الجمعة، 17 أبريل 2009

للبنات بس 2

أزيكو يا بنات

البوست ده للبنات الىل لسه هتتأهل يعنى هتتجوز
وللستات اللى متجوزة
انا عارفه ان البوست ده فيه ناس عملوه قبلى بس قولت يمكن حد مقرهوش يقراه عندى ودة طبعا غصب عنكو مش كدة ولا ايه

المهم كل الرجالة من غير مطرود من هنا
ومش عايزة بقه الحركات النص كم دى

المهم هنكلم انهاردة يا بنات ازاى تبقى حلوة جوة بيتك

لما بروح عند وحدة متجوزة ولا حاجة

والقيها مثلا امطة الامطة

هههههههههه
يعنى لفة الطرحة فى البيت

ولابسه جلبية مبقعه

ولابسة بنطلون بيجامة كمان تحت الجلبية بقول ايه ده

بقة دى منظر وحدة متجوزة مستنيا جوزها فى البيت
فا الكلام لاى بنت مخطوبة او مش مخطوبة
وللستات المجوزين
فا لازم على الاقل وجوزك جاى من الشغل لما يجى يلاقكى على الاقل لابسة بيجامة نضيفه او قميص لذيذ كدة
وبلاش بقه تقولى هو انا لسه هقوم البس
واتنيل
اة يختى امال لو مكنتيش تتزوقى للمحروس

هتتزوقى لمين

ممكن تلبسى مثلا شورت شكلو جميل كدة وعليه بدى


وسرحى شعرك وحطى عليه توكة حلوة والبسى حلق شكلو لذيذ

ومفيش مانع تحطى روج جاجو وجليتر على شفايفك كدة

ده غلبان ازوقيلو

اشطة كدة

بس ياريت تكونى مستحمية يعنى مش بعد ده كلو


تكونى ريحتك طبيخ وعرق


اشطة كدة

ويايرت شعرك تنزلى اوسة بلاش عفانة وتربطى شعرك كحكة من ورا

انضفو بقه

مليتو البلد

وياريت بقه يا مزة لو مفيش مانع حبتين كلاونيا خمس خمسات

وكترى بلاش بخل ده غلبان

اشطة كدة

خوشى على الاوضة وافرشى السرير

بفرش نضيف
وحطى برفان فى الاوضة ونضفيها كدة

واعمليلو اكل
حتة لو انتى خيبة ومش بتعرفى تتنيلى تتبخى خلى عندك زوق

لو حتة عاملة جبنة على الغدا

ياريت يبقا منظر الطبق نضيف وعالجبنة عليها طماطم ومقطعة العيش كويس

يعنى بلاش غباء حتة فى الاكل
وياريت لو وردة وكوباية ماية جمب الاكل

ده غلبان
يعنى المقصود تخلى عندك زوق يا ولية
وياسلام بقه لو فيه عيد ميلادو
ولا عيد جوازكو

تجيبى شموع من باب الشقة لحجد اوضة النوم
وتوضبى السرير

وتحطى مفرش ليلة الدخلة متخفيش ابقى شلية تانى

ورشى الاوضة برفان



وهاتى ورد وحطية ع السرير على شكل قلب

وظبطى الدنيا كدة

واكتبى ورقه ع المخدة قوليلو فيها مثلا بحبك او اى كلمة حلوة

واعمليلو اكلة حلوة حتة لو هتطلبى بيتزا

اصرفى يختى دى مرة فى السنة

وحطيها ع السفرة وجمبها اى عصير

ووردة وشمع ع السفرة


وطبعا يا مزة لازم تكونى لابسة كويس

اى قميص نوم بيعجب جوزك

وياريت كنوع من انواع التغير تغيرى لون شعرك او القصة

او حتة تعمليه سيشوار


والبسى حاجة حلوة فى رقبتك


وبعد ماتخلصو اكل

ياريت تشغلى اغنيه حلوة سلو

اى حاجة هادية

وخوديه فى حضنك وارقصو سلو وقليلو كلام حلو
او حتة كلمة بحبك
ده غلبان
وبعد كدة مش هقولك تعملى ايه

انتى عارفه ايه هيحصل

طبعا الرجالة ليهم معايا نصيب بس وقت تانى مش دلوقتى

ده لو يحبو يعنى نعمل بوست ليهم يقولو

هناك 97 تعليقًا:

Ahmed يقول...
أزال المؤلف هذا التعليق.
*البت المشمشية *حلوة بس شقية * يقول...

