الاثنين، 21 سبتمبر، 2009

خلص رمضان




حاسة انى بقالى كتير مش بكتب كلو سرقه سرقه

عاملين ايه




يارب تكونو اتبسطو فى العيد ورمضان



السنادى بجد كمية مسلسلات غريبة وبرامج



زى مايكونو عايزنا نفطر عليهم


لاحظ حاجة غبية اوى فى المسلسلات




ان معظم البنات والممثلات طالعين بيشيشو


الله

اة والله بيشيشو



والكاميرا تركز عليهم اوى والدخان طالع من مناخيرهم


طب واحنا مالنا يا جدعان






هيا البنات ناقصة انحلال انا هكلم عن الحاجات الىل عجبتنى فى رمضان





يعنى مثلا مسلسل يوميات ونيس وطبعا لازم ابدا بلراجل ده





اللى من وانا صغيرة وطبعا انا لسه صغيرة وان ابتفرج عليه






محستش ان المسلسل غريب عليا ومحمد صبحى ده قيمة بجد حلو اوى انى اقدم

مبادئ وتربية فى مسلسل

واقدم قيمة


اتعلم ازاى ارربى ابنى واختى الصغيرة

اتعلم اكون صادقة مع نفسى

محمد صبحى بجد المسلسل يستاهل 10/10 على راى عادل


**********************************

مسلسل افراح ابليس










المسلسل ده رائع بمعنى الكلمة وان افرحت ان فيه جزء تانى






جمال سليمان رغم انو قرر نفسو فى دور الصعيدى بس كل مرة بيبقا مبدع ومعتقدش انى كنت هحب الدور ده من حد غيرو


وعبلةكامل كمان





نفسو الدور فى حدائق الشيطان وحق مشروع هما الاتنين



*********************************


مسلسل بشرى سارة




المسلسل حلو بس الاحداث والمصايب اللى بتحصلها كتير لمرفت امين اوفرر جدا


***************************************







مسلسل كريمة كريمة


بجد عجبنى جدا جدا جدا



والست دى ممتعة بمعنى الكلمة
*******************************************

نور الشريف


انتا يعنى حبيت تريحنا من الدالى رجعتلنا بمسلسلين مرة واحدة


بس انا صراحة متفرجتش



*******************



راجل وست ستات والعيادة وتامر وشوقيه



***************


الادهم





المسلسل كان ماشى كويس والنهاية مكنتش مقنعه ومعجبتنيش خالص بس اشمعنا
ادهم تانى واوكرانيا تانى
مع انك كررتهم فى ملاكى اسكندرية والرهينة
**************



نيجى بقه للبرامج



برنامج مذيعه من جهة امنيه حلو جدا والبت المذيعه قمر يخربيتها



برنامج تعليم اللغه الكوميدية
سخيــــــــــــــــــــــــــــــــــــــــــــــــــــــــــــــــــــــــــــــف واللى بيقدمو اسخف



برنامج كان كدة بقه كدة



تفاهة وانعدام للذوق بجد وناس هاطلة


اللى لاحظتو السنى دى الاعتماد ع الجراءة بشكل كبير فى المواضيع


يعنى البرامجح بقت جريئة لدرجة انهم بيكلمو فى العلاقات والجنس والملابس الداخليه عادى جدا


برنامج لماذا


اسئلة جرئية اوفر يعنى


فيش وتشبيه حلو

10 لصحتك هبل



برنامج لاسوستا



مش هقول عليه غير سافل

100.7 بتاع هنا مكنش بيضحك



حيلهم بينهم السنادى حلو


هكلم فى بوست مخصوص عن برنامج الجريئة وعن لعبة الحياة



السنة دى رممضان اعلاميا كان وحش اوى ويارب يفضل كدة عشان احنا مش عايزين نتابع حاجة

بس خلاص


هناك 29 تعليقًا:

ranim يقول...

حلووووووووو أوي بس عندي سؤال صغنون أنتي كنتي بتعملي أي حاجه غير أنك قاعده قدام التلفزيون هههههههههه بجد أنا اول مرة أدخل علي مدونتك ومش هتبقي أخر مرة أن شاء الله

*البت المشمشية *حلوة بس شقية * يقول...

رنيم
والله ابدا
ده كلو تخاطيف

nody يقول...

ايه ده يابنتى
كنتى بتجيبى وقت لكل ده منين؟

نصيحه منى
السنه الجايه
اوعى تتفرجى على اى حاجه
وسبيه لبعد رمضان
هايكون احسن

محمد ابراهيم يقول...

