ايه مالكو نت ايه ومنتش ايه بس
انتو عايزين الحكومة تعملكو ايه اكتر من كدة يعنى
ماية وبطعم المجارى ووفرت ليكو
طيب انتو عمركو شوفتو اى دولة بتشرب ماية بطعم المجارى
مصر الوحيدة اللى عندها النكهة دى
والمشكلة وانتا بتشرب المايه منتش عارف دى مجارى مين
ولا ايه ؟؟؟
فيها ايه لو الكهربا بقت بكروت
يعنى فيه كرت بخمسة بعشرا شحن ع الهواا
و تحويل رصيد وع الهوا كمان ده
احنا حاجة غريبة اوى هو احنا عايزين
كل حاجة ببلا ش ولا ايه مش كفايه الناس كتر خيرهم
سبونا نقعد فى البلد ببلاش ده احنا مفتريين اوى
مش تسيبو الحكومة فى حاللها تبنى المدن الجديدة مدينة زويل ومدينة مش عارفه ايه
ومدن كدة منعرفش عنها حاجة ولا عمرنا هنشوفها اساسا
تعملكو ايه اكتر من كدة
مش كفايه انكو عايشين فى البلد من غير ماحد يقولكو حاجة
دى لو كانت بلد تانية كانت زمانها طرقعتلكو
وبعدين نت ايه 25 جيجا كفايه اوى
احنا هنهنب
وبلاش تنزلو افلام واغانى من ع النت
محبكش يعنى
ولا تدخلو ياهو ولا هوت ميل وقاطعو كل اصحابكو
انتو بتحبو المنظرة اوى
ومدونات ايه وكلام فاضى ايه
دول ناس بتهرتل طول النهار
عالم فاضية
وكمان
بتوع السيبرات بقا يعتزلو
وروحو يبعو ترمس ع الكورنيش
اهو فى روقان اكتر من كدة
عشان مفيش بتاع ترمس بيعدى من عندنا كتير
كفايه
وبلاش نت كفايا علينا 12 مش 25
على فكرة
احنا بجد شعب بيستبعط اوى
وعايز يتفحط بجد
طلباتنا كتير
وكل شوية احتجاجات
واعتصممات
الحكومة حبت تقرص ودانكو شوية
وتقولكو يا تلمو نفسكو
يا نفصل النت عنكو
شوفتو بقه مسكتنا من ادينا اللى بتوجعنا
فعيب بقه كدة
سيبو الحكومة فى حالها هيا نقصاكو
ناس تيت صحيح
بجد بجد
سورى يا حكومة باى عليكى
هناك 49 تعليقًا:
هههههههههههه
بالنسبة لك 25 كتير انا ممكن اموت فيها
لا النت لا
خدوا بابا و ماما
خدوا المايه اللي بطعم الخ ....الخوخ
خدوا الهوا الملوث
خدوا الاكل المسرطن
خدوا الفراخ hللي عندها انفلونزا و علجوها
الا النت
الا النت
الا النت
الا النت
ابوس ايديكم
عادل
طيب ادى
ايدى اهى ورجلى كمان
خلاص خلاص
صدر قرار من خمش دقايق بتعيينك في التعديل الوزاري القادم وزيرة لشؤن الاتصالات فرع مصلحة اخنقني بس بشويش
أحمـــــــــــــد أبو العلا
شوفت بقه انى انفع فى السياسة
وابقا ورزيرة كمان
بجد حرااااااااااااااااااام عليهم
يعنى الحاجه الوحيده اللى كنا بناخد حريتنا فيها هما كمان هياخدوها
بلد بتاعه شهادات صحيح
25 جيجا
شاملة التصفح واليوتيوب وكل حاجة مش داونلوود خالص
لا الباندويث 25 جيجا
واصلو معداش على مصر:)
Pink Dreams
حاجة تقرف يبنتى
انا ممكن أضحي بكل الناس كلو الا النت انا هموت عامل زي السمك لو شالو النت انا هموت
Dr Ibrahim
دى مصر بقه
Dr Ibrahim شلت الكلمة فعلا
Dr Ibrahim شلت الكلمة فعلا
مواطن مصري
امال انا اعمل ايه
انا مش بعمل حاجة غير انى اقعد ع النت
اشمعنا النت يعنى
يلا حسبنا الله ونعم الوكيل
