السبت، 11 أبريل 2009

غطونى وصوتو عليا


الخبر مش جديد

بس الظروف مكنتش تسمحلى اكلم فيه

المهم

الخبر هو عن اسلام نبيه

كتو وكسة

بلاش قلة ادب يابت يا مشمشية ولمى نفسك

انتى فى بلوج محترم

الناس تقول عنك ايه

مس قادرة يا اختشى

لسانى بينأح عليا وعايزة ابعبر بكلام ابيح اوى

بس عيب

كانت قاعدة انا وعم الحاج بابى

ايوة بابى

انتى منين يا بت

المهم سمعت الخبر الفذيع

ان اسلام نبيه هياخد حكم مخفف

اة يا بلد

واللى ميعرفش مين اسلام نبيه ده وايه الحوار اللى بكلم عنو ده

انا هلخصو فى برشامة صغيرة :

اسلام نبيه ظابط فى الشرطة وعامل فيها فرود

حب يتمنظر ويعلم الناس الغلابة الادب

ويوريهم انو مفيش زيو واللى هيكلم هيحط الفيشة فى الكهربا

فحب عمكو اسلام انو يتمنظر على واحد من سواقين الميكروباصات

اللى وقام جابو وقال له انه هخليه فرجه

قام قلعو البنطلون

وجاب عصايا وحطهالو فى ال000000000

طبعا لما يحصل حاجاة زى كدة لازم تقول ايه

عمار يا مصر

المهم عمو الظابط صورو ع الموبيل وشردو خللاه مسخرة

واتحكم على الظابط دة

لحد هنا قولنا عندنا قداء عادل ونزيه

وزى الفل وريحتو اريال

قام رجع واتخفف الحكم على سمسم

وهيطلع براءة


ماهو لو كان واحد هو اللى عمل كدة فى الظابط كان اتعدم

يعنى ايه ياخد حكم مخفف

وينقلوه كمان

لمكان بعيد ويفضل ظابط

يا حلاوة يا ولاد

بلد بتاعه شهادات صحيح

وتلاقيه عندو وسطة

وكان عايش جوة السجن فى نعيم

وكان مدلع

وطبعا قالو انو فرد من الشرطة عمل كدة مش معنى ان جهاز الشرطة كلو تيت يعنى

يا حلاوة يا ولاد ده كل الظباط محدش بيعرف يكلمهم

وفاكرنى اعوذ بلله انهم ربنا فى الارض

اكيد مش كلهم

انا كنت مفروسة اوى من الخبر وحبيت ابعبع معاكو بكلمتين

واقول يبقا انتا اكيد فى مصر


ملحوظة مش صغيرة

انا الحمد لله بقيت كويسة

والمياه رجعت الى المجارى وسدو مناخيركم

وحشتونى

وانا كويسة اطمنو

انا زى القردة الحمد لله

وبجد شكرا على كل الناس اللى سالو عليا

وكانو عايزين يطمنو والتلفزيونات

والمجلات اللى اكلمت عن اختفائى

والاضربات اللى حصلت علشانى

اطمنو انا على دماغكو

وهرخم وابهدل فيكو عشان انا مفترية وقوية

سلامزات بقه

هناك 95 تعليقًا:

فتــافيت (رحاب الخضري) يقول...

اول تعليق؟؟؟؟؟؟؟؟؟؟

فتــافيت (رحاب الخضري) يقول...

يعني ده اول تعليق ولا لا؟؟

عاااااااااااااااااااااا

فتــافيت (رحاب الخضري) يقول...

يبقى انت اكيد اكيييييييييييد في مصر

MǿиY El-Shreef يقول...

طب يعني هنقول ايه

حسبي الله ونعم الوكيل

لو حاجه زي كده اتعدت بالساهل

حقهم يبيعوكي يامصر

حقهم يلموا بعضهم ويهجوا من البلد

ويسيبوا حاميها كراميها وكبيرها ينهش فيها

بجد غطوونا كلنا وحد يجي يصوت علينا بقى

..