انا عن نفسي يا مشمشة مش اتفرجت علي اي حاجة في رمضان غير هو حلقة او نص حلقة فيش و تشبيه و بس
شكرا علي كدة
علشان شغلي مش كان يسمح يعني
و بجد متشكرين علي تقييمك
و بالنسبة لونيس
بجد محمد صبحي قيمة جامدة اوي اوي للفن المصري بشكل عام

Che يقول...

انا دلوقتى عرفت انتى كنتى مختفيه فين فى رمضان
انا الحقيقه مشفتش اى حاجه السنه دى فى رمضان .... يا دوب لسه منزل ونيس و العياده و عبوده و هتفرج عليهم على رواقه كده

قوس قزح يقول...

انا كنت زيك كده
بتفرج تخاطيف
التليفزيون مفتوح طول اليوم
و يصادف اقعد قدام نص حلقة من هنا على ربع حلقة من هنا

كنت متابعة بس ابن الارندالى .. معرفش حسيت ان المسلسل اعتمد على حب الناس للفخرانى اكتر من ان المسلسل يتخدم كدويس

مسلسل تاجر السعادة .. قصة مفيش بس كان عجبنى اداء خالد صالح و كانت هالةفاخر جباااارة فى دورها

ليالى .. انكروا انها قصة سوزان تميم بس واضح جدا انها هى .. ولو الاحداث دى حقيقة يبقى هشام طلعت مظلوم

بس خلاص
كل سنة وانتى طيبة

*البت المشمشية *حلوة بس شقية * يقول...

نودى
كنت بتفرج بليل اوى مع نفسى

*البت المشمشية *حلوة بس شقية * يقول...

محمد ابراهيم
بجدد ريحت نفسك والله

*البت المشمشية *حلوة بس شقية * يقول...

Che
ونيس حلو جداا

*البت المشمشية *حلوة بس شقية * يقول...

قوس قزح ابن الارندلى اكنو الجزء التانى من عزو
وليالى طبعا سوزان تميم

فشكووول يقول...

السلام عليكم مشمشيه

عاش من شافك ... كل سنه وانت طيبه

انا السنه دى ومن كام سنه مش بتفرج على اى مسلسلات عشان حاسس انها بتجيب تخلف عقلى

حتى محمد صبحى على الرغم من انه بيقدم نماذج طيبه فى التربيه الا انى احس انه ناظر مدرسه والنصائح بتكون مباشره عشان كدا ما شفتش مسلسلات خالص السنه دى وكفايه على الجزيره وON TV والجزيره الوثائقيه وخلاص

تحياتى وكل عام وانت بخير

*البت المشمشية *حلوة بس شقية * يقول...

فشكوول
حد يتفرج ع الجزيرة فى رمضان برددو يا عمو

مسدس صغير يقول...

الحمد لله ان البرامج والمسلسلات مش كويسة
يارب تكون كده كل سنة
كل سنة وانتى طيبة
عيد سعيد

adel يقول...

يا جامد انتي بعودتك :)

ونيس حلو قوي الصراحة و غير فكريتي تاني عنه صبحي بعد ضياع اخر كام سنة

افراح ابليس مليش فيه زيه زي الرحايا رغم ان الناس قثالوا عن الرحايا كويس

كريمة كريمة ...ماجدة زكي و مي كساب ..كافية بالنسبة لي عشان احبه

ايه ده مرفت امين كانت عاملة مسلسل :)
ههههههه

الادهم بالفعل مسلسل عربي ممل سخيف

البرامج في الضياع مفيش الا الكابوس ساعات و خرف في الاخر و مسلسلات كوم ورامز بهبله و بس

الباقي هبل

حيلهم بينهم بين الممثلين علي اصلهم و مش حاجة كويسة نشوف ممثلين بتشتم

----
الجرئية مشوفتش ولا حلقة
ليه ؟؟؟
ازاي عرف السبب بطل العجب
واحنا دلوقتي في عجب

هاقول السبب :
انا مش بحترم الست دي .... و بالتالي مش هتفرج علي شئ بتتعمله...
والاحترام هنا مش عشان هي اوفر و كلامها في الجنس
بس مش بحبها من اول شكلها لطريقة كلامها ...
و... كفاية كده عليها قوي

لعبة الحياة ولا بحب رزان ولا بحب الهبل ده

Soul.o0o.Whisper يقول...

ازيك يا مشمشة

كل سنة و انتى طيبة


الحقيقة أنى الحمد لله مافتحتش التليفزيون خااااااااالص فى رمضان

و لا حته قبله
و لا بافكر بعده
ههههههههههههههههه


دمتى بكل خير

شاب فقرى يقول...

