الاثنين، 22 يونيو 2009

مصر مش كدة


عمرو اديب عايزة اقولك حاجة مهمة عيب عليك

ده انتا مصرى

تشهر بمنتخب مصر قدام العالم كلو

وبتكلم بسخرية على الجهاز الفنى وعلى منتخب مصر

احنا فعلا لعبنا وحش

قدام متش امريكا

ونستاهل الخسارة اوى كمان

بس بردو

مش معنى اننا وقعنا

اننا مش هنقوم تانى

متش الجزائر اتغلبنا

وقومنا من تانى

لعبنا وبقينا افضل

وكل الصحف العالمية اتكلمت عنا

عيب عليك

وانا بتفرج على البرنامج

مش هقدر اقول الاسلوب عامل ازاى

يعنى لما االاعبين يتسرقو

وممكن نقول ان التهمة دى اتلفقت ليهم

عشان سمعه بلد بتضم كاس العالم

تقوم تقول ان المنتخب عمل كدة

لاء طبعا

وانا متاكدة ان كل المصريين اللى بيفهمو بجد

بيقولو كدة دلوقتى

احنا اللاعبية بتاعتنا محترمة

وعمرهم مايغامرو بأسم مصر

ةالبطولة والهدف اللى جايين عشانو

عشان مجرد نزوة

عمرو اديب زى مايكون عايز جنازة وتشبع فيها لطم

انتا خليت اللى ميعرفش يعرف

اتكتب على النت

اتكتب فى الصحف

لاكن مش نطلع نشتم فى بعض

وتجيب فنانين

يشتمو على الاعيبة

عيب كدة

احنا عايزين نطلع بأفضل صورة

احنا لو اخلاقنا كدة فعلا

منستحقش نطلع كاس ابو زعبل مش كاس اوربا

ولما زيدان كلمك وشحاتة وابو تريكة واحمد حسن

بيشرحو الموقف

بقيت تسخر من كلامهم

زى متكون مش عايز تصدق الحقيقه اللى بتسمعها

عايز تصدق انهم نجاسة

فعلا

انا من هنا

بأسم كل المدونين

وانا عارفه انهم معايا دلوقتى

احنا بلد محترمة

وفيها اكيد حاجات وحشة

زى ما موجود فى كل مكان

بس بنحب بلدنا وبنحترمها

ونحافظ عليها

مش نطلع ع التلفزيونات

ننشر غسلنا اذا كان تيت على الناس

بلاش اسلوب التهكم والسخرية بتاعك ده

اسلوب ردئ جداعشان تعمل للبرنامج بتاعك حصريات

ربنا مع منتخب مصر

ولو كان فى حد غلط هياخد عقابو

هناك 116 تعليقًا:

احساس طفلة محبة للرومانسية بس واقعية يقول...

احنا اللاعبية بتاعتنا محترمة
وعمرهم مايغامرو بأسم مصر

انتى قلتى كدا كل حاجة
خسرنا اوكى هى كدا الكورة دى لعبة
صحيح بتفرح 80 مليون
بس مش لدرجة اننا نقول و نشارك
الناس اللى اتهموهم وظلموهم افتراء

ربنا نصرهم الحمد لله
تقبلى مرورى

Che يقول...

موافقك على اللى قلتيه ... و بجد سقطه ماظنش انها هتتنسى لعمرو اديب

ستيتة يقول...

اولا كلامك صحيح
وزي ما انت قلت كل مصر لازم ها تقول زيك
ثانيا عيب قوي يستغل سي عمرو اديب نجوميته وكثافة المشاهدة ويدي انطباعات بالسوء والعجب ده كله

لما يجوا الدهماء ويقولوا ان الطبيب والمهندس اللي معارين عندهم حرامية محدش يعتب عليهم
لأننا شايفين نفسنا كده

والله عيب

شيماء الجمال يقول...

صديقتى
أنا بضم صوتى لصوتك وبنقدم اعتذارنا للمنتخب المصرى على ما حدث وقلبنا ودعمنا ليهم ومعاهم
تحياتى

mohamed ghalia يقول...

الحمد لله الراجل اعتذر النهاردة ومتهيألى الموضوع اتحل
هو استعجل أوى فى الحكم ومشى ورى جريدة وهى كمان اعتذرت
بس هو حقيقى ذودها أوووووووووووى

عبد من عباد الله يقول...

معلش دي من ضمن الاثار السئيه اللي بنجنيها من ورا العاطفه الساذجه و الجاهله ...

زي ما بنفرح اوي اوي و بنقلب الناس ملايكه و زي الفل و مفيش بعد كده برده بنزعل اوي اوي و بنقلب الناس شياطين و زي الزفت نيله ...

و في الاخر مش بنستفاد بحاجه و لا بنحدد المشكله و الاخطاء صح في وسط الهوجه مفيش حد بيشوف حاجه صح .

MǿиY El-Shreef يقول...

