الاثنين، 13 أبريل 2009

اسف ع الازعاج


اسمك ؟

حاجة غريبة اوى كل المدونين بيقلولى يا شيماء مع انى عمرى ماقولت اسمى لحد

عموما اسمى الاستاذة شيماء

احم احم
- المشهور بيه وسط اصحابك ؟

شيمو- شوشو- مشمشة -شيكو-اوشة-اللمضة-الرغاياواسم تانى بس مش هقولكو عليه

اوعا حد يدلعنى بلاسامى دى اصل انتو حرين هشرحكو




سنك ؟


وانتو مالكو لسه عندى 3 سنين وبسنن


وبعرف اقول بابا وماما وعايزة اعمل اى اح يعنى بى بى


عندى 19 سنة بس اوعا تقولو لحد



- مجال دراستك ؟


بعيد عنكو وعن السامعين وربنا ما يجيب وحش لاى حد


ويبعد عنا وعن السامعين


اداب لغة عربية كارو



- اسم مدونتك ؟


ايه مبتعرفوش تقرو



صورتك الرمزية بتعبر عن ايه ؟


مش بتعبر عن اى حاجة فى الدنيا

- هل فكرت في اغلاق مدونتك ؟ و السبب؟


احيانا بس مش هعمل كدة الا فى حالة واحدة بس


بس مش هقولكو


السر فى علبة الجبنة المثلثات كل لما تشترى اكتر فرصتك فى الفوز تكتر





- أسوء مدونة ؟


اكيد شوفت مدونات وحشة ومنيلة بنيلة غير مدونتى طبعا


وهيا مدونات ناس ميستهالوش انى اكلم عنهم اكيد عرفتو مين




- هيحصل ايه للايميلات
بعد ماتموت ؟



هتموت هيا كمان هخنقها قبل ما اموت واشنقها واغسلها وانشرها


واعصرها هو ايه اللى هيحصلها ايه كل اصحابى مش هيردو يمسحو الاميل كنوع من انواع الذكرى الهباب