فى الحكومة الفاضيه دى
مهى لو فاضيه اوى كده تطلع تشوى بطاطا على الكورنيش واحنا فى موسم يعنى وربنما هيكرمها اوى
بـــــسمة انـــــــــور
اتحسبنى من هنا للسنة الجاية
خلاص مبقاش فيه كلام يتقال
اتكلمنا كتير وعملنا اعتصامات
وأعتقد ان برده اللى هما شايفينه هو اللى هيتنفذ
هى دى مصر
والله إحنا شعب بطران وسكتنا أكيد راح تبقى قطران مش عارفة إيه ياختي ده
ده إحنا شعب ماعندوش دم قال نت قال وايه المشكلة لما يخصخصو النت ماهما خصخصو الحكومة أساسا
عجبي
لالالالالالالالالالالالالالالالالالالالالالالالالالالالالالالا
عباس الضو قال لالالالالالالالالالالالالالا
واحنا برضه
بنقول لالالالالالالالالالالالالالالالالالالا
نت ايه و بتاع ايه و كلام فارغ ايه؟؟
يعني الحق على الحكومة انها عايزة الشعب ينام بدري و يصحى بدري و يتفرغ للعمل و الانتاج؟؟؟
حسبي الله و نعم الوكيل
شعب نمروووووووووود
فعلا مشكلة كبيرة
بس هوه ده العادل يا عم عادل
شوف انت مبهدلنا معاك ازاى؟
جه اليوم اللى نشتكى من العدل
عايزين الظلم احسن
حلو اوى
ماله؟
اتبترنا على الظلم جلنا العدل اللى هيتوبنا
بجد موضوع مهم ولازم الكل يتكلم فيه
احييكى على البوست
طول عمرى كنت بسمع عن عصر النانو تكنولوجى واخيرا فهمته اهو مصر هتدخل النانو تكنولوجى بالقرار العبقرينو ده اصلان شعب مبذر جدااااااااا لازم حد يشكمنا علشان نتلم:)
ياعالم ظالمة ومفترية كفاية ظلم فى الحكومة الطاهرة الشريفة هههههههه
سيبك انت عادل ده طلع ندل جدااااا يبيه باباه ومامته علشان النت
لا والله وانتي الصادقة
يقطع طارق كامل على احمد نظيف على الحكومة على سنينها على اللي عاوزها
واللي ينقطك تدخلي موقع وزارة الاتصالات تلاقي اللوجو منور
مصر...الإختيار الذكي
ياحلاوة
انا نبهت على كل المشتركين معايا فى الوصله اول الشهر كل واحد يجيب معاه كيس اسود اديله 5جيجا يصرف نفس بيهم طول الشهر
تحياتى اللاسعه
انا ليه رد فى بوست مبروك يادودى
اعتقد انك مشوقتهوش
لانك لو شوفتيه
كنتى .......
ازيك يا مشمشية
شوفى احنا 4 على وصلة واحدة هو زوجى وانا فى شقتنا واخو زوجى ومراته فى شقته ده لو محسبناش العيال واللعب او مشاهدة افلام اكارتون
يعنى تقدرى تقولى اننا هنجيب ضرفها قريب قوى علشان مش هنقدر ندفع واللى معهوش ميلزموش وده اللى عاوزين يقولوه لنا بس يمكن مكسوفين ادينا قلنا اهوه مش هنقول بيسرقونا لا هنقول اللى معهوش ميلزموش
نت ؟
25 جيجا بس؟
ياني
هههههههههههههههه
كله الا النت
خدوا كل حاجة وسيبولي النت
خدوا الموبايل
خدوا التليفزيون
خدوا الكمبيوتر نفسه بس سيبوا النت
هههههههههههههههه
فعلا الموضوع ده خطير جدا
والحكومة مبتهزرش
ربنا يستر
اشكرك على البوست
في حفظ الله
الله ينور يا قطة
و بعيييييين الناس كتر خيرهم فعلا
شاغلين بالهم بينا برضو
مش طول الوقت تشتكوا إن الشباب مظلوم و محدش حاسس بيه
أهم حسوا خلاص
سؤال بس على جنب كدا
يعنى إيه يتفحط ؟!!
