الثلاثاء، 1 سبتمبر، 2009

هل توجد صلاة سنة بعد صلاة الفجر؟

عايزة اقول بس حاجة
محدش يزعل انى مش بزورو زى مااتفقت معاكو ان رمضان ده للخير بس
يعنى بدخل ع النت اعمل اى حاجة اخد بيها ثواب وهرجع ازوركو بعد رمضان طبعا بس دلوقتى بجد مفيش وقت بس انا بتابع كل حاجة وبشوف كل جديد عندكو بجد محدش يزعل منى

****************************


انا كنت بضيع صلاة الفجر وتقريبا متعمد يعنى كان الاذان يأذن وانا اروح فى النوم

بس لما دورت ان الفجر ده ليه ثواب كبير اوى

قولت يمكن فيه كتير زى بيضيعها

فسرقت الكلام ده من الموقع ده http://www.bnghazina.com/index.php?showtopic=16159

ضموه لباقى المسروقات


*********************************

هل توجد صلاة سنة بعد صلاة الفجر؟السلام عليكم ورحمة الله،،، ليس لصلاة الفجر صلاة سنة بعدها. أما قبلها فلها سنة راتبة ؛ ركعتان، وهي آكد السنن الرواتب، حتى كان النبي صلى الله عليه وسلم لا يدعهما حضراً ولا سفرا. فعَنْ عَائِشَةَ رَضِيَ اللَّهُ عَنْهَا قَالَتْ: لَمْ يَكُنْ النَّبِيُّ صَلَّى اللَّهُ عَلَيْهِ وَسَلَّمَ عَلَى شَيْءٍ مِنْ النَّوَافِلِ أَشَدَّ مِنْهُ تَعَاهُدًا عَلَى رَكْعَتَيْ الْفَجْرِ. رواه البخاري ومسلم. وفي فضلها قال النَّبِيِّ صَلَّى اللَّهُ عَلَيْهِ وَسَلَّمَ: رَكْعَتَا الْفَجْرِ خَيْرٌ مِنْ الدُّنْيَا وَمَا فِيهَا. رواه مسلم. ويسن أن يقرأ المصلي فيهما بالكافرون والإخلاص؛ لما روى مسلم، عَنْ أَبِي هُرَيْرَةَ رضي الله عنه، أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَرَأَ فِي رَكْعَتَيْ الْفَجْرِ: ( قُلْ يَا أَيُّهَا الْكَافِرُونَ ) وَ ( قُلْ هُوَ اللَّهُ أَحَدٌ ) . ومن لم يتمكن من أداء ركعتي الفجر قبل الصلاة لانشغاله، أو استيقاظه المتأخر، أو غير ذلك من الأعذار، فيشرع له أن يصليهما بعد صلاة الفجر، أو ينتظر حتى ترتفع الشمس ثم يصليهما.ودليل ذلك ما رواه الترمذي وأبو داود، عَنْ قَيْسٍ بن عمرو قَالَ : خَرَجَ رَسُولُ اللَّهِ صَلَّى اللَّهُ عَلَيْهِ وَسَلَّمَ فَأُقِيمَتْ الصَّلاةُ،فَصَلَّيْتُ مَعَهُ الصُّبْحَ ثُمَّ انْصَرَفَ النَّبِيُّ صَلَّى اللَّهُ عَلَيْهِ وَسَلَّمَ فَوَجَدَنِي أُصَلِّي، فَقَالَ : مَهْلا يَا قَيْسُ، أَصَلاتَانِ مَعًا ؟! قُلْتُ: يَا رَسُولَ اللَّهِ ، إِنِّي لَمْ أَكُنْ رَكَعْتُ رَكْعَتَيْ الْفَجْرِ . قَالَ : فَلا إِذَنْ . و قَوْلَهُ صَلَّى اللَّهُ عَلَيْهِ وَسَلَّمَ : (فَلا إِذَنْ) مَعْنَاهُ: فَلا بَأْسَ عَلَيْك أَنْ تُصَلِّيَهُمَا حِينَئِذٍ.وقال الشيخ ابن باز رحمه الله: إذا لم يتيسر للمسلم أداء سنة الفجر قبل الصلاة فإنه يخير بين أدائها بعد الصلاة أو تأجيلها إلى ما بعد ارتفاع الشمس؛ لأن السنة قد ثبتت عن النبي صلى الله عليه وسلم بالأمرين جميعًا، لكن تأجيلها أفضل إلى ما بعد ارتفاعالشمس لأمر النبي صلى الله عليه وسلم بذلك، أما فِعْلها بعد الصلاة فقد ثبت من تقريره عليه الصلاة والسلام لمن فعل ذلك.وعلى هذا فيحمل تصرف الشخص المسؤول عنه، أنه قام من نومه متأخراً، ولم يتمكن من صلاة الراتبة قبل إقامة الصلاة، وهذا جائز لا حرج فيه.ولكن ينبغي أن يقوم المسلم من نومه للصلاة مبكراً، حتى يتمكن من أداء الراتبة قبل إقامة الصلاة.والله أعلم.منقول

هناك 11 تعليقًا:

call to liberty يقول...