أحمـــــــــــــد أبو العلا
نورت الغيط

*البت المشمشية *حلوة بس شقية * يقول...

على فكرة يا جماعه احمد اللى كان معلق فوق ومسح التعليق
ههههههههههههههههههه

MǿиY El-Shreef يقول...

البوست جامد يا شوشو

والطريقه اصلا موتتني ضحك هههههههههه

ده غلبااااان ههههههه

وربنا احنا الي غلابه

بس لو نيجي للجد بقى

انتي فعلا عندك حق

واما بكلم ماما واقولها انا عايزه اهتم بنفسي تبصلي كده من فوق لنحت كأني قلت حاجه حرام :D

بس الحمدلله بقت تسايرني ف المواضيع دي يعني

بوست تحفه يا مشمش

فشكووول يقول...

بما ان البوست للبنات بس
وبماان انا مش بنت بس بحب البنات العسولات
اذن انا جيت اسلم على السكاكير العساسيل كلهم اللى حينورا هنا وسلمى لى عليهم جميعا
تحياتى

Unknown يقول...

حلو أوي البوست دوت يريد اللي هتون من نصيبي تقرأ علشان تكون عيشة لذيذة

وفي انتظار البوست بتاع الرجالة بس ياتري هتقولي ايه علي العموم أنا في انتظاره


علي فكرة يا جماعة مش أنا أحمد اللي مسح التعليق بتاعه قبل كدة

بنوتة يقول...

ايه دة
اكيد جاسوسة من عند الرجالة
انا هسأل جوزك (لما تجوزي) اذا كنت بتعملي له كدة ولا بتضحكي علينا
وكمان اعمل له شعري سيشوار ليه
ما انا بعمله سبايكي
ويا سلام لما اصحى من النوم ملاك قدامه

*البت المشمشية *حلوة بس شقية * يقول...

MǿиY El-Shreeef
اة طبعا لازم تتهمتى بنفسك امال نبقا بنات ازاى
وماماتك دة تصرف طبيعى من اى ام
نورتى يا باشا

*البت المشمشية *حلوة بس شقية * يقول...

فشكووول
ههههههههههههههه
منورنا
وكل البنات اللى هنا بيحبوك

*البت المشمشية *حلوة بس شقية * يقول...

أحمد
ههههههههههههه
ان شاء الله مراتك تهنيك وتسعدك

*البت المشمشية *حلوة بس شقية * يقول...

بنوتة
هههههههههههههه
ان شاء اله هعمل اكتر من كدة كمان
بس هو يجيى بس

مسدس صغير يقول...

انا عايز افهم حاجة اعلق ولا اتمشى؟؟
ههههههههههه
اتمشى!!!
خلاص اوك
فعلا الست لازم تتذوق لجوزها وجوزها يتزوق لزميلاته فى الشغل.
هههههههههه
معاكى حق يا مشمشية
نصايح غالية لكل المزز.
سلام
كفايه كده

*البت المشمشية *حلوة بس شقية * يقول...

مسدس صغير
هههههههههههه
يعنى انا بقول بوست للبنات
داخل بردو غلاسة
لاء اتمشا يا خفيف

adel يقول...

هههههههههه

مرة في السنة بس ليه ؟؟؟
المفروض يكون كل يوم

و بعدين ايه الصور ديه بس

هههههههههههههه

انا لو مكنتش الست ست و تصرف عليا ولا اعبرها

هههههههههههههههه

*البت المشمشية *حلوة بس شقية * يقول...

adel
هههههههههههه
صور ايه
انتا شايف صور ابيحة ولا ايه
وبعدين مين دى اساسا
اللى هترضا بيك

عاشقه الرومانسيه يقول...

