الجمعة، 3 أبريل، 2009

يارب قوينى

سامحونى انى مردتش على تعليقاتكم ع البوست اللى فات
بس قريتها كلها
انا كل شوية ادخل اقراها يمكن دى الحاجةالوحيدة اللى بتهون عليا الظروف اللى انا فيها
انا اسفه انى مش هقدر اعلق عندكو الفترة الجاية ولا هنزل بوستات ولا ارود على التعليقات
الحاجة الوحيدة اللى هقدر اعملها انى اقراأ تعليقاتكو
انا عارفه انك بينكو وبين نفسكو هتقولو الحمد لله
خلصنا منها بس انا بحبكو وانتا تقريبا من ضمن الحاجات اللى بتهون ع الواحد
كلكو هتوحشونى
وكل واحد عارف انا بحبو اد ايه
بجد عايزاكو تدعولى
انا بمر بظروف كبيرة عليا
وبقول يارب
قوينى
عشان انا كل يوم بليل بعيط على سريرى ومحدش حاسس بيا
انا معاكو
وهقرا تعليقاتكو ولما ربنا يأذن والظروف تتحل
هحل لتاج اللى جالى
وهرجع زى مانا
بحبكو اوى

هناك 49 تعليقًا:

أحمـــــــــــــد أبو العلا يقول...

البنت المشمشيه عندها ظروف صعبه؟!!

طيب افتكري الدعاء الجميل ده
"اللهم اني أعوذ بك من الهم والحزن وأعوذ بك من العجز والكسل وأعوذ بك من الجبن والبخل وأعوذ بك من غلية الدين وقهر الرجال"

Soul.o0o.Whisper يقول...

مشمشششششششششششششششششة


مالك يا مشمش؟؟؟

Soul.o0o.Whisper يقول...

لا بجد قلقتينى عليكى خالص؟؟؟!!..

ليه كدا بس؟؟



ربنا يهون عليكى يارب يا قمر

و يجعل الظروف دى برد و سلام عليكى



بس عليكى بدعاء الكرب حبيبتى

إن شاء الله يهون عليكى كتير
و خليكى مع ربنا اكتر يفرج عنك كل ضيق



و طمنينا عليكى

مش تسبينا قلقنين كدا

ماشى؟؟؟


خالص ودى يا جميلة

smilyrose يقول...

شوشو مالك

حبيبتى فيه ايه

ياريت مش تستسلمى للظروف دى

مش تعملى زى وتبعدى


خليكى معانا ومهما كانت الظروف

دى كبيرة او قاسية هتعدى واحنا معاكى


اوعى يا حبيبة قلبى تستسلمى


كلنا معاك اخواتك واصحابك


وكله هيعدى واحنا سوا

ربنا يفك كربك وكربنا يارب


smilyrose

وردشان

روح الحب الصادق

أحمد الحيدر يقول...

ربنا يسهل عليج وتفرج أمورج بإذنه ..

واذا نقدر نساعد بشي نعين ونعاون ان شاء الله ..

احساس طفلة محبة للرومانسية بس واقعية يقول...

ربنا يخفف عنك
ويهون عليك الامور
وييسرلك امرك
وان شاء الله تكونى افضل

تقبلى مرورى

Tamer Diab يقول...

العبد لله أول تعليق

Tamer Diab يقول...

ملوش تاني

Tamer Diab يقول...

متشيليش هم يا بت يا مشمشية
والله كل حاجة في الدنيا ليها حل ف الاخر
وربنا مش بيدي انسان ابتلء الا لو كان عارف انه اده ولا لا
وانتي ادها وادود
وفكك م الحزن ده والا هيبقي اسمك
البت الممششه :)

hasona يقول...

السلام عليكم
ربنا يهون عليك ما أنت فيه
ويقويك ويزيح عنك كل الهموم

عاشقه الرومانسيه يقول...

ربنا يفرج همك ويفك كربك
هنستناكى
هتوحشينا وهنفتقدك

Bondoka يقول...

