الجمعة، 7 أغسطس 2009

يا ناس يا عسل فانوس كرومبو وصل

خرجت من يومين مع بت كدة صحبتى رخمة مووت نازلة رغى من ساعه ماخرجنا
اذ فجأتن الاقى كل الناس فى الشارع اللى بيبيعو فوانيس
عارضين فانوس كروميو
وانا بطبيعتى الطفوليه انى زى الهبلة وقفت اتفرج واشوف الاختراع العجيب ده واذ فجأتن اصل الراجل هو كرومبو بكام يقولى ب40 جنيه
وبقلة ادبى قولتلو نعم ياروح امك ونسيت انى بنت وانىو اقفه فى الشارع
ان ااينعم لسة نونو ومكبرتش اوى
بس اخر فانوس جالى كان بينور بلحجر ابو ربع جنيه
وكنت كل سنة بتعمد اكسرو او ارميه من البلكونة عشان بابا يجيبلى واحد تانى
وكنت بحب اوى الفانوس ابو شمعه ده
وكنت انزل فى حوش البيت والم العيال بعد الفطار طبعا احنا مكناش بنصوم
واقعد ع الارض والبيجامة تتوسخ بس عادى
ونطفى النور
ونقعد بقه نلعب على نور الفانوس بس والله كانت ايام جميلة
ما بالك بقه دلوقتى يظهر فانوس ب40 جنيه
ولما يتكسر يضطر الاب الغلبان يجيب لابنو واحد جديد
انا بتوقع السنة الجاية
يظهر فانوس تامر حسنى ب100 هيفاء 200 وبسنت ودياسطى 50 جنيه
يالهوى ايه اللى احنا فيه ده
بتطلع اختراعات غريبة تستنذف فلوس المصريين واحنا مشاء الله مش بنقصر فى حكايه الفلوس دى الموضوع ده انا لقيت صورو فى منتدةى http://www.ikhwan.net/vb/showthread.php?p=685892 كدة عشان محدش يقول انى سرقتو
فحبيت تشاركونى حسرتى
بس عايزة اقولكو حاجة
انا لو اتخطبت لازم خطيبى يجيبلى كرومبو
هو ان ااقل من البت سونة اللى على اول الشارع اللى امها جابتهولها ولا الواد فوزى المعفن اللى فى الشارع اللى وراانا اللى ابوه جبهولى ومش هتنازل عن حقى فى كرومبو كرومبو الأصلى الشخصية الأصلية يعنى بيقول بصوت كرومبو الواضح العالى اللوجوالكامل بتاعة وتهنئة بشهر رمضان و بعدها أغنية هاتو الفوانيس وهوفانوس قيم جدا ومعاة كارت تعريف كرومبو...!!!!!! "يعني لو كرمبو هنّج شيل التعريف وسطبه تاني"تمنة 47 جنية ؟؟؟؟؟؟؟؟؟؟
كرومبو راقص دة حكاية جامدة كلة بيرقص مع الاغنية وكلة بينور وسعرة 36جنيه يعني كيلو لحمة مضروبة


كرومبو ايجبت طولة 30سم بيرقص بايدية الاتنين وبيمشى على عجل وعنية بتنور مع الاغنية وسعرة 37

كرومبو الأصلى فى شكل تانى جالس على كرسى هزاز ولما بيشتغل بيهز الكرسى لوحدة ويقول بصوت كرومبو الأصلى تهنئة رمضان والأغنية





كرومبو بيضرب المدفع




1- كرومبو الشقى 25 سم تقريبا رأس وايدية متحركين و اغنية بصوت عبد المطلب رمضان جانا وتمنة 25 جنية يعني نص كيلو لحمة كلام جميل جدا ورايق


*********************************************
حد هيجبلى الفانوس

هناك 38 تعليقًا:

Ahmed يقول...

مبروك على النيو لوك

Ahmed يقول...

هوا كرومبو انتشر كده, لا لا ده شئ لازمن نخاف منه

Ahmed يقول...

وتلات تعليقات اهم على الواقف

بنجاواتى يقول...

اول تعليق

ومش هتنازل عن هديتى اللى هى فانوس كرومبو

انا برضه كنت بجيب فانوس من اللى بشمعة ده

كان بيبقى ازاه رقيق قوى قوى وبيتكسر بسهولة

وطبعا لاننا كنا عاقلين شوية فماكناش بنروح لحتة ضلمة علشان ينور لكن كنا طول شهر رمضان نتمنى ان الكهربا تقطع علشان ننور بالفوانيس
وطبعا اول ما الكهربا تقطع ونقعد ننور الشمعة ونثبتها تكون الكهربا جت

كانت ايام جميلة والله

تحياتى

بنجاواتى يقول...

مش عايز فوانيس على فكرة :((

Ahmed يقول...

لو الفلوس كده يبقى رمضان من غير كرومبو اوفر واحسن
والا هيبقى سفه

احساس طفلة محبة للرومانسية بس واقعية يقول...