حلو البوست
وهنفذه ان شاء الله
معندكيش عريس بقى اجرب فيه؟
سلف والله وهارجعه
(:

واحد من الناس يقول...

والله لو يسمعوا كلامك مش هيحصل مشاكل خالص

أساسا مين في الدنيا مراته هتعمله كل ده ويقدر يكح معاها ، ده يبقى معندوش دم يعني

بس بيتهيألي إنتي بتحلمي

هي يعني هتسيب شغل البيت والعيال وتعمله كل ده ، والا ان كانت بتشتغل كمان

عموما

يا ريت والله ، هيبقى الجواز جنه ، مش سجن


بوست رائع (كالعاده)

تحياتي

mido يقول...

كده تمام أوي :D

MaNoOoSh يقول...

والله يا بنتى عندك حق مليون فى المية
امال يعنى لو مش هى الللى هتدلعة وتقوله بحبك.. هتسيبة يعنى لزميلاتة فى الشغل يقولوله.. يارب الستات تتعظ بقى

لجين أبو الدهب يقول...

الله ينور ..

والله فى بيوت دلوقتى وستات يسدوا النفس ..

مش بنقول تعمل كل يوم حفلة ..

انما لازم تغيير من فترة لفترة ..

مرة تكتبله كلمتن حلويين فى ورقة وتحطهم فى القميص ويشوفها لما يروح الشغل ..

مرة تجيبله وردة ..

مرة تقوله النهاردة عاملين حفلة ..

وكده يعينى ..

بدل الستات اللى بتجيب الهم ونرجع نقول تجوزوا تانى ليه ..

زى العسل يامشمشية ..

شاب كــ طخين ـــــا يقول...

كح كح انادخلت غلط ولا ايه

فكرة من الزمن ده يقول...

ايه ده ايه ده
ايه الكلام الغريب العجيب ده
انتي نسيتي تكتبي حاجة
نسيتي تقولي في اخر البوست
ان اللي هاتعمل كل ده
الراجل هايلف وشه الناحية التانية ويكلم نفسه ويقول الولية باينها اتجننت ولا ايه

وبعدين مفرش دخلة ايه اللي عايزاني افرشه انشاء الله وارمي عليه ورق الورد
يعني اوسخه وابهدل الدنيا وارجع اكنس تاني واعفر بعد ماكنست واتهد حيلي طول النهار؟
وبعدين ورقة ايه اللي اكتبله عليها بحبك
ولما ياخد الورقة ويقولي تعالي هنا مين كاتب الورقة دي ومبعوته لمين اصلا وايه اللي جابها عندنا
واوعي كمان تقولي املي البانيو مية وحطي ورق الورد على وش المية واسترخي يامزة وشمعتين والجو ده لا
وبعدين طماطم ايه اللي ع الجبنة هي حتة الجبنة يضربها في الرغيف وكان الله بالسر عليم مشي حالك هو حد فاضي

اوعوا حد يسمع الكلام ده وينفزوا لما يتجوز ده بوست مغرض وعايز الرجالة يتعودوا على كده ويبقوا متعودة
لاااا يوم واحد في السنة يالهويز
وجاية على نفسك كده ليه


لا بجد بقى بوست جميل اوي وعجبني كل اللي قولتيه ومعاكي حق جدا
وطريقة عرض البوست شقية زي البت المشمشية
تحياتي

فكرة من الزمن ده يقول...

أمبارح كان عمرى عشرين
هههههههههههههههه
كح كح ايه اللي بيدخل مكان في بنات بيقول احم احم
سوري يا مشمشة بس ضحكني كلمته

فشكووول يقول...

توك على بال ما افتكرتى
الواد
صعلوك ابنى ابتدى يتصللك فى صعلوك روحى له وشجعيه
تحياتى

فشكووول يقول...

يا مشمشيه يا حلوه
انت فاهمه ان حماك فت فى الكمبيوتر والله ما بعرف حاجه وبعدين يعنى ايه حروف التأكيد ... فهمينى عند صعلوك
تحياتى

فشكووول يقول...