حمدلله ع سلامتك يا مشمشه

بجد كنا هنزعل كتير لو غيابك طول

والحمدلله ان الميه رجعت للمجاريانا كنت هبعت اشتكي للصرف الصحي :D

نورتي الدنيا

لجين أبو الدهب يقول...

لا حول ولا قوة الا بالله ..

حسبنا الله ونعم الوكيل ..

اذا كان مننا فينا بنعمل فى بعض كده خلينا لليهود ايه !!!

بس ربنا منتقم ومش هاسيب حق الراجل اللى اتعمل فيه كده وكرامته هاتترد له اذا ما كنش فى الدنيا يبقى فى الاخرة ..

حمد لله على السلامة يامشمية وما تخافيش كنا بنطمن المجلات والتلفزيونات عنك D:

دمتِ بخير ..

Ahmed يقول...

سيبك من كل ده
ﻷن البلد مش بتاعتنا علشان نكلم عنها دي بتاعت عمو وطنط وأبيه

المهم حمد لله علي سلامتك

غير معرف يقول...

مش براءة
دة طلع بعد ما قضى نصف العقوبة حسن سير وسلوك؟؟؟؟؟؟؟؟؟؟؟؟؟؟؟؟؟؟؟؟؟؟
لأ واية رجع ظابط شرطة تاني!!!!!!!!
مع ان تهمتة مخلة بالشرف
ما هو اللي يلعب في0000000000الشعب
يبقا طبعا اية؟
برئ
مش كدة برضة

*البت المشمشية *حلوة بس شقية * يقول...

فتافيت
مبروك يا ستى اول تعليق

*البت المشمشية *حلوة بس شقية * يقول...

فتافيت
ايه انتى مش مصدقة نفسك ولا ايه

*البت المشمشية *حلوة بس شقية * يقول...

فتافيت
عمار يا مصر

*البت المشمشية *حلوة بس شقية * يقول...

MǿиY El-Shreef
ايه يبنتى انتى بتشتغلى فى السباكة ولا ايه
وايه ريحة المجارى دى
اطلعى برة
ههههههههههه
وحشتينى

*البت المشمشية *حلوة بس شقية * يقول...

لجين أبو الدهب
شكرا على اهتمام وسائل الاعلام بيا
وانا بطمنكو انا زى القردة
وطبعا لو بنعمل فى بعض كدة
امال خلينا للكلاب ايه

*البت المشمشية *حلوة بس شقية * يقول...

Ahmed
لاء ازاى يا احمد
البلد بتاعتنا احنا
ومش هنسيبها
واقرا الكلام اللى كتباه فوق ده عند اترك تعليقك وشوف انا عايزة اقولك ايه

*البت المشمشية *حلوة بس شقية * يقول...

مصري جدا
ايوة صح
اسلام نبيه طلع حسن سير وسلوك
يا حلاوة يا ولاد

mohamed ghalia يقول...

فى مصر بقى شىء عادى
ربنا على الظالم والمفترى

*البت المشمشية *حلوة بس شقية * يقول...

mohamed ghalia
اللهم امين

مسدس صغير يقول...

هييييييييه
اول تعلييييييييييييييق

*البت المشمشية *حلوة بس شقية * يقول...

مسدس صغير
ههههههههههههههههههه
مش اول تعليق
ومنظرك بقه وحــــــــــــــــــــش

مسدس صغير يقول...

حمد الله ع السلامة
ثانيا
انتى المفروض متشككيش فى عدالة القضاء
الراجل اخد عقابه وملكيش دعوه اخد سنة اخد اتنين او غيره
المهم انه اتعاقب واتفضح بين الخلايق.
وقدر عماد الكبير انه ياخد حقه ويثبت لكل الناس اللى بتتظلم وتسكت انهم ممكن يخدو حقهم بس لو مسكتوش عن الحق ده.
لان الساكت عن الحق شيطان اخرس..
احييكى على البوست.
سلام

وحمد الله ع السلامة

*البت المشمشية *حلوة بس شقية * يقول...