لاعيبتنا احسن لاعيبه

وانا معاكي ف كل كلمه قولتيها وكنت هتكلم بس مالوش لازمه الكلام بعد كلامك يا مشمش

والحمدلله الحق ظهر

hasona يقول...

السلام عليكم

كلامك جميل
والشخص ده بيستغل حاجات كتيرة
وبيتكلم في أمور بخباثة ليأكل نصف التورتة الاعلامية لوحده
ولا يهمه علي حساب مين وازاي

لأنه ليس منتخبنا فقط من سرق
وليس هو فقط من هزم
مع ان مندهش من المستوي

لكن هذا لا يعطي حق لأي انسان في كيل الاتهامات والسخرية من مصر والمصريين بهذه الطريقة

لأن الكلام ده بيتاخد ضدنا وضد كل المضريين في كل مكان

حاسوباتيه يقول...

يعني مش عارفه اقولك ايه بس فعلا عيب

Mafrousa يقول...

بصي يا مشمشة انا طول عمري مش بحب اسلوب عمرو اديب
اسلوبه شعللهل شعللها ولعها ولعها اسلوبه يفرس الصراحه
المفروض قبل ما نرمي التهم و نشتم و نسب نتحقق
و لو فعلا ده حصل و انا استبعده تماما الاتهام اللى اترمي به المنتخب ما اقطعش فيهم
اولا لان الاسلوب ده هدام لمعناوياتهم
ثانيا ان كان فيه منهم مصتحب لعائلته بس كانوا بعيد عنهم
ثالثا علشان احافظ على صورة بلدى
انا معاكي فى كل اللى قلتيه

وردشان smilyrose يقول...

مشمشة

كلنا معاكى كلنا كنا فعلا مخنوقين

ومكناش متوقعين اللى حصل وخصوصا

بعد فرحتنا فى المبارتين اللى قبل كدا

بس دا مش مبرر لكل اللى عمله

لان لكل جواد كبوة

ومش معنى كدا اننى نقتله

دمتى حبيبتى

وردشان

روح الحب الصادق

Me7'o يقول...

الصراحة
أنا كنت عاوز أنط فى كرشه والله
حسيت إنه سافل حيوان
وكان بيتكلم بلهجة تهكمية وكان واثق قوى من نفسه
كان ناقص يقول

يا جماعة إذا كنت أنا اللى موديلهم البنات دول بنفسى

على العموم يا سيد ياللى إنت مش محترم لو هما كده يبقى إنت كمان كده

تحياتى
ومتأسف لو فيه لفظ خارج بس أصله حرق دمى فعلاً

مامة مازن يقول...

ازيك يا مشمشية عاملة ايه
رمى الناس بالباطل حرام والناس دى متزوجة كمان يعنى ذنبه مضاعف هذا المخلوق اللى اسمه عمرو اديب
انا مشفتش البرنامج بس شوفت برنامج شوبير على الحياة وكان الناس هيتجننوا
وابوتريكه قال هعتزل دولى لو الناس دى موصلهاش اعتذار رسمى
الناس دى لو كانوا غير كده كنا قلنا ماشى والناس دى سموهم فى اوروبا فريق الساجدين يقوم الاستاذ يقول نجاسة
بجد حرام نقطع فى بعض للدرجة دى
انا قرفت والله من الحاجات دى

nody يقول...

عمرو اديب بأسلوبه المستفز خلانا نسينا الأداء المخزى امام امريكا وبقينا بندافع على المنتخب

جنوب افرقيا من ساعه ما كانوا بينافسوا على استضافه كاس العالم وعمرو اديب كان اول واحد بيشكك فى الامن الموجود فيها
البلد دى معروف عنها انتشار السرقه والمخدرات والبلاوى التانيه

وعمرو اديب بيه نسى انه لو واحد جايب واحده من دول عنده وسرقته مش هايروح يبلغ
لانه ها يبقى عارف انه ها يتفضح
انما احنا اللعيبه بتاعتنا هى الى بلغت
يبقى مافيش عندهم حاجه يخافوا منهم
وربنا عرفوه بالعقل
انما تقولى ايه للجعجعه والجرى ورا المصالح الشخصيه على حساب اى حاجه
ابسطها بيوت ممكن تتخرب

adel يقول...

انا كرهت شحاتة بسبب اخر ماتش
ولسه مسمحتش الحضري علي الهروب
و مش بحب احمد فتحي ولا احمد سمير فرج
مممممم كتير قوي

بس لحد الاعراض تيتتتتت علي عمرو اديب
الناس دي متجوزة و عندحا اهل ازاي يعمل كده و مدام مشفش بعينه او جاب دليل ميقولش كده و هو اللي عمله ده خلي الناس تقف جمب المنتخب مش نشتمه

ديالا يقول...

بعا منتخبنا ماشاء الله عليهم

احترام واخلاق

وبجد مع اني مفكرتش حتي مجرد تفكير ان الكلام ده صح

بس بالنيابه عن اي حد غلط فيهم

بقولهم انا اسفه

وربنا باذن الله هيكرمكوا

شيماء جمال(شيمو القمر) يقول...

