كل هذه الأفكار الغير صحيحة

"يقول النبي صلي الله عليه وسلم إفعل المعرف في أهله وفي غير أهله
فإن فعلته في أهله فهم أهله وإن فعلته في غير أهله فأنت أهله"

أختي الكريمة الموضوع ليس كما وصلك ولكن الأصل في الموضوع أن المادية تأخذ جانب كبير جدا الأن من البشرية لتلقي بهم في أبار اللاإحساس بجد

الموضوع لابد له من الرفق ليعودوا مرة أخري إلي حامية الإحساس والمشاعر ورد الجميل

تصوري معي أن زوجك " الحالي أو المستقبلي"

دخل هذه الدائرة هل سوف توريه العين الحمرا ولا إيه؟

بجد يا أختي عليك أن ترفقي بهؤلاء وهم من داخلهم يعرفون أنك محترمه بإسلوبك الأول

أما لو إتبعتي النصائح الشريرة الثانية سوف تنجرفي إلي مستنقعاتهم وتصبحين مثلهم

أأسف علي الإطالة

تقبلي زيارتي الأولي

موضوع رائع جدا هو و السابق

وعلي فكرة الموضوع السابق فيه بعض الملاحظات..

محمد حياتنا

قوس قزح يقول...

عمر الانسان المتربى ما يعرف يكون قليل الادب حتى لو عايز
و مش معنى انه متربى انه يسيب حقه او يرضى حد يقلل من شانه
حتى لو المجتمع بيدفعنا اننا نكون وحشين لازم نقف قصاده و نربى اولادنا احسن منا كمان

انا شايفة البوست اللى فات جرىء شوية فى الفاظه بس مش جارح لحد و لا من حق حد يشتيمك بسببه
ابسط الامور بدل ما يجى يقومك كان قوم نفسه و اتعلم ازاى يناقش

ولا يهمك يا جميل كلنا لها

فراشة يقول...

بصى يا مشمشيه
انا دى طبعا اول زيارة ليا
بس اتمنى انك تتقبلى كلامى
وهو ليس هجوم انما هو رأيى لكى ان تقبليه او ترفضيه
فى المجمل انتى بتتكلمى عن موضوعات فى حياتنا وكلنا مضايقين منها ومخنوقين جدا
والاساس من موضوعاتك ان عندك حق فى هذا النقد
لكن انتى ضيعتى كل ده وضيعتى حقك بسبب الاسلوب
متزعليش وياريت تسمعينى كويس
يعنى انتى بدل ما تنبهى اللى بيقرا لهذه المساؤى خليتى كله يركز على اسلوبك والفاظك فى الكلام وبكده الغرض الاساسى اللى انتى كتبه الموضوع عشانه راح وانتهى
ايه المشكلة لو ناقشتى الموضوع باسلوب مشوق بس بدون الفاظ جارحه تخدش الحياء
مش عايزاكى تقولى ان الصراحه بتزعل وان الواحد لما يكون جرىء وبيتكلم عن الحق بيتهاجم لأ كل ده غلط
الكلمة اللى بنكتبها حتشهد علينا يا مشمشية
الملكين اللى قاعدين على كتافنا بيسجلوا كل كلمة بتخرج مننا
ترضى يتكتبلك الكلام والالفاظ اللى قولتيها
الصراحة شىء وخدش الحياء شىء تانى يا مشمشية
المسلمة لازم تكون حكيمة فى كلامها واسلوبها وطريقتها
لازم تكون ذكيه وهى بتوصل معلومة
انتى كل الموضوعات اللى اتكلمتى فيها عندك حق فيها لكن معلش اسلوبك يحتوى الفاظ لا نقدر على سماعها
ده ليس له علاقه بالتشويق
القلم ربنا اقسم بيه يا مشمشية عشان كده لازم يكتب كل خير
اسفه انى طولت عليكى بس بجد اتمنى تتقبلى كلامى وتفكرى فيه كويس
وبالذات تفكرى فى ان كل كلمة حتشهد علينا ماينفعش نناقش موضوع بالفاظ لو تواجد رسولنا بيننا ما استطعنا مجردالتفكير بها فلنتعامل على هذا الاساس والله رقيب علينا
تحياتى لكى
اسفه ان كنت تسبتت فى مضايقتك

فكرة من الزمن ده يقول...