مسدس صغير
بس براحة بس
مالك كدة اخدتنى على مشمى
عندك حق
بس ميكونش العقاب سهل كدة
واى واحد يعمل اللى عملو بتحكلمو وياخد سير وسلوك ويخلع ويرجع لشغلو كمان

moro_wbs يقول...

طيب واية الجديد ... مهي حكومة في بعضيها ...

بس هما هنا لعبوها بالعكس ...
عكس ممدوح اسماعيل ... ادولة براءة في الاول .. فالحكومة بتاعتنا اشتغلتنا والنائب العام قال لأااااااااااا ...

واستئنف فخد سبع سنين ... وهما اصلا مش هيتنفذوا فالناس فرحت ..

يا سلام واحد كان السبب في موت 1000 بني ادم .. ياخد سبع سنين ..

فهي هياها بس لما الموضوع نام .. قالوا نخففه ..

المهم حمدا لله على سلامتك ومتخضيناش عليكي كدا .. ومستني المواضيع الشقية !

شاب كــ طخين ـــــا يقول...

حسبنا الله ونعم الوكيل

بس كده يبقى وضعنا صح :d
يعنى كنتى عايزة حضرة الظابط يتحكم عليه بحكم عادل ليييييييييييييييييية يعنى :D

حسبنا الله ونعم الوكيل

___________

حمدلله على سلامتك نورتى الدنيا
وان شاء الله تكونى بخير
ومتغبيش عننا تانى

سلااااااااااااااااام

MaNoOoSh يقول...

انا لحد الوقتى مش عارفة استوعب الخبر اساسا
ربنا كبييييييييييييير
بس حمد لله على السلامة ياقمر
والحمد لله ان الظروف عدت على خير

adel يقول...

مبروك العودة

عودة الندلة
ههههههههههههههه

و بعدين مالهم الظباط بس دول غلابة و الله غلابة
تلاقي المواطن ده الوحشة الكوخة هو اللي جاب السلك العريان و حاطه في ...بقه و هو كمان اللي داس علي الفيشة

الظابط مظلوم و عشان كده حرام يتحبس المفروض المواطن هو اللي يتحبس

ههههههههههههه

شيماء جمال(شيمو القمر) يقول...

وااااااااااااااااااااااااو
أولا حمد الله على السلامة
ثانيا

فعلا احنا فى مصر وعمار يا مصر وكل حاجة
بس بجد انا تعبت منها رغم حبى ليها ومش عارفة اقول ايه
تحياتى
شيمو القمر

*البت المشمشية *حلوة بس شقية * يقول...

moro_wbs
متجبليش سيرة ممدوح فرج ده
لانى عايزة اقول كلام بس الراقبة هتقصو

*البت المشمشية *حلوة بس شقية * يقول...

أمبارح كان عمرى عشرين
مش بقولك يبقى انتا اكيد فى مصر

*البت المشمشية *حلوة بس شقية * يقول...

MaNooosh
الحمد لله يا قمر ونورتينى

فكرة من الزمن ده يقول...
أزال المؤلف هذا التعليق.
فكرة من الزمن ده يقول...

طيب وقضية تامر مشهور نسيتيها
ايه حصل فيها
ابتسم انت في مصر
احنا لازم كلنا
نصوت على نفسنا
مش عليكي لوحدك
وحمدالله على سلامتك
تحياتي

*البت المشمشية *حلوة بس شقية * يقول...

adel يقو
ههههههههههه
بقه كدة يا عدول
انا نادلة ماشى
امال فين الزغاريط والشربات عشان انا جيت

*البت المشمشية *حلوة بس شقية * يقول...

