الاثنين، 10 أغسطس، 2009

يقطع النت ع النتيتة ع اللى بينتتو عليه





ايه مالكو نت ايه ومنتش ايه بس




انتو عايزين الحكومة تعملكو ايه اكتر من كدة يعنى




ماية وبطعم المجارى ووفرت ليكو




طيب انتو عمركو شوفتو اى دولة بتشرب ماية بطعم المجارى




مصر الوحيدة اللى عندها النكهة دى




والمشكلة وانتا بتشرب المايه منتش عارف دى مجارى مين




ولا ايه ؟؟؟




فيها ايه لو الكهربا بقت بكروت




يعنى فيه كرت بخمسة بعشرا شحن ع الهواا




و تحويل رصيد وع الهوا كمان ده




احنا حاجة غريبة اوى هو احنا عايزين




كل حاجة ببلا ش ولا ايه مش كفايه الناس كتر خيرهم




سبونا نقعد فى البلد ببلاش ده احنا مفتريين اوى




مش تسيبو الحكومة فى حاللها تبنى المدن الجديدة مدينة زويل ومدينة مش عارفه ايه




ومدن كدة منعرفش عنها حاجة ولا عمرنا هنشوفها اساسا




تعملكو ايه اكتر من كدة




مش كفايه انكو عايشين فى البلد من غير ماحد يقولكو حاجة




دى لو كانت بلد تانية كانت زمانها طرقعتلكو




وبعدين نت ايه 25 جيجا كفايه اوى




احنا هنهنب




وبلاش تنزلو افلام واغانى من ع النت




محبكش يعنى




ولا تدخلو ياهو ولا هوت ميل وقاطعو كل اصحابكو




انتو بتحبو المنظرة اوى




ومدونات ايه وكلام فاضى ايه




دول ناس بتهرتل طول النهار




عالم فاضية




وكمان




بتوع السيبرات بقا يعتزلو




وروحو يبعو ترمس ع الكورنيش




اهو فى روقان اكتر من كدة




عشان مفيش بتاع ترمس بيعدى من عندنا كتير




كفايه




وبلاش نت كفايا علينا 12 مش 25




على فكرة




احنا بجد شعب بيستبعط اوى




وعايز يتفحط بجد




طلباتنا كتير




وكل شوية احتجاجات




واعتصممات




الحكومة حبت تقرص ودانكو شوية




وتقولكو يا تلمو نفسكو




يا نفصل النت عنكو




شوفتو بقه مسكتنا من ادينا اللى بتوجعنا




فعيب بقه كدة




سيبو الحكومة فى حالها هيا نقصاكو




ناس تيت صحيح




بجد بجد




سورى يا حكومة باى عليكى

هناك 51 تعليقًا:

adel يقول...

هههههههههههه
بالنسبة لك 25 كتير انا ممكن اموت فيها

لا النت لا
خدوا بابا و ماما
خدوا المايه اللي بطعم الخ ....الخوخ
خدوا الهوا الملوث
خدوا الاكل المسرطن
خدوا الفراخ hللي عندها انفلونزا و علجوها

الا النت
الا النت
الا النت
الا النت

ابوس ايديكم

*البت المشمشية *حلوة بس شقية * يقول...

عادل

طيب ادى
ايدى اهى ورجلى كمان

أحمـــــــــــــد أبو العلا يقول...

خلاص خلاص
صدر قرار من خمش دقايق بتعيينك في التعديل الوزاري القادم وزيرة لشؤن الاتصالات فرع مصلحة اخنقني بس بشويش

*البت المشمشية *حلوة بس شقية * يقول...

أحمـــــــــــــد أبو العلا
شوفت بقه انى انفع فى السياسة
وابقا ورزيرة كمان

Pink Dreams يقول...

بجد حرااااااااااااااااااام عليهم

يعنى الحاجه الوحيده اللى كنا بناخد حريتنا فيها هما كمان هياخدوها

بلد بتاعه شهادات صحيح

Dr Ibrahim يقول...

25 جيجا

شاملة التصفح واليوتيوب وكل حاجة مش داونلوود خالص

لا الباندويث 25 جيجا

واصلو معداش على مصر:)

Dr Ibrahim يقول...
أزال المؤلف هذا التعليق.
*البت المشمشية *حلوة بس شقية * يقول...

Pink Dreams
حاجة تقرف يبنتى

مواطن مصري يقول...

انا ممكن أضحي بكل الناس كلو الا النت انا هموت عامل زي السمك لو شالو النت انا هموت

مواطن مصري يقول...
أزال المؤلف هذا التعليق.
*البت المشمشية *حلوة بس شقية * يقول...