اول حاجة وقبل اى شىء

تحياتى ليكى ونورتى المدونة تانى
لانى كنت مستنى اى مقال او بوست على رايك انتى اللى كاتباه مش كوبى ونقاشات فى الدين

لانى كنت مستنى اسمع منك اى بوست

والان

بالنسبة للبوست والتعليقات على برامج رمضان كفاءة

انا عن نفسى متابعتش غير ونيس لانى بتابعه من وانا صغير جدا

وكمان تابعت نور الشريف فى الرحايا بس لانه بجد مليان قيم وبيفكرنى اوى فى قيم التربية بمسلسل ونيس بس التربية القاسية جدا

بالنسبة لبقيت برامج رمضان
تافهة جدا

حتى حيلهم بينهم اعتبرته اهانه لرموز فنيه بعضها محترم

بالنسبة لبرنامج مذيعة من جهة امنيه بهرنى بجد

والبنت فعلا زى الفل وجميله واداءها عجبنى واكتر حلقة عجبتنى كانت حلقة مصطفى بكرى والسادات

كل سنة وانتى طيبة

مستنى زيارتك لمدونتى

لانك من اسباب رجوعى للتدوين

تحياتى

شاب فقرى :)

*البت المشمشية *حلوة بس شقية * يقول...

مسدس صغير
وانتا طيب يا صلاح

*البت المشمشية *حلوة بس شقية * يقول...

adel
اصبر عليا البوست الجاى عن الجريئة

*البت المشمشية *حلوة بس شقية * يقول...

Soul.o0o.Whisper
ريحتى دماغك والله يبنتى

*البت المشمشية *حلوة بس شقية * يقول...

شاب فقرى
عايزة اعرف حاجة بس
ازاى انا السبب فى رجوعك التدوين

شاب فقرى يقول...

هتلاقينى رديت فى المدونة عندى فى التعليقات :P

لازم تتعبى شوية

ما انا مستنى البوست دا بقالى زمن

الله :)

كل سنة وانتى طيبة

شاب فقرى

*البت المشمشية *حلوة بس شقية * يقول...

شاب فقرى
اوك هروح اشوف

Bondoka يقول...

هو انا ماتفرجتش على حاجات كتير من اللى قلتى عليها

بس عجبنى ونيس وكريمه وحيلهم بينهم

وطبعا ماكنتش طيقه انى اشوف نور الشريف فى اى قناة خالص السنادى

فشكووول يقول...

السلام عليكم بنتى العزيزه مشمشيه

تحياتى

ما شى يا مشمشيه ... كل حاجه زى الفل ... هو انا اقدر اقول حاجه ...زى الفل وزى الورد كمان وطعمها زى العسل ... بس عسل اسود ومنيل بنيله

عاشقه الرومانسيه يقول...

فاتك نص عمرك بجد انك مش تابعتى مسلسل الرحايا
يمكن ده اكتر شئ مميز السنه دى
فى المسلسلات
يلا كل سنه وانتى طيبه
(:

Ayman Dollar يقول...

الموضوع كله بالنسبة ليا يتلخص في كام كلمة.

بصراحة هو سؤال؟

محدش يعرف مركز صيانة تليفزيونات يكونه تمام عشان التليفزيون عندي مش تمام ههههههههههههههههههههه

المتابعة كانت على القد بس لأحفاد ونيس الجزء الاكبر كانت حاجة جميلة بصراحة

سلام مؤقت

Take Care يقول...

بصراحه مش كنت بتابع اى حاجه من دول
بس يمكن محمد صبحى بس مش باستمرار
ولا يختلف 13 عليه اساسا.
اما باقى ما باقى
فحسبى الله ونعم الوكيل
حسابهم عند رب العباد
بالنسبه لمذيعه امنيه شوفت حلقه احمد منصور
وبصراحه حرقها وهى تستاهل بتحاول تسترجل وترسم دور واحد ضابط امن دوله
بس مش اجادته لانها اصطنعت كل شئ

مواطن شووجااع يقول...

كل سنة وحضرتكـ طيبة وتقبل الله منا ومنكم
وأسعد الله أيامكـ بفيض رضاه ونور هداه وباركـ بعمركـ إلي يوم تلقاه

شاب فقرى يقول...

جيت ملقتش بوستات جديدة

قلت يبقى لازم ارد برده :$

اهوه الواحد متابع :)

تحياتى

شاب فقرى