ليه كده يا مشمشيه؟؟؟

بجد بجد هتوحشينى اوىىىىى

ربنا يفرج همك يا حبيبتى اكيد حاجه صعبه اوى اللى تخليكى تبكى

يارب ترجعيلنا بسرعه

صمت المشاعر يقول...

ربنا معاكي يارب

ويبعد عنك الهم والحزن


منتظرينك ومنتظرين ضحكتك اللي بتنور الدنيا

MǿиY El-Shreef يقول...

ربنا يصبرك يا مشمشه ياحبيبتي

بجد زعلتيني

نخلص منك ايه بس :(:(

ماتقوليش كده ياقمره

ربنا معاكي ياااااارب

وان شاء الله ترجعي تاني واحسن كمان

خدي بالك من نفسك

مـجـنـووون يقول...

ترجعي بالسلامه

ولو احتجتي أي حاجه أحنا جنبك

تقبلي مروري
مجنووون

adel يقول...

ردي عليكي

لا تعليق

انتي عارفني و عرفة انا كمان ظروفي شكلها ايه ؟

ربنا معانا :(:(:(

مسدس صغير يقول...

فيه ايه يا مشمشة؟؟
حاجة غريبة
معقولة انتى زعلانه؟؟
دا انتى فاكهة المدونين.
ربنا معاكى ان شاء الله
ويقويكى على حل ازمتك..
وترجعى احسن من الاول
بس طمنينا عليكى..

شباك موارب يقول...

ربنا يهون عليكي ياعمري
وماتخافيش ربنا معاكي
وكلنا معاكي
وبندعيلك عشان كلنا بنحبك
وعايزين نطمن عليكي


بس بجد قلقانه
بس ان شاء الله كل المشاكل لها حل خلي ايمانك بربنا كبير

شباك موارب

mohamed ghalia يقول...

ايه يابنتى ايه الى حصل بس
ربنا يسعدك دايما
وترجعى بسرعة

ايوشة يقول...

حسدتك ولا ايه يامشمشة انا بقول شقية وعفريتة :(
المهم ياجميل ربنا يعدى الايام اللى بتمرى بيها دى على خير وترجعى تانى بس بسرعة علشان بتوحشينا والله

فكرة من الزمن ده يقول...

يارب يزيل همك ويعدي ظروفك على خير يارب وتكوني معانا
ومن غير حزن وياريت تطمنينا عنك
ودعواتنا ليكي
تحياتي

واحدة مفروسة يقول...

ربنا يقويكي يارب
و يهون عليكي

blue-wave يقول...

ليه بس كدا
ربنا معاكى

طوبة ذهب وطوبة فضة يقول...

ربنا يكرمك وتخرجى من الظروف دى على خير وخليكى عارفه كل بيته وفى ظروفه وكل انسان وعنده مشاكله انتى مش اوى حد ولا اخر حد ممكن يكون عنده مشكله خلى ثقتك بالله كبيره وهو قادر على كل شىء مستنينك ياقمر ترجعى لنا بالف سلامه وربنا يفك كربك

لجين أبو الدهب يقول...

بقى برده هانقول ارتحنا منها ..

احنا هانقول الحمد لله ربنا ريحنا ..هههه

لأ أنا بهزر طبعا ..

ترجعى بالسلامة بس متطوليش ..

وربنا يفك كربك اللهم امين عليكِ بالدعاء دايما وكل الامور هاتتحل والله ..

فى انتظارك وانتظار التاج ..

دمتِ بخير ..

fashkool يقول...

ما ينفعش يا مشمشيه تعملى كده
على الاقل اشركينى فى مشكلتك ولو حتى بصوره مبهمه عشان انا عارف ان كل واحد له خصوصيات ومش بنقحم نفسنا عليكى لكن نحاول نساعدك ولو حاسه انى زى ابوكى بالاضافه كمان انى حماك ممكن اللينك بتاعى ولو عايز تكلمينى
salahabozid@hotmail.com
وعلى فكره كذا ابنه عملت معايا كدا وانا اديتها النصيحه والحمد لله انفكت مشكلتها
تحياتى

عاشقه وغلبانه يقول...