وايام العذاب والجرى ورا الكلاب




- اديت الباسورد لحد قبل كده؟


اة عادى معنديش مشكلة


بس اللى بياخدو بيدفع فلوس لانى اميلى مش زى اميل اى حد


كبارات البلد كلهم عليه




- السفر بالنسبة لك ؟


انا بحب اروح اماكن تانية بس المشكلة عندى فى الموصلات


مش بحب السكة الطويلة


بس نفسى اسافر واروح بلاد كتير برة مصر وجوة مصر وتحت اللحاف كمان


المود بتاعك ايه ؟


يعنى ايه مود


ايه الكلام المفشكل ده


اةاة مود يعنى مزاج خدتها فى المدرسة


عادى


مودى دلوقتى كويس


انا بطبعى بحب الضحك واللعب والشقاوة


واحيانا بحب الهدوؤ وانى ابقا لوحدى




- بتعمل ايه في وقت فراغك ؟


اةةةةةةة


بصو بقه


سعات اتفرج ع التلفزيون


واحيانا النت


ولما اكون عندى الحالة ممكن اسرح شعرى واحط ميكب واظبط نفسى


واقعد اتصوربأشكال غريبة وانا فاتحة بؤئى مثلا


وانا ببرق


بس الصور بتطلع خطيرة


ومحدش يطيق يشوفها


- الاكلة المفضلة ؟


بحب حاجات كتير اهمها الحاجات الحلوة والشيبسى والشكولاتة


وبحب الاكل من الشارع


عشان كدة عندى ديدان


وبمموت فى الشاورمة اللحم




الصفات اللي خدتها عن والدك ؟


العقل والرزانة


والعصبية


والتسرع فى الامور


والرحمة


والعطف ع الناس


الصفات اللي خدتها من والدتك ؟


ههههههههههههههههههههه


العصبية


والتسرع فى الحكم ع الاشياء


والزعل بسرعه


والطيبة


وانى عينى عثلى زيها




اكتر 6 حاجات بتكرهم ؟


اللؤم


والغباء


والجشع


واسرائيل


وسعد الصغير


والتخلف


- اكتر 6 حاجات بتحبهم ؟


بحب الاكل مع انى مش تخينة خالص وعايزة معونة من امريكا عشان اتخن


بحب اللى يحبنى


وبحب الضحك


وبحب التكنولوجيا


وبحب الحاجات الحلوة


وبحب مدونتى


والاسماعيلى




- شخصيتك نوعها ايه ؟


مزاجية جدا


عصبية هبلة بيضحك عليا بكلمتين


سريعه الغضب طيبة


بضحك كتير


لماذا دخلت التدوين من الاساس ؟


كدة قلة ادب


دخلت عشان انا بحب الشهرة


هههههههه


لاء بصراحة دخلت عشان قولت ان اعايزة ارخم واقرف فى الناس دى شوية والحمد لله


بأدى رسالتى على اكمل وجه


ولا اية؟




- اجمل كلمة قيلت في وصف مدونتك ؟


كلام كتير بس تقريبا اغلبو مجاملات


بس دايما يقولو مدونة شقيه


ودمها خفيف ودى احسن حاجة مش مهم اكتب حاجة قويةوسياسية


المهم ان تبقا المدونة خفيفة ولذيذة وتروق الناس زى الشاى كدة


- اهمية التعليقات بالنسبة لك ايه ؟


مهمة جداااااا


انا بفضل بعد كل بوست ادخل اشوف الاخبار ايه ومين علق


وبعرف قيمة اللى بكتبو وبعرف مين اللى بيحب يتابعنى


- احلي بوست كتيته و ضع اللينك هنا ؟


ولا بوست


كلو هبل




- افضل مدونة قريتها ؟


مدونتى طبعا


ها ها ها


لاء فيه مدونات كتير ولناس كتير


وتقريبا هما الناس اللى انا ضيفاهم عندى عشان بحب اقرالهم بس مش هقول اسماء ولا سعاد عشان محدش يزعل




- افضل بوست قراته ؟


لاء كتير جدااااااااا


وفيه حاجات بتضحكنى جداا


بس هقول 3 مدونات قبل مدخل التدوين كنت بقراهم عشان كدة قولت لازم اعمل مدونة


تقريبا كل بوستات خيخة وسووو ولماضة




- الشغل بالنسبة لك ايه ؟


بحب اشتغل عشان بدى الشغل حقو اوى ونفسى اعمل حاجات كتير


وكمان الشغل بلنسبالى الفلوس اللى ممكن احقق بيها اللى انا عيزاه




الانترنت بالنسبة لك ايه ؟


مهم جدا


لو النت فصل فى يوم


مش قادرة اقولكو ببقا عاملة ازاى وهقولكو مثال


زى اللى بيشرب مخدارات والجرعه اتأخرت عنو وبقعد اهرش فى شعرى


حد عندو شوية جاز




تمرر التاج ده لمين ؟


مش هديه لحد




سلامزات




كانت معكو الحاجة ام سيد من امام كشك عم عبدو






هناك 79 تعليقًا:

احساس طفلة محبة للرومانسية بس واقعية يقول...

هاهاهاهاهاهاهاهاهاها قمر وشقية ودمك سكر يا شيمو
اقصد يا مشمية مش ناقصة تشريح
وانتى لسة 3 سنين وعايزة ترخمى علينا يعنى
كل عوامل التشريح جاهزة عليكى التنفيذ

هاهاهاهاهاهاها

ربنا يسعدك وتكونى شقية وبريئة
كمان وكمان

تقبلى مرورى

*البت المشمشية *حلوة بس شقية * يقول...

احساس طفلة محبة للرومانسية بس واقعية


انتى قاعدة ع الباب ولا ايه
ايه السرعه دى
شكرا يا قمر على كلامك الجميل ونورتى

Ahmed يقول...

ههههههههههههههه

حلو ربروتاج ده اوي انا مش عارف بيتكت ازاي بس المهم الموضوع جميل وحلو

*البت المشمشية *حلوة بس شقية * يقول...

Ahmed
منورنى دايما يا ميدو

مسدس صغير يقول...