فاتيما
حبيبتى
نورتى
انا بحبك جدا
يتفحط يعنى يتظبط
يتكحرت يعنى
شعب طماع بجد
اتعودوا ان الحكومه تبقا ابوهم وامهم ....... ونسيوا انها مرات ابونا
لسه ياما هنشوف
bsra7a blad btdal3 wnas msh 3arfen nrdehm azay sha3b 3ayz dl3 ah aktr mn kda yat3o nafshm 3shan khatrna ya3ny
عندك حق سيبوا بقى الحكومه فى حالها ياجماعه هههههههههههههه
والله دى اسوأ حكومه شوفتها
هو الكلام ده بجد
فعلا يعنى
الله يحرقهم
يحرق مين ؟ لا قصدى الشيطان ولا فيه حد من قرايبه أو أصحابه ممكن يزعل؟
طيب ما إحنا سايبين الحكومة فى حالها، هيه اللى مش سايبانا فى حالنا!
و عجبى
أنا بجد حزين لسلبية المدونين
القرار بتحديد التحميل سيؤدى
الى نتائج منها
1-هدم والقضاء على المدونات ومجتمع التدوين
2- تحديد قدرتنا فى الاطلاع على مايدور فى العالم والتواصل معه
3-أن تستطيع الشركات بقرارات منفرده
تخفيض التحميل أكثر أو فرض قرارات بزيادة التكلفه
وباختصار سينتهى ما عرفناه من عالم التواصل عن طريق النت وتحول المستخدمين
الى مستمعى أغانى وفقط
تحياتى لكى وأسفى على سلبية المدونين
السلام عليكم
هما كده
لو لقوا أي حاجة بتفرحنا لازم يقطعوها عنا
لازم يبحثوا عن أي حاجة تزهقنا ويعملوها
ههههههههههههههههههه
انتى معانا ولا مع التانيين ها اعترفى هههههههههههههههههه
يلا نصوت يممكن حد يسمعنا
اقولك طيب نعيط طيب ولا بلاش نعمل وقفة إحتجاية ههههههههههههههههه
العقد شريعة المتعاقدين
دلوقتى انا متعاقد على دفع كذا
بسرعة كذا
و العقد مكون من طرفين انا و الشركة
تيجى الشركة تغير القرار من طرفها
يبقى كدة تييييييت اووووووووووى
واضح انهم بيطبقوا نظرية السياسة
اللى هو فلان مخترناهوش يبقى مش من حقنا نحاسبه
بس انا فى الشركة دافع بفلوسى يا معفنين
معفنين ديه موجهة للشركات طبعاً
طب انا دافع شهرين مقدم فى نظام
ادفع نص المبلغ و خذ ضعف السرعة
يعنى ادفع سعر 512 و اخذ سرعة واحد ميجا
ايه موقفى دلوقيت
؟!!!
شوفى احنا سكتنا على رغيف العيش اللى مش بنلاقيه و على الميه و بلاويها و الاكل و سمه لكن النت كلا والف كلا ههههههههههههه ، دى الحاجه الوحيده اللى الشعب بيفك نفسه بيها ،دول كده بيلعبوا فى عداد عمرهم ، بطلوا ده واسمعوا ده بكره نشترى الهوا فى ازايز
بجد البوست كله غريب الحاجه الوحيده العجبتنى كلمة واحد صحبى
شعب يتفحط بصحيح ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
حرام عليكى
بصى ياستى الحكومه مش بتعمل كده غير تلهيه للشعب الاهبل اسف يعنى
متقدرش تشيل النت الملهى معظم الشباب الشباب العايشه على النت طب عادى يشيلوا النت ونرجع تانى من تانى شعب من غير تلفزيون ونت تخيلى باه اه ممكن يحصل !!!!!!!!!!!!!!!!!!!!مستنى جوابك العنون اذهبى لمدونتى سلام
ااااااااااااااه من النت والنتيتة
انا مش عارف اللي زيي يعمله ايه..مش كفايبة عاطل وقاعد في البيت..كمان يقرفوني في النت
والله احنا لو حكومتنا فيها شارون علي ليفني علي نتنياهو ما حيعرفوا يعملوا فينا ربع اللي بيتعمل دلوقتي
:((
هههههههههههههههههههههههه
ناس مايملاش عينها غير التراب:))
اهو الشعب دة مبيحمدش ربنا ابدا
ربنا يكون فى عون الحكومة
هتعمل اية ولا اية
قال على رأى المثل
يفصلو النت ونصيع احنا
الا النت
الا النت
نموت نموت ويحيا النت
ههههههههههههههههه
أتمنى زيارتك لمدونتي
عشان هي لسة جديدة
بلد تعبانة صحيح
كل سنة وانتي طيبة
رمضان كريم
حتى النت هيغلى
تعليقاتكم كلها جميلة
كل سنة وانتو طيبين
إرسال تعليق