مالك يامشمشه
احكي وفضفضي
السكوت بيزود الهم

هافتكر رباعيه صلاح جاهين واجي اقولهالك بمناسبه الكلام ده
اصلي مش فاكره اي حاجه وعايزه اعيط

سوبيا يقول...

انا اول مرة اجي هنا

لقيتك في ضيقة

ربنا يفرج همك يارب
ولو احتجتي اي حاجة
قولي بس

الف من يحب يساعدك

حنان الشافعي يقول...

ربنا يخفف عنك يا رب ويصلحلك الحال
خليكي قويه وشدي حيلك
ربنا هو الملتجأ وهو الوكيل
دعاء الكرب جميل جدا
خليكي قريبه من اصحابك واللي بتحبيهم عشان هم موجودين يخففوا عنك
اوعي تفكري الوحده بتساعد
ابدا
لو بعدتي هتتعبي اكتر خليكي مع الناس ولو من بعيد اما تحسي بحبهم هتبقي احسن وهتلاقي دافع عشان تواجهي اي مشكله
خلي بالك من نفسك اهم حاجه
وخليكي قويه
هسال عليكي ديما
ودي

احساس لسه حى يقول...

عزيزتى

هو انتى بتقعدى تعيطى علشان مفيش حل للظروف اللى انتى فيها

ولا علشان البكاء اسهل حل للظروف دى

شوفى كلما ساعات بنمر بظروف صعبة

وساعتها لازم ندور على الصديق

اللى يفكر معانا

ويحاول يلاقى حل لمشاكلنا

او على الاقل يهونها علينا

ولو معندكيش الصديق ده

يبقى خسارة

وحولى تلاقيه يمكن الظروف دى توجدهولك

ربنا يعينك

ويقويكى

احسن لما بتضلم وتقفل بنتخنق اوى

تحياتى

سلام

أمبارح كان عمرى عشرين!!! يقول...

ربنا معاكى
وان شاء الله ترجعى تانى تنورى الدنيا
ربنا معاكى
سلاااااااااااام

MaNoOoSh يقول...

ربنا معاكى يا بت يا مشمشية
وان شاء الله يعينك على الظروف وتكونى اقوى منها

الشاعر الحزين يقول...

يارب يقويكى يارب

وتتغلبى على نفسك قبل ما تتغلبى على ظروفك

ويارب يهون عليكى كل صعب فى حياتك

وتعيشى دايما مرتاحه وراضيه بقضاء ربنا

فى النهايه ربنا يوفقك يارب

اللهم تقبل اللهم تقبل اللهم تقبل

اقصوصه يقول...

هالفتره شكلها فتره عصيبه ع الجميع

كان لها بالعون

هي هاي الدنيا يومين مر ويوم حلو :)

الله يقويكي ويساعدك ويكون بعونك يارب

اتمنى تطمنينا عنك بين الحين والاخر

دمتي بحفظ الله :)

بدراوى يقول...

ربنا يفك ضيقك
و همك و حزنك
و تتحل مشاكلك
و ترجعيلنا تانى
مشمشمة الحلوة الشقية
امين يارب

انتى حد عزيز علينا كلنا
ربنا يهون عليكى
و يصبرك و يفك ضيقك امين يارب

محمد عتلم يقول...

الله يكون فى عونك يا قطه يا مشمشيه يا شقيه
وخدى بالك من نفسك

micheal يقول...

أنتي كده خضتينا وزعلتينا..مالك بس يا بنتي
ع العموم ربنا معاكي وبإذن الله كله يعدي علي خير
تحياتي

غير معرف يقول...
أزال أحد مشرفي المدونة هذا التعليق.
Tamer Nabil يقول...

السلام عليكم

ازيك مشمشمة اخبارك اية

ربنا يكون فى عونك

روقى كدة وان شاء الله ربنا يفرجها

انا جاى اقول الف مبررروك


فوزتى بالمركز التانى بالمسابقة

واتمنى اشوفك على الاميل

عشان اسلمك الجايزة

تحياتى

fashkool يقول...

ازيك يا مشمشيه
لعل الله قد قواك ومرت الايام الصعبه على خير
ودعاؤنا لك ان يقويك الله وان يزيح ما انت فيه من كرب
تحيات

moro_wbs يقول...