طبعا مفيش اهم من صلاة الفجر بحس ان اليوم ناقص لو مصلتهاش
موضوعك جميييييييييييييييل
تقبلى مرورى
اتمنى الزيارة
http://orphanliberty.blogspot.com/

كلام من قلبي يقول...

موضعك جميل وفعلا صلاة الفجر من اهم الصلاوات واول حاجة الواحد بيبدا بيها يومه هوة ده المفروض بس احنا بنصلي واحنا نعسنين وبعدين نخش نكمل نوم

كلام من قلبي يقول...

انا تاني تعليق خليكي فكرة لما ترجعي تزوريني بعد رمضان

Pink Dreams يقول...

طبعا صلاه الفجر بالذات متتعوضتش

جزاكى الله كل خير يا مشمشه

ربنا يجعله فى ميزان حسناتك

تحياتى

smilyrose يقول...

كل سنة وانتى طيبة

ورمضان كريم

ويارب يكرمنا جميعا بثواب صلاته

دموع القمر يقول...

مالسلام عليكم

كل سنة وانت طيبة

اكيد صلاة الفجر مهمة
وبعدين الرسول قال من صلى البردين دخل الجنة

تعرفوا اهم حاجة وبجد مجرباها علشان اصحى
بعد مااظبط الموبايل اقرأ اخر 3 ايات من سورة الكهف
والله قبل ماتدق الساعة الاقى نفسى قلقت وصحيت

الشيطان بيعقد على رأس الانسان 3 عقد
الاولى بتتفك لما تقرى الاذكار قبل ماتنامى
والتانية لما تسمعى الاذان وتقومى
والتالتة لما تستعيذى منه وتتوضى

ربنا يكرمك يامشمشة
نفسى تنورينى والله
بس بعد رمضان لما تفضى

بنجاواتى يقول...

سلام عليكم

كل سنة وانتم طيبين
ويارب تكونوا بخير

ده سلام ع السريع كده معلش بقى


كل سنة وانت بخير

قلم رصاص يقول...

السلام عليكم

جزاكم الله خيرا على الموضوع

طبعا اركعتي السنة الخاصة بالفجر هي قبله وليست بعده..فلا سنة بعد الفجر

دي حاجة معروووووووفة

انتي مكنتيش بتصلي قبل كده
هههههههههههههه

جزاكم الله خيرا

ورمضان كريم

.. هعزف لنفسي يقول...

حمدالله بالسلامة
........
وطبعا ركعتا الفجر خيرا من الدنيا وما فيها
ولا يضيع صلاة الفجر الا منافق كما قال الحبيب ...

بس ليا ملحوظة بسيطة ان حضرتك بتقولي ان رمضان للخير بس
هل معني كدا ان حضرتك دلوقتي مبتعده عن الشر .... اللي زي ما فهمت من كلامك هو زيارة المدونات ...

بس فعلا زيارة المدونات والرد والتعليق ع مواضيع مهمة لا يتنافي ابدا مع رمضان والخير
وكل شيئ لا يخالف الشرع وخاالص لوجه الله فهو خير ومقبول باذن الله
انا بس حبيت اوضح النقطة دي
وربنا يتقبل منا ومنكم

Darsh Basha يقول...

اية شغل النقل اللى شغال اليومين دول
على العموم انا عارف انك عايزة تخدى حسنات بالكوم اليومين دول
طيب على الاقل ابعتيلنا حسنتين
هو اصلا المفروض منصليش اى صلاة سنة فى وقت مابعد صلاة الفجر لغاية الشروق ..ومن بعد صلاة العصر للمغرب.
بس لو السنة بتاعة الفجر ملحقتها قبلها ممكن تصليها بعدها لانة سنة مؤكدة
وجزاكى الله عنا خيرا

*البت المشمشية *حلوة بس شقية * يقول...

هعزف لنفسي
لاء انا عيزة اوضحلك
ان مفيش وقت لزيارة المدونات مش اكتر ببعكس المدونات اكتر حاجة بتفدينى وباخد منها ثواب كمان فى حاجات كتير فهمت كلامى غلط