Dr Ibrahim
دى مصر بقه

*البت المشمشية *حلوة بس شقية * يقول...

Dr Ibrahim شلت الكلمة فعلا

*البت المشمشية *حلوة بس شقية * يقول...

Dr Ibrahim شلت الكلمة فعلا

*البت المشمشية *حلوة بس شقية * يقول...

مواطن مصري
امال انا اعمل ايه
انا مش بعمل حاجة غير انى اقعد ع النت

بـــــسمة انـــــــــور يقول...

اشمعنا النت يعنى
يلا حسبنا الله ونعم الوكيل
فى الحكومة الفاضيه دى
مهى لو فاضيه اوى كده تطلع تشوى بطاطا على الكورنيش واحنا فى موسم يعنى وربنما هيكرمها اوى

*البت المشمشية *حلوة بس شقية * يقول...

بـــــسمة انـــــــــور
اتحسبنى من هنا للسنة الجاية

الشاعر الحزين يقول...

خلاص مبقاش فيه كلام يتقال

اتكلمنا كتير وعملنا اعتصامات

وأعتقد ان برده اللى هما شايفينه هو اللى هيتنفذ

هى دى مصر

شوكولاتة يقول...

والله إحنا شعب بطران وسكتنا أكيد راح تبقى قطران مش عارفة إيه ياختي ده
ده إحنا شعب ماعندوش دم قال نت قال وايه المشكلة لما يخصخصو النت ماهما خصخصو الحكومة أساسا
عجبي

romansy يقول...

لالالالالالالالالالالالالالالالالالالالالالالالالالالالالالالا
عباس الضو قال لالالالالالالالالالالالالالا
واحنا برضه
بنقول لالالالالالالالالالالالالالالالالالالا

A.SAMIR يقول...

نت ايه و بتاع ايه و كلام فارغ ايه؟؟
يعني الحق على الحكومة انها عايزة الشعب ينام بدري و يصحى بدري و يتفرغ للعمل و الانتاج؟؟؟
حسبي الله و نعم الوكيل
شعب نمروووووووووود

مسدس صغير يقول...

فعلا مشكلة كبيرة
بس هوه ده العادل يا عم عادل
شوف انت مبهدلنا معاك ازاى؟
جه اليوم اللى نشتكى من العدل
عايزين الظلم احسن
حلو اوى
ماله؟
اتبترنا على الظلم جلنا العدل اللى هيتوبنا
بجد موضوع مهم ولازم الكل يتكلم فيه
احييكى على البوست

الشعب لابد له من حكومه تشكمه يقول...

طول عمرى كنت بسمع عن عصر النانو تكنولوجى واخيرا فهمته اهو مصر هتدخل النانو تكنولوجى بالقرار العبقرينو ده اصلان شعب مبذر جدااااااااا لازم حد يشكمنا علشان نتلم:)

آيوشة يقول...

ياعالم ظالمة ومفترية كفاية ظلم فى الحكومة الطاهرة الشريفة هههههههه

سيبك انت عادل ده طلع ندل جدااااا يبيه باباه ومامته علشان النت

شلاطة يقول...

لا والله وانتي الصادقة
يقطع طارق كامل على احمد نظيف على الحكومة على سنينها على اللي عاوزها

واللي ينقطك تدخلي موقع وزارة الاتصالات تلاقي اللوجو منور

مصر...الإختيار الذكي

ياحلاوة

لاسع افندى يقول...

انا نبهت على كل المشتركين معايا فى الوصله اول الشهر كل واحد يجيب معاه كيس اسود اديله 5جيجا يصرف نفس بيهم طول الشهر




تحياتى اللاسعه

Hossam يقول...
أزال أحد مشرفي المدونة هذا التعليق.
اللى موش عارف يتغير يقول...

انا ليه رد فى بوست مبروك يادودى
اعتقد انك مشوقتهوش
لانك لو شوفتيه
كنتى .......

مامة مازن يقول...

ازيك يا مشمشية
شوفى احنا 4 على وصلة واحدة هو زوجى وانا فى شقتنا واخو زوجى ومراته فى شقته ده لو محسبناش العيال واللعب او مشاهدة افلام اكارتون
يعنى تقدرى تقولى اننا هنجيب ضرفها قريب قوى علشان مش هنقدر ندفع واللى معهوش ميلزموش وده اللى عاوزين يقولوه لنا بس يمكن مكسوفين ادينا قلنا اهوه مش هنقول بيسرقونا لا هنقول اللى معهوش ميلزموش

قلم رصاص يقول...