احلى حاجة بقى رمضان جانا اللى على الصورة من تحت دى :)

لية يعنى الاسعار دى
دا الفنوس هنا صنع فى الصين ب 105 ين يعنى 5 جنية بالضرائب وشغال زى الفل هجيب واحد لسومة :)واهو كدا يبقى اسمى ضحكت عليها ومنها كمان تتعود علية واشحن معايا كرتونتين وكل سنة اطلعلها واحد وتكسر براحتها بقى :)

رمضان كريم يا قمر
كل سنة وانتى طيبة
تقبلى مرورى

قلم رصاص يقول...

انا هاتكم بصراحة

انا عمر ماحد عبرني وجابلي فانوس

بس اطمنوا اختي بتدعي (أكيد زورا يعني من باب انها بتغيظني ) انها كان بيجيلها فوانيس وهي صغيره

ههههههههههههههه

بس احب اقول برضه واطمن نفسي اني مكانش بجيلي فوانيس على اساس اني عقليه فذة ومينفعش ابقى عيل والعب بفانوس .. تواضع تواضع !

ههههههههههههههه

كرومبو؟!

اه بس بصراحة كرومبو يغري الواحد انه يرجع أعيل مما تتصوروا ويشتريه

شكرا جزيلا يامشمشية على هذه الهديه

ورمضان كريم

ودمتم في حفظ الله وطيبتم وطاب سعيكم وممشاكم

شوكولاتة يقول...

تعرفي يابت يامشمية طالما كرومبو غالي كده طب مانجيب حمبوذو ولا سحس بومب
هههههههه
سلاموز

@alhaidar يقول...

هكذا التجار دائما ,,

يستغلون أي مناسبة لتحقيق العوائد المادية التي كلما ارتفعت كانت شطارة التاجر أكبر في نظر أقرانه ..

كل عام وأنتم بخير :)

adel يقول...

ههههههههههه

ههههههههههههه
ههههههههههههههههههه

هههه

طب
ه
ههههههههههههههههه

مش هتجبيلي فانوس بقي
بس انا عاوز التوك توك و اوعي تقوليلي مشفتوش

اشاسا انا احق واحد بالفانوس
ولا ايه ؟؟

Pink Dreams يقول...

هههههههههههههههههههههههه

ال كرومبو ال

دا اصلا شكلوا يخوف فى التلفزيون وكمان يعملوه فانوس للعيال

ههههههههههههههههههههه

بس بردو ميغلاش عليكى يا مشمشه هجيبلك واحد

بس فى سؤال محيرنى هو فين سحس؟؟؟؟؟؟؟

الشاعر الحزين يقول...

يعنى الواحد المفروض يقولك كل كرومبو وأنتى طيبه ولا ايه ؟؟؟؟

عموما كل سنه وأنتى طيبه

وان شاء الله خطيبك يجيبلك أحلى فانوس

بس مش كرومبو

فانوس البنت المشمشيه

تحياتى

romansy يقول...

ههههههههههه
دا بعنيك
فانوس 40 جنيه
اروح اجيب كيلو لحمه احسن
هههههههههه
كل سنه وانتى طيبه

عادى الشعب الصينى هيضحك على مين يعنى

مي يقول...

كل سنة وانتى طيبة يا قمر
الناس دى بتخترع اى حاجة والسلام حتى كرومبووو
طب مفيش سيد ابو حقيظة
هههههههههه كل سنة وانتى طيبة
تحياتى ليكى

Unknown يقول...

امممم
ممكن اجيبهولك انا
بس لما تبقي خطيبتي
امال يعني اجيبلك فانوس زي ده بمارة اييييييييييه


كل سنة و انتي طيبة

عاشقه وغلبانه يقول...

هي بسنت يامشمشه
مش لسه هايخترعوه يعني
ههههههههههههههههههههه

الاسعار نار يا اوختي
والصين اجدع مين يعمل الحاجات دي
واحنا اهبل من يستوردها
هههههههههههههههههههه

عاشقه وغلبانه يقول...

لسه بقول لاختي علي فوانيس زمان وزينه رمضان والاحساس دي
اطفال الايام دي محرومين منها والله

عاشقه وغلبانه يقول...

بوجي وطمطم هايجي السنه دي
احنا اللي هانتفرج عليه مش الاطفال

غير معرف يقول...

هههههههههههههه

الصين مسابتش تقليعه الا واستفادت منها.. حتي كرومبو

:))))))))))))))))

أمير الرومانسية يقول...

ههههههههههه
من الواضح يا مشمشية إنك متغاظة من كرومبو أووووي
ايه يا بنتي كل الغيرة دي
بكرة يا ستي يعملولك فانوس باسمك
ويسموه المشمشية الشقية
وهكون أول واحد أشتريه تخليدا لذكراك الغالية
ومش هيشتغل بالحجارة ولا الشمعة
هيشتغل بالزبادي علشان انتي أصلا زبدية
ويطلعو منه بقي أنواع
المشمشية الشقية بالفراولة
المشمشية الشقية بالموز
والله وهتلعب معاك ساعتها

مامة مازن يقول...