البوست جامد واتعلمى منه علشان ماتزهقنيش فى الجواز وبعدين ماكنتش اعرف ان دخول عالم التدوين بتدبيسه جواز ههههههههههههه
صعلوك

غير معرف يقول...

بصى يا مشمشيه...انا مستغربه انك بتدى النصايح دى!!!
من الاخر اللى ما تعملش كده كل يوم تبقا موش ست ولا ليها فى الجواز...يا اخوانا عيب...امال اتجوز ليه علشان الكنس المسح والطبيخ...طيب كان جاب خدامه ارخص.
بصو يا بنات شغل الخدامين ده موش فرض عليكى ربنا موش هيحاسبك"معلومه مؤكده من علماء دين"...ربنا هيحاسبك على اهمالك زوجك....ما تخسريش دنيا واخره يا جميله منك ليها...والنبى نصحصح وبلاش غباوه وكل واحده تاخد بالها من الغلبان اللى انيها
دمتى بخير يا مشمش وربنا يجازيكى خير عن الغلابه.

simply me يقول...

يا سلام عليكى يا مشمشيه
ده انتى مدلعاهم اوىىىى
طيب ماتنسيش بقى تقوليله يجيب لمراته وهو راجع هديه حلوه كده انشالله وردتين من الجنينه
ولما يدخل يبقى ياخد باله من الشمع والمفرش الجميل بتاع زمان
بدل مايدخل عايز ياكل ويروح ينام

*البت المشمشية *حلوة بس شقية * يقول...

عاشقه الرومانسيه
ههههههههههه
عريس سلف
كنت سلفت نفسى يختى

*البت المشمشية *حلوة بس شقية * يقول...

واحد من الناس
ههههههههههههه
لاء فيه ستات رايقه اوى
ومفيش فى دماغها غير كدة
منورنى دايما

*البت المشمشية *حلوة بس شقية * يقول...

mido
هو ايه اللى تمام

*البت المشمشية *حلوة بس شقية * يقول...

MaNoOoSh
يارب يختى يفهمو

*البت المشمشية *حلوة بس شقية * يقول...

لجين أبو الدهب
ههههههههههه
عندك حق
لو هتعمل كدة كل اربع سنين

*البت المشمشية *حلوة بس شقية * يقول...

أمبارح كان عمرى عشرين
ههههههههههههههه
هو انتا داخل حمام

*البت المشمشية *حلوة بس شقية * يقول...

فكرة من الزمن ده
ههههههههههههههههههههه
ده اتنتى اللى كلامك يستاهل يتعمل بوست لوحدو
والله انا موت من كتر الضحك
ده انتى مفترية ونكدية بقه

*البت المشمشية *حلوة بس شقية * يقول...

فكرة من الزمن ده
وضحكتنى اكتر من منك قال كح كح قال

*البت المشمشية *حلوة بس شقية * يقول...

فشكووول
هو انا اقدر اتاخر
انا روحت وسبت تعليق فعلا

*البت المشمشية *حلوة بس شقية * يقول...

فشكووول
حروف التاكيد
انا روحت وقولت هناك اهو
ولو عايز دروس فى النت ان ااديك
بخمسين جنيه بس

*البت المشمشية *حلوة بس شقية * يقول...

فشكووول
بقه انا جوازتى تدبيسة
ده ان احتة عسل والعرسان بيجرو ورايا
عموما احنا لسه ع البر

*البت المشمشية *حلوة بس شقية * يقول...

فتاه من الصعيد
هههههههه
والله يبنتى عندك حق
اللى متعملش كدة متنفعش يتقال عنها ست

*البت المشمشية *حلوة بس شقية * يقول...

Bondoka
ان شاء الله نصايحى للرجالة فىالبوست الجاى

*البت المشمشية *حلوة بس شقية * يقول...

صعلوك
اة فهمت
انتا حاطط صورة فشكول ع المدونة كمان
طيب حط صورتك عشان اللخبطة طيب
ولا انا اعرفكو منين
ولا كل واحد يبقا ليه كلمة سر ولا حاجة

فشكووول يقول...