نت ؟

25 جيجا بس؟

ياني

هههههههههههههههه

كله الا النت


خدوا كل حاجة وسيبولي النت

خدوا الموبايل

خدوا التليفزيون

خدوا الكمبيوتر نفسه بس سيبوا النت

هههههههههههههههه

فعلا الموضوع ده خطير جدا
والحكومة مبتهزرش

ربنا يستر

اشكرك على البوست

في حفظ الله

فاتيما يقول...

الله ينور يا قطة
و بعيييييين الناس كتر خيرهم فعلا
شاغلين بالهم بينا برضو
مش طول الوقت تشتكوا إن الشباب مظلوم و محدش حاسس بيه
أهم حسوا خلاص
سؤال بس على جنب كدا
يعنى إيه يتفحط ؟!!

*البت المشمشية *حلوة بس شقية * يقول...

فاتيما
حبيبتى
نورتى
انا بحبك جدا
يتفحط يعنى يتظبط
يتكحرت يعنى

فتاه من الصعيد يقول...

شعب طماع بجد

اتعودوا ان الحكومه تبقا ابوهم وامهم ....... ونسيوا انها مرات ابونا

لسه ياما هنشوف

طوبة ذهب وطوبة فضة يقول...

bsra7a blad btdal3 wnas msh 3arfen nrdehm azay sha3b 3ayz dl3 ah aktr mn kda yat3o nafshm 3shan khatrna ya3ny

زهرة الحب يقول...

عندك حق سيبوا بقى الحكومه فى حالها ياجماعه هههههههههههههه


والله دى اسوأ حكومه شوفتها

Dr. Kafy يقول...

هو الكلام ده بجد
فعلا يعنى
الله يحرقهم
يحرق مين ؟ لا قصدى الشيطان ولا فيه حد من قرايبه أو أصحابه ممكن يزعل؟

Dr. Kafy يقول...

طيب ما إحنا سايبين الحكومة فى حالها، هيه اللى مش سايبانا فى حالنا!
و عجبى

mohamed يقول...

أنا بجد حزين لسلبية المدونين
القرار بتحديد التحميل سيؤدى
الى نتائج منها
1-هدم والقضاء على المدونات ومجتمع التدوين
2- تحديد قدرتنا فى الاطلاع على مايدور فى العالم والتواصل معه
3-أن تستطيع الشركات بقرارات منفرده
تخفيض التحميل أكثر أو فرض قرارات بزيادة التكلفه

وباختصار سينتهى ما عرفناه من عالم التواصل عن طريق النت وتحول المستخدمين
الى مستمعى أغانى وفقط
تحياتى لكى وأسفى على سلبية المدونين

hasona يقول...

السلام عليكم


هما كده
لو لقوا أي حاجة بتفرحنا لازم يقطعوها عنا

لازم يبحثوا عن أي حاجة تزهقنا ويعملوها

mohamed ghalia يقول...

ههههههههههههههههههه
انتى معانا ولا مع التانيين ها اعترفى هههههههههههههههههه
يلا نصوت يممكن حد يسمعنا
اقولك طيب نعيط طيب ولا بلاش نعمل وقفة إحتجاية ههههههههههههههههه

غير معرف يقول...

مصر تخسر 13.5 مليون دولار يوميا جراء بيع الغاز لإسرائيل !


قال السفير المصرى السابق المحامي إبراهيم يسرى أن القاهرة تخسر من جراء هذه الصفقة مع تل أبيب حوالي 13.5 مليون دولار في اليوم الواحد ولهذا لا يمكن تبرير هذه الخسارة لا بوجود معاهدة سلام مع إسرائيل ولا بحقوق السيادة ولا بأي شيء آخر

و أضاف يسرى " لا علاقة بين اتفاقية السلام وصفقة تصدير الغاز المصري لإسرائيل ، ولهذا نحن طالبنا بإلغاء الصفقة لكونها مجحفة بحق مصر وتمثل اهداراً للثروة المصرية خاصة وإننا دولة نامية تحتاج الكثير من الأموال للإصلاح الإقتصادي ولذا لا يجوز أن ندعم إسرائيل بهذا الشكل خاصة ونحن لسنا دولة غنية لكي نبذر أموالنا يميناً وشمالاً".

ونفى ما تدعيه الحكومة المصرية من أن إسرائيل حصلت على هذا العقد من خلال مناقصة دولية مثلها مثل الدول الأخرى ، مؤكدا أن هذا غير صحيح وإن صح ذلك لكان سعر الغاز المصري المصدر لإسرائيل 16 دولاراً الآن.