اللي مش عاجبه يورينا جمال خطوته ومقاس قفاه
احنا في ملكنا نقول اللي على بالنا

طهر فؤادك يقول...

السلام عليكم ورحمة الله وبركاتة
جزاكم الله خيرا على مشاركتى فى حملة (مدونتك هتنقذ طفلك)...و النشر الجماعى لموضوع الحملة الموجود
بمدونتى عن طريق كوبى وبست (نقل ) للموضوع بأكملة ووضعة بمدونتك الجميلة مع اى تعديل تجدوة مناسب مع الاحتفاظ بصلب موضوع الحملة المتمثل فى الاسم و طرق
التبرع الجديدة حتى يتسنى لنا مشاركة عدد اكبر فى الحملة . .
وربنا يكرمك يارب على التعاون ويجعلة ان شاء الله فى ميزان حسناتكم والمسلمين اللهم امين .
ملحوظة :- النشر مستمر ان شاء الله بس البداية كانت فى و29/9 ومن دواعى سرورنا ان تشتركوا معنا فى اى وقت تجدوة مناسب (ساعدونا ليعم الخير بأذن الله )1

غير معرف يقول...

ثقافة الهزيمة .. ألوان‏-

وهنا أود أن ألفت نظر السادة القراء والمسئولين أيضا أن الزبالة فى حقيقة الأمر ثروة كبيرة لو أحسن أستغلالها كما تفعل الكثير من الدول المتحضرة و أنتهزهذة الفرصة لأقدم نموذج من أوروبا يجب على مصر أن تحتذى به و هو من العاصمة النمساوية فيينا التى تقدم صورة نموذجية لنظام صديق للبيئة فى مجال جمع وأعادة تدوير النفايات بالأضافة إلى أستغلال النفايات كمصدر رئيسى من مصادر أنتاج الطاقة البديلة النظيفة...

باقى المقال يوجد ضمن مجموعة مقالات ثقافة الهزيمة فى الرابط التالى:

www.ouregypt.us

كلمة حق .... هويتى اسلامية يقول...

السلام عليكم ورحمة الله وبركاته

أختى الكريمة

ماشاء الله أرى فى مدونتك الخير

أودأن أعلق على نقطتين ارجو أن تتقبلى كلامى بصدر رحب :

1 - بالنسبة للجزء الأول من الرسالة ليس معنى أنى حر فى مدونتى أن أكتب ما لا يليق بهويتى الاسلامية ولماذا تردى بهذه الشدة على من يوجه لكى النصح
نحن بشر ولا يوجد منا انسان كامل فقد نصيب وقد نخطأ وكما أننا ننتظر عندما نكون صح الثناء فيجب علينا أن نتقبل فى حالة الخطأ النقد
وما ندونه فى المدونات ليس لأنفسنا فقط فلو كان كذلك فلماذا نكتب فلنكتفى بمحادثة أنفسنا وإنما نكتب ليقرأه الاخرين أيضا .

وبالنسبة للرسالة السابقة فقد قرأئها ولا اعترض على اثارة الموضوع فأنا اتفق معكى فى خطورة هذا الامر ولكن ما اعترض عليه فى اسلوب عرض الموضوع والكلمات الموجودة فيه التى استحى وانا رجل أن اكتبها لنفسى وليس ليقرأها غيرى فما بالك وأنت بنت .

2- بالنسبة لموضوع الرسالة هذه
أرى فى كلامك واحدة من اثنين
إما يأس أو سخرية

فلو كان يأس وتقصدين المعنى بحق فأنا أختلف معك فنحن مسلمين ويجب أن تبتغى فى معاملتنا الحسنة للناس وجه الله تعالى ولا نتأثر بمعاملتهم ولو كانت سيئة لأننا نرجو الاجر من الله وليس منهم

والله تعالى يحب المحسنين

أرجو أن تتقبلى كلامى بصدر رحب فأنا لا أقصد انتقادك ولكن كل غرضى هو النصح فقط

وفقك الله لما فيه الخير

كاتب مصري يقول...