يا مشمشية لو واحد متغاظ من واحد يعبر عن غيظه ويشتريله فانوس كرومبو ماهى حاجة تغيظ الصراحة ايه الجميل واللذيذ والممتع فى كرومبو الفانوس
هبل والله العظيم لو الفاطميين كانوا عارفين ان الفانوس سيتحول ويتحور لكرومبو مكانوش بدعوا حكاية الفانوس دى ههههههههههه
المهم هو فانوس البلكونة اللى هيتعلق وان كان عاجب العيال بقى بلا كرومبو بلا حمبوذو هههههههههه
سلام يا مشمشية

زهرة الحب يقول...

والله حاجه جميلة علشان الناس تدفع فلوس انا من رأيى انهم يجيبوا كيلو لحمه احسن ههههههه

Maryama Qandil يقول...

من جمال عيونك يا كرومبو هنجيبك,,,

يا نهاار على المصرييين بيجبوا افكار من تحت السلم وبيكسبوا من وراها دهب


ما تيجي نطلع فوانيس سرحان ونفيسة!!!!

:d

كل سنة وانتي طيبة
رومضان كريم

غير معرف يقول...

شفته من يومين وانا بجيب لابن اختي هديه " اصل انا خاله طيبه "

المهم الواد بصله وقاللي ده مش فانوس ..... ده كرومبو .... انا عايز فانوس

طبعا الواد عنده حق ...... ده موش فانوس تقليدي خالص

وكل سنه وانت طيبه

هاني مهران يقول...

اتفضلى يا ستى

ده فانوس كرومبو عربون صداقة

مدى ايدك ماتتكسفيش

ام هند ( يعنى المهم )

الموضوع حامد بيك ( يعنى جامد كيك)

واللغة هايلة قوى

وطريقتك فى العرض حلوة قوى

ودمك خفبف ( فصيلة دمك ايه لو سمحتى ؟)

وانا سعيد انى عرفت المدونة دى


تقبلى مرورى
وصداقتى إن أمكن

بسمة انور يقول...

يا حلاوة ياولاد

حتى فى رمضان كرمبو مش عاتئ

الـ كرمبو ال
مالها الفوانيس ام شمع ولا الفوانيس اللى بلمبه صغيرة حلوة

يلا كل سنة وانتى بخير يا قمر

بسنت صلاح الدين يقول...

هو كرومبو ورانا ورانا كل سنه وانتى طيبه يا جميل بس تصدقى انا مش بقتنع غير بالفانوس العادى القديم الحلو ده، مش اوى يعنى مش اللى بشمعه خلينا فى اللى بلمبه صغيره، تحسى معاه بطعم رمضان بجد

blue-wave يقول...

يا ساتر
هوا كرومبوا دا ناوى يطلعلى ف كل حته؟؟؟؟؟

funky girl يقول...

كرومبو باءا مش اي حد :):):):)
مالها الفوانيس الجميلة ام عشرة جنية
ال كرومبو ال

حـــلـــم كـــان يقول...

والله انا لما شوفت فانوس كرمبو ده
ولما انى مجنونه وهابله فكرت اجيبه
لبنت اختى فى رمضان عشان ابقا
اسرقه منها

بس بعد ال 40 جنيه دى اكيد
هغير تفكرى مش تفكرى بس دانا هغير ابوه

غير معرف يقول...

رجاء لكل المصريين اقرأوا الرابط ده ضروري مقال يهمكم تعرفوه
http://shlotmozdwag.blogspot.com/2009/08/blog-post_09.html#comments

Soma يقول...

كل سنه وانتي طيبه
مبروك النيولوك وان شاء الله هيجيليك احلي فانوس كرومبو


دانتي عيله قوي
يا عيله

وانا كمان عايزه فانوس اشمعني انتي

micheal يقول...

ههههههههههههههههههه..علي فكرة أنا عارف الخبر ده من زماان وتقدري تقولي أني كنت متوقعه لخبرتي الشديدة في سيكولوبيا الشعب المصري
قريبا كورومبو صيني كمان
:)
رمضان كريم وكل سنة وأنتي طيبة
تحياتي

رحلتنا في الحياة يقول...

ماشى يابتاعت كرومبو انا قولتلك عايزة فانوس هيفا مليش دعوة :(

صحيح هو ده صناعة صينى ولا احنا اطورنا وبقينا بنصنع بنفسنا :)

Dr. Ibrahim يقول...

عليه العوض ومنه العوض..:)


الناس جالها خابط فى نافوخها ولا ايه :)

*البت المشمشية *حلوة بس شقية * يقول...

قريت تعليقاتكو كلها
كل سنة وانتو طيبين

غير معرف يقول...

23459.....68952