موجود يا خطيبتى وبرد انا اقدر اتاخر عن الناس محمود
صعلوك

*البت المشمشية *حلوة بس شقية * يقول...

فشكووول
هههههههههه
الحقونى ده بيعاكسنى

فشكووول يقول...

انا عاوز اعرف انتى بتفهمى البنات وتوعيهم ولا بتحبى تحبطيهم هههههههههه
صعلوك(خطيبك) اللى مش عارف من امتى خطبتيه

*البت المشمشية *حلوة بس شقية * يقول...

فشكووول
هههههههههههههه
لا اكيد بحب اوعيهم وانصحهم عشان لما يتنيلو يتجوزو يعملو كدة
وبعدين انا خطبتك من باباك من 15 سنة
ممكن تعرف القصة كلها كاملة

اسماء عوني يقول...

هههههههههههههههههههههه
مسخره البوست ده بجد
انا فعلا مش متخيله لو هاتجوز واحد واقعدلوا في البيت زي العفريت كده
ولا حتي هو يبقي قاعد مش مهتم بنفسه
البيت زي الشارع بالظبط
زي ما قالتلي مرات ابويا كده
:)))

*البت المشمشية *حلوة بس شقية * يقول...

اسماء عوني
هههههههههههههه
مرات ابوكى عليها حكم
جامدة
منورانى يا اسوم

Soul.o0o.Whisper يقول...

مشمشتى العسووووولة

معلش يا مشمشاية غايبة عنك فترة
اعذرينى

بس البوست ايه ...
و لا كلمة

تحححححححححححححححححححفة بجد


انا الوقتى عرفت ليه فى ازمة فى الجواز فى مصر
ههههههههههههههههههههههههه





تحياتى ليكى يا قمر

NIDAAL .R يقول...

طب وليه العنصرية دى يعني بقى

المفروض الشباب يقروا علشان لما الواحدة منكم تيجي تعمل أى تصرف من دول
الواحد يعرف يعكنن عليها أزاى

سادي أنا .. مش كدة ؟
هههههههههههههههههههههههههه

هو طبعاً لا تعليق علي البوست
بس معاكي حق .. ده الواحد ساعات بيشوف مناظر تغم ياختى

ولا الأمطة ..يوووووووووووو
عارفة بتحسسك انها قاعدة في الغيط مثلاً
و المشكلة الأكبر ان الراجل جوزها مش بيكون وحش ولا حاجة
بالعكس .. ده بيكون مهتم بنفسه جداً وجايبلها كل حاجة وكل حاجة لزوم التشييك
لكن مش عارف ليه فيه ستات بتصر علي أنها تغم نفس الراجل.

بس بوست حلو يا بت أنتى يا بت

وأذا كان على بوست للولاد ... و النبى تتلهى كدة وروحى ألعبى فى الطين .. مش عايزين منك حاجة
ده انتى هتودينا في داهية .
:] D:

hasona يقول...

السلام عليكم

طيب ندخل واحنا مغمضين ولا ايه بقي

ولا الزم نطلع البطاقة واحنا داخلين ولا ايه

يعني كان لازم الخصخصة تطول مدونتك كمان

للبنات فقط

،،،،

بجد موضوع جميل قوي
ومهم لعمار البيوت التي علي وشك
ولأن الاهتمام يولد اهتمام
وأكيد الزوج مفروض انه يشوف في البيت أفضل وأحسن من اللي بيشوفه بره البيت وفي الشارع

،،،
معلش رغم تأكيداتك ان الموضوع للبنات
لكن لم تؤكدي ولم تمنعي الرجال من التعليق

ودخلنا رغم الامن اللي علي المدونة

تحياتي

Adel Mody يقول...

اسمعو كلامها يا ولية منك ليها

هههههههههههههههه

حلو اوى البوست دة

فشكووول يقول...

15 دانتى على كده اد والدتى لا شكرا مش عاوز الجوازه دى انا لسه شباب ههههههههههههه
صعلوك

AHMED SAMIR يقول...