وحشتني المدونة جدا وحشني الي فيها ووحشني المكان واصحابه

ازيك أنا جي أسلم وأمسي ع السريع وليا عودة للقراءة

بس ده إعلام لكي يعني اني رجعت لمدونتي تاني بعد فترة طويلة من الإهمال بسبب ظروف خاصة

هرجع هنا وهكون موجود علطول بإذن الله

دمتي بكل ود

تحياتي

طهر فؤادك يقول...

السلام عليكم ورحمة الله وبركاتة ,,,
موضوع جميل ومعبرا جدااااا
وياريت تشاركى معانا فى حملة نصرة الاقصى والموضوع بسيط جدا وياريت تشوفى موضوعى على مدونتى وتقوليلى رأيك.. رأيك يهمنى اكيدددد ..

تأبط قهراً يقول...

كلامك صحيح .. رغم أننا جميع نختلف معك !!

توتة الشقية يقول...

دخلت مدونتك عجبنى اسمها قولت ادخل اشوف مواضعها لقيت الموضوع ده استغربت جدا للاسم قولت هقرأ الموضوع كله .
ومش هطول عليكى فى الكلام مع انى رغاية موت
اختى العزيزة ان الشيطان ينزع بين المؤمنين للوقيعة بينهم واكمل المؤمنين احسنهم اخلاقا ومن اعظم الاخلاق العفو والمسامحة والتماس العذر لمن اخطا فى حقك .
فاعلمى ان من داب الشيطان النزع بين المؤمنين ومحاولة الوقيعة والافساد بينهم
كما قال تعالى (وقل لعبادى يقولوا التى هى احسن ان الشيطان ينزع بينهم ان الشيطان كان للانسان عدوا مبينا
وينبغى اختى العزيزة على المسلم ان يتحمل ما قد يلقاه من اخوانه من اخطاء فى حقه وان يقبل عثراتهم وان يستعمل معهم الصفح والغفران وان يتسامح معهم ما امكنه وله بذلك اختى العزيزةالثواب العظيم والاجر الجزيل
فتسامحك معهم وتناسيك ما كان منهم دال ذلك على خلق عظيم وليس هناك شئ اثقل فى الميزان يوم اليقامة من حسن الخلق .
انا شكلى اتكلمت كتير مش بقولك انى رغاية بس صدقينى كلامى طالع من قلبى بعد قرات موضوعك
واتمنى انك تتقبلى مرورى على مدونتك
تحياتى توتة

طهر فؤادك يقول...

السلام عليكم ورحمة الله وبركاتة ..
الله يكرمكوا يارب شاركونى يوم مقاطعة الفيس بوك يوم 24 /10 وياريت تشوفوا موضوع المقاطعة على مدونتى ومعاية بأذن الله

غير معرف يقول...

checker google rank seo articles backlinks back link building

غير معرف يقول...

عن اي جودة تتحدث يا صاح اذا كنت تعلم بان اغلب هذه المدونات الختارة لاتحمل محتوى يفيد سوى اظهار الذات وبعيدة كل البعد عن الهدف الانساني او السياسي او الاجتماعي او الفكري وما هي تلك المعايير التي تختارونها وكذلك تختارها المسابقة السخيفة دويتشه…. بصراحة كله عندكم خيار وفقوس يعني كله بالواسطة وما رح يتغير العالم الا بادباة الواسطة. حرام عليكم هناك عشرات المدونات افضل واجمل ومنظمة وهادفة اكثر من مدونات شخص يكتب عن خزعبلات ذاته وكانه افلاطون زمانه فهل يمكنك ان تقل لي ما الذي سيستفيهد القارئ العربي من مثل هذه المدونات عن ان شابا عاشقا واخرى متيمة والاخر لا اعلم ما الذي يريده… يبدو ان زماننا تغير لدرجة السخف وتهافت الذات وما ادرك ماهي ؟؟؟