شيماء جمال
هههههههه
شوشو
انتى عارفه ان اسمك على اسمى بلظبط
ونفس اسم الاب

*البت المشمشية *حلوة بس شقية * يقول...

فكرة من الزمن ده
مين تامر ده

Ahmed يقول...

ألووووووووووووو
مييييييييييييين؟
البنت المشمشيه؟
عايزينك في القسم؟
التهمه؟ معرفش بس لما تيجي تبقى هيا تختار بنفسها عشان احنا قسم ديموقراطي!!!

حسبنا الله ونعم الوكيل
يعني ايه حكم مخفف؟

هوا مش غلط, يبقى مفيش حاجه اسمها مخفف؟

ربنا ينتقم نت المفتري

V.Hayat يقول...

ما ارخص الانسان فى مصر والشرطة فوق الشعب والحكومة والقضاءوالشرطة تدوس الشعب بحذائه والشعب لازم يقول شكرا
وربنا يستر على ناس اسيوط ماهو اسلام بيه راح عندهم بس الصعايدة انشاء الله هم اللى حيحطوا العصا فى تيتتتتتت
تحياتى

فشكووول يقول...

يا مشمشيه يا حلوه
ازيك ..
مسش حاعلق على موضوع الضابط اللى خد سجن واتخفف الحكم عليه عشان دى بلد فقعت مرارتنا كلنا

المهم انا لسه حاديك الولد غصب عن عين ابوه هو فيه حد يقدر يقول لى لأ وانا اسحله .. اصل انا ديمقراطى جدا ... امال ايه

انا يا مشمشيه تخصصى محاسب بكالوريوس تجاره من ايام فحت البحر الاحمر وحكاية التاريخ دى واخدها هوايه وخلاص والموضوع يا ستى انى من حوالى 10 سنين ابتديت اقرأ فى كتاب قصص الانبياء وابتديت ابحث وراء كل قصه فى كتب التاريخ وفى الاتجاه الذى تقودنى اليه الفكره .. ولقيت المواضيع بتتشعب منى وبقيت اعمل مذكرات وتلخيصات وعندى مكتبه كبيره من الحاجات دى والموضوع طلع فى دماغى وعملت فيها الجبرتى اونطه فى اونطه وقوم ايه مشيت معايه الحكايه برضه اونطه فى اونطه ... وخلاص يا مشمشيه
تحياتى

Hanan Elshafey يقول...

حمدلله علي سلامتك يا مشمشه
وحشتينا والله
نورتي البلوج من تاني يا قمرايه
ويلكم باك

وردشان smilyrose يقول...

اولا الحمدلله انك بخير

وقاعدة ومربعة على قلبنا

ومش تزعلى هى دى بلدنا

عمممممممممممممممممار يا بلدى

يابلد فيك الغلبان منداس

وفى التراب متغمس ومفيش فايدة

والله يا بنتى ما فيه فايدة

حسبى الله ونعم الوكيل

smilyrose

وردشان

روح الحب الصادق

قلم رصاص يقول...

حسابه عند ربنا

متستعجليش

وحمدلله على السلامة

@alhaidar يقول...

سلامزات ؟


:)))

daktara يقول...

لما انت عارفه ان احنا اكيد في مصر
طيب مستغربه ليه؟

شكلها فعلا باظت
انظر حولك
د. خالد عزب

عاشقه الرومانسيه يقول...

حسبى الله ونعم الوكيل

Soul.o0o.Whisper يقول...

مشمتى الجميلة

كنت معلقة تعليق اااااااااااد كدهو
بس الصفحة علقت
منها لله


المختصر
انى الحمد لله كويسة مش تقلقى

ثانيا : الناس دى لوتعرف يعنى ايه فعلا اهدرت ادميتها مكنتش عملت كدا لكن ..
"فإنها لا تعمى الأبصار ولكن تعمى القلوب التي في الصدور "

ربنا يهدينا و يعفو عنا و ينور بصيرتنا






خالص ودى يا قمر
و دايما قاعدة على قلبنا
:)

فشكووول يقول...