عندك حق بجد

موافقة على اللى قلتيه

ومعاك

تحياتى لك
شيمو القمر

*البت المشمشية *حلوة بس شقية * يقول...

احساس طفلة محبة للرومانسية بس واقعية
لالاء ازاى لازم نقطع فيهم عشان يعجب الاستاذ عمرو

*البت المشمشية *حلوة بس شقية * يقول...

Che
طبعا
اذن ان عمرو اديب من الاعلامين اللى الواحد يزعل عشانهم ابدا

*البت المشمشية *حلوة بس شقية * يقول...

ستيته حسب الله الحمش
بلظبط يا ستيته
هو كان عايز جنازة يشبع فيها لطم
واهو لطم فى وش المنتخب بتاعنا

*البت المشمشية *حلوة بس شقية * يقول...

شيماء الجمال

طبعا كلنا بنعتذر للمنتخب
ب

*البت المشمشية *حلوة بس شقية * يقول...

mohamed ghalia
وهو عشان زودها
لازم احنا كمان نزودها معاه

*البت المشمشية *حلوة بس شقية * يقول...

عبد من عباد الله
طبعا كان لازم يتاكد الاؤل

*البت المشمشية *حلوة بس شقية * يقول...

MǿиY El-Shreef
تسلمى يا قمر ع الثقه الغاليه

*البت المشمشية *حلوة بس شقية * يقول...

hasona
فعلا كلامك صح
هو
فاكر ان دى خبطة اعلامية يسبق بيها اى حد
بس البطيخةو طلعت ارعه

*البت المشمشية *حلوة بس شقية * يقول...

حاسوباتيه يق
ربنا يهدى

*البت المشمشية *حلوة بس شقية * يقول...

واحدة مفروسة
صح كلامك
هو محافظش على اسم مصر
ويستاهل هجوم الناس عليه

*البت المشمشية *حلوة بس شقية * يقول...

smilyrose
الكورة مكسب وخسارة
ومش معنى كدة نروح نقتل الاعيبة بقه

*البت المشمشية *حلوة بس شقية * يقول...

Me7'o
احنا عايزين
نطلع احسن فيه
ومنستخدمش نفس اسلوبة فى النقد

*البت المشمشية *حلوة بس شقية * يقول...

مامة مازن
لاء وهو عمرو اديب بيهمو متجوزين وعندهم اهل واطفال ولا لاء

*البت المشمشية *حلوة بس شقية * يقول...

nody
فعلا هو خلا اللى ميعرفش يعررف
وخلى كل الناس بتدافع عن منتخبنا
ونسيو متشش امريكا
طظ فى المتش
المهم الشرف والاخلاق

*البت المشمشية *حلوة بس شقية * يقول...

adel
عندك حق يا عادل
عشان دة مش شرف لاعيبه بس
ده شرف مصر كلها

*البت المشمشية *حلوة بس شقية * يقول...

ديالا
ربنا معاهم يارب

*البت المشمشية *حلوة بس شقية * يقول...

شيماء جمال(شيمو القمر
شكرا ليكى يا شيمو

قلب ارهقته الاحلام يقول...

فعلا عمرنا مانصدق للحظة ان الناس دي تعمل كده

كلهم ناس محترمة ومش معني انهم خسروا ماتش يبقي مصيرهم الدبح

وعمرو اديب كل ال يهمة البروبجاندة والفرقعة الاعلامية

حتي لو كانت علي حساب سمعة مصر وناس ابرياء

المفروض قبل ما نرمي الناس ف اعراضهم نتحري الصدق مش نبقي زي البغبانات ال بتردد وخلاص

*البت المشمشية *حلوة بس شقية * يقول...

قلب ارهقته الاحلام عندك حق والله
عمرو اديب قال
فرصة بقه
يستغل الفرصة دى
ويعملو شو اعلامى

Unknown يقول...

أنا ليا سؤال واحد

هل لو كان المنتخب كسب ماتش امريكا كان عمرو اديب عمل الهوليلة بتاعته ديه؟

و لا هو بس يالا عشان عايز ندى الفريق فوق دماغتهم
فكل مرة واحدة بقى

أبو العريف يقول...

بصي يا مشمشه
كلامك صح
لان انا بعتبر ان لاعيبتنا دول افضل جيل في كل حاجه
واولها الاخلاق العاليه والالتزام
ويكفينا وجود حد زي ابو تريكه في المنتخب
عشان نكن للمنتخب بأكمله كل الاحترام
وسي عمرو كان ممكن يقول ألف سبب للهزيمه وماكانش حد هيزعل منه
الا الهبل اللي قاله ده
وانا متأكد
ان مصر كلها مفيهاش واحد بس صدق كلام الجريده دي الا عمرو اديب
واعتقد كمان ان ما صدقش بس بيستعبط عشان يعمل شو اعلامي كعادته
وكعادته بعد كل غلطه بيعتذر

ولو مش مصدقه ابحثي عند عمي جوجل
علي اعتذار عمرو اديب
هتلاقي كتييييييييييييير

The illusionist يقول...

