تحديث
حاجة نسيت اقولها انا غيرت البانر بتاع المدونة واللجو بتاعى لبنت محجبة وده لسبب مهم اوى ان اى حد كان بيدخل عندى
كان بيشيل الذنب ده وان فيه مدون دخل عندى وقالى انتى مدونتك حلوة بس البنت ليه بشعرها فكرت فى الكلام وفورا غيرتو عقبال متحجبو مدوناتكو 
كل سنة وانتو طيبين
رمضان خلاص فضلو ايام
عايزين بجد نعمل خير السنة دى
بجد وندعى كتير انا عايز اقول ان السنة اللى فاتت دعيت ربنا فى حاجات كتير الحمد لله كتير منها اتحقق
فياريت نغسل نفسنا الشهر ده
بجد نفسى كلنا نبقا مسلمين بجد
مش مجرد صيام عن الاكل وخلاص وانتا ولا بتصلى ولا جواك حاسس بمعنى وقيمة الشهر ده
فيه شوية نقط كدة عايزة انقطكم بيها
*1
ياريت كل واحد يشترة كيلو رز كيلو دقيق كيس مكرونة وازازة زيت حسبة عشرين جنيه
وتديهم لاى حد غلبان هيفطروه يومين
ولو انتا ربنا مديك حاول تفطر اسرة فقيرة لمدة شهر او اسبوع ع الاقل
2* ياريت اقل ما فيها تختم كل يوم جزء هيا مش صعب عليك ساعه فى اليوم هتختم جزء واحد
وللبنات اللى بتجيلها الدورة الشهرية فى رمضان
حاولى الايام دى تقرئى جزء ونص او جزئين
3* حاول تمسك لسانك وتخليك هادى شوية وبلاش ع الفاضية والمليانة تتعصب هو مفيش حد صايم غيرك ولا ايه
حاول تقول لنفسك انك هتستفيد منا لشهر ده فى انك تتحكم اكتر فى اعصابك
4* زى ماقالت خيخة الاسرة الىل عنها لحمة تجيب ناس معندهاش لحمة تاكل بلاش فشخرة
بحس ان رمضان بجدالناس بتتفشخر بيه على بعض
وتعمل اكل اد كدة وبسبوسة وحلويات
زى مايكون مش بياكل طول السنة وبياكل بس فى الشهر ده
ارحم ربنا واعرف انك لو رميت اى اكل الاكل هيدعى عليك
كل ييوم لو نزلت الشارع هتلاقى ناس غلبانة اوى خد اى واحد فى الشارع وهاتو فطرو معاك وقعدو معاك ع السفرة
4* حركة حلوة كنت بعملها فى المدرسة باخد شوية تمر فى كيس
واديه لاصحابى فى المدرسة واحلفهم انهم لازم اول حاجة ياكلوها التمرة بتاعتى
فانتا اعمل كدة
خد شوية تمر واديهم لاهل بيتك او تهل العمارة لاصحابك كدة
وخليه يفطر منها اول واحد وشوف يا معلم هتلم ثواب اد ايه
*5
حاول تعمل خير فى رمضان طول منتا ماشى ادى اى حد غلبان فلوس
لو حتة ربع جنيه يمكن الربع جنيه ده يفرق معاه انو يشترى رغيف عيش يفطر بيه ومش هيخسر معاك كتير بس هيفرق مع غيرك اكتر
*6 لو هتدخل النت فى رمضان حاول تاخد من ثواب
تقرا حاجات كويسة تسمع قران كتير وان شاء الله هحاول على اد ما اقدر انزل ادعية حاجات دينية اخد منها ثواب على افاكو
7* لو هتقرا القران فى رمضان وده ان شاء الله كلنا نقرا
حاول تشغل ع الكمبيوتر عندك السورة اللى بتقراها واسمع النطق كويس عشان مش كلنا بنقرا صح
كان فى افكار والله كتير فى دماغى بس مش لاقيه حاجة دلوقتى اقولها
كل سنة وانتو طيببن انا مش هعلق عند حد فى رمضان الشهر قصير ويارب نلحق وانا مش طالبة حد يعلق يارب كلنا ناخد ثواب فى الشهر ده
هناك 14 تعليقًا:
بجد ربنا يكرمك و يوفقك للخير دائما
كل سنة و انتي طيبة
وانتا طيب يا احمد
كل سنة انتى طيبة يا مشمشة يا جميلة
ربنا يسعدك
ويعينك ربنا على طاعته
رمضـ كريم ـان
كل سنه وانتي طيبه ..... وجازاك الله خيرا على النصايح
ربنا يجعلها في ميزان حسناتك
افكارك رائعه
استفدت من قرائتها
من البدايه للنهايه
مبدعهانيت دوما بمخك العبقريتو
كل عام وانتي بخير :)
كل سنة و انتي طيبة
ورمضان كريم
كل سنة وانتى طيبة
كل سنة وانت طيبة يا مشمشة
مش ها احجب المدونة
آه لسه مبلغتش
كل سنة وانتى طيبة ياشيمو
جزاكى الله خيرا ياجميل على البوست والافكار دى ربنا يجعلها فى ميزان حسناتك باذن الله
كل سنة و انتى طيبة
و رمضان كريم عليكى و على الكل
كل سنة وانتو طيبين
كل سنه وانتى طيبه
بس انتى اهم حاجه
البعد كل البعد عن التلفزيون والترليون مسلسل الى بيسرقوا الوقت
والاهم التراويح وياريت ندور على مسجد يكون فيه دروس بين الركعات
بيبقى حاجه كويسه جدا
كل سنه وانت طيبه يا جميله
وربنا يعود عليكي الايام بكل خيييييييير ياااااااااارب
ربنا يكرمك بكل خير يارب ويجعله في ميزان حسناتك
رمضان كريم يا قمرايه
يلا سلاااااام
طيب انا هاعلق بقي بالعافيه
حلو البوست الصيامي ده وخدي ثواب علي افانا في حاجه زي مانتي عايزه المهم ناخد ثواب كلنا يا ستي
ومبروك نيولوك المدونه
إرسال تعليق