ازيك يا مشمشية؟؟؟
ليكي حاجة عندي في المدونة
روحي شوفيها وارجعي بسرعة
ماتغيبيش
تحياااااتي

وحي القلم يقول...

حلو الموضوع
ولو انه عن البنات بس
أنا ناوي أعمل حملة ع البنات بعنوان
" يارجال العالم اتحدوا "
تقبلي مروري

غير معرف يقول...

بس النصائح دايما كأن بتشخطى فيهم .. وهم فعلا معذورين ..

الحمل كبير .. ومش سهل .. ولابد زى ماللست يكون على الراجل واجبات كمان

ده اللى منتظرينه منك فى البوست الجاى ان شاءالله

انت وعدتى

فشكووول يقول...

على فكره انا فسخت الخطوبه بتقولى لبابا المهم انت مش مهم هو زعلتينى دبلتك اهى

فشكووول يقول...

صعلوك

غير معرف يقول...

موضوع تافه جدا

وانا باعتبره اسفاف

خلاص يعني معادش موضوعات تتكلموا فيها

العرب مفيش فايدة فيهم .. مضيعين وقتهم في الكلام .. ويوم مايتكلموا يتكلموا في تفاهات وكلام فارغ

ومفروض متحذفيش تعليقي

لازم تسمعي كل الأراء حتى لو كانت معارضه لفكرك

والخلاف في الرأي لايفسد للود قضية

دمتي في ود

مامة مازن يقول...

اوكى يا بت يا مشمشية
دا انتى رايقة خالص
على فكرة زمن الامطة انتهى
دا بس انتو بيتهيئلكم
وعدين يا اختى الرقة فى البساطة
واللا ايه

كله في الكلتش يقول...

واللهِ اعرف واحد صاحبى متجوز

مراته قرت موضوع زى كدة عالنت

عملت كل حاجة زى الفل

وجات عند الورقة اللى عالمخدة

وكتب له فيها بالنص

(( كلمة حلوة أوى))

اول ما شافها خسر على نفسة مالضحك
واتكسفت هى لما بكل رومانسية فهمها
المفروض كانت تكتب اية

ودبتها خناقة معاه
واحتمال يتطلقوا كمان

وهى دلوقتى عايشة فى بيت ابوها
وهو قاعد لوحدة فى الشقة

بسبب بوست زى دة نزل موضوع فى منتدى

قلب ارهقته الاحلام يقول...

والله انتي عسل

بس شكلك داخله في منظمه ذكوريه الايام

دي والله يبنتي ده احنا ال غلابه (:

فيه ناس بيتعملها كل ده بس مش بيأثر

طبعا مش مني انا بريئة ^^

بس بيقولولي :)

تحياتي ليكي ياقمرر ع البوست الجاااامد

*البت المشمشية *حلوة بس شقية * يقول...

قلب ارهقته الاحلام
لالالا انا مش مع الرجالة خالص
هتشوفى البوست الجاى انا هكتب اية

*البت المشمشية *حلوة بس شقية * يقول...

رامى عيسى
ههههههههههه
دول بيتلككو بقه
ربنا يستر على كل الناس

*البت المشمشية *حلوة بس شقية * يقول...

مامة مازن
هههههه
وحياتك الامطة لسه موجودة

*البت المشمشية *حلوة بس شقية * يقول...

غير معرف
هههههههه
بلعكس رايك احترمو جداااا
ومش همسحو
ونورت المدونة وانك قريت الموضوع
لو شايف ان ده اسفاف ده رايك واحترمو
بس مش لازم طول الوقت اكتب عن القضية والحكومة والهم والبلاوى اللى احنا فيها عشان اكون بقدم حاجة ليها قيمة
كل الناس بتكلم عنم الحكومة والسياسة
وحاجات تانية ليها قيمة
ولما اكتب عن حاجة زى دى
وواحدة ست تعملها لجوزها
تفتكر انى ممكن اكون سبب ان بيت يبقا سعيد ليوم واحد ولا لاء
لو شايف ان ده اسفاف اشكرك
وياريت تنورنى تانى

*البت المشمشية *حلوة بس شقية * يقول...