ده اقل واجب يتقال على عمرو
كميه شتايم مش هتكفى بوستين مجتمعين
ده كائن مش طبيعى ولا كائن مصرى ولا اى حاجه اصلا
لما توصل ان الاعلام اللى المفروض يدافع عن منتخب بلده
بيهاجم
ناقص ايه
ناقص انهم يحاكموهم لما ييجوا
ده عباره عن واحد سفيه
وللاسف
السفهاء بقوا كتير قوى على الشاشه

غير معرف يقول...

عمرو باشا اديب اعتذر امبارح ...... وقال انه غصب عنه كان متنرفز ...... اصله سهل عند امثاله رمي الاعراض بالسوء كده
يلا ده انسان غبي وحمار اعلامي

عايش... ولكن !!!! يقول...

خلينا نتفق على حاجه
الجيل ده احسن جيل جه فى تاريخ الكره المصريه وبالارقام
من حيث بقا كوره وقرب من ربنا وحاجات كتير
وعمرو اديب مزيع مشهور ومش محتاج انه يعمل شو على حساب بلده علشان يتشهر

لكن انا شايف انه كان منفعل اكتر من اللازم او تقدرى تقولى انفعاله ده مش شغل اعلامى بقاله اكتر من 10 سنين بيقدم برنامج ده شغل هاوى
غلطان جدااااا وهو اكيد لما شاف نفسه فى الاعاده عرف انه غلطان علشان كده اعتذر والاعيبه والجهاز لهم الحق انهم يقبلوا او يرفضوا الاعذار زى ما انتى وانا وكلنا كمصريين لنا الحق اننا نقبل اعتذاره لانه غلط فينا قبل ما يغلط فيهم

تقبلى مرورى

فشكووول يقول...

يا مشمشيه يا حلوه يا شقيه ويا عفريته كمان
طبعا عمرو اديب غلطان ... بس ماتش فى الارض بعد ماتش البرازيل وايطاليا ما كانش ليه تفسير خالص فعمنا بقى عمرو اديب ما لقاش اى تفسير للحاله اللى زى الزفت بتاع المنتخب فقال كده .. وعلى فكره صحف جنوب افريقيا هى اللى كتبت الخبر ده وعمرو اديب نقل عنها
وعلى فكره برضه انا خليت الحاجه تقرأ التعليق بتاعك وانت كدا كسبتى 3 نقط من الموضوع ده وفاضل على حصولك على الدورى زقه
تحياتى يا مشمشيه وعود حميد اصلك كنتى وحشتينا

Unknown يقول...

طبعا مصر مش كدة
وعمرو أديب أصلا شخصية مش تمام

Ahmed يقول...

وحشتنا شقاوتك ياشيمو
وانا عايز افهم انتي بتيجي امتى وبتختفي امتى, انا مبلحقش أتكلم

عمرو بك اديب اعتمد على أسلوب التهكم والسخريه من الأول ومن زماااااااااان جدا

أسلوب بيستهتر بيه باللي قدامه
انا مش عارف الناس ليه بيعجبها الأسلوب ده, بس ده فعلا أسلوب حقير جدا

بالنسبه للي عمله على الهوا فديه أكبر غلطه من واحد المفروض انه اعلامي محترف

اتمنى ان اللي اتشتموا ميسكتوش عن حقهم حتى بعد اعتزاره

نفسنا ننكش فيكي تاني

اسماء واحلام فى وجدانى يقول...

يعنى انتى تغيبى فترة ترجعى ناسية اخوكى احمد الاسكندرانى وفاكرة ان اسمه اسماء
كدة بردة

Unknown يقول...

هو دة عمرو اديب ومش غريب عليه اللى عمله

ميهموش اى حاجة غير اكل العيش

بنى ادم خسيس

Hanan Elshafey يقول...

بصي كسبنا خسرنا ده ملوش دعوه احنا صلينا ولا عملنا حاجات تانيه السبب الاول هو الاداء والاتقان والا امريكا تخسر لانها ظالمه ومنفلته وافغانستان تكسب علي طول يابنتي الموضوع ملوش علاقه بصلا او غيره وعمرو اديب زودها جدا عايز يعيش دور المظلوم اللي اتهان وهو ياحرام بيرد بكل ادب ويشعللها واهم حاجه المكسب الاعلامي
بصي انا من الاول مبحبوش ودلوقتي اكتر

MaNoOoSh يقول...

فعلا مصر مش كده

واللي اديب عمله ده افقده اى احترام ليه عند الناس

بسنت صلاح الدين يقول...

انا فعلا زعلت اوى عشان الكلام اللى اتقال عليهم ده وهما ماشاء الله عليهم عارفين ربنا و بيصلوا و ليهم زوجات و ابناء يعنى عيب نتكلم على حد كده،كان المفروض لما الاشاعه دى تطلع المصريين اللى يكدبوها مش يشمتوا،و كل ده عشان خسروا،طيب ماهما دول اللى شرفونا قدام البرازيل و ايطاليا

محمد فوزي يقول...