هههههههههههههههههههههههه
ههههههههههههههههههههههههههه
انتى كارثة طبيعية
بتحبى ترمرمى من الشارع؟؟
وعشان كده عندك ديدان؟؟
طب واللى جابرك على ده ايه؟؟
المهم اجابات شقيه كالعادة
وعرفنا ان انتى داخله التدوين عشان تقرفى فينا.
ههههههههههه
وكمان تضايقينا
وكل بوستاتك هبل فى هبل؟؟
ههههههههههه
عثل
تاج روش الى حد كبير
احييك عليه..
نورتى المدونة..

مسدس صغير يقول...

اول تعليييييييييييييييييييييييييييييق
هيييييييييييييييييييييييييييييه
انا اول تعليق؟؟
اخييييييييرا

*البت المشمشية *حلوة بس شقية * يقول...

مسدس صغير
iهههههههههههه
هوم مين اللى نورتى المدونة دى
انتا هنا فى بيتى
قصدى مدونتى
عموما انا عارف انى عثل ودمى خفيف

*البت المشمشية *حلوة بس شقية * يقول...

مسدس صغير
اول تعليق ايه كمان مش بتشوف
لا اله الا الله

adel يقول...

ههههههههههههه
هههههههههههه
ههههههههههه
وكمان واحدة
هههههههههههههههههههههه

يمهل ولا يهمل و اللي زيك ليه السجن يا اما عشماوي

ههههههههههههههههههههههههههه

3 سنين دا انتي بالميت 30 او 40

و مش عارفة يعني ايه مود ؟؟
موود ده يعني بتحبي تسرحي شعرك علي انهي ناحية
ديل حصان و لا قطط ولا كلاب و كده يعني

يلا سلاحف بقي

*البت المشمشية *حلوة بس شقية * يقول...

adel
قطط وكلاب
ايه
انتا داخلة جنينه حيوانات
اة مان اقولت كدة بردو على مود دى
وان شا ء الله انتا اللى تدخل السجن وان االىل احكم عليك

صمت المشاعر يقول...

هههههههههههههه

اجاباتك كلها لذيذه يامشمشه

وانا بحب اسم شيماء جدا علي فكره علي اسم صحبيتي الانتيم

*البت المشمشية *حلوة بس شقية * يقول...

صمت المشاعر
اى خدمة ياستى

شاب كــ طخين ـــــا يقول...

ههههههههههههه
اجابتك جامدة
دماااااااااغ بردو جامده:D
ومين مبيحبش سعد الصغير استغفرى ربنا يابنتى ههههه

MǿиY El-Shreef يقول...

هههههههههههه

عسسسسسسسسسل يا مشمش والله

انا قلت مشمش اوعي تشرحيني :D

بجد وربنا دمك خفيف وشربااااااااااات

لفت نظري دي

ولما اكون عندى الحالة ممكن اسرح شعرى واحط ميكب واظبط نفسى

هههههههههههههههههههههههههههههه

يعني انتي حسستي الساده القراء انك نعكوشه على طول :D

الا لما تجيلك الحاله :D

الاسماعييييييييلي

يالهوي ياااااااااااني

هعتبر نفسي ديدنت سي والنبي ماتأخذيني نظري ضعيف ياضنايا :D

مبروك الخمسه ياختي

وكل تاج وانتي طيبه يامشمش

*البت المشمشية *حلوة بس شقية * يقول...

أمبارح كان عمرى عشرين
مين قال سعد الصغير اعوذ بلله

*البت المشمشية *حلوة بس شقية * يقول...

MǿиY El-Shreef
اكيد منكوشة اساسا انا مش بسرح شعرى خالص

Darsh Basha يقول...

اجابات منطقية وعسل وحلوة وكل حاجة
بس عندى اعتراض ..المدونة بتاعتى مش مكتوبة فى الجنب دة دليل على انك مبتحبيش تتابعيها ..على العموم ..انا بحب ادخل مدونتك الجميلة والخفيفة وكل حاجة ...ومستنين حاجات جامدة تانية كتيررررررررررررررررررررر

كله في الكلتش يقول...

جميل جدآآآ

حوار رائع

ربنا يوفقك

وادعوكِ للزيارة

استأذن حضرتك
فى وضع مدونتك فى المفضلة

رامى

daktara يقول...