Soul.o0o.Whisper
هههههههههه
سول
مش هينفع كدة
كل مرة تيجى متاخر

*البت المشمشية *حلوة بس شقية * يقول...

NIDAAL .R
انتا
ابقا قابلنى لو وحدة رضيت بيك على طولة لسانك دى
طيب ايه رايك بقه هكتب عن الرجالة
وهتشوف

*البت المشمشية *حلوة بس شقية * يقول...

hasona
ههههههههههههه
لاء انتا تدخل براحتك زى مانتا عايز ولا يهمك
ويارب يكون البوست ده سبب ان اى واحدة تسعد جوزها

*البت المشمشية *حلوة بس شقية * يقول...

Adel Mody
ايوة يا عادل قولهم يا خوية

*البت المشمشية *حلوة بس شقية * يقول...

فشكووول
هههههههه
هو انتا تطول ده ان اعسل وسكرة يا خوية

*البت المشمشية *حلوة بس شقية * يقول...

A.SAMIR
شوفت التاج وهحلو ان شاء الله
بس فين رايك فى البوست
ده انتا مجوز وعايزين راى الناس المتجوزين

*البت المشمشية *حلوة بس شقية * يقول...

مصعب صلاح
ربنا يستر

*البت المشمشية *حلوة بس شقية * يقول...

Sherif
مانا مش بتقل عليهم اهو بقول مرة فى السنة بس
ههههههههه

*البت المشمشية *حلوة بس شقية * يقول...

فشكووول
بقه كدة يا حسنين بترمى الدبلة فى وشى
مكنش العشا
اة طبعا باباك الاصل
وانتا الفرع
واللى ملوش خير فى حماه
مالوش خير فى الموبيل بتاعو

Magi Mostafa يقول...

لازم طبعا نهتم بنفسنا قبل الجواز وبعد الجواز عشان نفسنا اولا واخيرا
شكرا على النصايح

*البت المشمشية *حلوة بس شقية * يقول...

magy
نورتى يا جميل

micheal يقول...

ههههههههههههههههههههههههههههه..لأ ..مستني بوست الولاد
أنتي مالكيش حل
:)

شيماء جمال(شيمو القمر) يقول...

وااااااااااااااااااااو
ايه الكلام الجامد ده

بس نجوز يا ختى الاول وبعد كده هنعملوله كل ده وبصفاء نية والله

بس ممكن تعملى كل ده ويجى يقولك انا تعبان وينام وتبقى مصيبة

ههههههههههه
تحياتى
شيمو القمر

Hanan Elshafey يقول...

مشمشه
ايه الروقااااااان ده كله
الله يسهله ياستي
يابخته
مش بنقروا ولا حاجه يعني
بوست حلو
مت من الضحك
ده غلبااااااااااان

مواطن مصري يقول...

طب لية العنصرية دي ع العموم انا داخل اسلم

رئـيس التحـرير يقول...

السلام عليكم
لو ينفع حضرتك تبعتيلي ميل على بريد المجلة عشان أعرف أتواصل معاكي ضروري دلوقتي اذا أمكن
ibrahemaladawy@gmail.com
منتظر

*البت المشمشية *حلوة بس شقية * يقول...

رئـيس التحـرير
الاميل اهو
بس خير فيه حاجة
princess_shemoo6@yahoo.com

*البت المشمشية *حلوة بس شقية * يقول...

micheal

خليك مستنى بقه بقه بس برة مش هنا

*البت المشمشية *حلوة بس شقية * يقول...

شيماء جمال
منورانى دايما ياشوشو

*البت المشمشية *حلوة بس شقية * يقول...

حنان الشافعي
هتقرى على ايه يختى
بس هو يجى بس

*البت المشمشية *حلوة بس شقية * يقول...

مواطن مصري
الله يسلمك نورت

MǿиY El-Shreef يقول...

اتفضلي ياقمره

mony_616@yahoo.com

mwa

قلم رصاص يقول...