عجبني قوي إنك أخدتي بالك إنه مش بس صدق الخبر وأصدر حكم بدون أي تحقق , وإنه مش بس إستخدم إسلوب وألفاظ لا تتناسب مع إعلامي وشاشه تليفزيون , إنما كمان مكانش عايز يسمع أو يصدق أي حاجه غير كده !! , دي بالنسبه لي أهم نقطه في الموضوع لأن ده معناه إنه كان عاوز تكون هي دي الحقيقه

طب ليه ؟ عندي تصور للإجابه بس مش حابب أقوله بصراحه

عجبني البوست والآراء في التعليقات عندك كلها مشجعه بصراحه

تحياتي

غير معرف يقول...

بصراحه انا متفرجتش عالبرنامج
بس في ناس كتير حكتلي عنه..

انا كنت بحب عمرو اديب اوي
بس دي سقطه عمر الناس ما هتنساها ليه

غير كده
المفروض الاعلامي لما يتكلم
يبقي واثق ومتأكد من اللي بيقوله
مش عمال يقول كلام كده وخلاص..

!!! عارفة ... مش عارف ليه يقول...

من المؤكد إن جانبه التوفيق في كل اللي قاله

لكن في نهاية حواره قبل المداخلات كان عنده حق

في عدم قدرتنا على المحافظة على الجودة والاستمرار في النجاح دي حاجة فينا كلنا

غير كده طبعا الاسلوب والمصطلحات اللي قالها كلها متجيش في أغنية هابطة

تحياتي
وليد

Darsh Basha يقول...

بصراحة انا لما سمعت الكلام دة اتغظت جدا
بدرجة استفزازية عالية ..من الجدع اللى اسمة عمرو اديب

وكلام غير اكيد يعرضوا على الهواء مبارة وعلى التلفزيون علشا يلوث سمعة ناس اشراف ..وضعهم فى محل للشك...هو اى موضوع ينفع التلكم فية كدة عادى

بصراحة ..الجدع دة مستفز جدا
سمعت انة اعتذر..بس بعد اية بقى
يعمل العملة ويرجع يعتذر.

ربنا يرحمنا يارب

الكحيان يقول...

ما فعله عمرو أديب خطأ مئة في المئة ذوقا وقانونا وشرعا فلو الشرع يحاكم أديب لحكم بجلده لأن ما فعله هو قذف وخوض في الأعراض بلا دليل والشرع يصون الأعراض ويحميها . لكن الصراحة فكرة الانشغال بالكرة والملايين التي تنفق عليها وعلى اللاعبين حرام وإحنا في أوضاع مضطربة وفقر ما يعلم بيه الا الله يعني إيه واحد يلعب شوية وياخد ألوف وملايين وجوائز وأسفار وامتيازات تدفع كلها من أموال الشعب وضرائبه لماذا؟ مسألة أمن قومي ؟ عشان الناس تتلهي وبعدين المنتخب وضع نفسه في موقف صعب لسببين : الأول لم يحدد الأسباب التي أدت به إلى هذا المستوى الهابط الثاني ولم يرد على تلك الحملات هناك وكأن الأمر لا يعنيه ولكن لعل الذي أهاج البعض وجعلهم يتشككون في اللاعبين أن اللاعبين ليسوا فوق مستوى الشبهات أصلا لأن من المعروف أن هناك بعضا -وليس كلا - يعرف عنهم القيام بالمغامرات إياها والسعي وراء بنات الليل والمعجبات وجاء عمرو أديب ليزيد باستفزازه النار اشتعالا في الحقيقة انتصار مصر في الكورة أو خسارتها من وجهة نظري لا ينبغي أن يشغل من وقتنا شيئا ولا أن يمثل شيئا الحياة أكبر من ذلك ومشاكلنا أكبر وإن كنا نحب الرياضة فلنمارسها بنفسنا ونوفر فلوسنا أليس كذلك ؟

لجين أبو الدهب يقول...

مشمشية

الاول حمد لله على سلامتك ويارب تكون كانت الامتحانات كويسة

وبالنسبة لعمرو اديب فعلا كان مبالغ جدا فى كلامك واتهامه بس اهو رجع واعتذر ..

*البت المشمشية *حلوة بس شقية * يقول...

لجين أبو الدهب
الحمد لله على كل حال
بس ربنا يستر من لنتيجة

*البت المشمشية *حلوة بس شقية * يقول...

الكحيان
عندك حق
وده اللى ان اكنت عايزة اكلم عنو فى بوست مخصوص
ان
احنا مدينا للكورة اكبر من كونها رياضة فقط

*البت المشمشية *حلوة بس شقية * يقول...

mosooz
هيفيد بأيه الاعتذار
بعد الىل عملو

*البت المشمشية *حلوة بس شقية * يقول...

!!! عارفة ... مش عارف ليه
هو من الاؤل للاخر غلطان مليون الميه

*البت المشمشية *حلوة بس شقية * يقول...

hager za3bal
كويس انك متفرجتيش كان دمك هيتحرق

*البت المشمشية *حلوة بس شقية * يقول...