ده ايه ده بقي
حوار مع النفس
ولا حالة جنون؟

طبعا كون الاسماعيلي من ضمن الحاجات اللي بتحبيه فده يسعدني ويشرفك ويشرف الاسماعيلي وكل الاسماعيلية

كون سعد الضغير اه الضغير من ضمن الحاجات اللي بتكريها فده طبعا يخليكي عاقلة التدوين رقم واحد

بوسط لذيذ علي فكره
اه كمان اول تلات اربع اشئله هي نفسها اللي انا سألتهالك في بداية تعارفنا يا شيمااااااااااء

شكلها باظت
انظر حولك
د. خالد عزب

MaNoOoSh يقول...

يعنى رفيعة وسفروتة ولمضة
هههههههههههههه
بس عثل ودمك خفيف

عاشقه الرومانسيه يقول...

الصفات اللي خدتها عن والدك ؟
العقل والرزانة
****************************
ههههههههههه
انتى متاكده؟


لماذا دخلت التدوين من الاساس ؟
قولت انا عايزة ارخم واقرف فى الناس دى شوية والحمد لله
بأدى رسالتى على اكمل وجه
***************************
لا فعلا معاكى حق
انتى قايمه بالواجب وزياده
هههههههههههههههههههههههههه
والله انتى ثكرررررررررررررر

V.Hayat يقول...

احلى شئ حبك للاسماعيلى مبروك الخمسة عقبال الدورى

تحياتى

بسمة انور يقول...

بحبببببببببببببك يا مشمشية

وربنا انتى زى العثثل وثكررر خالث

واجاباتك حلوة جدا

روابط يقول...

ايه يا بت كم الظرف والعسل اللى بينقط ده

فى مدونيين بيحاولوا يعملوا ان دمهم خفيف, انتى بجد مبتحاوليش لأن دمك خفيف فعلا.. والا دى تهيؤات منى

تحياتى بالجبنة

مـجـنـووون يقول...

تشرفنا بالتعرف بيكي

وربنا يوفقك يا رب وتحققي كل الي في بالك

تقبلي مروري
مجنووون

micheal يقول...

هههههههههههههههههه..اجابتك عسولة أوي
:)
حلوة أوي أنك حاطة سعد الصغير بعد اسرائيل
ربنا يتوب عليكي من الاسماعيلي..انشالله تشجعي بعديها بوركينا فاسو
مفيش مشاكل
:)
علي فكرة التاج ده انتشر أوي اليومين دول مع أنه موجود ع البلوج من 2006
:)
تحياتي

فكرة من الزمن ده يقول...

وبحب الاكل من الشارع


عشان كدة عندى ديدان



اكتر كلمة ضحكتني من اول ما صحيت من النوم
اجاباتك لذيذة خالص يامشمشة
وعرفتني عليكي اكتر

mohamed ghalia يقول...

جميلة إجابات واسلوبك حلو أوى
ربنا يكرمك ويسعدك

غير معرف يقول...

جميل يا شيماء كالعاده دمك زى العسل...وبالنسبه للديدان اشربى شربه وهى تروح
سؤال بس هو ليه الاسماعيلى بيعتبر نفسه نادى جماهيرى واللى بيشجعوه اقل من اللى بيشجعو نادى اسمنت اسيوط"على اساس ان تعداد اسيوط اكبر من الاسماعيليه"

*البت المشمشية *حلوة بس شقية * يقول...

فتاه من الصعيد
ليه التريقة دى انا حاسة بتريقه على الاسماعيلى

*البت المشمشية *حلوة بس شقية * يقول...

mohamed ghalia
الله يخليك

*البت المشمشية *حلوة بس شقية * يقول...

فكرة من الزمن ده
اة شوفتى عندى تعالب مش ديدان

*البت المشمشية *حلوة بس شقية * يقول...

micheal
بعد الشر
ان شاء الله ربنا يتوب عليك من الاهلى انتشر اوى زى الديدان

*البت المشمشية *حلوة بس شقية * يقول...

منورنى دايما

*البت المشمشية *حلوة بس شقية * يقول...

حازم سويلم
ايوة انا عسل فعلا

*البت المشمشية *حلوة بس شقية * يقول...

*بسمة انور*
منورة يا بثمة والله انتى اللى ثكر
وانا كمان بحبك

*البت المشمشية *حلوة بس شقية * يقول...