يا مشمشيه يا حلوه يا شقيه
ازيك
تعالى عشان تشوفى صعلوك وتشجعيه عشان دا واد ابن كلب ومدوخنى وعايز الخمه فى التدوين
تحياتى

Soma يقول...

يالهوييييييييييي
هوا في كده؟
معقول الكلام ده؟ دي حاجه تقرف
المهم حمدالله علي السلامه

wesoooooooooo يقول...

وانتى مستغربه قوى كده ليه؟
ده بقى العادى بتاع البلد دى
أبتسم انت فى جمهورية مصر العربيه
دىأقل حاجه بتحصل
الحمد لله انهم مش أدولو ترقيه أصل بعيد عنك البلد ماشيه بالمقلوب اليومين دول
حسبى الله ونعم الوكيل
تقبلى مرورى
تحياتى

ســـهــــر يقول...

طيب يعنى اية اللى هيتقال
منهم لله كلهم كرهوا الناس فى بلدهم
وخلوهم يقولوا يا فكيك

مع ان البلد دى حلوة اوى
بس اللى حاكيمنها ومسكينها شوية عالم ربنا غضبان عنهم

ميرسى يا مشمشة ع البوست الهايل دة

gogo!sf يقول...

على رأى عادل امام
بلد بتاعت شهادات صحيح

بصى يا بنتى اللى ليه ضهر ما يضربش على وشه ولا على افاه ابدا بالعكس

ربنا يزيح الغمه عننا
اللهم امين

المفترى عليه ربنا

gogo!sf يقول...

بصى يا حبيبتى
بصراحه مش هقدر اسكوت

موقف قريب لده

ظابط ربنا يهده امين لقى شاب ماشى مع بنوته امورة فحب ياخد منه البنوته بتاعته فطبعا الولد مخلصهوش ازاى الاوزة تتاخد منه يعنى هو رجل كرسى ومش عاجبه يعنى وبالتالى حصلت مشاجرة بين الظبوطه والشاب الغلبان

يقوم الظابط كرمته توجعه انه اتهزق ويروح شادد الولد على القسم ويروح رامى على المكتب ربع كيلو حاجه كده ويتهف الواد الغلبان ست سنين واهو مرمى يا عين امه بيقضى الويك اند هناك ومتعذب على الاخر

والظابط مش عارف ان الدنيا دوارة يوم ليك وعشرة عليك لو ظلمت

حسبى الله ونعمه الوكيل
ربنا على المفترى

معلشى بقى

تقبلى مرورى

dr.lecter يقول...

انا الحمد لله باقولها علي طول لازم اقولها طبعا لمااسمع خبر زي دهومعلش بقي مافيش مراعاه لشعور اي حد

تييييييييييييييييييييييييييييييييت

assafo anaroze يقول...

اول مرة ازور مدونتك
اتمنى انها ما تكون الاخيرة
لا عجب ابدا مما ذكرته ما دمت في دول استبدادية لا تراعي ابدا شعور مواطنيها
اللي جرى من الظابط ده قليل بالنسبة للي عمله المخزن المغرب في مناضلي السبعينات و الثمانينات او ما يطلق عليها سنوات الرصاص و اللي المسؤولين عليها لس موجودين في مراكز القرار
مودتي

بسنت صلاح الدين يقول...

طيب ما ده الطبيعى ، انا مش مستغربه اطلاقاااااااااااا مطلقاااااااااااا، اصل بصراحه الشرطه طول عمرها خادمانا بعصيانها، امال ايه ياولاد مش الشرطه فى .....احم احم خدمه الشعب طبعا

blue-wave يقول...

هيا دى مصر يا عبله

romansy يقول...

كل شئ بقى غريب فى الدنيا دى

*البت المشمشية *حلوة بس شقية * يقول...

romansy
غريب مين

*البت المشمشية *حلوة بس شقية * يقول...

blue-wave
عبلة مين بس

*البت المشمشية *حلوة بس شقية * يقول...