محمد فوزي
ماهى دى اكتر حاجة
دايقتنى من اديب يا محمد
اسلوب المستفز
انتا جديد فى التدوين

*البت المشمشية *حلوة بس شقية * يقول...

بسنت صلاح الدين
اة طبعا
هما ليهم حق علينا
مش نشهر بيهم

*البت المشمشية *حلوة بس شقية * يقول...

MaNoOoSh
دى حاجة التاريخ مش هينسهالو

*البت المشمشية *حلوة بس شقية * يقول...

حنان الشافعي
مظبووط يا حنون
كلامك ده
كتب عنو بلال فضل مقالة

*البت المشمشية *حلوة بس شقية * يقول...

بدراوى
طبا مكنش عمل كدة

*البت المشمشية *حلوة بس شقية * يقول...

أبو العريف
انا بعتبر الجيل ده
من احسن الجيال
محترمة الصراحة

*البت المشمشية *حلوة بس شقية * يقول...

THE illusionist
فرصة وجتلو يعمل شو اعلامى

*البت المشمشية *حلوة بس شقية * يقول...

فتاه من الصعيد
مش عايزين شتايم خلينا احسن منو

*البت المشمشية *حلوة بس شقية * يقول...

عايش... ولكن !!!!
بتفق مع كلامك مليون المية

*البت المشمشية *حلوة بس شقية * يقول...

فشكووول
بس مش معنى كدة يا عمو فيشو
ان المنتخب خسر
يبقا نروح ننتحر بقه
تروح فى داهية الكورة
بس ليه كدة
تخلى حماتى تقرا اللكلام
كسفتنى

*البت المشمشية *حلوة بس شقية * يقول...

Ahmed Talk
منور يا احمد

*البت المشمشية *حلوة بس شقية * يقول...

أحمـــــــــــــد أبو العلا
ايه بس يا ابو العيله
مانا موجوده على طول اهو

*البت المشمشية *حلوة بس شقية * يقول...

اسماء واحلام فى وجدانى
هههههههههههههههههه
مين قال كدة يا اسماعيل
انا قولت ان اسمك سيد

*البت المشمشية *حلوة بس شقية * يقول...

enjy
ربنا يهديه

محمد فوزي يقول...

لأ مش جديد في التدوين , قبل منك بسنه كده مثلا هههههه

انتظر زيارتك

تحياتي

*البت المشمشية *حلوة بس شقية * يقول...

محمد فوزي
هههههههه
ماشى يا محمد شوية وجاية

النسر المهاجر يقول...

على فكره أنا لا أحترم أى شخص يهين بلده أو فرد منها وخصوصا لو كان زور
فهم ليسوا فى حاجه لكل ما يقال عنهم ولا ننسى أنهم رياضين وليسوا من جالسى المنازل ولا سيئى السمعه
وأنا أايد رايك

AHMED SAMIR يقول...

ليا رأي في الموضوع دة هينزل عندي في المدونة النهاردة بالليل
برجاء معرفة رأيك

@alhaidar يقول...

بصراحة ما شفت اللي قاله عمرو ..

بس الفراعنة رفعو راس كل العرب بأداءهم المشرف جدام البرازيل وفوزهم على بطل العالم .. وهذي بطولة بحد ذاتها ..

ولو كان حصل أي غلط وتسبب بالتقصير في مباراة أمريكا لازم يتعالج بطريقة عقلانية وبعيدة عن الإعلام وقسوته ..

والمهم التركيز على تصفيات كأس العالم يا بطل أفريقيا ..

بالتوفيق وإلى الأمام دائما ..

فشكووول يقول...

على فكره يا مشمشيه الحاجه قرت كل تعليقاتك وهى مبسوطه منك خالص
ايوه يا ستى قدرتى تكسبيها فى صفك وانا بقى والواد محمود حنروح فى الكازوزه

قلم رصاص يقول...

عندك حق والله

احنا بجد وبدون مجاملة لعيبتنا رجالة ولو كانوا كده ما ادامهم فرص تانية يعملوا اللي الاخ الغير ادييييييب قاله ده !

حد يصدق مثلا واحد زي ابوتريكه يقبل حاجة زي دي وهو اللي في معظم ماتشاته بيقرأ القرآن الكريم وهو بيلعب في أرض الملعب

حسبي الله ونعم الوكيل

وبعدين فيه حاجة مهم جدااااااا في ماتش امريكا

احنا ليه تناسينا ان اعمة رئيسية في الفريق كانت غايبه عن الماتش وده احد اهم الاسباب للخسارة ادام اللي ماتتسمى امريكا

زي محمد زيدان وسيد معوض .. وفي الماتش احمد فتحي اصيب والحضري وكانت الظروف بتاعة الماتش مختلفة تماما

فزي مااحنا لعبنا ادام البرازيل وقطعناهم بمعنى الكلمة وكنا نستحق التعادل على الاقل ان لم يكن الفوز وزي مافوزنا على بطل اوروبا والعالم الطاليان برضه لازم نتقبل الخسارة بشرف

الكورة زيها زي غيرها من الالعاب فيها مكسب وخسارة

وبعدين لازم نفتكر ربنا في السراء يساعدنا في الضراء

شكرا على البوست

وبالتوفيق

اقصوصه يقول...