وتابع " نريد كما فعل رئيس الوزراء الروسي بوتين أن يكون تسعير الغاز حسب سعر السوق العالمية في حين أن اتفاقية الغاز "المصرية- الإسرائيلية" التي يمتد مفعولها لعشرين عاماً يمنع فيها تغيير السعر طيلة هذه المدة وهذا السعر يبدو الآن مضحكاً لأنه مثبت بدولار وربع الدولار في حين أن السعر العالمي الآن يتراوح بين 12 -16 دولاراً لوحدة القياس".


ارجو من كل من يقراء هذا ان يزور ( مجموعة مقالات ثقافة الهزيمة) فى هذا الرابط:

www.ouregypt.us

بدراوى يقول...

العقد شريعة المتعاقدين
دلوقتى انا متعاقد على دفع كذا
بسرعة كذا
و العقد مكون من طرفين انا و الشركة
تيجى الشركة تغير القرار من طرفها
يبقى كدة تييييييت اووووووووووى

واضح انهم بيطبقوا نظرية السياسة
اللى هو فلان مخترناهوش يبقى مش من حقنا نحاسبه

بس انا فى الشركة دافع بفلوسى يا معفنين
معفنين ديه موجهة للشركات طبعاً

طب انا دافع شهرين مقدم فى نظام
ادفع نص المبلغ و خذ ضعف السرعة
يعنى ادفع سعر 512 و اخذ سرعة واحد ميجا

ايه موقفى دلوقيت
؟!!!

بسنت صلاح الدين يقول...

شوفى احنا سكتنا على رغيف العيش اللى مش بنلاقيه و على الميه و بلاويها و الاكل و سمه لكن النت كلا والف كلا ههههههههههههه ، دى الحاجه الوحيده اللى الشعب بيفك نفسه بيها ،دول كده بيلعبوا فى عداد عمرهم ، بطلوا ده واسمعوا ده بكره نشترى الهوا فى ازايز

صدفة جميلة يقول...

بجد البوست كله غريب الحاجه الوحيده العجبتنى كلمة واحد صحبى
شعب يتفحط بصحيح ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
حرام عليكى
بصى ياستى الحكومه مش بتعمل كده غير تلهيه للشعب الاهبل اسف يعنى
متقدرش تشيل النت الملهى معظم الشباب الشباب العايشه على النت طب عادى يشيلوا النت ونرجع تانى من تانى شعب من غير تلفزيون ونت تخيلى باه اه ممكن يحصل !!!!!!!!!!!!!!!!!!!!مستنى جوابك العنون اذهبى لمدونتى سلام

micheal يقول...

ااااااااااااااه من النت والنتيتة
انا مش عارف اللي زيي يعمله ايه..مش كفايبة عاطل وقاعد في البيت..كمان يقرفوني في النت
والله احنا لو حكومتنا فيها شارون علي ليفني علي نتنياهو ما حيعرفوا يعملوا فينا ربع اللي بيتعمل دلوقتي
:((

blue-wave يقول...

هههههههههههههههههههههههه
ناس مايملاش عينها غير التراب:))

Darsh Basha يقول...

اهو الشعب دة مبيحمدش ربنا ابدا
ربنا يكون فى عون الحكومة
هتعمل اية ولا اية

قال على رأى المثل
يفصلو النت ونصيع احنا

ريمان ونوسه فى هاكونا مطاطا يقول...

انت لسه هنا؟


لا لا تعالى بسرعه عندنا


تيمون وبوبما عايزينك


كل ما تضحك اكتر كل تاكل بطاطا اكتر

هاكونا مطاطا

مش هتقدر تغمض عنيك

هاكونا مطاطا هديتنا لكل المدونين عشان نخرج من حاله النكد

هاكونا مطاطا تهييس للصبح

هاكونا مطاطا ... لااااا للملل


هاكونا مطاطا... قول لاء للهم

هاكونا مطاطا.... اوعى تزعل ابدااا

هاكونا مطاطا... ارمى الماضى ورا ضهرك


انسى الماضى اللى يغيظ


يلاااااااااا تعالى مستنى ايه

وياريت تضيف اللينك عندك
ومش هتندم ابدآ

مودتى

آه من قلبي يقول...

الا النت
الا النت
نموت نموت ويحيا النت
ههههههههههههههههه

أتمنى زيارتك لمدونتي
عشان هي لسة جديدة

♥ Am fOpa'D ♥ يقول...

بلد تعبانة صحيح

كل سنة وانتي طيبة
رمضان كريم

Sharm يقول...

حتى النت هيغلى

*البت المشمشية *حلوة بس شقية * يقول...

تعليقاتكم كلها جميلة
كل سنة وانتو طيبين