الله المستعان وعلية التكلان ,,,

اذا فقدتي كل شيء لاتفقدي أملك في الله عز وجل ... أكثر من يفهمك ويرعاك ...

صدقيني ...

الأمل أن بكرة أحسن ان شاء الله ..

وانا مطمن عليكي ... انك هتبقى احسن وتعدى الفترة دي ..

اطمني ومتخافيش :)

حاسوباتيه يقول...

لا لا لا مالك بجد في ايه قلقتيني عليكي ياقمر انا مش متعوده الاقيكي كاتبه كده ياريت تطمنينا عليكي واهدي كده وربنا هيوفق يارب بس طمنينا

Hossam يقول...

بالرغم انى حاسس انك منبوذة وده واضح من جملتك اللى بتوقل اننا استريحنا منك,ولكن انا بجد لو كنت حاسس كده مكنتش علقت اساسا عندك
حاسس انك فى محنة شديدة بس صدقينى ربنا مش بينسى حد مهما كنات الظروف
ربنا يقويكى ومعاكى على طول
تحياتى صديقتى
سلام

يوميات الحارة يقول...

تجربة

يوميات الحارة يقول...

عاملت تجربة بس علشان اشوف الكومنت متعلق ولا اسمحى لى اقوووووووووووووولك

عبيطة سورى يعنى على اللفظ اى كان يعنى مافيش حاجة فى الدنيا تستاهل دمعة واحدة واى كان اللى حاصل وا بيحصل فى جزمتك طالما قادرة تقفى على رجلك وقادرة قررى مصيرك واتجاه حياتك وطالما فى شمس اكيد البسمة هتعرف وشك يبقة نفضى يا عبيطة وسورى تانى لاحد ولا حجاة تستاهل فاهمة قانون ام محمد جاريتنا بيقولك اذاالدنيا فكرت تنساكى عيش انتى لنفسك يعنى حبى نفسك
وبعدين انا دخلت صدفة انا بدور على صورة قطة مشمشية زى ام عزكل ما بتوقول على اطفال التشرد اجى هنا والاقى اكتئاب فكك يا هبلة وربنا يفرجك وردى على العبط دول لان مافى حاجة تستاهل ظافر البنى علشان يزعل عليها ملحوووووسة فى دماغك متنشريش ولا تعليق ليا لو سمحتى علشان المدونة خاصة لغايط ما اتعلم اقفلها او دعوة يالة افك منك وازن فى مكان تانى ها مين هناك

من أجل التمكين يقول...

السلام عليكم
و لو اني مش فاهم
أنا طبعا كنت زرت المدونة كام مرة

و المرة دي كنت جاي علشان أدعوك و كل المدونين للمشاركة في الموضوع دة


http://fortamkeen.blogspot.com/search/label/%D8%A5%D9%84%D9%89%20%D8%A7%D9%84%D8%A5%D9%84%D8%AA%D8%B2%D8%A7%D9%85%20%D9%8A%D8%A7%20%D8%B9%D8%A8%D8%A7%D8%AF%20%D8%A7%D9%84%D9%84%D9%87
و يمكن يخفف عنك شوية

و ياريت لو عاوزين تشاركونا فدي هتكون حملة ان شاء الله و هنعملها بانر قريب

ياريت على الأقل تقروا المواضيع بتاعة السلسلة

بوركتم

-

من أجل التمكين يقول...

سلام عليكم

معلهش الرابط اهو لأن التاني رابط كبير

http://fortamkeen.blogspot.com/2009/04/blog-post_09.html
و دة آخر موضوع في السلسلة

و ممكن تشوف باقي السلسلة هناك
-

قلم رصاص يقول...

ربنا معاكي يا مشمشة

ادعوا الله لك بانشراح الصدر وانفراج الأمر..وزوال الهم

بنوتة يقول...

ليه كدة بس
عموما ربنا يهون عليك
وان شاء الله مشاكلك تتحل وترجعي لنا البت الشقية

بس قلقتينا

مستنيين بوست تطمنينا فيه عليك