ما اتطلعت ع الحلقه انا !!

*البت المشمشية *حلوة بس شقية * يقول...

اقصوصه
احسن حاجة

*البت المشمشية *حلوة بس شقية * يقول...

قلم رصاص
انا معاك فى كل كلامك ده
الاعيبة بتاعتنا
تستاهل مننا كل التقدير
حتى لو فيهم حد وحش
يكفلا انهم رفعو اسم مصر

*البت المشمشية *حلوة بس شقية * يقول...

فشكووول
ههههههههههههههههه
حبيبى حبيبى يا حمايا
امال صعلوك فين امال

*البت المشمشية *حلوة بس شقية * يقول...

أحمد الحيدر
عندك حق
المصريين رفعو راس العرب كلهم

*البت المشمشية *حلوة بس شقية * يقول...

A.SAMIR
البوست بتاعك معجبنيش

*البت المشمشية *حلوة بس شقية * يقول...

المهاجر
انا كمان
اؤيد كلامك

funky girl يقول...

بجد عمرو اديب نرفزني جدا و معاكي حق
و دا اكنه كان عايز ياكد الكلام و بصراحة ماعتقدش ابد ان الاعتذار هيرجع الخسروه

Tarkieb يقول...

افاق وعميل سلطة....جالو الامر من جمال اعتذر ....

Hesham يقول...

صديقتى
اتمنى منك زيارة مدونتى فانا قد كتبت تعليقا مشابها لهذاالعمرو عقب ماقاله عن منتخبنا ارجو منك قراءته لتعلمى اننا جميعا وعلى قلب واحد نرفض ماتناوله هذا الانسان

wella1 يقول...

معاكى حق يابت يامشمشية فى كل الى قولتية

اوكية احنا صحيح اتقهرنا وزعلنا لما خسرنا
ولينا حق نشتم لعيبتنا بس دة بنا وبين بعض
نشتمهم فى مصر
مش نشتمهم علنى بفضيحة على قناة بيشوفها كل العرب

بجد عيب عليك اوى اوى ياعمرو اديب
بجد طول ماهو اعد يتكلم وانا اعدة اقول عيب حد يسكت الراجل دة
عيب والف عيب



دى اول مرة ادخل مدونتك يابنت يامشمشة وعجبتنى اوى على فكرة
ياريت نكون صحاب
واكيد دى مش هتكون اخر مرة ازورك فيها



مع تحياتى ويلا
www.wella1.jeeran.com

ياسر سليم يقول...

أظن المدونة شكلها اتغير ؟

ولا انا غلطان ؟


عامة .. بالنسبة للمدعي عمرو أديب .. خلاص اصبح شخصية مكروهة من ناس كتير

ياسر سليم يقول...

أظن المدونة شكلها اتغير ؟

ولا انا غلطان ؟


عامة .. بالنسبة للمدعي عمرو أديب .. خلاص اصبح شخصية مكروهة من ناس كتير

جحا المصرى يقول...

أكيد مصر مش كده
ورجالتنا رافعين راسنا فى كل مكان
ضيف جديد فى عالم التدوين

micheal يقول...

عمرو غلط في طريقة تناولة للموضوع..مكنش ينفع يحكم بصحته قبل الجميع ويطلع يقول أن المنتخب كان نازل نجس
ولكن كونه يذكر الخبر زي ما هو ويقرأه من الصحف والمواقع فدي مفيهاش حاجة غلط لأن ناقل الكفر ليس بكافر
دلوقتي المطلوب مننا مقاضاة الصحيفة أو تنزلنا اعتذار علي أقل تقدير+محاسبة المراسل التليفزيوني اللي أحضر فتاة الليل للفندق وأساء لسمعة البعثة
تحياتي

Hossam يقول...

حبيبة قلبى وحشتينى جدا
اسف لانى مقصر معاكى
الموضوع حلو وفعلا عمرو اديب كان اسلوبة وحش جدا حتى فى تعابير كلامة
الموضوع الحمد لله عدى على خير
ودى فى الاول وفى الاخر لعبة يعنى لازم حد يكسب وحد يخسر والبقاء للافضل
تحياتى لكى صديقتى
سلام

فشكووول يقول...

لسه ما خلصتش رد على التعليقات عندى بس قلت اعدى على البنت الشقيه اسلم عليها وارجع تانى اكمل رد على التعليقات

Zika يقول...