حياة
يارب الدورى يارب

*البت المشمشية *حلوة بس شقية * يقول...

عاشقه الرومانسيه
ايه عندك شك انى عاقلة ورزينة ولا اجى اضربك

*البت المشمشية *حلوة بس شقية * يقول...

mosooz
بس كدة حالا المدونة هتبقا فى المفضلة عندى

*البت المشمشية *حلوة بس شقية * يقول...

MaNoOoSh
ايه ده كل ده انا

*البت المشمشية *حلوة بس شقية * يقول...

رامى عيسى
اة طبعا اتفضل

*البت المشمشية *حلوة بس شقية * يقول...

daktara
منورنى
ومبروك على الخطوبة

مامة مازن يقول...

على فكرة انتى غير عادية
يا ترى هتفضلى مرحة كده على طول اتمنى تبقى اجدع واقوى من الدنيا
سلامى وتحياتى

غير معرف يقول...

لا ده موش احساس دى حقيقه...بس بجد الاهلى بيشجعه 40 مليون والزمالك نقول 30 الاسماعيلى كام 50 الف
ملحوظه:انا طبعا اهلاويه من جيش العدو

Ahmed يقول...

هههههههههه
ياستي انتي بتجاوبي على الأسئله ولا يعني بترخمي على الناس
نص الأسئله مش هقولكم وانتم ملكم, ناقص تطوحي فينا الضرب

لا لا بجد وعلى فكره من غير مجامله
مدونتك عامله زي البرجوله الخفيفه المناسبه للاستراحه

يلا هتيلنا بأه كوبتين شاي بس بسرعه

*البت المشمشية *حلوة بس شقية * يقول...

أحمـــــــــــــد أبو العلا

انتا جاى قهوة ولاايه
هو ايه اللى كوبيتين شاى
هتدفع يعنى هتدفع

*البت المشمشية *حلوة بس شقية * يقول...

فتاه من الصعيد

حتة لو واحد بس بيشجع الاسماعيلى هكون انا الواحد ده

*البت المشمشية *حلوة بس شقية * يقول...

مامة مازن
ربنا يخليكى ع الكلام الجميل ده

شيماء جمال(شيمو القمر) يقول...

واااااااااااااااااااااااو

دمك شربات بجد دمك خفيف قوى خالص
ومدام احنا الاتنين اسمنا زى بعض حتى الثنائى وكمان دراستنا لغة عربية زى بعض
يبقى كفاية واحدة بس يطون دمها خفيف علشان كده حرام على التدوين

بجد سعيدة بدخولى عندك جدا

تحياتى ليك يا عثل
شيمو القمر

طلاب من أجل مصر يقول...

اجاباتك حلوه


وبدل على شخصيتك

تحياتى

*البت المشمشية *حلوة بس شقية * يقول...

شيماء جمال
ربنا يخليكى يا شيمو
ويسلملى لسانك الىل زى السكر

*البت المشمشية *حلوة بس شقية * يقول...

طلاب من أجل مصر
شكرا جدا

كيكى عوووووو يقول...

شوشولالا شيمو لالامشمشة
ايووووووون مشمشة
بقى بتكرهى سعد الصغير يابنتى
ة رائد مصرى فى الغناء!!
ورغم كل الاكل دة مش بتتخنى
اااااااااااااة ياما يانى
اهى اهى
*****
ماعلينا...اية اخبارك بقى دلوقتى
؟؟
تمام
طب قشطةةةةةةةةةةةةةةةة
عووووووو

*البت المشمشية *حلوة بس شقية * يقول...

كيكى
ايه مالك
انتى تعبانة

حاسوباتيه يقول...

تاج جميل واجاباتك شقيه زيك وعسوله

Tarkieb يقول...

انا اول مرة اخش عندك بصراحة بس عجبني ردك وعفويتك والكوميديا الفظيعة اللي ردودك بجد انت دماغ وربنا ..ز بس سؤال لغة عربية كارو دي اختراعك ولا بقى مصطلع رسمي دلوقتي؟ بعدين اللي بياكل برة مش بيلحق يجيله ديدان دا بيجيله اسهال وربنا يسهلها ليكي هههههههه من الدوسنتاريا ... مبروك عليكي التاج بيوضح الانتاج

لجين أبو الدهب يقول...