انا جي اسجل حضور فقط

مش هعرف اعلق لأني مبفهمش في الحاجات دي

هههههههههههههه

في حفظ الله

كيكى عوووووو يقول...

ابقى اعملى برنامج بالمرة
وسمى**نصائح ابلة شوشو**
عووووووووووووووووووو

bos bos يقول...

والله كلام ميه ميه وياريت الكل يعمله

بس بجد ضحكتينى موووووووووت طريقتك لذيذة قوى

احلام جوليا يقول...

موتيني من الضحك ورغم اني شايفة ان عندك حق طبعا في كل الي قلتيه بس حبيبتي بما انك مش متجوزة اسمحي لي اقول لك ان مش كل الستات تقدر تعمل الي بتقوليه اعذريهم يعني انا مثلا اقدر لان عندي حد يساعدني بالبيت بس غيري لا يعني تخيلي نفسك كده معك 4 عيال وبتشتغلي ورجعة البيت مع زوجك من اشعالكم والمفروض تحطي الاكل وتغسلي المواعين وتذاكري لاولادك وتطبخي اكل تاني يوم وانت مبتسمة واوعي تنسي الابتسامة لحسن يقولوا عنك نكدية وكمان يا حبيبتي اوعي تنسي كباية الشاي بعد الغدا وكل خمس دقايق حيناديك علشان تبعدي عنه العيال الي هم عيالك وطبعا العيال مبيقصوروش لك دقيقتين بينادوك ياما علشان يشتكوا من بعض يا ما علشان عاوزين حاجة كل ده وبعد ما بتخلصي ويكون المغرب اذن عليك تجري علشان تلبسي وتنظفي وتستحمي وتتذوقي للغلبان تروحي تلاقية خخخخخخخخخخخخخخخخخخخخخخخ مشغل مزيكة الشخير العالمية ولو قلتي له يا حبيبي يقول لك يا وليه انا تعبان وعاوز انام خدي الباب معك وانت طالعة بس للاسف الواقع ده مش بيبينوه في التليفزيون والافلام مش بيبان الا نص الايه بس شكلها هي وهي رابطة الطرحة ولابسة الجلابية مسكينة والله الست المصرية وبكرة نشوفك يا حلوة لما تتزوجي

NIDAAL .R يقول...

يا بنتى أنا بقول الحق
شكلك عاملة زى الحكومة ..
الى بيقول الحق عندهم يبقى طويل اللسان
يا بنتى انتى لو كتبتى بوست للرجالة هتوديهم فى داهية ... بلاش

بلاش أرجوكى .. هلمك منهم تبرعات بس ارجوكى بلاش

دول آخر الرجال الى على وجه الأرض ومش عايزهم ينقرضوا .

ومين قالك اصلاً أني هتجوز من الأساس
!!!!
:]

Soma يقول...

جميل البوست يا مشمشه
الدلع حلو بردو وانا بحب اكون حلوه لنفسي علي فكره مش لحد واكيد لما ارتبط هبقي احلي اكتر عشان الحب بينور القلب,
والغلبان ده كمان لازم يهتم بنفسه برضو ولا ايه؟!!

mohamed ibrahim يقول...

بوست جامد جدا جدا
بس مين بقي يعمل باللي فيه

تحياتي
محمد

Yasmine Adel Fouad يقول...

انا هتجوز ان شاء الله كمان شهر و نص ايه ده الايام بتجرى يا جدعان ، عموماً نصايحك ف بالى انا كمان مش مؤمنة بالمرأة المتبهدلة و بغض النظر عن ان فيه راجل جاى يشوف خلقتها و يملّى نفسه بجمالها فهى لازم تكون نضيفه

امى بتقولى ان النضيف نضيف من و هو ف يت اهله مش لما يتجوز عشان كده ربنا يستر :)

رنونة حكومة ميخو يقول...

ههههههههههههههههه
عسل والله يا مشمشية
وحياتك عملت كل ده و برده سافر وسابني وبعد اسبوعين من الجواز
أعاااااااااااااااااااااااااااااااا
جوزي وحشني قوي