كل ده جميل اوي واللاعيبه فعلا ماتعملش حاجه زي كده
بس عمرو اديب ماغلطش في نقله الخبر
لان الاتحاد والصحافه والاعلام المصري كانوا يتنحرروا علي صحافة وامن جنوب افريقيا من الاول مش يستنوا اما عمرو يتكلم وبعد كده يزيطوا وكل واحد من امثال شوبير وشلبي والغندور يطلعوا يعملوا ولاد ناس واعلاميين محترمين علي قفا اعلامي في حجم عمرو اديب
ولا ايه يا حاجه مشمشه ؟

جحا المصرى يقول...

أكيد هنرجع ونقوم تانى
زى ما أنا رجعت تانى

قوس قزح يقول...

ازيك يا مشمشية
بقولك ايه ما تحاولى تيجى يوم الجمعة تجمع التبرع بالدم ؟
التفاصيل عند خيخة و appy

ياريت تيجى عايزة اتعرف عليكى و اشوف الشقاوة دى :)

Soul.o0o.Whisper يقول...

السلام عليكم و رحمة الله و بركاته

ازيك يا مشمشة
والله وحشانى يا جميل


بصى ، رغم انى ماشفتش الحلقة دى
و لا اصلا من هواة عمرو اديب

بس طريقة كلامك بتوضح هو قال ايه

عارفة عيبنا اننا اللى بنقطع فى بعض
عارفة لو نقف لبعض و نساند بعض
ماكنش حالنا يكون كدا


دمتى بكل الود يا قمر

فشكووول يقول...

ازيك يا مشمشيه

shahrzad... يقول...

اولا دى اول زيارة ليا هنا

انا معاكى فى كل اللى قولتيه وبجد عمرو أديب الله يسامحه على اللى عمله فينا

والحمد لله ان ربنا نصرهم وعمرو اديب اعتزر فى النهاية

قيس بن الملووووح يقول...

هناك فرق بين من يمارس الاعلام بضوابظ المهنة واخلاقها ومن يمارس المهنة للاسترزاق
ياريت تكون شفت الحلقة اللي عملها لهشام طلعت مصطفي ممول برنامجة
تحياتي..ونسعد بزيارتك

إشراقة أون لاين يقول...

المشمشية
حمد لله على سلامتى
ابقى زورينا فى إشراقة بكرة عيد ميلادها بقى

ابقى شرفينا وسيبك من عمرو أديب ده

نبراس العتمة يقول...

شهادة من مغربي

المنتخب المصري منتخب محترم جدا..

هو أحيانا -كيخرمزها- تعبير بالمغربي يعني قريب من تعبير -بيطفشها- عندكم

لكن رأيي أيضا أن مهاترات كرة القدم، هي أشياء تقوم بها البروباجندة الاعلامية من أجل أن يبقى تفكير المواطن ضحلا
من أجل أن ينسى العراق وفلسطين ومآسي العالم
احنا شعوب مغلوبة وليس فرق مغلوبة

مودتي القائمة إلى الأبد

Hanan Elshafey يقول...

شيمو
بقالك مده غايبه ولا بشوفك عالايميل حتي
يارب تكوني بخير
وحشتيني وليكي عندي تاااااااااج

Haytham Alsayes يقول...

السلام عليكم
انا اول مرة ادخل علي مدونتك وعجبتني اوى
اما بقي موضوع عمرو اديب دة مش منطق اعلامي المفروض ان الاعلامي قدوة وبطلع الكلام بميزان حساس في اي حاجة خاصة في الموضوع المتعلق بشخصية حد وسمعة ناس محترمة للاسف في ناس صدقته زي الفلحوس هاني شاكر نفسي اشوف منظره لما عمرو اعتذر تاني يوم بجد حرام ان الشخصيات اللي زى دي متباقش في التلفزيون بجد الواحد تعب منهم
منهم لله
تحياتي اتشرفت بزيارة مدونتك
ارجو زيارتي في مدونتي المتواضعة وارجو التواصل

صدفة جميلة يقول...

السلام عليكم
ممكن مش تحتى اسمى معاكم لانى مش بحب البلد
ومين الاعبين الى اشغل بالى بيهم
انتى عارفه انا زعلت بس لانه كان بيلاعب امريكا ونهزم بس اسف ان كنت طولت بس صدقينى لما يموت الامل فى عنيكى ويتحطم الامل بين ايديكى لما تعرفى انك عايشه العمر بحاله تحاربى وتجتهدى وفى الاخر الثمار جمر تكوى القلب اكيد هاتعرفى احساسى ايه

Unknown يقول...

ممكن أسأل انت فينك من زمان
مطولة الغياب ليه
مستنيكي
سلام

مدحت محمد يقول...

خلاص اعتذر والمسامح كريم

nody يقول...

فينك يابنتى غطسانه كده
ومش باينه
طمنينا عليكى
يارب تكونى بخير

واحد يعرفك يقول...

انا نزلت بوست جديد محتاج رأيك

*البت المشمشية *حلوة بس شقية * يقول...

كل الناس الل علقت
ومردتش عليها
قريت عليقكو واحد واحد
وبجد شكرا ليكو وللناس اللى بتسال عن غيابى

Nora 7wades يقول...
أزال المؤلف هذا التعليق.