هههههههه..

هو انتى صحيح لمضة بس زى العسل ..

بجد استمتعت جدا بالتاج عندك ..

دمتِ بخير ..

وردشان smilyrose يقول...

شقية شقية حتى مع التاج

ولماضة زى السكر والعسل المكرر

مزهقانة اه ومجننانه اه

بس مش نقدر على بعدك


وبعدين اكبرى بقى وعيب تعملى بىبى


هههههههههههههههههه



ويا ستى رخمى زى مانتى عاوزةلا لوم على

العيال ماهو انتى وعادل

شوية عيال هنعمل ايه بس

هههههههههههههههه


smilyrose

وردشان

روح الحب الصادق

وحي القلم يقول...

حلوة أوي مدونتك
وكمان شخصيتك
تقبلي مروري

Zika يقول...

انا اول مره اخد بالي من الشعر ده
مش ده بتاع فيلم احنا بتوع الميكروباص

بصي يا شيمو عاوز اقولك ان مش شرط يا شيكو تكونه رغايه واللمضه عشان تبقي مشمشه فاهماني يا اوشه بس ادي كل الحكايه يا شوشو

شرحيني بقي لو تعرفي
:P:P:P:P


ايه ده يا بنتي
بلطجه حتي في التاج
اللهم احفظنا
ياللا سلام
:)

عاشقه وغلبانه يقول...

بتحبي حاجات عغريبه ياختي والله
مش كفايه عليكي شاورما اللحمه لا وكمان اسماعيلي
هي الديدان دي من شئ شويه

هو انتي اللي كنتي مختفيه ولا انا
حاسه اني بقالي كتير ماشوفتكيش

غير معرف يقول...

اسلوبك رائع وجميل ولكن تحتاجين لمزيد من ترتيب الافكار . أتمنى أن لا يزعجك تعليقي فأنا في النهايه مجرد عابر سبيل .
دمتي بود .

*البت المشمشية *حلوة بس شقية * يقول...

غير معرف

رايك على فكرة محترم جدا
وانا بردو بحس ان افكارى مش مرتبة

*البت المشمشية *حلوة بس شقية * يقول...

عاشقه وغلبانه
لاء انا موجودة اهو مش مختفية ولا حاجة

*البت المشمشية *حلوة بس شقية * يقول...

Zika
الفيلم اسمو احنا بتوع الاتوبيس
واة بلطجة وهتتشرح

*البت المشمشية *حلوة بس شقية * يقول...

مصعب صلاح
منور يا مصعب

*البت المشمشية *حلوة بس شقية * يقول...

smilyrose
ههههههههههههه
عادل عيل اة
انا انا لاء
انا كبير ة وعاقلة وزى العسل واطمنى هرخم عليكو اكترمن كدة كمان

*البت المشمشية *حلوة بس شقية * يقول...

لجين أبو الدهب
ربنا يخليكى ومنورنا ى دايما

*البت المشمشية *حلوة بس شقية * يقول...

Tarkieb
هههههههههه
لاء عربية كارو ده اختراعى انا

*البت المشمشية *حلوة بس شقية * يقول...

حاسوباتيه
ربنا يخليكى يا قمر

blue-wave يقول...

هههههههههههههههههههه
دمك زى العسل

Zika يقول...

طب مانا عارف ان اسمه كده
انا بس باستعبط
ال هتشرحني ال
:P

*البت المشمشية *حلوة بس شقية * يقول...

blue-wave
ربنا يخليك شكرا

*البت المشمشية *حلوة بس شقية * يقول...

Zika
وانتا جاى بقه تستعبط عندى هنا
اة هشرحك عندك مانع

غير معرف يقول...

ادخلتي على قلبي السرور

عبد الجليل

غير معرف يقول...

ادخلتي على قلبي السرور

عبد الجليل

*البت المشمشية *حلوة بس شقية * يقول...

غير معرف
منورنى

Unknown يقول...

لا.................حلوه


اسمعلاويه..............لا





احمد الاهلاوى :D

غير معرف يقول...

وسخة