بسنت صلاح الدين
امال ايه يا بنتى
الخوربة فى خدمة الشعب

*البت المشمشية *حلوة بس شقية * يقول...

assafo anaroze
الدنيا كلها فيها بلاوى
واحنا المظاليم

*البت المشمشية *حلوة بس شقية * يقول...

dr.lecter
والف تيت كمان

*البت المشمشية *حلوة بس شقية * يقول...

gogo!sf
ايه ده الموقف ده حصل بجد

*البت المشمشية *حلوة بس شقية * يقول...

gogo!sf
اللهم امين

*البت المشمشية *حلوة بس شقية * يقول...

ســـهــــر
طبعا بلدنا احسن من غيرها

*البت المشمشية *حلوة بس شقية * يقول...

wesoooooooooo
حسبى الله ونعم الوكيل فى الظلمة

*البت المشمشية *حلوة بس شقية * يقول...

Soma
اة فيه كدة واكتر من كدة كمان

*البت المشمشية *حلوة بس شقية * يقول...

صعلوك
ايه ده انتا مين

*البت المشمشية *حلوة بس شقية * يقول...

Soul.o0o.Whisper
اصل انا فقرية
بقه كدة الصفحة تهنج

*البت المشمشية *حلوة بس شقية * يقول...

عاشقه الرومانسيه
نورتى

*البت المشمشية *حلوة بس شقية * يقول...

daktara
بس بنفس عن نفسى شوية

*البت المشمشية *حلوة بس شقية * يقول...

أحمد الحيدر
منور

*البت المشمشية *حلوة بس شقية * يقول...

قلم رصاص
ياااااااااااااا
انتا جيت يا رمضان

*البت المشمشية *حلوة بس شقية * يقول...

smilyrose
هههههههههههههه
قاعدة على قلبكم طبعا
وحشتينى يا قمر

*البت المشمشية *حلوة بس شقية * يقول...

حنان الشافعي
وحشتينى يا حنون

*البت المشمشية *حلوة بس شقية * يقول...

fashkool
الله
والله حضرتك شخصية بجد تستحق الاحترام
هات ربع جنيه بقه

*البت المشمشية *حلوة بس شقية * يقول...

أحمـــــــــــــد أبو العلا
حلوة قسم ديمقراطى دى
عليك حاجات يا احمد

*البت المشمشية *حلوة بس شقية * يقول...

حياة
بس مصر حلوة بردو

Hossam يقول...

بجد انا مش مصدق الخبر ده
ازاى عمل كده
بجد مش قادر اتصور حاجة كده حصلت
ليه دايما فى شر وغل فى قلبو بعض الناس
ربنا ينتقم من الشىء اللى سموة ظابط وينتقم من اللى ادالة براءة ويعوض ربنا السواق من الناحية النفسية
تحياتى
سلام حمدالله عل السلامة

حاسوباتيه يقول...

اولا حمد الله على سلامتك ياقمر ماتغبيش تاني
ثانيا الي بيحصل ده حاجه تكسف قوي ولا تعليق عندي لاني من ساعه من سمعت الموضوع وانا مزبهله

♥♥♥♥♥ Jennifer™® ♥♥♥♥♥ يقول...
أزال أحد مشرفي المدونة هذا التعليق.
فشكووول يقول...

ازيك يا مشمشيه ...
تحياتى
الواد صعلوك دا يبقى محمود ابنى وعايز تشجيعه امال وتسقيفه امال
ما هو العريس اللى بقول لك عليه
مش تاخدى بالك ولا ايه
تحياتى

micheal يقول...

حقول ايه يعني يا مشمية
خبر من ضمن كوكتيل أخبار بنسمعه بتحرق الدم
أنا مش عارف بعد كده يعني يدخلوا العصاية فين عشان يأخدوا حكم عادل
:))
تحياتي وأهلا بعودتك

رئـيس التحـرير يقول...

حسبنا الله ونعم الوكيل
حكومتنا وأجهعزتها كلها عاوزة الولعة اه يعني هنخاف من ايه ما خلاص كشفوا الحجاب عن وشهم وبقوا كده علني
حسبي الله ونعم الوكيل والله الواحد دمه اتحرق
..
المهم ألف حمدلله على سلامتك بس أنا مشاركتش في الإضراب عشانك يا ترى هتحرم من معوناتك ومش هشوفك في المدونة ولا المجلة تاني..
هههههههههههههههههههههه
مودتي

كاتب مصري

NIDAAL .R يقول...

يا بنتى دى مش بلد شهادات و انا لا أسمح لك تقولى كدة على مصر مامتنا

دى بلد تييييييييييييييت
وتيييييييييييييييييييت
وتربتتتيييييييييييت

صلى على النبي و اقعدى ساكتة
دى بقت حاجة تقرف والله .

فشكووول يقول...

يا مشمشيه .. الواد صعلوك كان لعب فى المدونه بتاعة فشكول وبوظها وكانت ضاعت ولقيناهاوقعدنا نصلح فيها بس بعدين الواد صعلوك (محمود) مدونته ضاعت فى الكازوزا وما حدش يعرف يدخلها الا من لوحة التحكم عندى وكنا عايزين نفصلها عن فشكول ما عرفناش والواد عشان نيته مش حلوه بوظ المدونه بتاعته
تحياتى يا مشمشيه

فوبيا - سايكولاند يقول...

سؤال برئ معناها ايه الكلمه ديه
ال000000000

وعلى فكره الظابط اسمه اسلام مش نبيه

وهو مش مسجون اصلا فتره العقوبه بيقضيها فى مارينا
فهما لقيوا انه هياخد لون ويسمر قالك نخفف العقوبه ونوديه مطروح

*البت المشمشية *حلوة بس شقية * يقول...

فوبيا - سايكولاند
ههههههههههه
طب والله ممكن بردو

*البت المشمشية *حلوة بس شقية * يقول...

فشكووول
ايه ده ايه ده
هو خطيبى
عامل مدونة من ورايا
خياااااااااااااااانة
وبعدين قولو يبطل لعب فى مدونتك
احنا منقدرش منقراش بوستات ليك
هو مش مهم
انت االاصل

*البت المشمشية *حلوة بس شقية * يقول...

NIDAAL .R
انتا ايه اللى جابك

*البت المشمشية *حلوة بس شقية * يقول...

رئـيس التحـرير
ههههههه
لاء طبعا
حضرتك من الناس اللى الواحد لازم يتابعهم

*البت المشمشية *حلوة بس شقية * يقول...

رئـيس التحـرير
ههههههه
لاء طبعا
حضرتك من الناس اللى الواحد لازم يتابعهم

*البت المشمشية *حلوة بس شقية * يقول...

micheal
ميكى
اة والله عندك حق ولسه ياما هنشوف

*البت المشمشية *حلوة بس شقية * يقول...

حاسوباتيه
ليكى حق تزبهلى

*البت المشمشية *حلوة بس شقية * يقول...

Hossam
اة والله حصلت وفى بلدنا العزيزة كمان

فشكووول يقول...

على فكره انا فسخت الخطوبه بتقولى لبابا المهم انت مش مهم هو زعلتينى دبلتك اهى

فشكووول يقول...

صعلوك

احلام جوليا يقول...

عمر بن الخطاب قال اضرب على صلعة عمرو للرجل الي اشتكى من ابن عمرو بن العاص انه ضربه تعرفوا ليه لان ابن عمرو بن العاص افترى بسلطة ابيه ويا ترى دول مين الي طلق ايدهم فينا حسبي الله ونعم الوكيل اللهم عجل بانتقامك يارب .